17/03/2024
【 父母如何幫小朋友檢查寒背(kyphosis)及頭向前傾 (烏龜頸Forward head Posture)】
寒背同頭向前傾係好常見嘅脊骨神經科疾病之一，通常出現喺小朋友或返office嘅成人身上，而主要原因係因讀書或用電腦造成嘅長期姿勢不良。學習佔咗小朋友嘅生活大部分時間，而且隨著社會趨勢同科技嘅發展，好多小朋友一出世已經玩手機，有部分小學甚至用iPad上堂，加上疫情期間須要改為上網課，大部分小朋友都習慣用電子器材多過書本溫書。長期維持頭部向下望嘅姿勢，久而久之就會引致頸椎唔啱位，形成頭部向前傾，甚至寒背同盤骨前傾(Anterior Pelvic Tilt)。
寒背看似唔嚴重，而且通常唔會覺得唔舒服，所以好多人都忽視寒背嘅問題，而小朋友自己就更難察覺到身體嘅異常，長久而言會影響外觀同身體嘅成長，甚至影響小朋友嘅自信心，因此父母喺維持小朋友嘅健康體態上擔當住好重要嘅角色。
父母要點幫小朋友檢查頭部前傾、寒背同盤骨前傾？其實喺屋企就可以簡單做到，首先叫小朋友向前望，雙腳打開同膊頭一樣寬度站立，記住要叫小朋友放鬆整個人，尤其係膊頭至後背嘅肌肉，因為人嘅姿勢可以靠肌肉嘅拉扯而作出短暫嘅改變，但係呢種姿勢最多只可以維持1至2小時，唔會持久，所以小朋友要以放鬆嘅狀態做測試先可以有更準確嘅結果。
父母就喺小朋友嘅側面觀察以下幾點：
1️⃣ 耳珠同膊頭：
觀察耳珠同膊頭係咪呈一直線，若耳珠喺膊頭前面，代表小朋友嘅頭部前傾，有俗稱「烏龜頸」嘅情況。
2️⃣ 膊頭同盤骨：
從側面觀察膊頭同盤骨係咪呈一直線，若膊頭比盤骨較後，代表小朋友可能有寒背嘅問題。為進一步檢查，父母可以用手沿著脊骨掃落去，若感覺到喺胸椎位置明顯向後凸起嘅曲線或呈C字型，代表小朋友寒背嘅問題可能比較嚴重。
3️⃣ 盤骨同膝蓋：
觀察盤骨同膝蓋係咪呈一直線，若盤骨比膝蓋較前，代表小朋友有盤骨前傾嘅情況。
因為青春期嘅小朋友身體骨骼發育中，所以一般惡化嘅速度會比成年人快。家長千祈唔好忽視，要把握青春期完結前嘅矯正脊椎同盤骨黄金期。萬一錯過咗就會因脊椎逐漸成形、緊硬，增加矯正寒背、頭部前傾、盤骨前傾嘅難度，影響小朋友嘅體態發展。
脊骨神經科醫生建議，若父母發現小朋友有上述嘅問題，就須要立刻求診，要及早發現同治療以避免情況惡化，改善小朋友嘅體態同生活。
-----------------------------------------------
Dr. Spine Scoliosis and Pain Center
脊椎側彎及痛症中心
歡迎查詢及預約看症：
☎️電話查詢：23682912
📲WhatsApp 預約及痛症治療查詢：94544949 / https://wa.me/85294544949
⏰營業時間：
星期一至五 Mon - Fri
10:30am - 1:30pm
3:30pm - 8:00pm
星期六 Sat
10:30am - 1:00pm
2:00pm - 5:00pm
（星期日及公眾假期休息）
🏥診所地址：
香港皇后大道西427-437號生昌大廈地下
E舖（香港大學站B2出口）
Shop E, G/F, Sang Cheong Building, 427-437 Queen’s Road West, Hong Kong.
(Exit B2, MTR HKU station)
#香港 #脊醫 #痛症 #痛症治療 #舒緩痛症 #脊椎側彎及痛症中心 #香港註冊脊醫 #專業治療痛症 #坐骨神經痛 #椎間盤突出 #長短腳 #手腳麻痺 #黏連性肩關節囊炎 #五十肩 #脊椎側彎 #寒背 #骨骼矯正 #腰痛 #背痛 #腰椎牽引 #脊椎錯位 #肌肉繃緊 #盤骨高低 #盆骨前傾 #烏龜頸
