貓主and靈長目奴之有聊生活

02/07/2020

乾杯貓糧，食飽又瞓

15/06/2020

「黑貓仔，白貓仔，我家的黃貓露肚腩仔。」

不過呢，作為無毛的人類，開住冷氣千祈唔好露個肚腩出黎喔！

06/06/2020

TGIF, 又到周末又係月頭又可以大魚大肉了。
作為奴才嘅你地飲食就要小心謹慎，定時定量，細嚼慢吞。我知榴槤芒果當造，放題buffet好正，不過幫我梳毛剷屎先係你地嘅職責。

你地病咗d 野我揾邊個做呀？！

19/05/2020

07/05/2020

有種失眠真係好令人反白眼，就係明明好想訓，一上床就鬼打咁精神。無論失眠表現係點都只係身體陰陽失衡既一個徵兆。搵到邊樣野「虛」左或「實」左就可以對症下藥了。
有d失眠病人佢地條脷又白又厚又反光又牙齒印，再摸脈同問埋病史，真係估你唔到其實可能同腸胃有關。咁喱個時候究竟要開咩藥呢?補氣升陽既「補中益氣湯」、行氣化痰既「溫膽湯」、益氣和胃既「甘草瀉心湯」、消滯既「保和丸」抑或其他方藥呢?喱樣野就要睇具體既「標」，即係臨床表現啦。

#貓 #貓痴 #貓奴 #香港貓奴 #香港貓 #中醫 #中藥 #香港中醫 #失眠

04/05/2020

夠鐘瞓教~喵~

04/05/2020

關於失眠既成因好多，有可能係時差、壓力、情緒、年紀等。坊間有好多醫失眠既中成藥，其中一隻咪就係農X方既「失眠沖濟」，其實即係「酸棗仁湯」，知道好多人都有食佢。不過咁，今日介紹既唔係佢，而係一隻叫「天王補心丹」既安神方。

「天王補心丹」係出自元朝既《世醫得效方》，主要醫用腦過度、無記性、焦慮、失眠等問題。如果見到條脷噌噌又無乜苔，加上又有熱氣，就可以考慮用佢了。我對喱條方既印象深刻其實除左佢既神效，重有佢個名。《醫方集解》就解釋左點解有個咁霸氣既名：「終南宣律師課誦勞心，夢天王授以此方，故名」。唔講唔知，佢重有一個更加長更加型棍既名：「毘沙門天王奉宣和尚神妙補心丸方」，喱個名記載係更加久遠既《敦煌殘卷》，方藥組成差唔多，算係「天王補心丹」既元祖方吧~

#貓 #貓痴 #貓奴 #香港貓 #香港貓奴 #中醫 #中藥 #香港中醫 #失眠 #不寐 #天王補心丹 #毘沙門天王奉宣和尚神妙補心丸方

03/05/2020

主：喂，你見哩排咁好天就躝街唔理人，有毛有翼啦，唔會再睬你架啦。
奴：冤枉呀主人，我出街都係為咗你有個寧靜安逸嘅瞓教環境咋。
主：嘩，原來係慈母，真係用心良苦啦，多謝晒。

我知大家都知瞓覺好很重要，不過好多人都瞓唔好，乜解究呢？等我瞓醒再講。

28/04/2020

勤洗手，勿做幕後黑手

前排聽到段歷史關於一名19世紀40年代嘅匈牙利醫生Ignaz Semmelweis教人洗手嘅古仔。不過呢，當時無乜人信佢，甚至有人排擠佢，好很可憐。

咁舊時中國又興唔興洗手呢？《禮記》：「凡洗必盥(gun3) 」「雞初鳴，咸盥漱」。「盥」即係解洗手，而「盥」的象形字就好似兩隻手下面有個接水嘅器皿。講返近d, 清代都有一本兒童讀物《弟子規》，裡頭有一句：「晨必盥，兼漱口；便溺回，輒凈手。」可見在清代，勤洗手係細蚊仔從小要養成嘅良好習慣。

26/04/2020

愛，無分種族。但中藥就有分種族。

雖然同樣叫「參」，但係黎自唔同科屬喔：
人參：五加科，大補元氣，補脾益肺。
黨參：桔梗科，健脾益氣。
太子參：石竹科，益氣生津。
花旗參：五加科，補氣養陰。
北沙參：傘形科，養陰生津。
南沙參：桔梗科，清肺去痰。
丹參：唇形科，活血涼血。
紫參：茜草科，又名「石見穿」，清熱解毒，活血理氣。
玄參：玄參科，清熱滋陰，涼血解毒。
苦參：豆科，清熱燥濕。

當醫生叫你唔好食「參」，就要問清楚係邊隻「參」了。

#貓 #貓奴 #貓痴 #香港貓 #香港貓痴 #中醫 #中藥 #人參 #黨參 #太子參 #花旗參 #北沙參 #南沙參 #丹參 #紫參 #苦參 #玄參

26/04/2020

為咗上床陪瞓，幾咁鍥而不捨

26/04/2020

為咗陪瞓，幾咁鍥而不捨。