日行者合作工作室 Sol-walker Collab Studio

日行者合作工作室 Sol-walker Collab Studio 日行者Sol-Walker由香港土生土長並擁有專業資格的音樂治療師、言語治療師、藝術家及瑜伽導師組成，為個人、家庭、學校、醫院、社福機構及公司等提供音樂治療、言語治療等服務。

（圖片來源： 香港大學言語及聽覺診所 HKU Speech, Language and Hearing Clinic )【🎙️HKU專業發展日(5月22日）🏫】Sunny Sir將會喺嚟緊5月22日（星期五），擔任香港大學言語及聽覺診所「專...
29/04/2026

（圖片來源： 香港大學言語及聽覺診所 HKU Speech, Language and Hearing Clinic )
【🎙️HKU專業發展日(5月22日）🏫】

Sunny Sir將會喺嚟緊5月22日（星期五），擔任香港大學言語及聽覺診所「專業發展日」嘅其中一位講者👏🏻Sunny嘅主講題目係我哋上一期介紹過嘅研究：《「這是我們的天空」：探討香港讀寫障礙青少年以小組歌曲創作分享的生活經驗》。當日仲有好幾位講者分享治療及教育經驗，有興趣嘅同工朋友，歡迎透過以下連結報名參加✍🏻

今次係繼畢業之後Sunny Sir再次返到母校HKU演講，佢仲記得上次係以言語治療學士身分進行口頭匯報，當時嘅佢係分享大學時期作嘅兒歌🪇估唔到事隔11年已經係全新嘅身份返去分享，真係百感交集🥰希望當日同各位同工多多交流，尋找言語治療同音樂治療進一步嘅合作空間💪🏻

🏫香港大學言語及聽覺診所「專業發展日」�🔖Advancing Clinical Practice and Education Using Innovations�🗓️日期：22/5/2026（星期五）�🕐時間：1:30pm - 5:20pm
📍地點：香港大學黃麗松講堂
🔗網上報名：https://forms.office.com/r/L9CD8hbEQp

—--------------------------------------
☀️日行者合作工作室
☎️查詢電話：56427192 (徐小姐)

#香港大學言語及聽覺診所 #香港大學 #言語治療 #音樂治療 #治療分享

【📑研究分享：這是我們的天空：探討香港讀寫障礙青少年以小組歌曲創作分享的生活經驗🥁🎧】為響應「世界音樂治療週」(World Music Therapy Week)，今次我哋會同大家分享吓Sunny Sir PhD其中一個研究📑：《這是我們的...
15/04/2026

【📑研究分享：這是我們的天空：探討香港讀寫障礙青少年以小組歌曲創作分享的生活經驗🥁🎧】

為響應「世界音樂治療週」(World Music Therapy Week)，今次我哋會同大家分享吓Sunny Sir PhD其中一個研究📑：《這是我們的天空：探討香港讀寫障礙青少年以小組歌曲創作分享的生活經驗》。呢個都係香港＋廣東話第一個讀寫障礙X音樂治療X廣東話歌曲創作嘅研究，可以睇到用廣東話做音樂治療嘅獨特之處！

Sunny以小組歌曲創作工作坊嘅形式，協助10位有讀寫障礙嘅青少年作曲作詞✍🏻分享佢哋日常感受同困難。作曲同作詞一啲都唔容易，所以項目好有挑戰性🧐但參加者喺過程中得到表達自我同展現能力嘅機會，亦令佢哋有所得著☺️同時歌曲亦可以令未了解嘅朋友對讀寫障礙有正確認知，可見音樂治療的確有佢嘅作用啊🤓Click入圖片睇睇更多研究詳情同參加者嘅得著，或者會令你更加理解讀寫障礙呢💭

有興趣閱讀原文嘅朋友，歡迎DM我哋，頭50人免費可以睇到㗎！

—--------------------------------------
☀️日行者合作工作室
☎️查詢電話：56427192 (徐小姐)

#音樂治療 #研究論文 #廣東話 #讀寫障礙

【🇭🇰廣東話：🗣️口語 VS 書面語✍🏻】近年電影有個笑話：「10分鐘係三個字喎，點會係兩個字🤨？」正正道出咗廣東話獨有嘅俚語精粹😆香港人口講廣東話，但手寫漢語書面語，而且隨時對譯，哩項技能由小學開始培養，真係好犀利呀🤩咁如果想小朋友學好口...
25/03/2026

【🇭🇰廣東話：🗣️口語 VS 書面語✍🏻】

近年電影有個笑話：「10分鐘係三個字喎，點會係兩個字🤨？」正正道出咗廣東話獨有嘅俚語精粹😆香港人口講廣東話，但手寫漢語書面語，而且隨時對譯，哩項技能由小學開始培養，真係好犀利呀🤩咁如果想小朋友學好口語同書面語翻譯，又要注意廣東話嘅邊啲特點呢？今集我哋就簡單介紹吓俾大家知！

香港人喺唔同場合活用口語同書面語，既可增加親切感，同時方便同各地華人溝通🔁小朋友認識廣東話同書面語特點，可以令佢哋更有效率地學習翻譯，而且仲可以玩吓小遊戲增強記憶同轉換速度📈而家就click入圖片睇睇啦～

#廣東話 #口語 #書面語 #言語治療 #語言學習

【🇭🇰廣東話：形、音、義🎯學習法】大部分香港人第一個學習嘅語言係廣東話，咁點樣可以有效地教導小朋友學習廣東話呢？我哋哩個廣東話系列，係專為廣東話學習者而設🇭🇰希望以言語治療嘅角度，同大家拆解如何結合廣東話特色，有效咁教導小朋友以廣東話學習中...
10/03/2026

【🇭🇰廣東話：形、音、義🎯學習法】

大部分香港人第一個學習嘅語言係廣東話，咁點樣可以有效地教導小朋友學習廣東話呢？我哋哩個廣東話系列，係專為廣東話學習者而設🇭🇰希望以言語治療嘅角度，同大家拆解如何結合廣東話特色，有效咁教導小朋友以廣東話學習中文🉐今次我哋由廣東話最基本嘅漢字形、音、義開始講起🤓

廣東話所用嘅文字係漢字，所以漢字嘅特色用廣東話讀都一樣適用！如果想小朋友有效地學習中文，使用圖像、拆解漢字，再結合多感官刺激，係比較常見嘅做法👂🏻👀想知點做，就click入圖片睇睇啦！記住任何學習法都需要持之以恆，大腦先會建立長期記憶㗎🧠

—--------------------------------------
☀️日行者合作工作室
☎️查詢電話：56427192 (徐小姐)

#廣東話 #學習法 #言語治療 #形音義 #中文學習

【👨🏻‍🎓PhD畢業研討會回顧💻】馬年快樂！㊗️大家馬年富足，龍馬精神🌸我哋嘅Sunny Sir亦返咗嚟香港啦，歡迎歡迎👏🏻今次，我哋為大家帶來月初Sunny Sir嘅PhD研討會回顧！2月初，Sunny喺澳洲墨爾本舉行佢嘅PhD Comp...
24/02/2026

【👨🏻‍🎓PhD畢業研討會回顧💻】

馬年快樂！㊗️大家馬年富足，龍馬精神🌸我哋嘅Sunny Sir亦返咗嚟香港啦，歡迎歡迎👏🏻今次，我哋為大家帶來月初Sunny Sir嘅PhD研討會回顧！2月初，Sunny喺澳洲墨爾本舉行佢嘅PhD Completion Seminar，以「這是我們的天空」為題，分享香港嘅音樂治療師以及讀寫障礙青少年如何理解廣東話治療性歌曲創作📑

研討會線上線下參與人數超過125位🙇🏻而且大家反應熱烈，全程投入，Sunny都好感動，喺哩度再次多謝大家！有興趣嘅朋友，可以click入圖片睇返當日嘅花絮、相片同Sunny嘅感想㗎🔎 返嚟香港Sunny目前正努力完成畢業論文，完成咗就開始著手新計劃啦，大家stay tuned😎

—--------------------------------------
☀️日行者合作工作室
☎️查詢電話：56427192 (徐小姐)

#音樂治療 #博士學位 #線上研討會 #墨爾本大學

【🧧馬年新春手工樂🐴】馬年就快到，大家準備好辦年貨同裝飾屋企未呢？😁每年我哋都會推介一啲農曆年小遊戲或者小手工俾大家，鼓勵大家親子共樂，順便提升小朋友嘅各項語言能力，寓學習於娛樂🤓今次我哋推介嘅親子手工，叫「躍馬奔騰擺件」，佢係一匹可以搖動...
06/02/2026

【🧧馬年新春手工樂🐴】

馬年就快到，大家準備好辦年貨同裝飾屋企未呢？😁每年我哋都會推介一啲農曆年小遊戲或者小手工俾大家，鼓勵大家親子共樂，順便提升小朋友嘅各項語言能力，寓學習於娛樂🤓

今次我哋推介嘅親子手工，叫「躍馬奔騰擺件」，佢係一匹可以搖動嘅小馬，馬不停蹄咁奔馳🐎！大家可以幫佢改其他同馬相關嘅名字，或者創作獨特嘅馬年祝賀語，貼喺擺件上㊗️而且材料仲係屋企就輕易搵到，仲唔快啲撳入圖片睇吓點整？記住睇到最尾一頁，先知道過程中可以培養小朋友邊方面嘅能力㗎🎯

最後，日行者仝人喺哩度提早祝大家：馬年健康平安，馬到功成！🌸

—--------------------------------------
☀️日行者合作工作室
☎️查詢電話：56427192 (徐小姐)

#新春手作 #親子手作 #馬年 #手工 #農曆新年

【🇦🇺🐨音樂治療PhD畢業研討會👨🏻‍🎓】Sunny Sir喺澳洲攻讀音樂治療PhD半年，嚟緊2月3日星期二香港時間12:30-14:00將會喺墨爾本舉行博士畢業研討會👨🏻‍💻歡迎大家到時線上ZOOM參加！🤓佢嘅研究主題為《從香港音樂治療師...
23/01/2026

【🇦🇺🐨音樂治療PhD畢業研討會👨🏻‍🎓】

Sunny Sir喺澳洲攻讀音樂治療PhD半年，嚟緊2月3日星期二香港時間12:30-14:00將會喺墨爾本舉行博士畢業研討會👨🏻‍💻歡迎大家到時線上ZOOM參加！🤓

佢嘅研究主題為《從香港音樂治療師及讀寫障礙青少年角度 理解廣東話嘅治療性歌曲創作》🎓到時亦會分享今次讀書嘅經歷同啟發🎒而我哋今次亦整理咗攻博旅程嘅相片，包括佢讀書以外到處遊歷嘅點滴，放喺圖片度俾大家睇👆🏻有興趣參加畢業研討會嘅朋友，歡迎DM我哋或者Sunny Sir IG .musicxspeech 索取當日seminar嘅ZOOM連結，一齊見證佢攻博之旅一個重要里程碑啦⭐️

—--------------------------------------
☀️日行者合作工作室
☎️查詢電話：56427192 (徐小姐)

#音樂治療 #音樂治療師 #澳洲留學 #畢業

【🌟2026年第一彈！言語X音樂治療師主理繪本《Oh! 農場》正式發售！📒】各位新年快樂！祝大家新一年步步高陞、家庭和睦！新年有個好消息帶俾大家：我哋嘅言語治療師及音樂治療師Sunny Sir & Kay姑娘 ，共同撰寫嘅故事書《Oh! ...
02/01/2026

【🌟2026年第一彈！言語X音樂治療師主理繪本《Oh! 農場》正式發售！📒】

各位新年快樂！祝大家新一年步步高陞、家庭和睦！新年有個好消息帶俾大家：我哋嘅言語治療師及音樂治療師Sunny Sir & Kay姑娘 ，共同撰寫嘅故事書《Oh! 農場》現正發售啦😁之前預售期反應熱烈，好多謝大家支持～🥰另外，特別鳴謝插畫師Jocelyn .wat.illustration 同印刷商，有佢哋先有我哋手上哩本圖畫、包裝都咁精美嘅成品😍

最重要當然係多謝Kay姑娘邀請，大家先可以創作一本咁有意義嘅故事書🫶🏻故事書除咗為小朋友提供樂趣之外，亦特意加上俾家長睇嘅教學指引，等家長們同小朋友共讀時，發揮寓學習於娛樂嘅正面效果📈希望日後會有更多機會喺唔同平台分享《Oh! 農場》同更多講故事嘅技巧，亦希望佢為大人細路都帶來歡樂！🏠

更多關於《Oh! 農場》嘅特色、創作過程同感想，可以睇返哩個post嘅圖片分享🔎有興趣購買《Oh! 農場》嘅朋友，請參考以下步驟👇🏻記得follow埋企劃IG: .storytime.hk 啊！希望哩個企劃可以延續落去啦☺️

購買步驟：
✍🏻 填妥 Google Form
💳 透過 FPS / 銀行轉賬付款
⁠🧾 Upload轉賬記錄到Google Form
⁠📮 團隊核對訂單後，會安排寄出

Google Form:
https://forms.gle/t46XEJbYC6jwx1Kr6

溫馨提示：
⭐️ 提交google form後請留意電郵確認
⭐️ 寄出後，團隊會WhatsApp 發送運單資料給你。如果一星期後還沒收到訊息，請聯絡 .storytime.hk團隊
⭐️ 留意順豐快遞通知，按時取件

——————————————
☀️日行者合作工作室
☎️查詢電話：56427192 (徐小姐)

#言語治療 #音樂治療 #親子資訊 #幼兒教育 #育兒分享

【🎶 IVE音樂治療工作坊圓滿結束！ 👶🏻】今年係我哋日行者第三年受到香港專業教育學(IVE)嘅邀請，為佢哋幼兒教育學系嘅學生舉辦音樂治療體驗工作坊🪇今次嘅工作坊由音樂治療師Tiffany伍姑娘主講，同學生們分享音樂治療與幼兒發展嘅關係👦🏻...
21/12/2025

【🎶 IVE音樂治療工作坊圓滿結束！ 👶🏻】

今年係我哋日行者第三年受到香港專業教育學(IVE)嘅邀請，為佢哋幼兒教育學系嘅學生舉辦音樂治療體驗工作坊🪇今次嘅工作坊由音樂治療師Tiffany伍姑娘主講，同學生們分享音樂治療與幼兒發展嘅關係👦🏻

想知伍姑娘分享咗咩內容同佢嘅治療感想，歡迎大家click入圖片睇吓👆🏻希望哩啲知識能幫助未來嘅幼教老師們，為孩子帶來更多歡樂與成長🩵

——————————————
☀️日行者合作工作室
☎️查詢電話：56427192 (徐小姐)

#音樂治療 #幼兒教育 #兒童發展 #工作坊心得 #教育分享

【💬失語症 - 言語及音樂治療🎯】「話在心裡口難開」哩個情況不單止係形容難以講出口嘅說話，用嚟形容「失語症」嘅症狀，或者都同樣貼切💭失語症常見中過風或受過腦部創傷嘅人士，佢哋嘅智力並無受損，但腦入面嘅語言傳遞功能可能會受影響，令到佢哋想講都...
08/12/2025

【💬失語症 - 言語及音樂治療🎯】

「話在心裡口難開」哩個情況不單止係形容難以講出口嘅說話，用嚟形容「失語症」嘅症狀，或者都同樣貼切💭失語症常見中過風或受過腦部創傷嘅人士，佢哋嘅智力並無受損，但腦入面嘅語言傳遞功能可能會受影響，令到佢哋想講都講唔出口🤐

失語症通常係透過言語治療去改善，而音樂治療亦係非常好嘅輔助治療🎯今次我哋就講解吓常見嘅言語同音樂治療方法，希望讓大家多啲了解哩個情況。如果身邊有親友患上失語症，記住鼓勵佢早啲接受治療呀，及早治療可以令患者回復大部分嘅語言能力㗎🩵想知多啲，就睇睇我哋嘅圖片解說啦！

——————————————
☀️日行者合作工作室
☎️查詢電話：56427192 (徐小姐)

#言語治療 #言語治療師 #語言治療 #音樂治療 #音樂治療師 #園藝治療 #育兒 #香港媽媽 #親子日常 #親子活動 #親子資訊 #幼兒教育 #育兒分享 #中風 #失語症 #老年照護 #表達困難 #理解困難

【📊AMTA 2025座談會 - 研究成果分享🎙️】Sunny Sir喺10月18號完成咗佢第一次喺澳洲音樂治療師協會(ATMA）2025座談會嘅分享啦☺️🙏🏻再次多謝主辦單位選中Sunny嘅研究，亦感邀參加分享會嘅治療師朋友，尤其係日行者...
15/11/2025

【📊AMTA 2025座談會 - 研究成果分享🎙️】

Sunny Sir喺10月18號完成咗佢第一次喺澳洲音樂治療師協會(ATMA）2025座談會嘅分享啦☺️🙏🏻再次多謝主辦單位選中Sunny嘅研究，亦感邀參加分享會嘅治療師朋友，尤其係日行者嘅兩位治療師Stephanie同Phil都有飛往墨爾本出席座談會，哩次交流的確係一個令人享受嘅體驗🤩

今次分享嘅主題係針對香港本土以及廣東話對治療性詞曲創作嘅研究（詳見9月12日帖文）🇭🇰，吸引台下唔少香港治療師前來參加，原來澳洲都有好多香港音樂治療師執業呢！另外，亦有來自世界各地嘅治療師參與座談會，大家交流咗最新嘅治療方式，實在獲益匪淺💡

嚟緊Sunny將會有2個新項目出版，詳情稍後公布，大家記住留意我哋嘅最新消息啦‼️撳入圖片睇更多ATMA座談會詳情及花絮啦🔎

——————————————
☀️日行者合作工作室
☎️查詢電話：56427192 (徐小姐)

#言語治療 #言語治療師 #語言治療 #音樂治療 #音樂治療師 #園藝治療 #育兒 #香港媽媽 #親子日常 #親子活動 #親子資訊 #幼兒教育 #育兒分享 #澳洲音樂治療師協會 #研究成果 #研究分享 #治療性詞曲創作 #香港研究 #座談會 #墨爾本 #澳洲

【🏫浸大音樂治療減壓工作坊🧘🏻‍♀️】好榮幸連續三年收到香港浸會大學嘅邀請，我哋日行者喺上2星期再次幫手舉辦音樂治療工作坊☺️今年嘅主題係減壓，2位治療師Ican同Joanna帶領浸大同學仔透過唔同嘅音樂體驗活動，認識音樂治療同埋放鬆減壓🎹...
27/10/2025

【🏫浸大音樂治療減壓工作坊🧘🏻‍♀️】

好榮幸連續三年收到香港浸會大學嘅邀請，我哋日行者喺上2星期再次幫手舉辦音樂治療工作坊☺️今年嘅主題係減壓，2位治療師Ican同Joanna帶領浸大同學仔透過唔同嘅音樂體驗活動，認識音樂治療同埋放鬆減壓🎹想知佢哋玩咗啲咩活動？咁就要撳入去圖片度睇睇啦👆🏻

工作坊結束時，每位同學仔手上都拎住一幅屬於佢哋嘅生命之樹🌳哩棵樹係象徵佢哋生命中重要嘅事物，俾佢哋一個沉澱嘅時間，反思生命中嘅大小事🩵見到同學仔咁投入，2位治療師都好開心呀，希望下年有機會再為浸大同學服務👏🏻

——————————————
☀️日行者合作工作室
☎️查詢電話：56427192 (徐小姐)

#言語治療 #言語治療師 #語言治療 #音樂治療 #音樂治療師 #園藝治療 #育兒 #香港媽媽 #親子日常 #親子活動 #親子資訊 #幼兒教育 #育兒分享 #減壓 #浸大 #香港浸會大學 #音樂治療工作坊 #工作坊 #外展服務

Address

新界屯門杯渡路99號99 Commons 720室
Hong Kong

Opening Hours

Monday 10:00 - 21:00
Tuesday 10:00 - 21:00
Wednesday 10:00 - 21:00
Thursday 10:00 - 21:00
Friday 10:00 - 21:00
Saturday 10:00 - 21:00
Sunday 10:00 - 21:00

Telephone

+85256427192

Website

Alerts

Be the first to know and let us send you an email when 日行者合作工作室 Sol-walker Collab Studio posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to 日行者合作工作室 Sol-walker Collab Studio:

Shortcuts

Share

Category