11/01/2025
無限delay 回顧2024系列
《動態神經肌肉穩定術-脊柱側彎專題 DNS Skills Course on Scoliosis》
脊柱側彎係一個好常見出現係青春期嘅脊椎變化，諗番以前自己細個去做學童保健檢查嘅時候都有俾診斷過有脊柱側彎，但最後因為細個缺乏知識所以都冇理過佢。一啲先天嘅脊柱側彎好多時候人體都會有機制去適應佢嘅唔對稱，所以都未必需要刻意去「矯正」個人。唔好俾太多嘅流量圖去嚇親自己，即刻將自己問題賴晒落去脊柱側彎到。
有好多人都會以為脊柱側彎就係向住左右曲埋左，咁去伸展緊嘅一側肌肉然後強化弱嘅另一則肌肉就搞掂，但現實脊柱側彎係三個平面嘅變化，需要先將脊椎延長，想像好似一條卷埋一舊嘅拉麵咁，所有拉長脊椎嘅野都會製造番空間俾壓縮嘅脊椎，加上平衡番矢狀面、額狀面、水平面嘅脊椎，配合埋肋骨同盆骨對位，先可以扭番開脊椎。
唔好幻想啪一啪骨就啪正條脊椎仲要一勞永逸，想要改善佢嘅形態有需要長期嘅運動去維持，所以學番點樣自己用運動去保養都係好緊要。
Special thanks to Petra 教導，之前上完DNS A&B 覺得有不足嘅位，都係skill course 釐清🙌🏻
#物理治療 #痛症治療 #運動 #脊柱側彎
