泰極星食品公司

泰極星食品公司 Contact information, map and directions, contact form, opening hours, services, ratings, photos, videos and announcements from 泰極星食品公司, 火炭國際工業中心, Hong Kong.
(2)

70後，一個著重老香港歷史痕跡，還原最實際平民飲食文化質感的土生土長香港人。
有泰國當地註冊公司，出產最頂級金枕頭地段羅勇，擁有廣闊榴槤園。

在香港食物製造廠 LICENSED FOOD FACTORY，為香港提供最泰國原味道各式最 Local 民間食品，海鮮，生果食材批發。
全港獨家獨家深層清潔消毒 及 精工維修 Dyson 吸塵機，風扇，風筒，亦係沙田第一城《金怡電業》家庭電器及水電工程身份。

25/02/2026

我聽住波記預算案時，就像71年聽到政府突然宣佈
廢除大清律例
從此奉行一夫一妻制度
一樣晴天霹靂O撚晒咀

「吓？？？😃😃點解你今晚突然上黎既？好開心啊！」某區女朋打開門時大喜叫道。我頓時驚嚇，呆了呆退後一步上下打量門外號碼：「呀...咪..咪住..我唔...」女友一手扯我入屋：「咪扮野啦！扮咩比驚喜我喎，入黎啦！」「唔....唔係呀！我搞錯咗....
24/02/2026

「吓？？？😃😃點解你今晚突然上黎既？好開心啊！」
某區女朋打開門時大喜叫道。
我頓時驚嚇，呆了呆退後一步上下打量門外號碼：「呀...咪..咪住..我唔...」
女友一手扯我入屋：「咪扮野啦！扮咩比驚喜我喎，入黎啦！」
「唔....唔係呀！我搞錯咗....喂～～唔好扯頭髮～喂～喂唔好扯頭髮，我自己入黎～～ok？」女友沒有理我既呼叫，硬生生將我當成自找上門的獵物生擒。。

以上這些情況，在每區女朋友上，不時發生。
好多時我忙完工作，個人溫溫沌沌，周不時上錯隔離區女友屋企入錯房，甚至某某私人屋苑分別有兩個女朋友，有時如執筆忘字 B 座上錯 F座，更而同座26樓及12樓都有。

所以大家都知我點解我電話簿內，女朋友係以屋苑名字 save 低，因為，佢地叫咩名，對我來說係冇記錯地區入錯屋來得重要。

但到頭，我一忙上黎，都係會搞錯。
所以我要再諗方法，要將佢地屋企氣味化，等於我們求學時，背生字或水蛇春化學詞，會將之圖案化，實體化，咁樣更易記得。

所以，我帶同幾個女朋友到上環【兆成行】，舒淇大推全港最好最經濟既香薰店，咩名牌香水都溝到出黎。

我將不同女友屋企，賦予一間酒店香味，半島，Rosewood，君悅，四季，香格里拉乜都好，只要我入屋前，係門口索一索，肯定冇錯先按門鐘入屋，咁樣可大大降低我傷亡機會。

p.s. 大家見到長龍，唔使淆底，係唔撚使排隊的，你真接入去選購就得，排隊的，係排黎逐個索，試味。

一過新年，忙完盆菜賀年榚點海鮮各樣之後，我個車尾箱今晚又變成咁撚樣。屌那星有冇急成咁？？各位，我好似年初五先收爐兩日，只係休息了兩日咋喎，今日先年初七，我點先捱到年尾？你地係真係諗住一直都係咁撚樣落去？？😑😑😑😑😑😑😑😑😑😑😑
23/02/2026

一過新年，忙完盆菜賀年榚點海鮮各樣之後，我個車尾箱今晚又變成咁撚樣。

屌那星有冇急成咁？？各位，我好似年初五先收爐兩日，只係休息了兩日咋喎，今日先年初七，我點先捱到年尾？
你地係真係諗住一直都係咁撚樣落去？？
😑😑😑😑😑😑😑😑😑😑😑

頭先有個太太客人問我，佢個仔開始大，今年仔仔開始對「利是」這門東西有了意識，話自己儲起，跟住，仔仔就問佢，以前 D 利是去咗邊？？？結果，太太客人問我點拆局。其實每一個人，在成長中都會遇上一次這個世紀騙案，係必經之路。我以我當年九歲時的情況...
23/02/2026

頭先有個太太客人問我，佢個仔開始大，今年仔仔開始對「利是」這門東西有了意識，話自己儲起，跟住，仔仔就問佢，以前 D 利是去咗邊？？？

結果，太太客人問我點拆局。

其實每一個人，在成長中都會遇上一次這個世紀騙案，係必經之路。

我以我當年九歲時的情況，向這太太提供如何向仔仔拆局方案。

這張相片係我九歲，同老豆係農曆年初一時影的，還記得我身上灰紅大力水手的新年新外套。
我果時就問我老豆，我以前既利是去撚咗邊？

我很記得老豆果時背影，在家中背著我，對著廳中木櫃上，一邊不慌不忙地提起棗紅色龍鳳圖案的金屬熱水壼，沖泡著佢最愛的壽眉茶葉，一邊淡淡定定地，用了唐代詩人崔顥做的一首〈黃鶴樓〉詩，【去如黃鶴】，當場念了一遍我聽：「昔人己乘黃鶴去，此地空餘黃鶴樓。黃鶴一去不復返，白雲千載空悠悠。」

念完，叫我到圖書館借閣這些文言詩句既書睇，所以我大個，文學底子十分不賴。
的確，我老豆當年這個拆局的方法十分高明，耍太極般將我個問題及焦點耍鳩走咗，仲令我開卷有益。

所以，我叫那太太客人，照念比佢個仔聽。
等佢個仔大個一樣，做一個文武雙全的文人雅仕，不用淪為一介武夫，而且亦巧妙地將仔仔視線轉移。

各位家長，留言有卡通片段，可供你們有需要時使用。

【見到此 post or 收到我利是者，一樣今年勁行運】年年派利是，年年新春金多寶都有錢落袋。舊年中一千蚊，今年都一樣有錢贏。我今日返到公司，沖杯Earl Grey，先施施然對飛。財神爺專輸孤寒錢，你越唔緊張對飛，你越唔旨在，你越放開心態當...
23/02/2026

【見到此 post or 收到我利是者，一樣今年勁行運】
年年派利是，年年新春金多寶都有錢落袋。
舊年中一千蚊，今年都一樣有錢贏。

我今日返到公司，沖杯Earl Grey，先施施然對飛。
財神爺專輸孤寒錢，你越唔緊張對飛，你越唔旨在，你越放開心態當新年玩吓開心錢，做生意新年派多 D 利是，平日 keep住輕鬆鄧梓豐，你個人日子過得爽皮就越行運。

等於，愛光顧泰極星，愛 follow 本 page，買到好東西，好服務，強積金又贏錢，解決你起居所需，又有野入腦又有錢落袋，都一樣會行運。

等如見到此 post 者，都一樣有運行，見字再比埋 like，直頭風生水起，恭喜大家都發財。

22/02/2026

‼️更新‼️又再100封光速搶完‼️🤣快撚到吖🤣‼️
‼️留言處再有利是攞‼️100封‼️
睇你地老虎等埋封利是，老虎都未瞓架啦！
入下面留言處有利是 code！
恭喜大家都發財！💥💥💥
🧧🎉🧧🎉🧧🎉

‼️Bread Cheng‼️你同我出黎‼️佢係我前一個 post 留新春賀詞，絕對貼堂！Bread Cheng 請 PM 我！‼️本公司私人獨立醒你 $100 元利是‼️呢個世界做 D 乜野都好，那怕係幾微小事情都好，只要用心，財神爺總有...
22/02/2026

‼️Bread Cheng‼️你同我出黎‼️
佢係我前一個 post 留新春賀詞，絕對貼堂！
Bread Cheng 請 PM 我！
‼️本公司私人獨立醒你 $100 元利是‼️

呢個世界做 D 乜野都好，那怕係幾微小事情都好，只要用心，財神爺總有機會搵上門。

我公司做事都係，雖然係細工廠一間，但我都盡我努力，係出品上到包裝上，再到物流貨物到顧客手上，每一個細節，都希望力迫到大公司水平，在每一個細節位都希望一步一步雕到條龍出黎，希望每個細節做到我能力上極致。

我自小相信一句說話：“The devil is in the details”
意指即使最宏偉的計畫，其成敗也取決於微小的細節。
人生就是充滿競爭，生意也一樣，能夠突圍贏出的，有時並不是贏九條街，只係你每個環節贏人小小，咁你已經成功。

所以，Bread Cheng ，你值得有呢一封利是。

而其他人都不弱架，大家繼續努力。

💥年年派利是💥第2晚第2 Round💥200封💥老規矩，留言新春說話夠多夠爽皮就出💥💥今晚捕定💥💥「表哥！今年未正式同大家拜年呀！」「我夠知啦！新年冇收爐，到呢兩日先休息有時間。表哥我由12月著晒 Turbo 直踩咗兩個幾月，每日瞓兩三個鐘...
22/02/2026

💥年年派利是💥第2晚第2 Round💥200封💥
老規矩，留言新春說話夠多夠爽皮就出
💥💥今晚捕定💥💥

「表哥！今年未正式同大家拜年呀！」
「我夠知啦！新年冇收爐，到呢兩日先休息有時間。表哥我由12月著晒 Turbo 直踩咗兩個幾月，每日瞓兩三個鐘咋。」

「咁抵你派利是啦！表哥今晚係派第 2 round 呀？」
「梗係啦！咁開心唔好比佢停，尋晚100人攞咗，今晚再派第200個人啦！」

「表哥，派利是前，一齊同大家拜年先。」
表哥表妹：「恭喜發財，恭祝大家年頭行運行到落年尾，身體健康，發財好市。」

唔派葉劉，唔派零頭，年年攞我利是都知全部軟野，越派得多，我同你都越旺，係過去幾年經驗得知。
留言新春說話夠多夠爽皮就出
💥💥今晚捕定💥💥

「嗱，我睇咗好耐，由我算過死草，呢個最正最荀，總之，妳兩個聽我講，一陣入去睇完，幾鍾意都好，出返黎，要偏晒咀擰擰頭，有咁差講咁差，塊面有咁黑得咁黑，知唔知呀！」「得啦！我地識做架喇！」※※※※※※※※※※※※※※※※※※※※※※※※※※※※...
22/02/2026

「嗱，我睇咗好耐，由我算過死草，呢個最正最荀，總之，妳兩個聽我講，一陣入去睇完，幾鍾意都好，出返黎，要偏晒咀擰擰頭，有咁差講咁差，塊面有咁黑得咁黑，知唔知呀！」

「得啦！我地識做架喇！」
※※※※※※※※※※※※※※※※※※※※※※※※※※※※※※※※
睇完頂樓半複式天台單位，兩個八婆係發展商人員前，興奮得衝來一齊繞著我左右手：「 BB 呀！我地好鍾意呢度呀！仲係頂樓，樓底又特高，個景又靚。」

突被兩個女人殺個措手不及，出賣你既，永遠係身邊既人。
地產人員笑笑口望我：「係囉，陳生，你之前都黎過兩次，你揀啱架喇，難得你兩位太太都咁鍾意，決定就要快喇，呢兩個單位最少好搶手架。」

我已身陷險境，再唔還拖就完全冇議價能力。
唯有以一敵百：「妖，呢女人識鳩咩，樓底高冷氣電費夠晒襟計，落地玻璃大向西南，夏天熱到知味道，後面露台係夠大，但向東北，冬天食晒東北風，露台幾大都冇用啦。天台單位仲大鑊，兜頭晒，成日要灑水架，防水層老化又滲水，我諗落，都係麻麻地，再諗吓先。」

屌那星， D 女人一見心頭好，即刻冇晒腰骨，好容易露晒底牌比人睇，到頭來，都係得我一個人頂撚住個雞頭。

p.s. 留言處有實況片段

‼️恭喜發財‼️攞到利是，同泰極星一樣年年行好運‼️攞到利是cap 圖放落留言處，有頭有尾，全年行運行到尾！
21/02/2026

‼️恭喜發財‼️攞到利是，同泰極星一樣年年行好運‼️

攞到利是cap 圖放落留言處，有頭有尾，全年行運行到尾！

21/02/2026

【每年一度派利是，頭圍100封】
別人收爐我工作。利是唔使中六合彩先派，唔派葉劉，唔派零頭，新年流流唔好搵人笨柒，年年攞我利是都知全部軟野，越派得多，我同你都越旺係過去幾年經驗得知。留言新春說話夠多夠爽皮就出
💥💥今晚捕定💥💥

呢度平時，一向都覺值得跨幾區，揸20分鐘車黎。更何係新年期間，黎買宵夜及糖水，不只係味覺與視覺上既享受，更係整個體驗及氣氛難能可貴既盛宴。當社會不斷進步，對食物既成本控制，質素精準及環境衛生要求，慢慢地被中央廚房，或由機械數碼化指令下的預製...
19/02/2026

呢度平時，一向都覺值得跨幾區，揸20分鐘車黎。
更何係新年期間，黎買宵夜及糖水，不只係味覺與視覺上既享受，更係整個體驗及氣氛難能可貴既盛宴。

當社會不斷進步，對食物既成本控制，質素精準及環境衛生要求，慢慢地被中央廚房，或由機械數碼化指令下的預製菜所取代，亦預見係大勢所趨。

呢度買宵夜係可以讓我們重拾返果個年代，食既係人情味，而人情味往往包含咗小小混亂，而中央廚房或機械預製菜，杜絕了廚師汗水，頭髮口水花。

不過當機械式預製的乾淨，同人情味成為對立，我地得到咗絕對既安全，不過就失去咗對食物原始既信任。

呢個係一個悲哀既進化，在未來，由真正人所烹飪既食物，將會變成極度昂貴既奢侈品。
只有金字塔頂層既人先有資格去享受人工那種不確定性。

未來，由人親手烹飪已唔係理所當然，而係一種身份象徵，因為「錯誤」、「偏差」同「變數」，將會變成最昂貴既調味料。

或者有一日，當我地習慣晒呢種絕對精準及安全既味道後，可能會突然懷念起一盒，炒得有 D 燶，咸淡有時唔同既炒公仔麵，因為果碟唔完美既炒公仔麵話你知，炒比你那個，係一個有血有肉有情緒既人，並唔係一堆冷冰冰既QR Code 自助代碼。

果種雖然有瑕疵，但係充滿生命力既連結，可能先係食物最原始既意義。

既然時代既巨輪向前行，舊既野一步步被淘汰係，難以避免，趁還有舊式情懷既地方，就好好記住那種感覺。

Address

火炭國際工業中心
Hong Kong

Opening Hours

Monday 11:00 - 22:00
Tuesday 11:00 - 22:00
Wednesday 11:00 - 22:00
Thursday 11:00 - 22:00
Friday 11:00 - 22:00
Saturday 11:00 - 22:00
Sunday 11:00 - 22:00

Telephone

+85268070785

Website

Alerts

Be the first to know and let us send you an email when 泰極星食品公司 posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram