26/08/2025
【高度機密，切勿廣傳】
食燒味飯，叫個普通燒鵝切雞飯，永遠有個僥倖心態，期望個斬料師傅心情靚，撞啱就斬個脾位過你。
所以，如果你試吓問 D 斬料師傅，做呢行咁多年，咩光怪陸離既事情都見過，例如有我呢 D 人會同師傅扮晒熟，單晒眼，亦有吊帶背心美女入座前刻意將吊帶跌一跌膊諸如似類。
畢竟，斬料師傅就係你碟燒味飯操生殺大權既人。
但唔想咁樣，可以點樣。
面皮唔夠厚既人，唔怕，跟我黎。
切雞油雞孖脾飯，係孖脾！$72 ，加叉燒$20，都唔過一舊水，仲係好撚大碟，比埋碗仔，預你兩個人食都仲得。
如果燒鵝脾油雞脾雙拼孖脾飯只係$102。
我同兩個女朋友落去，只叫一碟孖脾飯加叉燒 $92，過份大碟，加一碟燒鵝燒肉雙拼例牌$95，三個人都食唔晒，仲要打包走。
北河街如我這些庶民地段，唔會屌柒你三個人只叫兩碟野，因為真係食唔晒，當然，亦咪撚縮骨到五六個人只叫兩碟坐人舖粒幾鐘咁過撚份。
珍姐亦毫不保留照比三碗例水過黎，「喂！珍姐！今日呢碗咩湯黎？咁正既？」
「緊係正啦！要唔要多碗呀！」
「咪問埋 D 廢話啦，珍姐！仲使問？咋咋淋啦！」
p.s. 最撚慘係佢門口街又闊，唔係禁區，車停正門口，坐舖內都睇到幾架車。
揸車氣油錢，去買斬料返屋企都有數維！
《祥興燒臘飯店》
深水埗北河街45號
