Kathy營養師 身營心營

01/05/2026

今次講下最近好 hit 嘅「橄欖油+檸檬汁」~

近年來，韓國女團IVE成員張員瑛分享「早上空腹喝特級初榨橄欖油加檸檬汁」，引發全球熱潮，被許多人奉為喝出「水光肌」的秘密武器。然而，隨著跟風者的增加，網絡上也出現了大量「瘋狂爆瘡」、「胃痛難耐」的負評。究...

29/04/2026

餓定係心煩？ 想食嘢之前，停一停，掃描下身體：有冇肚餓嘅感覺？如果無，咁即係「情緒餓」或者「口痕」。理性話你知：「我依家唔需要能量，我需要休息。」

28/04/2026

今餐做到啱啱夠好就停手？正！記住嗰種「肚皮舒服、頭腦清醒」嘅感覺。下次再食飯，回想呢個感覺，以此為目標。你已經有成功嘅種子，咁就畀佢發芽啦！

26/04/2026

仔女嘅功課、父母嘅醫療、老細嘅要求……你永遠將呢啲放第一位，而「自己」就排清單最底 。我想提醒你：忽略自我照顧就好似拖延睇牙醫咁，小問題最後會變成要「杜牙根」嘅大危機 ！今日，留 15 分鐘去照顧自己，好嗎？

26/04/2026

哎呀，唔小心食多咗個菠蘿包？接受自己：「係，頭先好正，我揀咗食。」唔好自責，自責係受害者心態。諗下未來，下一餐平衡返就得，呢啲叫成熟

26/04/2026

全公司都叫麻辣米線，邊個話一定要跟風叫麻辣？問下自己個胃想點。如果你真心想舒服啲而叫清湯，呢啲叫「愛護身體」，型過隨波逐流好多

25/04/2026

香港人成日要面，覺得睇心理輔導就係「軟弱」。其實，識得尋求專業協助，承認自己有困難，係智者同勇者嘅表現。喺 Kathy 嘅輔導室，你絕對安全

25/04/2026

表面風光嘅女高層，其實內心好焦慮？賺得多，但社會期望同維持生活嘅開支都大。除低「女強人」個面具，承認自己有時都會驚，其實係一件好勇敢嘅事

25/04/2026

唔需要等去旅行先叫放假。每日沖涼嗰 15 分鐘、搭車聽歌嗰半個鐘，都係你嘅專屬時空。將注意力擺返喺自己嘅呼吸度，感受自己嘅存在。只要你個心靜落嚟，邊度都係你嘅避風港

25/04/2026

黑芝麻你又鐘唔鍾意呢？

近期興起黑芝麻甜品和小食潮流，黑芝麻雖然營養密度高，但熱量亦不容小覷。一湯匙（約10克）黑芝麻就有約57kcal，且大部分來自脂肪。在購買黑芝麻產品時，我們需要提防「糖分陷阱」與「高油脂陷阱」。

24/04/2026

有時輔導室以外，最強大嘅療癒力量嚟自「同路人」。參加一啲 Peer Support 小組，你會發現：「原來唔係得我一個係咁！」喺 group 入面分享經驗、互相賦權，你會重新感受被社會需要嘅感覺

24/04/2026

食完飯硬係想食甜品？試下飯後即刻刷牙！清新薄荷味會俾你一個強烈訊號：「進食結束」。個口咁乾淨，你就唔會想再整污糟佢，甜品胃即刻收工