恆輝堂

01/02/2026

你有你講，我有我聽。
但最後，都係睇統計數據。

我都有自己Database。

有的想要14日藥呀。
我聽到。但我都係依診斷開4日。
有的想要幾日藥。
我聽到，但我可能會塞成樽比佢。然後再講一大埋野，以往既病例呀，我醫過咩症呀，唔做運動，唔食飯既後果呀...煩住佢。

28/01/2026

中醫常言道：『三因制宜，四時養生』。
天地萬物都有佢嘅律動，冬天嘅寒冷，其實係大自然畀我哋一個『向內收斂』嘅信號。

古語有云：『天地君親師』。
我哋對自然心存敬畏，唔係因為佢威嚴，而係因為佢無私地展示緊生命規律。

如果我哋喺冬季感到腎虧，與其話係天候所致，不如視之為身體畀我哋一個『吾日三省吾身』嘅契機：
🔹 係咪我哋忙到唔記得咗『早臥晚起』，卻偏偏要堅持熬夜，違逆天時？
🔹 係咪我哋忘卻咗冬季『內斂潛藏』，卻偏偏要汗出頂風冒冷，強行運動？
🔹 係咪我哋貪圖嗰一刻『口腹之慾』，卻偏偏要寒涼生冷，飲食無度？
🔹 係咪我哋放縱咗嗰份『醉以入房』，卻偏偏要以妄為常，虛耗精氣？

《黃帝內經·上古天真論》 早就提醒我哋：
上古之人係「食飲有節，起居有常」，所以能「形與神俱」。
今時之人卻係「以欲竭其精，以耗散其真」，所以「半百而衰」。

天真嘅你，唔好以為「天真」係你嘅天真。
真正的「天真」，係懂得守住嗰份先天嘅真元，而唔係天真到以為可以違背自然。

明白咗咩係「順聖妄、逆聖妄」，你就會發現：
『醫』『師』，唔單止係治病，更加係教人點樣自愛。
與其賴個天，不如我哋一齊學習點樣喺冬天，為自己存一份溫暖嘅腎氣。

呢份自省，就係最好嘅進步。 🙏

#受害者心態

#天地不仁，萬物為芻狗
#咁得閒害你咩

18/01/2026

查實呢...
佢分享嘅運動又唔可以話錯
但係細節位好重要

唔好淨係顧住個樣
都要理吓條頸

正常，30歲之後頸紋就出現。
但係如果條頸好，30歲打後係可以冇頸紋㗎。

唔好問我用咩方法...
個答案一早就喺你心中...
再講連我都覺得自己好噚氣

🫣我嘅白頭髮增加左D滄桑嘅感覺
但係我條頸冇頸紋，仲呃到下人係28歲 😂
條頸Only。🫣

18/01/2026

🫩「哀莫大於心死。」
早幾日，有個多年無見嘅婆婆話：「你七年黎無變過，係多咗好多白頭髮啫...」

翻睇舊相發現 ，2023 年係「斷崖式老化」。
心死咗，真係，好傷身。

3 年，由執著變是但。
心態好似神棍：「點條生路過你。信就有機，唔信就幫你唔到。」

做好本分，咪咁執着，勞形傷神，滿足到大家，活著就好了。

☀️ 無心插柳的驚喜
幾個月前，患者嘅朋友，不幸患上乳癌，要做電化療。
我無幫佢診症（此階段我認為靠食療、運動較好，如非必要都唔開藥，避免增加身體負擔。）

相見即係有緣，無理由就咁送客，點都要比D 嘢佢嘅，就咁講句：「得閒做下『手擺後尾枕』啦，減輕 Side Effect 㗎。」小事一宗而矣，我都忘記咗。

早幾日，眼眉睄到候診區，有人做緊「運動」！
望真D ！原來係佢！
沖上前，提供滿滿嘅情緒價值：好叻啊！做得好好呀！

佢家陣順利完成咗化療，狀態極好，無咩Side Effect。下個月準備接受電療。
勢估唔到，一句輕飄飄嘅說話，竟然幫到人度過難關。

🌱 身隨心轉
發心求健康，信而不疑，心肯轉念，身肯郁動，人可以重活！

希望佢以後都平平安安，改變生活態度。
好似曬太陽咁，手擺後尾枕，平躺，放下人世間嘅煩惱，欣賞吓大自然，輕鬆自在Enjoy the life.

#斷崖式老化
#身隨心轉
#手擺後尾枕

18/01/2026

😂😂😂😂😂😂😂😂
身痕唔好搵我醫，會仲痕❗️
😂😂😂😂😂😂😂😂

當成為全城笑柄，肯企出嚟認自己「抵死」，係需要幾大勇氣。

見過太多創作人，作品出街後俾人講一兩句已經周生恒。

但呢位@timisnice唔止出post大方承認自己都想做「專才」，自嘲可以名留香港廣告史，俾人發洩吓又如何，仲順手promote埋另一作品「恒變，生無限」，成功起死回生。

幽默，果然係一切尷尬的解藥。

突然諗起一位我十分欣賞的文案創作人講過一句：「今時今日太在意輿論，不如唔好做廣告啦。」

16/01/2026

🎶突然十年便過去
方知歲月冷漠似水🎵

2026年1月，咁又一年啦。
一年，匆匆忙忙，唔知忙乜，咁就過左。

唔覺意睇到畢業語錄，
嗯？懶懶閒閒、拖拖拉拉、庸庸碌碌...過左咁多年啦...

30年前嘅願望，家陣實現左...
20年前嘅老死，仲係我身邊...
10年前執返黎嘅呀Blue，已經生緊白鬚...

過去30年，我得到超級多。
未來30年，我會失去超級多。
嘿，我應該好難戒「貪」。
想大家都身體健康、長命百歲。
呢個願望好貪心，真係好想可以實現。😂

#人生有幾多個十年
#消災延壽
#一切無礙
#唔關醫事
#純粹有感而發

15/01/2026

諗下都覺得痛...
預防疼痛，記得多飲水...

09/01/2026

好渴呀...水呀...

記得少飲含有咖啡因嘅飲料啦...

07/01/2026

🙃呢幾日好多朋友都話瞓得差。
我都係🥲

醒左做D 咩？
觀察『時空』

🅰️凌晨3:00~5:00 總會醒。
傳統中醫的「子午流注」理論中，凌晨 3 點至 5 點係「寅時」。呢段時間確實與肺經有密切關係：
⭐️肺經「當令」⭐️
寅時正是氣血流注於肺經的時間，稱為「肺經當令」，此時肺部功能最為活躍。

🅱️靠窗嘅牆，散發出陣陣寒『氣』
1️⃣ 石屎「高儲冷」+ 鋁窗「冷橋」： 牆身同窗框係散熱高手，將室外嘅嚴寒直接「傳」入嚟。
2️⃣ 「冷輻射」現象： 物理學，熱量會由高溫流向低溫。體溫正被冰冷嘅牆面「吸」走！
3️⃣ 「濕冷」加持： 香港濕度高，濕潤空氣導熱快，令寒意直接「鑽」入皮膚。
4️⃣ 黎明前最凍： 5 點前係全日氣溫最低位。📉
5️⃣ 生理低谷： 熟睡時新陳代謝最慢，體溫降至最低點。

🥹我嘅解決方法🥹
遠離牆璧：雙人床瞓到超級邊緣...就快碌落地
暖風機：由廳吹入房（其實都唔太暖。）
抱住我仔瞓：佢又覺熱會逃走
關窗、落簾、抽濕機：同濕凍講拜拜
貼多幾粒天灸、中午時吸下陽氣、食下中藥調理，唔食寒涼生冷：強身健體，尤其個肺

#唔好食薯片熱浪
#經我證實不能產熱令我溫暖
#只能產生脂肪及熱氣令我爆瘡
#就快5點有得瞓
#早唞啦喂

06/01/2026

【好大對比】
好多朋友問：『你唔怕凍咩？』—— 我超級怕凍。隨時可以請大家食凍柑。

我識『防患於未然』：
🍂 平時（春、夏、秋）： 積極補陽。靠食飯、運動、曬太陽。
❄️ 家陣（冬）： 務必養藏。冬天主『藏精』，運動應收斂，避免劇烈出汗令陽氣外洩，固本培元。

怕凍，唔係單靠外在著到成隻糭咁，而係要靠內在嘅調理。

06/01/2026

有個後生仔，本來嚟睇肚痛。

問診完，我順眼一望，見佢條頸紅紅地，皮下有啲硬塊。

佢話：「皮膚敏感，痕，又覺皮膚繃緊。好耐都唔識好。」

1️⃣ 免疫力抗議：身體自己攻自己
我摸一摸，由下巴到側頸嘅淋巴都有腫痛，後頸冇肌肉、凹晒入去，成個人仲寒背。

我笑笑口同佢講：「你呢啲係免疫系統抗議呀。後項長期唔郁，前頸淋巴塞住晒，D 免疫因子咪停晒係到，身體就好似自己攻自己咁。」

治療：
肚痛，貼4粒天灸，三十分鐘。
時間用十分鐘做頸部運動『手擺後尾枕』通返啲氣血。

做咗幾分鐘，佢就呻：「醫師～頂唔順呀，好攰呀～」
我話：「我陪你一齊，做足十分鐘。我頂到！你無可能唔得！」

2️⃣ 十分鐘見效：身體自癒力
十分鐘時間，由埋怨生歡喜：「咦！啲色淡咗！無晒繃緊感覺！」

我再摸吓條頸，肌肉脹返起、淋巴軟咗。

我話：「呢啲咪就係『不通則痛，通則不痛』囉。唔駛靠藥，靠正確嘅動作，自己會通返。」

睇住佢驚喜個樣，我心諗：「呢個人呀，問題從來唔係醫唔好，而係唔肯聽話。」

3️⃣ 一年嘅教訓：痛過先知錯
2024 年聖誕節佢腳趾尾骨折，未痊癒就去旅行，結果骨頭生得唔好。

之後不時返嚟睇，我成日叮囑：「骨折係一回事，拇指外翻又係另一回事。你要黐住矯正膠布，力線唔正就會拖累到成個人嘅關節。」

佢笑笑口：「懶呀嘛。」
我苦笑：「長命工夫長命做，要黐就黐一世啦。」

去到 2025 年聖誕前後，腳趾公痛到頂唔順，又返嚟搵我。
可能嗰陣多 Party，要行要郁，佢終於肯認真黐。
連續黐足五日，就興奮咁話：「醫師，我日日黐真係唔痛啦！好神奇呀！」

4️⃣ 醫師感悟：由懷疑到相信
我望住佢，心入面五味雜陳：「我一年前講過啦，點解要等到痛到入心，先肯聽？」

由懷疑到相信，再到行動，從來唔易。
明明藥就喺身邊，人卻要撞板先醒。
唔信要一年，修正只需五日。

有時，人要親身經歷過「痛苦」，先會領悟「通」有幾重要。
醫師帶得你行頭幾步，之後條路，都要自己行落去。

#由疑生信
#信而行
#異病同治

#太攰了拖到今日

02/01/2026