09/07/2016
[澄清謬誤]捱夜同飲酒後飲夏枯草最好?危險的誤會(上)
坊間時有傳聞話捱夜同飲酒之後飲夏枯草最後，因為夏枯草可以護肝咁話。
本人學醫行醫咁耐第一次聽到尼種民間驗方，本著求知精神，遍尋文獻，發覺所謂的民間驗方，不過係將中西醫兩套理論混淆而導致危險的誤會。
眾所週知，係西醫理論之中，肝係負責全身毒素分解的地方，酒精會係肝臟分解後排出體外。而捱夜過後各種肝酶素水平會增加，依照西醫理，代表肝細胞工作量增加。
所以依照上述理論，飲酒同捱夜都會對肝臟造成損害。但係民間普遍有「小病去藥房，大病去診所」的習慣。民間就為左解決上述「小病」，就係藥房遍尋草藥，終於搵到表面上非常合適，又價格相宜的草藥，就係夏枯草。
究竟夏枯草點解會成為民間推崇，善後飲酒同捱夜後出現各種症狀呢?咁我地黎睇睇夏枯草究竟係一種乜嘢草藥。
夏枯草性味苦、辛，寒。歸肝、膽經。功效清肝火，散鬱結。主治(一)目赤腫痛，頭痛眩暈，(二)瘰癧癭瘤，即係俗稱大頸泡同各種甲狀腺腫脹，(三)清肝瀉火。
飲酒之後會出現頭痛眩暈，捱夜之後會出現目赤腫痛同一系列肝火上炎的症狀
綜觀夏枯草的功效正對上飲酒同捱夜後出現的症狀，所以民間就自行做就左以上民間驗方的流傳。
下次我地再探討一下係中醫理論方面係點睇酒後諸症同捱夜的睇法。
#澄清謬誤
#捱夜
#夏枯草
#民間驗方
