What are the opening hours?

Monday 09:00 - 06:30 Tuesday 09:00 - 06:30 Wednesday 09:00 - 06:30 Thursday 09:00 - 06:30 Friday 09:00 - 06:30 Saturday 09:00 - 01:00

Star Dental Alliance

Home
Hong Kong
Central & Western District
Star Dental Alliance

☎️ 24小時電話 67679999 Welcome to Star Dental Alliance.

Star Dental Alliance have over 20 years of dental treatment experience in providing dental care with general and specialists' dental treatments including computer guided minimal intervention implant surgery, invisible aligner and conventional orthodontic treatments, microscopic root canal treatment, Oral & Maxillofacial surgery and also BriteSmile tooth whitening.

09/01/2026

【🦷牙周病一定要拔牙嗎？🙁】
好多人一聽到牙齒鬆動，就以為一定要拔牙。
其實牙齒鬆動，未必一定係要拔牙造成，
有可能係因為牙齦發炎、咬合不正等其他原因所致，
例如：不良口腔習慣、顎骨生長發展問題、智慧齒異常生長等等。

只要透過適當嘅牙科治療，
以上情況都有機會得到改善，未必需要即刻拔牙😊

如果牙齒鬆動係因為牙菌斑同牙結石積聚，
導致牙齦發炎，甚至引發牙周病，
一般情況下，只要針對牙齦發炎或牙周病作出治療，
牙齒狀況都有機會慢慢穩定同復原。

🚨 不過要注意！
當牙周病發展到第三期（嚴重階段），
由於齒槽骨嚴重流失，
牙齒會明顯搖晃，甚至影響正常咀嚼功能，
呢個時候，通常就需要考慮拔牙。

👉 想保留牙齒，最重要係 #及早發現、 #及早治療牙周病，
同時術後定期跟進亦非常關鍵。
只要積極配合牙醫，按時覆診，
先至有機會好好守護每一顆珍貴嘅牙齒💪🦷

08/01/2026

🚨😨 #牙髓炎痛起上嚟真係頂唔順！
有啲人可能患上慢性牙髓炎，
食咗止痛藥暫時唔痛，就以為冇事。
其實細菌早已喺牙髓入面慢慢擴散😈

想預防牙髓炎，記住要：
✅ 定期到牙醫診所洗牙
✅ 檢查牙齒健康狀況
✅ 做好日常口腔護理

呢啲先係最有效嘅預防方法💪

🙋‍♀️ 以下係關於牙髓炎嘅常見問題
等牙醫同大家逐一解答😉

📌 牙髓炎可以直接拔牙嗎？
一般情況下，牙醫會盡量保留原有真牙。
如果直接拔牙，之後就需要鑲假牙，避免出現缺牙問題。
通常都會先嘗試治療，等牙齒真係無法保留，先考慮拔牙。

📌 做完根管治療一定要戴牙套嗎？
抽咗神經嘅牙齒，已經失去血管、神經同淋巴，
冇辦法再吸收養分，結構會變得較脆弱。
如果咬硬物，有機會令牙齒裂開，最終反而要拔牙，得不償失。
所以戴牙套唔只係短期需要，而係為咗牙齒可以用得更耐。

📌 根尖手術有可能失敗嗎？
有可能因為清創唔完全、牙齒出現裂痕，
或者清潔不足而再次受到細菌感染。
如果做完根尖手術後仍然感到疼痛，
記得要返牙醫診所跟進檢查，唔好忽視⚠️

🦷 牙痛唔好忍，及早處理先至係上策！

25/12/2025

🎄✨ Merry Christmas！聖誕快樂！ ✨🎄

聖誕節期間聚會多、甜品多，朱古力、蛋糕、糖果樣樣都吸引 🍰🍫
開心過節之餘，記得唔好忽略牙齒健康呀！

🦷 聖誕牙齒保健小貼士：
✔️ 食完甜食記得漱口或刷牙
✔️ 避免長時間含住糖果
✔️ 飲咖啡或紅酒後飲清水，減少牙齒染色
✔️ 每日早晚刷牙，配合牙線清潔牙縫

🎁 溫馨提示：
假期後記得安排一次牙齒檢查及洗牙，及早發現問題，
等你可以安心迎接新一年，笑得更燦爛 😄✨

🎅🏼 Stardental 祝大家聖誕快樂，牙齒健康常在！

【 #營業時間調整】
📅 12月25–28日｜休診
📅 12月29日｜恢復正常應診

—
⭐️ Star Dental Alliance｜星齒科

24/12/2025

Stardental 祝各位
✨🎄Merry Christmas🎄✨

溫馨提示：本日營業至下午 4:00

🎅🏼【 #營業時間調整】
📅 12月24日｜營業至下午 4:00
📅 12月25–28日｜休診
📅 12月29日｜恢復正常應診

-
⭐️ Star Dental Alliance | 星齒科

23/12/2025

🧒 小朋友牙齒矯正：隱形牙套 vs 傳統牙套，邊個好？

呢幾年好多成年人都戴隱形牙套，
而家都有出兒童版嘅。
但小朋友會經歷乳齒換恆齒嘅「混合齒列」階段，
咁佢哋其實啱唔啱戴隱形牙套呢？

💁 隱形牙套同傳統牙套原理其實一樣

雖然隱形牙套望落好似普通膠牙套，
但佢移動牙齒嘅原理同傳統牙套係完全一樣嘅。
「好多家長以為移牙齒係好困難，其實力道同方向啱，
只需要大概 1.7 克左右嘅力量，就可以慢慢推動牙齒。」

當然，傳統牙套畀醫生掌控嘅程度較高，
如果係需要擴大牙弓空間、
或者上下顎骨問題比較嚴重嘅小朋友，
單靠隱形牙套未必做到。
有時會係傳統＋隱形混合用，
又或者前期後期分別用唔同牙套。

🙅 嚴重暴牙、顎骨異常 → 唔啱戴隱形牙套

咁邊啲小朋友啱用隱形牙套？
一般適合大約 6–10 歲、
處於「早期混合齒列」階段嘅小朋友。

如果小朋友係輕度～中度牙齒唔整齊、
輕微暴牙、而且唔係上下顎骨生長出現嚴重問題，
就可以考慮戴隱形牙套。

只要肯按時戴，大約 6–18 個月就會見到牙齒慢慢變整齊。

👉 隱形牙套成效＝孩子嘅配合度係關鍵

矯正係一個長期嘅過程，
無論用邊種方法，家長同小朋友
都要同醫生講清楚期望、策略同優缺點。

好多家長同小朋友對隱形牙套期望太高，
以為「舒服又靚」就等於「冇難度」。

但其實：
隱形牙套一樣會有痠痛感，唔係完全無感覺
拆同戴都需要技巧，唔係隨便一扯就得

最重要：每日要戴足 20 小時以上！
除咗食飯、刷牙，其餘時間都要戴
而且食完要刷牙先可以戴返，
真係好考驗小朋友嘅自律性

好多小朋友：
>食飯除咗牙套就忘記戴返
>一唔小心跌落地踩爆
>校園時段食小食、飲奶
>食完又唔刷牙就戴返 → 蛀牙機率激增
>記唔住戴住訓覺

以上全部都會令矯正效果大打折扣。

🌟 總結：隱形牙套係方便靚，但要睇小朋友配合度

「隱形牙套拆裝有技巧，小朋友要夠自律每日戴足時間。
家長揀隱形牙套之前，一定要評估小朋友嘅配合度同自理能力。
通常大啲嘅小朋友會比較做到。」🌟

22/12/2025

「我有牙周病，可唔可以先植牙，再慢慢治療牙周病？」
「牙周病可以唔可以植牙㗎？」
好多人因為缺牙唔敢講嘢、唔敢笑，
呢啲都係好多嚴重牙周病患者心入面嘅無奈 😔

其實牙周病患者唔係唔可以植牙，
而係一定要先將牙周病徹底治療好！
要先將牙菌斑、牙石清乾淨，
阻止細菌繼續擴散，先可以避免牙周病令植牙失敗。

👉 牙周病患者植牙有三大步驟：
✅ 步驟一：牙周病治療

先處理晒口腔內嘅牙菌斑、牙石、發炎狀況，
穩定牙周健康係第一步。

✅ 步驟二：重建齒槽骨 + 健康牙肉

當牙周病治療得差唔多，
醫生就會開始評估可唔可以進入植牙階段。

不過，嚴重牙周病患者嘅牙齒「地基」——齒槽骨，
同牙肉好多時都已經畀細菌侵蝕破壞。
而植牙成功嘅關鍵就係：
人工牙根一定要有紮實嘅地基先可以穩陣。

植牙前需要喺齒槽骨補骨粉，
可以用自體骨、異體骨或者人工骨粉，
目標係促進骨頭再生。同時會做補肉手術，
之後要等大約 3–6 個月，等牙肉、骨頭慢慢長返好，
地基夠穩固先可以真正進入植牙程序。

✅ 步驟三：正式進行植牙手術

當骨質、牙肉狀況全部達標，
就可以開始牙周病患者嘅植牙手術啦 ❤️

20/12/2025

☝ 牙齒矯正Q&A 🦷

🔸 1. 矯正前一定要拔牙嗎？
矯正是否需要拔牙，其實取決於矯正空間夠唔夠。
如果牙齒因為過度擠壓而排列不整，
矯正醫師會設計出適當空間，幫助牙齒順利排列。
每顆牙齒都有其重要作用，醫師會盡量避免拔牙，
只有在必要情況下先會建議拔除。

🔸 2. 矯正期間是否不能吃硬的及太黏的食物？
矯正初期，因為牙齒需要適應矯正器的拉力，
可能會有些牙齒不適，唔建議食堅硬或黏性高的食物。
這不單止可以避免增加牙齒的不適，
亦能減低矯正器脫落或清潔不完全嘅風險。
所以矯正期間，最好盡量避免食用呢啲食物。

🔸 3. 矯正後牙齒會再位移嗎？
其實牙齒係活的，經過矯正器調整後，為了保持新位置，
需繼續配戴維持器，幫助面部肌肉和咬合適應新嘅牙齒排列。
乖乖配戴維持器非常重要，這樣可以防止牙齒回位。

🔸 4. 矯正牙齒可以改變臉型或令面型變小嗎？
有啲人會以為矯正可以令臉變瘦或改變面型。
事實上，矯正可以改善咬合問題，例如戽斗、暴牙等，
對面型亦有一定幫助，但要令臉變細或者改變臉型，
這唔係矯正嘅主要效果。
所以，如果你想改善面型，仍然需要考慮其他方法。

🔸 5. 幾歲可以開始矯正牙齒？
矯正年齡唔一定，視乎每個人嘅情況而定。
部分小朋友可以喺7歲左右開始進行口腔評估，
及早開始矯正，尤其對骨骼發育有幫助。
而對成年人來說，只要冇牙周病問題，任何年齡都可以進行矯正！

🔸 6. 矯正期間會唔會有常見問題？應該點解決？
矯正期間只要適應期過咗，就唔需要太擔心。
遵從醫師指示正確使用牙套，
同時留意矯正前、中、後各階段的注意事項，就能順利進行矯正。

另外，以下3類食物喺矯正期間最好避免食用：

-堅硬食物：如堅果、硬糖果、軟骨等
-黏性食物：如麥芽糖、年糕等
-有色素食物：如咖喱等，以免影響矯正器及橡皮筋顏色。

希望呢啲資訊幫到你！

—
⭐️ Star Dental Alliance｜星齒科

19/12/2025

💡 生活習慣其實可以大大減少牙齒變黃嘅機會！
💁‍♀️我哋嚟詳細講下牙齒點解會染色、同埋點樣改善，
✔ 一齊睇下日常應該點做先可以keep住牙齒白淨：

【📌 1. 少食少飲「重色素」嘅食物】
如果你想牙齒保持亮白，平時就要盡量避免：
-濃茶
-咖啡
-汽水
-果汁
-以及啲加工味精／調色重嘅食品

🤭 如果真係戒唔到茶，
建議揀色素少又有含氟嘅綠茶。
唔止可以幫助美白、防蛀牙，仲可以保持口氣清新。

如果真係無辦法戒啲深色飲品，
用吸管飲係最好嘅方法，可以減少色素直接接觸牙齒嘅機會！

🐟 咩食物可以幫牙齒保持白淨？
以下啲食物色素少，甚至有助美白：

白飯、魚類、牛奶、水
西蘭花、芹菜、菠蘿、乳酪、海帶芽、三文魚
全部都係健康又美味嘅「美齒好物」！

💧 飲水真係好重要！
水可以沖走卡喺牙縫嘅食物渣同色素，保持口腔乾淨又濕潤。

【📌 2. 少食煙、少飲酒】
酒類通常含色素，
如果你想牙齒白淨，飲得少自然最好。
抽煙就更傷，尼古丁同焦油會令牙齒變黃、變黑，
仲會增加蛀牙同牙周病風險。

想牙齒好似牙膏廣告咁白亮亮？
👉 煙酒一定要戒！

【📌 3. 勤力清潔牙齒】
美白牙齒靠三部分：
飲食 × 生活習慣 × 清潔
其中清潔係最關鍵！

唔只起身、瞓前要刷牙，三餐之後都最好刷牙或漱口，
咁就可以帶走食物殘渣同色素，同蛀牙講拜拜，牙齒自然白淨靚靚！

18/12/2025

你有冇出現牙齦萎縮嘅情況？
點解牙齦會萎縮㗎呢？😨

所謂「牙齦萎縮」，簡單嚟講，
就係原本覆蓋住牙根表面嘅牙齦，因為某啲原因出現部分退縮。
外觀上可能會發現牙齒變得較長、牙縫變大，甚至牙根外露！
當進食冷、熱、酸、甜等食物時，牙齒容易出現痠痛不適，
有時仲會伴隨牙齦發炎或出血等問題。

❓ 咩原因會導致牙齦萎縮？

💥 1️⃣ 錯誤或過度用力刷牙
需要改善刷牙方法同力度，並正確使用牙線，避免對牙齦造成傷害。

💥 2️⃣ 牙周病
如果患有牙周病，必須先接受治療。
治療後牙齦消腫，表面上可能會覺得萎縮更明顯，
但其實整體牙齦健康狀況會有所改善。

💥 3️⃣ 牙齒排列不正
可先透過牙齒矯正，將牙齒移到理想位置，再進行相關牙齦治療。

牙醫會根據牙齦萎縮嘅成因、情況同程度，
判斷最合適嘅治療方式，並找出真正原因，
從而減低治療後再次萎縮嘅風險。

牙齦係保護牙根非常重要嘅組織。
牙齦萎縮除咗會引起不適、影響外觀同增加敏感度，
亦會令清潔變得困難，增加蛀牙同牙周病嘅風險。

因此，平時一定要養成正確嘅口腔清潔習慣，
仲要記住每半年定期洗牙同檢查，為牙齒健康好好把關！ 🦷✨

17/12/2025

Stardental 預祝各位
✨🎄Merry Christmas🎄✨

🎅🏼【 #營業時間調整】
📅 12月24日｜營業至 16:00
📅 12月25–28日｜休診
📅 12月29日｜恢復正常應診

-
⭐️ Star Dental Alliance | 星齒科

16/12/2025

【牙齒黃，點解都話用陶瓷貼片最好改善？🧐】

牙齒出現黃斑，可能係因為色素沉澱、飲食習慣、
或者牙菌斑、蛀牙、舊補牙物料老化等等因素造成。
如果牙面已經變色、變黃、出現污漬，
就算點勤力刷牙都唔會完全刷得走。

市面上嘅牙齒美白方法，例如冷光美白、居家美白，
雖然可以令色斑淡啲、或者令牙齒變回原本嘅白度，
望落好似白咗，但效果始終有限，
維持時間唔算長，仲好容易因為飲食習慣而回色。

如果牙齒有黃斑或偏黃，想一勞永逸，
陶瓷貼片絕對係首選。
因為你可以指定想要嘅白度，
呢點係冷光美白同居家美白做唔到嘅。
而且美白效果即刻見到、超耐用、維持時間又長，
相對之下，陶瓷貼片係最長久嘅牙齒美白方法。

【㊙除咗改善牙齒黃，陶瓷貼片仲有咩優缺點？】
陶瓷貼片唔單止可以改善齒色、
解決大部分人都有嘅牙黃問題，
如果你覺得自己牙型唔靚、牙太細／太短，
都可以用貼片一併改善齒列同外觀。

⭐陶瓷牙貼片優點快速總結：
>比真牙唔容易染色，飲咖啡、茶都唔易返黃
>貼片覆蓋嘅位置唔會再蛀牙
>琺瑯質受損／小範圍蛀牙都可以用貼片保護返
>牙齒用咗好多年磨損、有缺口、有凹痕，
>全瓷貼片可以令你一口牙煥然一新，美觀度大提升

15/12/2025

你有 #牙齦腫痛嘅問題嗎？
其實可能係以下 7 個原因搞出嚟嘅！

牙齒同牙肉裏面嘅神經係相連㗎，
所以你覺得牙痛，其實好多時係牙肉痛。
最常見原因就係牙齦發炎，嚴重啲仲會變成牙周病。
主要都係細菌入侵，引起牙肉紅、腫、痛、熱。
另外仲有啲情況，例如口瘡、腺體發炎等，都會令牙齦痛。

🔥牙齦腫痛嘅 7 個可能原因‼️
1️⃣ 蛀牙

蛀到入牙髓神經就會引起牙髓炎，
痛感會一路蔓延到牙周、牙肉。
如果見到牙齒變黑、牙肉痛，就要快啲睇牙醫。

2️⃣ 牙齦炎 / 牙周病

牙菌斑、牙石上面嘅細菌攻擊牙肉，引起發炎。
初期可能冇乜感覺，一鬆懈就會惡化成牙周病。
越早睇醫生越好。

3️⃣ 咬合不正

牙齒排列唔整齊、牙罅太大或太窄，
咬嘅時候受力唔平均，長期就會令局部牙肉痛。
尤其係兩隻牙之間嘅「牙齦乳突」，最易畀擠壓，
會覺得啲牙罅好似卡住嘢咁。

4️⃣ 牙齦增生

牙肉太厚、甚至遮住部分牙齒，容易積牙菌斑，引起牙肉痛。
成因可能係遺傳、長期服用精神科藥物、抗排斥藥、
或者戴牙套令組織增生。
太多嘅時候可以做手術切走，
否則停藥、拆牙套，再做好清潔，通常都會慢慢好返。

5️⃣ 口腔潰瘍 / 黏膜炎

最常見係皰疹病毒感染，
亦可能係化療、放療、刺激性藥物或食物停留太耐引致嘅傷口，
又或者係本身免疫系統問題。
可以影響牙肉、黏膜、舌頭，全口都會痛。
因為原因好多，最好搵醫生睇一睇。

6️⃣ 唾液腺炎

唾液腺會經一條管輸送口水入口腔。
但如果啲導管畀細菌感染、成日食煙、壓力大、飲水少，
就好易引起唾液腺發炎，甚至變成狹窄、結石。
唔只牙肉痛，嚴重仲會造成敗血症。
所以每日水分真係要飲夠。

7️⃣ 智齒發炎

大部分人嘅智齒都唔係直直咁長，
好多都係歪嘅，會擠壓到前面啲牙而引起痛。
或者只係露出部份，另一半仲喺牙肉裏面，
中間嗰條細縫好易積細菌，令牙肉發炎。
一般如果智齒係歪嘅，都會建議早啲拔走。

Address

Room 1102, Central Building, Pedder Street
Central & Western District
00852

Opening Hours

Monday	09:00 - 06:30
Tuesday	09:00 - 06:30
Wednesday	09:00 - 06:30
Thursday	09:00 - 06:30
Friday	09:00 - 06:30
Saturday	09:00 - 01:00

Website

http://www.stardental.com.hk/

Alerts

Be the first to know and let us send you an email when Star Dental Alliance posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Central & Western District?