Nutrilicious

15/01/2026

【Taste of Italy🇮🇹:細味人生】
NUTRILICIOUS一直相信：食物唔只係滿足味蕾，亦係認識文化與生活方式嘅一種體驗。 最近Michelle去了意大利，親身感受當地飲食文化，從旅程入面重新體會到「營養與享受」其實可以並存。
呢趟意大利美食之旅真係令人回味無窮—由拿坡里pizza🍕、羅馬的手工 pasta🍝、Juicy的佛羅倫斯牛扒🥩，到香滑的提拉米蘇同gelato，每一啖都係故事。喺意大利旅行其實好啱練習「食得開心又健康」。
好多研究都提到，🐟地中海式飲食—多蔬果、全穀物、豆類、魚類同橄欖油—有助心血管同代謝健康。所以點餐時，Michelle會刻意揀番蕃茄醬或蔬菜為主嘅 pasta，同薄底、多菜嘅 pizza，再配一碟沙律🥗，令一餐有色、有纖維，又有好脂肪。🍰甜品方面，雪糕同提拉米蘇都會食，不過偏向細份量、慢慢嘆，當成真正嘅「享受時刻」，再加上每日行萬步睇城市，喺味道同健康之間搵到屬於自己嘅平衡。

🧡NUTRILICIOUS營食TIPS:
🍝 1. 慢慢食，認真食。 意大利人用心感受食物嘅味道，同枱邊人傾計，咁樣對消化同控制食量都有幫助。
🧀 2. 質素重於份量。 一小塊靚芝士、一湯匙橄欖油或者一球手工雪糕，夠晒滿足又唔過量。
🍷 3. 一日講平衡。 午餐食得豐富少少，晚餐就簡單啲，好似魚加菜，咁樣既享受又唔會太飽。
🥗 4. 多走幾步，自然健康。 喺街市、博物館、古城區咁行，每日輕鬆達到萬步，活動量自然夠。
❤️ 5. 帶住感恩去食。 每餐飯都係一種文化體驗，一種生活節奏。

"Life is so endlessly delicious." - Nutrilicious🍓
———————————————————⁣
❣️即刻Follow我地𝐍𝐔𝐓𝐑𝐈𝐋𝐈𝐂𝐈𝐎𝐔𝐒嘅𝐈𝐆：www.instagram.com/nutrilicious_hk
———————————————————⁣
#吃出健康 #齊齊做個有營人 #您的專屬營養師團

30/12/2025

【🏃‍♂️青少年營養：蛋白棒】
我哋嘅創辦人Michelle最近接受《南華早報》Young Post 專訪 🗞️，分享咗佢對蛋白棒嘅專業見解💬！好多人以為蛋白棒一定係健康之選，但其實要留意糖分、添加劑同蛋白質含量，先可以真正食得「醒」又食得「健康」✨。 💡。

想知道點樣揀啱自己嘅健康零食？快啲去睇下 South China Morning Post 報導👇
www.youngpostclub.com/yp/being-well/health/article/3335906/nutritionist-explains-how-healthy-protein-bars-actually-are-teens
———————————————————⁣
❣️即刻Follow我地𝐍𝐔𝐓𝐑𝐈𝐋𝐈𝐂𝐈𝐎𝐔𝐒嘅𝐈𝐆：www.instagram.com/nutrilicious_hk
———————————————————⁣
#吃出健康 #齊齊做個有營人 #您的專屬營養師團

18/12/2025

【🇭🇰 WinterFest冬日小鎮·中環 】
走進充滿歡樂的冬日小鎮，皇后像廣場花園將化身成閃亮的聖誕天地🎅🏻❄️，20米高的巨型聖誕樹🎄和琳瑯滿目的節日裝飾令人嘆為觀止。投入「光影匯·中環」，沉浸於視聽盛宴當中，並到遮打道的星光長廊中打卡📸！
⛄聖誕節總少不了豐富美食同聚會，但記得要「開心食、聰明食」！

💁🏻‍♀️NUTRILICIOUS 5大要訣 嚴防聖誕增磅🐷
➊ 控制進食順序
建議按照「菜→肉→澱粉」嘅順序進食。先食啲新鮮嘅聖誕沙律，先食到五分飽，咁就可以幫助你控制總攝取量！

➋ 選擇合適嘅蛋白質
喺聖誕餐桌上，海鮮係最佳嘅蛋白質來源，其次係火雞同雞肉，牛肉同豬肉就要適量食用。除此之外，豆腐同豆類都係唔錯嘅優質蛋白質選擇，可以作為素食者嘅替代品～
➌ 避免地雷食物
多選擇天然嘅原型食物，盡量唔接觸油炸食品、加工零食、含糖飲料同高熱量嘅聖誕甜品（例如聖誕布甸同聖誕蛋糕）等。如果食打邊爐，建議選擇清淡嘅湯底，並避免使用高油高鹽嘅湯底！

🥂酒精飲品要適量飲用，因為過量唔單止對身體有害，仲可能影響蛋白質合成，而酒精嘅熱量差唔多同脂肪一樣，甚至高過碳水化合物！

希望喺呢個聖誕節過後，大家都可以保持健康嘅身體同良好嘅體態，享受節日嘅快樂！

WE WISH Y'ALL A MERRY & HEALTHY CHRISTMAS🙂
=======
Hongkong Land LANDMARK置地廣塲 Discover Hong Kong - 香港政府観光局

11/12/2025

【🦠益生菌與益生元 X 健康與疾病 👨‍⚕️👩‍⚕️】
我們的創辦人Michelle今年再次出席咗由香港理工大學食品安全及科技研究院（RiFood)主辦的 4th Probiotics & Prebiotics in Health and Disease Symposium 2025🙂
今次研討會聚焦探討益生菌（Probiotics）同益生元（Prebiotics）喺腸道健康、代謝疾病、免疫調節及心理健康等方面嘅最新科研進展。好榮幸可以聽到來自本地同海外學者、營養專家同醫護人員分享最新臨床研究成果，題目包括：
- 腸道微生態與慢性疾病嘅關聯
- 益生菌對兒童及長者健康嘅實證應用
- 未來食品科技與個人化營養方向

🍎NUTRILICIOUS近年來特別關注「腸腦軸」(🧠gut-brain axis) 嘅研究發展—原來心理壓力、睡眠質素同腸道微生物多樣性都有密切關係！😊

❤感謝理大 RiFood 提供咁具啟發性嘅平台，推動科研與臨床實踐之間嘅交流。 我們會繼續關注益生菌領域嘅進展，將新知識應用喺健康推廣同營養輔導工作上。
=====
PolyU Academy for Interdisciplinary Research
PolyU Research Institute for Future Food 香港理工大學未來食品研究院

04/12/2025

【營養師教你暖笠笠過冬】精選保暖食物＋餐單，健康又暖身🧣
🌬️寒流來襲，天氣愈嚟愈凍！想喺低溫下都保持暖笠笠，其實關鍵唔係食肥膩嘢「儲肥」，而係識揀啱食物幫身體提升產熱力。我們的創辦人Michelle今次在 推介10大保暖食物同飲食貼士，助你健康又暖身咁過冬☃！

寒流襲港，本港天氣顯著轉涼，市區最低氣溫更只有14度，新界部分地區寒冷。其實靠揀啱食物加強身體產熱力，遠比搵高脂肪或飲酒「儲肥」過冬有效。以下推介10大暖身食物，以及飲食小貼士，幫你抵禦冬日嚴寒。 1. 生薑 薑...

27/11/2025

【 #營養師吃什麼 : Dolce Vita🇮🇹🐟】
坐落於灣仔百年古蹟地標和昌大押，樓高四層的Sophia Loren House，懷舊風格裝潢，極還原昔日香港情懷分別為薄餅店、海鮮餐廳、懷舊酒廊以及天台酒吧，即刻帶大家去Casa Sophia Loren海鮮餐廳一睹風采！
💙Casa Sophia Loren嘅海鮮餐廳主打新鮮豐富嘅當造海鮮，配合地中海風味嘅橄欖油🫒、柑橘及香草，呈獻地道南意大利風味。

🧡NUTRILICIOUS營食意大利菜TIPS:
🔸盡量揀當季新鮮食材🥕，味道更佳而且營養豐富
🔸多食鮮魚及海鮮🦀，攝取Omega-3脂肪酸，有益心臟健康
🔸善用橄欖油代替牛油或忌廉，促進健康脂肪攝入
🔸儘量選擇新鲜茄汁🍅或橄欖油為基礎嘅醬汁，減少高脂肪醬料
🔸控制意粉份量🍝，配合多蔬菜同全穀類食物達致均衡飲食
———————————————————⁣
❣️即刻Follow我地𝐍𝐔𝐓𝐑𝐈𝐋𝐈𝐂𝐈𝐎𝐔𝐒嘅𝐈𝐆：www.instagram.com/nutrilicious_hk
———————————————————⁣
#吃出健康 #齊齊做個有營人 #您的專屬營養師團

13/11/2025

【 #營養師吃什麼 : Tokyolima 】
Weekend同 Shelby 🐧 去咗試日秘 fusion 餐廳 TokyoLima 嘅 semi-buffet lunch，以 $198 起嘅價錢任食沙律、卷物、前菜同酸橘汁醃海鮮 (ceviche)，選擇比想像中更多、更新鮮。主菜可自由揀選，再可加錢配甜品/飲品。食物質素 not bad，環境舒適，性價比高。🍽️✨🐧Shelby 話：「我最鍾意蝦同三文魚！」🐙 嗯…企鵝嘅口味真係海洋代表。

營養師角度 ：
▪️沙律吧提供高纖蔬菜，配蛋白質如豆類、魚生或雞胸，補水又低脂。
▪️Ceviche 富含 Omega-3 脂肪酸同維他命 D，有助心血管健康。
▪️醋汁酸味亦可促進胃口，減少用餐間過量進食主菜。
▪️ 燒三文魚扒
魚肉含優質脂肪酸 (EPA、DHA)，有助降低炎症、保護心臟。
照燒芫荽芥末蛋黃醬雖然惹味，但建議適量添加，以控制熱量與脂肪攝取。
▪️ 牛臀肉扒
牛肉提供豐富鐵質與維他命 B12，有助製造紅血球。不過烹調偏熟，建議搭配大量蔬菜平衡膳食纖維攝取。黃辣椒蘑菇添層次感之餘亦提供抗氧化成分。

🧡NUTRILICIOUS營食buffet小貼士:
先從沙律、酸味小食開始，可自然減少主菜分量。
選主菜時以高蛋白低脂為原則（魚、海鮮、瘦肉）。
保持餐後水分補充，避免過量鹽分累積。
———————————————————⁣
❣️即刻Follow我地𝐍𝐔𝐓𝐑𝐈𝐋𝐈𝐂𝐈𝐎𝐔𝐒嘅𝐈𝐆：www.instagram.com/nutrilicious_hk
———————————————————⁣
#吃出健康 #齊齊做個有營人 #您的專屬營養師團

30/10/2025

【 #營養師吃什麼 : Calle Ocho🇪🇸 】
📣Nutrilicious 有新成員—Shelby企鵝🐧！Shelby將會陪伴我哋創辦人Michelle一齊環遊世界，外出品嘗美食，仲要一齊落廚大展身手。今次我哋去咗銅鑼灣嘅西班牙餐廳Calle Ocho，體驗地中海飲食嘅魅力。🥗🐟🍋地中海飲食以新鮮蔬菜、水果、橄欖油、魚類同全穀物為主，有助心血管健康同提升整體能量。

💁🏻‍♀️NUTRILICIOUS地中海飲食貼士，幫大家輕鬆實踐：
🔸多選擇橄欖油代替牛油或人造牛油
🔸每天吃夠多樣彩色2+3蔬果
🔸每星期食2-3次脂肪豐富嘅魚，例如三文魚
🔸減少紅肉，多用豆類或堅果替代蛋白質
🔸選擇全穀物，如全麥麵包同糙米
———————————————————⁣
❣️即刻Follow𝐍𝐔𝐓𝐑𝐈𝐋𝐈𝐂𝐈𝐎𝐔𝐒新成員Shelby企鵝嘅𝐈𝐆：www.instagram.com/penguinshelby
———————————————————⁣
#吃出健康 #齊齊做個有營人 #您的專屬營養師團

23/10/2025

【 NurtureOurFuture｜同心守護每個孩子💛】
🎉恭賀我哋長期合作夥伴幼聯(CECES)成功舉辦《25加家強制舉報虐待兒童條例》論壇。作為幼聯前榮譽健康教育顧問嘅Michelle，她深受現場真誠分享嘅討論同守護每一個孩子承諾所啟發😃。
👧🏻👦🏻兒童階段的均衡營養是健康成長的基礎。🍎健康飲食應包含優質蛋白質，提供必需胺基酸以支持組織與器官發育；充足的鈣質和維生素D促進骨骼強健；鐵質有助認知功能和血液健康。多元不飽和脂肪酸對腦部發育重要，而複合碳水化合物和膳食纖維則提供持久能量並維護腸道健康。這些關鍵營養素共同支持兒童的生理發展、學習能力與情緒穩定。

👊真正保護孩子唔止於法例，更在於社區互助同關懷。我哋致力與CECES及各醫療保健夥伴共同推動「零虐待、零自殺、零欺凌」願景，為下一代營造安全、充滿愛嘅成長環境。

💥讓我哋透過營養教育與支持，攜手培養健康、快樂成長嘅孩子，為未來打下穩固基礎🌱💛
====================================
CECES 香港幼兒教育及服務聯會（幼聯）
#幼聯 #三零願景 #兒童保護 #家庭同行 #社區關懷

16/10/2025

【 #營養師吃什麼 : 🌱健康可持續飲食 】
位於銅鑼灣嘅 Towngas CulinArt 1862 以融合藝術同可持續餐飲為理念，將本地有機農場直送嘅新鮮食材結合世界食材，炮製出創新又高質嘅西式佳餚，每一道菜都充滿環保心思同健康元素。👨‍🍳主廚 Emmanuel Soulière 非常熱衷推動可持續飲食，嚴格遵守💚 ESG 原則，支持本地農場，令你食得開心之餘，更食得安心健康😃！

💁🏻‍♀️必試招牌菜色x 營養亮點🌟
🥗Garden Salad 配茄子醬及紅蔥頭油醋
清新爽口，滿滿蔬菜纖維，有助腸道健康同抗氧化。

🐟Tuna Tataki（吞拿魚刺身）配出汁、芥末及芝麻
高蛋白低脂肪，含有豐富Omega-3，有助心臟健康同大腦功能。

🐙Octopus Carpaccio (章魚生魚片) 配Parmesan芝士及芝麻菜
低熱量高蛋白，含豐富維他命B12，助提升新陳代謝。

🍄Wild Mushroom Risotto 配松露及Parmesan
蘑菇富含抗氧化素及膳食纖維，松露更添珍貴風味，幫助增強免疫力。

🦀Seafood Bouillabaisse 海鮮燴湯配自製醬
多種海鮮提供豐富礦物質同優質蛋白，且低脂健康。

🐓Roasted Chicken 配橙同百里香
以本地養殖雞肉製作，蛋白質豐富且脂肪含量低，是健康選擇。

🦆Roasted Duck Crown 配芹菜根及醃梨
鴨肉富含鋅及維他命B群，適量享用有助提升免疫系統同維持活力。

🌍 大家不妨由下一餐開始多選植物性蛋白、本地時令蔬菜，食得有營之餘，也為環境出一分力！
———————————————————⁣
❣️即刻Follow我地𝐍𝐔𝐓𝐑𝐈𝐋𝐈𝐂𝐈𝐎𝐔𝐒嘅𝐈𝐆：www.instagram.com/nutrilicious_hk
———————————————————⁣
#吃出健康 #齊齊做個有營人 #您的專屬營養師團

09/10/2025

【 #營養師吃什麼 : Le Colvert🦆 】
🦆🦆⋯⋯全部都係鴨！
全新🇫🇷法式餐廳 Le Colvert 主打鴨肉料理，室內更以「鴨」為主題貫穿整體氛圍，從裝飾到菜式擺盤，每個細節都充滿巧思。餐廳特別從法國引入3款不同鴨品種，主打head to toe（由頭吃到尾），除了有大路的鴨腿、鴨胸、鴨肝，還有法菜少見的鴨舌、鴨心、鴨腎，一次過吃盡鴨的不同部位。

👑 必試招牌
▪Tasting Platter（鴨部位拼盤）：一次過試齊鴨嘅唔同部位，營養豐富，包括高蛋白嘅鴨胸肉同鴨腿肉，飽足感強，脂肪比例適中。
▪香煎脆皮鴨胸：皮脆肉嫩，鴨胸肉含有豐富維他命B群，有助提升能量代謝，保持精神爽利。
▪黑松露鴨肝鴨胸蘑菇長通粉：鴨肝燉製富含鐵質及維他命A，對改善皮膚狀態同補血好有幫助，加上黑松露提升免疫力。
▪香脆鴨油薯條：鴨油代替普通植物油，膽固醇低且含有單元不飽和脂肪酸，健康而且味道香濃。
▪雅文邑酒酿櫻桃配杏仁金磚蛋糕：甜品使用杏仁，含有他命素E，有助抗氧化，同時櫻桃富含花青素，助減輕炎症。

🧡NUTRILICIOUS營飲小提示
🦆鴨肉含有豐富蛋白質及維他命B12，有助造血及提升代謝，係秋冬抵禦疲勞嘅好選擇。
🦆鴨肝含豐富鐵質及維他命A，但熱量較高，適量享用最理想。
🦆鴨油含單元不飽和脂肪酸，有助提升心臟健康，不過油脂較重，可配搭多蔬菜平衡飲食。
———————————————————⁣
❣️即刻Follow我地𝐍𝐔𝐓𝐑𝐈𝐋𝐈𝐂𝐈𝐎𝐔𝐒嘅𝐈𝐆：www.instagram.com/nutrilicious_hk
———————————————————⁣
#吃出健康 #齊齊做個有營人 #您的專屬營養師團

25/09/2025

【☕星巴克香港25周年：咖啡、社區與回憶同行】
香港的咖啡文化融合傳統同現代，由經典奶茶到星巴克25年的咖啡旅程，喺太古城的「星星相識25年」主題展，包括懷舊Bearista公仔、限量版MONOPOLY、免費試飲Blonde Espresso，仲有咖啡大師工作坊參加！☕️🎨

NUTRILICIOUS營飲咖啡TIPS：
🌿 選擇熱量低嘅基底咖啡，如Blonde Espresso約5大卡、美式咖啡約15大卡，低熱量又富抗氧化成分。
🌿 用脫脂奶或植物奶（杏仁、燕麥、豆奶）代替全脂奶，減低飽和脂肪攝取，依然滑順。
🌿 避免多糖加味，如糖漿、焦糖醬、奶油忌廉，減少額外熱量攝取。
🌿 選擇小杯（Tall）適量飲用，控制咖啡因及卡路里。
🌿 咖啡有輕微利尿作用，要同時飲食水保持身體水份平衡。
🌿 Frappuccino熱量較高（約210至260大卡），適合作為偶爾放縱。

☕星巴克飲品熱量參考 (Tall)：
-Blonde Espresso Roast：5kcal
-美式咖啡：15kcal
-脫脂牛奶拿鐵：120kcal
-焦糖瑪奇朵：190kcal
-摩卡：250kcal
-Frappuccino：210-260大卡（視乎款式）
========================
Starbucks Hong Kong Nutrilicious Cityplaza Hong Kong