24/10/2025
🤧💊👨🏻⚕️
近期流感高發
很多人都深受其擾🫨
揚醫想同大家講
中醫處理流感有豐富經驗同有效方法
只要掌握幾個關鍵☝🏻
就能安心應對😊
1. 中醫唔係得一種方法醫流感
首先可以有中藥內服🍵
根據你嘅體質同證狀開方用藥
另外有針灸，可以快速舒緩頭痛、肌肉酸痛🪡
而且有拔罐、刮痧
可以幫助身體驅邪外出👻
仲有食療同藥膳，幫助康復🍲
大家要知道中醫係一個完整嘅醫療體系
成本傷寒論都係講緊感冒導致的各種可能性
能夠從多角度幫你恢復健康😆
2. 流感喺中醫睇嚟
有「風寒」、「風熱」等唔同類型🤔
如果係風寒感冒（怕凍嚴重、關節痛）但飲咗清熱嘅涼茶
或者風熱感冒（發高熱、喉痛明顯）卻飲咗溫補嘅湯水
就好容易愈醫愈咳，拖長病情😷
中醫醫師會透過望聞問切
準確分辨你係寒定熱、虛定實
從根源上針對核心問題治療
自然事半功倍💪🏻
如果單純用成藥抑制證狀
絕對唔係好方法
只會愈醫愈多問題產生
所以大家一定要注意💯
3. 「效如桴鼓」係指針對核心問題用藥治療後
效果可以好似敲鼓咁響亮同快速🤩
而「中病即止」係指一旦病情好轉
就會調整用藥
絕唔會過度治療🙅♀️
中醫唔係慢郎中
對於流感呢類外感病
只要辨證準確
往往能快速見效
而且治好之後身體會恢復得更好🫰🏻
唔會食完成藥後個人好虛的感覺
4. 流感初起
病邪仲喺表淺位置
其實係最好醫嘅時機⏰️
千萬唔好覺得「頂得順」就拖住
等到咳嗽嚴重、發高燒、周身唔妥先去睇醫生
咁樣病邪已經入裡
治療起嚟就更複雜
恢復時間也更長
所以，一有唔舒服
盡早尋求專業中醫師幫助🙂↕️
係最快康復嘅不二法門
總結嚟講
中醫醫治流感係一套
個人化、有策略、見效快且注重整體嘅智慧🦉
希望大家下次遇到流感時
可以考慮信賴中醫幫您穩妥應對
