What are the opening hours?

Monday 11:00 - 20:00 Tuesday 11:00 - 20:00 Wednesday 11:00 - 20:00 Thursday 11:00 - 20:00 Friday 11:00 - 20:00

玲瓏中醫診所 Exquisite herbal and acupuncture clinic, 8B, Yam Tsz Commercial building, 23 Thomson Road, Wan Chai, Hong Kong (2026)

Q: What is the address?

8B, Yam Tsz Commercial Building, 23 Thomson Road, Wan Chai

17/05/2022

【其他舒緩方法】

食中藥同外洗藥雖然可治療主婦手
但一定要改善日常嘅生活習慣
先可以減低主婦手再次出現嘅機會
平時亦都要注意以下事項：

➀ 避免經常使用酒精搓手液👐🏻
轉用不含酒精嘅消毒用品

➁減少過度洗手而洗手水溫亦不宜過熱
避免雙手容易變得乾燥

➂改用無皂性、低刺激性嘅清潔液🧴
減少化學成分刺激皮膚嘅機會
例如凡士林可以搽係龜裂嘅地方

➃戴上手套做家務🧹
以免刺激皮膚出現發炎問題

➄千祈唔好亂抓皮膚
避免令到皮損位置擴大
以及受到細菌感染

➅濕熱毒蘊人士應保持雙手乾爽
洗手後儘快抺乾雙手
如果長期戴手套又易出手汗
應恆常更換新手套

➆血虛生風人士係洗完手後
要用油性嘅護膚品滋潤肌膚👍🏻
保持雙手皮膚滋潤

➇平時亦可以㩒下以下嘅穴位
有助舒緩主婦手嘅不適
但係㩒穴位都有分證型
記得要睇清楚下面嘅介紹啦！

║ 🅐 濕熱毒蘊 ║
➀ 曲池
📌 屈肘成直角肘橫紋外端與肱骨外上髁連線嘅中點
👩🏻‍⚕️：清瀉陽明熱邪

➁ 陰陵泉
📌 小腿內側脛骨內側髁下方凹陷處
👩🏻‍⚕️：清化濕濁

➂ 豐隆
📌 外膝眼與外踝尖連線嘅中點
👩🏻‍⚕️：祛痰化濕

║ 🅑血虛生風型 ║
➀ 風市
📌 大腿外側中線上膕橫紋上9寸
(雙手自然垂直中指尖指住嘅位置)
👩🏻‍⚕️：疏散風邪止癢

➁ 血海
📌 大腿內側髕底內側上2寸 ( 約2橫拇指位 )
👩🏻‍⚕️：養血祛風

➂ 膈俞
📌 第7胸椎棘突下旁開1.5寸 ( 約2隻手指位 )
👩🏻‍⚕️：養血活血止癢

患者可以每日用5-10分鐘左右
自行輕輕按壓呢啲穴位都有助舒緩㗎🔥

———

呢啲護理同注意事項雖然簡單
但係要堅持就十分困難
所以大家一定要有決心
當然情況嚴重最好都係搵醫師處理
避免拖延治療令到主婦手反覆發作啦👩🏻‍⚕️

如有任何問題或者想預約治療
歡迎致電 ☎ 2383 3001
或 whatsapp📱6600 6040 查詢

#接觸性皮膚炎 #新冠肺炎 #線上診症 #線上內科診症 #玲瓏中醫 #灣仔 #中醫 #脈診 #把脈 #婦科 #痛症 #內科 #皮膚科 #針灸 #開藥 #中醫診所 #中醫婦科 #中醫痛症 #中醫皮膚科 #中醫全科 #拔罐 #走罐 #刮痧 #放血 #灣仔中醫 #玲瓏中醫診所

13/05/2022

【中醫會點樣處理主婦手呀？】

主婦手係臨床上都屬於常見嘅皮膚疾病
醫師會先根據病人發病特徵及身體狀況辨證🔍
再以內服中藥為主外用中藥為副進行治療
除此以外亦可配合針灸加強療效

主婦手主要有以下兩種證型：

🅐 濕熱毒蘊💧
｜起病急驟｜皮膚呈鮮紅腫脹｜痕癢甚至有灼痛感｜
[ 有水皰或大皰 / 滲液流出黃色液體 ]
▶︎ 清熱利濕止癢
👩🏻‍⚕️：要戒吃蝦蟹、鴨、鵝及牛肉等發物，平時可以飲啲赤小豆薏米湯。唔好自行刺破水泡，以免傷口感染。保持雙手乾爽。

🅑 血虛生風型🩸
｜皮膚呈黯淡｜皮膚乾燥脫皮｜瘙癢劇烈｜
[ 有鱗屑或苔蘚樣變 / 甚至滲血 / 皮損肥厚乾燥結痂 ]
▶︎ 滋陰養血、熄風止癢
👩🏻‍⚕️：應避免進食燥熱及辛辣嘅食物，例如薯片、辣椒等等，平時可用沙參、麥冬、玉竹煲湯，有助滋陰潤膚。經常為雙手保濕，塗上潤手霜滋潤手部。

📍由於香港位於華南沿岸加上天氣潮濕🌧
所以濕熱型嘅主婦手較常見

醫師除咗會開內服藥之外
仲會透過外用中藥舒緩「主婦手」嘅問題
簡單介紹下常用嘅外用中藥啦：

➊ 濕熱毒蘊
常用藥：
蒲公英、牡丹皮、白鮮皮、地膚子、黄柏等

蒲公英 ⌁ 清熱解毒
白鮮皮、地膚子 ⌁ 清熱燥濕止癢
牡丹皮 ⌁ 清熱涼血止癢
黃柏 ⌁ 清熱燥濕
⚠️血虛生風者忌用⚠️

➋ 血虛生風型
常用藥：
生地、白及、玉竹、僵蠶、徐長卿等

生地 ⌁ 養陰涼血
白及 ⌁ 收斂止血
僵蠶、徐長卿 ⌁ 袪風止癢
玉竹 ⌁ 生津潤燥
⚠️濕熱並重者忌用⚠️

不過因為證型唔同
所需藥物亦有分別
建議大家都係要經醫師辨證後使用
唔好自己亂咁用呀！
———

除咗要搵醫師診治外
平時亦需要進行雙手護理
下一篇會講一啲自行舒緩嘅方法
護理同埋注意事項～
一齊解決「主婦手」問題啦！

如有任何問題或者想預約調理
歡迎致電 ☎ 2383 3001
或 whatsapp📱6600 6040 查詢

#接觸性皮膚炎 #新冠肺炎 #線上診症 #線上內科診症 #玲瓏中醫 #灣仔 #中醫 #脈診 #把脈 #婦科 #痛症 #內科 #皮膚科 #針灸 #開藥 #中醫診所 #中醫婦科 #中醫痛症 #中醫皮膚科 #中醫全科 #拔罐 #走罐 #刮痧 #放血 #灣仔中醫 #玲瓏中醫診所

05/04/2022

【如果出現咗後遺症有冇方法可以舒緩呀?】

其實大部分後遺症都冇大家想像中咁可怕🔍
針對唔同症狀嘅後遺症
都有相應嘅舒緩方法
大家可以參考下以下嘅方法呀！

➊ 咳嗽🗣

🔸咳嗽痰少色黃🔸
◂ 川貝陳皮海底椰湯 ▸
材料 (3-4人用)：
｜川貝 20克｜陳皮 3-4片｜
｜海底椰 20克｜瘦肉 300克｜
❌ 寒濕痰多、痰質稀色白

🔸 咳嗽痰多色白質稀🔸
◂ 陳皮淮山白扁豆栗米湯▸
材料 (3-4人用)：
｜陳皮 3-4片｜鮮淮山一條｜
｜白扁豆30克｜粟米 2條｜生薑2-3片｜
❌ 乾咳、燥熱痰少、痰黏色黃

🔸 乾咳無痰🔸
◂ 沙參百合無花果瘦肉湯▸
材料 (3-4人用)：
｜北沙參 20克｜乾百合 30克｜無花果 5粒｜
｜南北杏15克｜紅蘿蔔 1條｜瘦肉 300克｜
❌ 痰多、舌苔厚

⦁ 穴位按壓 ⦁
天突：頸前正中線胸骨上窩中央
定喘：第7頸椎棘突下旁開0.5寸(半橫拇指)
——

➋口乾飲多😩
◂ 沙參玉竹雪梨糖水 ▸
材料 (3-4人用)：
｜沙參 20克｜玉竹 20克｜
｜雪梨 1大個｜冰糖適量｜
✅ 陰津虧虛之舌紅有裂紋，或有剝苔
❌ 咳嗽、痰濕內盛之舌胖大、苔厚膩
——

➌ 鼻塞、嗅覺減弱🤥
✔︎ 飲用／聞薄荷茶
✅ 鼻塞伴有頭痛，缺乏精神
❌ G6PD

⦁ 穴位按壓 ⦁
迎香：鼻翼外緣中點旁鼻唇溝中凹陷處
印堂：兩眉頭之中間
——

➍ 頭暈目眩及心慌氣短😵‍💫
✔︎ 蜜糖水、紅棗水

✅ 虛證嘅頭暈心慌，舌淡，脈弱無力
❌ 痰濕困阻舌胖大苔厚、肝陽上亢舌紅尖紅無苔

⦁ 穴位按壓 ⇨ 頭暈目眩 ⦁
太陽：
眉梢與目外角之間向後約一橫指嘅凹陷處
率谷：
耳尖直上入髮際1.5吋 (約2隻手指闊)
風池：
枕骨下斜方肌上部外緣與胸鎖乳突肌上端後緣之間凹陷處

⦁ 穴位按壓 ⇨ 心慌氣短 ⦁
內關：前臂掌側腕橫紋正中上2寸 (約兩橫拇指)
膻中：胸部正中線平第四肋間隙處即兩乳頭之間
——

➎ 消化不良🤮
✔︎ 山楂水、陳皮普洱茶
✅ 食滯、飯後易頂胃
❌ 食得多但好快肚餓
——

➏ 胃口欠佳🤢
✔︎ 生薑紅糖水、麥芽糖水
✅ 食少，肚冰冷而喜按喜暖，自覺虛弱
❌ 食滯消化不良

⦁ 穴位按壓 ⦁
有消化不良或胃口欠佳問題嘅朋友都可以按壓以下穴位
足三里：
小腿前外側外膝眼下3寸(4隻手指闊) 脛骨前緣外一橫指
中脘：
前正中線臍中上4寸胸劍突部與臍中連線嘅中點
——

➐ 便秘😖
✔︎ 火麻仁茶、杏仁茶
✅ 大便乾結、粒狀，無力大便
❌ 便爛、大便唔成形
⦁ 穴位按壓 ⦁
支溝：前臂腕背橫紋正中上3寸(4隻手指闊)
曲池：屈肘時肘橫紋外側末端與肱骨外上髁連線的中點
天樞：肚臍兩旁，旁開2寸(兩橫拇指)
——

➑腹瀉、大便爛😔
◂ 淮山白朮茯苓薏米湯 ▸
材料 (3-4人用)：
｜乾淮山 30克｜白朮 20克｜茯苓30克｜
｜生熟薏米各15克｜蜜棗 2粒｜瘦肉 300克｜
✅ 脾虛濕重舌胖大、舌苔厚
❌ 便秘、大便乾結

⦁ 穴位按壓 ⦁
天樞：
肚臍兩旁旁開2寸(兩橫拇指)
足三里：
小腿前外側外膝眼下3寸(4隻手指闊) 脛骨前緣外一橫指
上巨虛：
小腿前外側外膝眼下6寸即足三里直下3寸
——

➒ 健忘發呆、專注力下降😮
⦁ 穴位按壓 ⦁
百會：頭頂正中線與兩耳尖直上頭頂中央交點
四神聰：頭頂正中百會穴前後左右各一寸(一橫拇指) 共計四穴
——

➓ 月經不調😢
⦁ 穴位按壓 ⦁
陰陵泉：
小腿內側脛骨內側髁後下方凹陷處
三陰交：
小腿內側足內踝尖上3寸(4隻手指闊) 脛骨內側緣後方凹陷處
子宮穴：
臍中下4寸(約一手掌闊) 中極旁開3寸(4隻手指闊)

➯ 月經提早、延遲或者停經
👩🏻‍⚕️ 非月經時候按壓
➯ 痛經
👩🏻‍⚕️ 月經前或正值痛經嘅時候按壓

——

🥱 疲倦乏力 🥱
疲倦可因氣虛、血虛、陰虛或陽虛所導致
胡亂進補有機會加重症狀及引伸其他問題❗❗
所以建議肺炎康復後仍經常覺得攰嘅病人
都係搵醫師診症服用合適嘅中藥調理比較好👩🏻‍⚕️
———

如果以上症狀持續唔能夠緩解
又或發現情況加重
應該儘快尋求醫生嘅診治⚠️
而心慌氣短、月經不調、健忘發呆、
專注力下降等後遺症一般都需要時間調理🕒
亦建議直接向醫師請教合適嘅調理方案

診所除咗為感染新冠肺炎嘅病人
提供義診服務之外
亦會為新冠肺炎康復者提供
⚡️免診金⚡️優惠治療相關後遺症
有需要嘅病人可以打黎預約
向醫師諮詢一下自己嘅身體狀況啊💭
優惠期直至2022年6月30日

本診所提供線上就診服務及新冠肺炎義診服務
如有任何問題或者想預約治療
歡迎致電 ☎ 2383 3001
或 whatsapp📱6600 6040 查詢

#新冠肺炎 #新冠病毒 #新型冠狀病毒 #線上診症 #線上內科診症 #玲瓏中醫 #灣仔 #中醫 #脈診 #把脈 #婦科 #痛症 #內科 #皮膚科 #針灸 #開藥 #中醫診所 #中醫婦科 #中醫痛症 #中醫皮膚科 #中醫全科 #拔罐 #走罐 #刮痧 #放血 #灣仔中醫 #玲瓏中醫診所

31/03/2022

【點解轉咗陰性都仲有唔舒服嘅?】

有病人問我哋
係確診完新冠病毒檢測都轉為陰性之後🌞
仲有冇需要服用中藥去治療或者調理呀?

其實都要睇病人轉陰之後嘅情況如何👥
有部分病人檢測轉為陰性之後
身體狀況大致良好冇咩特別唔舒服
可以透過食療慢慢復元
但有部分病人或會出現一啲後遺症🗣
情況嚴重最好都係及早就醫處理
今次會同大家講一講
有機會出現係新冠病毒康復者身上嘅後遺症

➀ 咳嗽、咯痰、流涕鼻塞、嗅覺味覺減弱🤧
｜久咳不癒｜眠前咳嗽增｜連續咳嗽不斷｜
｜痰少質黏｜自覺有痰但咳唔出｜喉嚨痕｜
｜鼻涕量少但綿綿不斷｜鼻涕阻塞鼻腔導致呼吸不暢｜

➁ 口乾飲多😶
｜經常口乾｜飲水多但不能解渴或很快口乾｜

➂ 頭暈目眩😵‍💫
｜易坐低起身頭暈眼花｜稍活動亦易頭暈｜

➃ 心慌氣短、氣喘😮‍💨
｜說話聲小無力｜呼吸經常深而大｜
｜稍活動易心慌喘氣｜肺活量不如以前｜

➄ 胃口不佳、大便爛或便秘🤭
｜不欲進食｜易飯後頂胃或反胃｜
｜容易腹瀉｜大便質爛不成形｜便秘或大便無力｜

➅ 健忘、經常發呆、專注力下降😬
｜經常記不起事｜不知道自己在做什麼｜
｜工作或學習時不能集中精神｜

➆ 月經不調🙍🏻‍♀️
｜月經提早/延遲｜血量增多/減少｜
｜經行頭暈/腰酸/疲倦｜

➇ 疲倦乏力🥱
｜經常無精神｜四肢軟弱無力｜
——

至於點解會出現後遺症
係中醫嘅角度嚟睇👩🏻‍⚕️
有以下兩個主要原因：

║ 氣陰兩虛😷 ║
病邪損傷人體元氣同陰液
身體機能抗邪後一時唔能夠恢愎
氣虛會令人出現頭暈目眩、心慌氣短、
氣喘、疲倦乏力、月經提早、
量多色淡、經行頭暈等等問題
而陰津損耗嘅病人就會出現
口乾飲多、乾咳、便秘等情況

║ 肺脾虧虛🫁 ║
「肺合皮毛而主表」、「鼻為肺之外竅」
外邪侵犯人體時多從鼻竅、皮毛侵入
所以係感染外邪嘅時候最先損傷就會係肺氣
↪️ 肺氣不利就會出現久咳不止、咯痰、
流涕鼻塞、氣短氣喘、嗅覺不靈等症狀

「肺司呼吸，清氣攝於肺；
脾主運化，穀氣化生於脾」
肺脾同為後天之氣嘅泉源
生理上會互相協調、兩者嘅關係密切
脾會因肺失宣降而不利於運作
↪️當脾唔能夠如常運作時
就會出現胃口不佳、大便爛、月經延遲等問題
而痰濕唔能夠被脾運化
痰濕積聚就會出現
疲倦、健忘、經常發呆、專注力下降等影響
———

後遺症嘅影響可大可小☝🏻
有啲後遺症都係要靠服食中藥或針灸去治理
所以檢測轉陰之後都唔可以掉以輕心呀❕❕
要多留意自己嘅身體狀況
注意飲食多作休息多曬太陽增強體質💪🏻
都可以減低後遺症嘅影響㗎
我哋下次就會分享一下
有助舒緩同改善後遺症嘅湯水同穴位
記住留意啦✨

本診所提供線上就診服務及新冠肺炎義診服務
如有任何問題或者想預約治療
歡迎致電 ☎ 2383 3001
或 whatsapp📱6600 6040 查詢

#新冠肺炎 #新冠病毒 #新型冠狀病毒 #線上診症 #線上內科診症 #玲瓏中醫 #灣仔 #中醫 #脈診 #把脈 #婦科 #痛症 #內科 #皮膚科 #針灸 #開藥 #中醫診所 #中醫婦科 #中醫痛症 #中醫皮膚科 #中醫全科 #拔罐 #走罐 #刮痧 #放血 #灣仔中醫 #玲瓏中醫診所

26/03/2022

【指尖下的脈象？】

脈象除咗有唔同嘅速度之外
仲有好多唔同嘅形狀、形態㗎💫
當手指放上脈搏上
就會感受到手指尖下有唔同嘅感覺
以下介紹一下比較常見嘅脈象
一齊嚟摸下脈啦👧🏻

➀ 浮脈
[ 輕取即得 ║ 重按稍減而不空 ║ 舉之有餘 ║ 按之不足 ]
（脈動好似係皮下淺表部位輕按就摸到）
👩🏻‍⚕️ 一般見於表證(外感初起)
✅ 瘦人皮膚較薄容易把出浮脈／夏秋天脈象偏浮都屬正常

➁ 沉脈
[ 輕取不應 ║ 重按始得 ║ 舉之不足 ║ 按之有餘 ]
（脈象顯現部位較深要大力按先可以感受到）
👩🏻‍⚕️ 多見於里證 (外感後期、臟腑陰陽氣血失調)
➡︎ 有力為里實
➡︎ 無力為里虛
✅ 肥人皮膚較厚容易把出沉脈／冬天脈象偏沉都屬正常

➂ 虛脈
[ 三部脈舉之無力 ║ 按之空豁 ║ 應指松軟］
（無力脈象嘅總稱）
👩🏻‍⚕️ 見於虛證多為氣血兩虛

➃ 實脈
[ 三部脈充實有力 ║ 其勢來去皆盛 ║ 應指有力］
（有力脈象嘅總稱）
👩🏻‍⚕️ 見於實證
✅ 脈實而緩屬正常現象

➄ 洪脈
[ 脈體寛大 ║ 充實有力 ║ 來盛去衰 ║ 狀若波濤洶湧］
（脈大而有力 / 但來時力強去時力弱）
👩🏻‍⚕️ 多見於陽明氣分熱盛
✅ 夏天常見嘅脈象夏天脈象偏洪都屬正常

➅ 細脈
[ 脈細如綫 ║ 但應指明顯］
（脈細好似一條線 / 但按之不絕手指感覺明顯）
👩🏻‍⚕️ 多見於氣血兩虛嘅病

➆ 滑脈
[ 往來流利 ║ 應指圓滑 ║ 如盤走珠］
（手指下感覺好似有粒波子係咁打圈）
👩🏻‍⚕️ 多見於痰濕、食積和實熱等病證
✅ 青壯年人／婦女懷孕嘅常見脈象

➇ 弦脈
[ 端直以長 ║ 如按琴弦］
（手指下感覺好似彈緊結他嘅弦線）
👩🏻‍⚕️ 多見於疼痛、痰飲、肝膽病等
✅ 春季常見脈象／隨年齡增長、緊張易怒、熬夜
脈象都會變得相對冇咁柔和而弦
———

同一個位置可以同時有幾種唔同嘅脈象㗎💬
例如沉細脈、弦滑數脈咁
而唔同位置嘅脈象都可以唔同㗎

綜合脈象篇呢三個post
大家可以多啲摸下自己嘅脈
比較一下每日有咩唔同
又可以摸下唔同人嘅脈
你會發現原來個個嘅脈都會有啲唔同㗎😉

線上診症時可以同醫師
簡單描述下自己嘅脈象係點樣、有冇力
醫師就會根據脈象並綜合其他症狀及舌象
處方適當嘅藥物俾大家👩🏻‍⚕️

本診所提供線上就診服務及新冠肺炎義診服務
如有任何問題或者想預約治療
歡迎致電 ☎ 2383 3001
或 whatsapp📱6600 6040 查詢

#線上診症 #線上內科診症 #玲瓏中醫 #灣仔 #中醫 #脈診 #把脈 #婦科 #痛症 #內科 #皮膚科 #針灸 #開藥 #中醫診所 #中醫婦科 #中醫痛症 #中醫皮膚科 #中醫全科 #拔罐 #走罐 #刮痧 #放血 #中藥沖劑 #灣仔中醫 #玲瓏中醫診所

24/03/2022

【哇！我啲脈象咁快嘅！】

有好多人以為脈象嘅速度一定等於心跳嘅速度🧐
答案其實係唔一定㗎！
同速度有關嘅脈象主要有遲脈、數脈
同節律有關嘅脈象有促脈、結脈、代脈
一齊睇下代表咩啦🔍

首先我哋了解一下正常嘅脈象係點樣先：
正常脈象稱為「平脈」
➡︎ 脈搏從容緩和不浮不沉
➡︎ 感覺應指節律一致
➡︎ 一息(一次呼吸)搏動4或5次
➡︎ 即大約60～90次/分鐘

咁唔正常嘅脈搏速度應該會係點呢？🤔
⇣⇣ 以下介紹幾種同速度有關嘅脈象 ⇣⇣

➀ 遲脈
[ 脈來遲緩 ║ 一息不足四至］
（脈搏60次以下／分鐘）
👩🏻‍⚕️ 多見於寒證
➡︎ 遲而有力為實寒
➡︎ 遲而無力為虛寒
➡︎ 亦見於邪熱結聚之實熱證
✅ 正常人係入睡之後脈搏較慢則屬於生理性遲脈

➁ 數脈
[ 脈來急促 ║ 一息五至以上不滿七至 ]
（脈搏90-120次／分鐘）
👩🏻‍⚕️ 多見於熱證、里虛證

而長期進行體力訓練嘅人士🚴🏻‍♀️
係平靜嘅時候脈搏會較一般人緩慢
而飯後、運動後、緊張或酒精藥物影響下🍺
心跳速度會加快但休息過後可以回復正常
呢啲都屬生理性脈象唔需要特別治療

除咗快慢
⇣⇣ 仲會有啲脈象係同節律有關⇣⇣

➀ 促脈
[ 脈來數而時有一止 ║ 止無定數 ]
（脈搏快而且不規則地停止）
👩🏻‍⚕️ 多見於陽盛實熱、氣血痰食停滯
😱 甚至係臟氣衰敗

➁ 結脈
[ 脈來緩慢而時有中止 ║ 止無定數 ]
（脈搏慢而且脈律唔齊 / 不規則地停止）
👩🏻‍⚕️ 多見於陰盛氣結、寒痰血瘀
🤧 亦可能係氣血虛衰

➂ 代脈
[ 脈來一止 ║ 止有定數 ║ 良久方來 ]
（脈律唔齊但有規則地停止 / 停止時間較長）
👩🏻‍⚕️ 多見於臟腑衰微
🥺 疼痛、受驚、跌倒損傷時都有機會出現

⚠️正常人係情緒激動、
過勞、飲酒或濃茶咖啡後☕️
都有機會出現促、結、代脈
不過好快會回復正常脈搏☝🏻
———

臨床上心率不正嘅病人一般都會摸到結代脈
但無心率不正嘅病人都可以摸到結代脈㗎
所以心跳同脈象唔一定有必然關係🔗
不過為安全起見
都會建議病人先做心電圖檢查排除心臟問題🫀
以免耽誤心臟疾病嘅診斷同治療

每個人嘅正常脈搏都會有差異
最緊要係同自己過往嘅脈象作比較🗓
發現有異常就要儘快求醫啦

本診所提供線上就診服務及新冠肺炎義診服務
如有任何問題或者想預約治療
歡迎致電 ☎ 2383 3001
或 whatsapp📱6600 6040 查詢

#線上診症 #線上內科診症 #玲瓏中醫 #灣仔 #中醫 #脈診 #把脈 #脈搏 #脈速 #婦科 #痛症 #內科 #皮膚科 #針灸 #開藥 #中醫診所 #中醫婦科 #中醫痛症 #中醫皮膚科 #中醫全科 #拔罐 #走罐 #刮痧 #放血 #中藥沖劑 #灣仔中醫 #玲瓏中醫診所

21/03/2022

【把脈其實反映緊啲咩？】

疫情嚴重導致好多病人都唔方便出門
特別係中咗新冠病毒嘅病人更加要居家隔離
為此診所推出咗線上診症服務👩🏻‍💻
令病人可以安坐家中接受診症
但係線上診症就要靠病人描述脈象俾醫師聽啦
今次特登出post同大家介紹下點摸脈
大家睇完都可以試下摸下自己嘅脈㗎！

把脈係中醫特有嘅診症方法
利用手指感受脈動形象👆🏻
透過脈象推測人體臟腑氣血陰陽嘅強弱👩🏻‍⚕️
其實把脈方法有好多種
而我哋平時常見嘅方法係寸口診法
簡單介紹下咩係寸口診法啦～

首先寸口脈分為寸、關、尺三部份
把脈嘅位置係雙手手腕脈搏位置上
由手腕橫紋開始放上食指
然後中指同無名指由上至下指依次排列
食指係寸脈、中指係關脈、無名指係尺脈
雙手一共六個位置🤲🏻
而左手脈主陰 [ 血 ] 右手脈主陽 [ 氣 ]

呢六個部份亦分別代表唔同嘅臟腑
⊲左手⊳ [ 陰／血 ]🫀
║寸║心║
║關║肝║
║尺║腎║

⊲右手⊳ [ 陽／氣 ]💨
║寸║肺║
║關║脾║
║尺║命門║

當三隻手指放啱係相應嘅位置之後
就可以開始把脈啦！
首先要感受整體脈象嘅力度
然後再逐隻手指分三種力度感受
║輕力按║加少少力按║大力按║
咁就可以知道心肝脾肺腎命門各臟腑情況如何
當大家做到呢一步嘅時候
已經學識咗把脈嘅基礎㗎啦😉
———

雖然大家未必識得分唔同嘅脈象
但都可以先感受下各位置嘅強弱💭
比較下兩隻手嘅脈象感覺有咩唔同
之後如果要進行線上診症
都唔洗太擔心自己要摸脈嘅環節啦🔍
我哋嚟緊會繼續介紹一下唔同嘅脈象
大家可以繼續留意下了解多啲😉

本診所提供線上就診服務及新冠肺炎義診服務
如有任何問題或者想預約治療
歡迎致電 ☎ 2383 3001
或 whatsapp📱6600 6040 查詢

#線上診症 #線上內科診症 #玲瓏中醫 #灣仔 #中醫 #把脈 #脈象 #寸口診法 #寸關尺 #痛症 #內科 #針灸 #開藥 #中醫診所 #中醫婦科 #中醫痛症 #中醫皮膚科 #中醫全科 #拔罐 #走罐 #刮痧 #放血 #中藥沖劑 #灣仔中醫 #玲瓏中醫診所

11/03/2022

【小兒推拿幫助退熱及推拿注意事項】

係疫情下家長最擔心小朋友染病
因為當高燒持續不退時可引致抽搐昏迷
嚴重嘅話仲會有生命危險
除咗食退燒藥之外
家長其實仲可以試下用小兒推拿嘅手法幫助小朋友退燒🏠

小兒推拿係一種推拿手法專門針對6歲或以下嘅小朋友🤲🏻
透過推拿小兒嘅經絡穴位從而達到治療嘅作用
小兒推拿嘅操作手法簡單易明
家長係屋企都可以試下幫助舒緩小朋友嘅不適啊✅

║ 退熱推拿手法 ║
可用清水做介質💦 具體操作如下：
➀「開天門」
由小兒眉心開始，用兩隻拇指自下而上交替直推向髮際邊緣，約50次

➁「推坎宮」
由小兒眉心起，用兩拇指自眉頭向兩邊眉端分推，約50次

➂「揉太陽」
用拇指或中指指端按揉太陽穴，約50次

➃「清肺經」
由小兒無名指掌面掌指關節開始，推向指尖，約100次

➄「清天河水」
由腕橫紋開始，沿前臂內側正中推向肘橫紋，約300次

➅「推天柱骨」
用拇指或食中指，沿頸後髮際正中至大椎穴自上而下直推，約100次

➆ 若發熱無汗：「推三關」
由腕橫紋開始，沿前臂橈側推向肘橫紋，約300次

➇ 若發熱汗出：「推六腑」
由肘橫紋開始，沿前臂尺側推向腕橫紋，約300次

家長幫小朋友進行小兒推拿時
需要留意以下幾點：
➊ 小兒推拿治療越早退熱效果越好
➋ 推拿切忌手法粗暴👋🏻
➌ 用力要均勻持久、柔和
➍ 用力宜輕以患兒能夠承受為度
➎ 推拿前切勿過飢或過飽
➏ 操作前半個小時不宜給寶寶進食以防嘔吐🤮
➐ 小兒哭鬧時要先安撫好情緒先再進行
➑ 多給小兒喝溫水有助散熱維持體內水液平衡
———

以上手法適用於治療外感發熱嘅小朋友
發緊燒嘅時候一日可以做2-3次
記得力度要溫柔唔係愈大力愈好㗎🔎
有咩問題歡迎DM我哋問清楚😉

我哋都有開放線上診症服務及新冠肺炎義診服務
小朋友其實滿6個月已經可以飲中藥㗎啦
係過去兩個星期已經幫助咗唔少嬰幼兒康復
歡迎有需要嘅家長或病人預約👩🏻‍⚕️

如有任何問題或者想預約診症
歡迎致電 ☎ 2383 3001
或 whatsapp📱6600 6040 查詢

#新冠病毒 #新冠肺炎 #線上診症 #線上內科診症 #玲瓏中醫 #灣仔 #中醫 #婦科 #痛症 #內科 #皮膚科 #針灸 #開藥 #中醫診所 #中醫婦科 #中醫痛症 #中醫皮膚科 #中醫全科 #拔罐 #走罐 #刮痧 #放血 #中藥沖劑 #灣仔中醫 #玲瓏中醫診所

08/03/2022

【中咗招除咗食退燒藥仲可以點自救？】

隨住每日嘅確診數字不斷增加
急症室醫院隔離病房床位爆滿
中招後可能都要居家隔離及治療
其實除咗服食退燒藥之外
仲可以點樣自救？

以下係感染新冠肺炎後的常見症狀
◂ 發燒、肌肉痠痛、全身無力、咳嗽 ▸
◂ 喉嚨疼痛、噁心嘔吐、腹痛腹瀉、打噴嚏 ▸
◂ 鼻塞流鼻水、嗅味覺異常、頭痛、呼吸困難等 ▸
針對唔同嘅症狀
大家可以試下以下嘅方法幫助舒緩不適！❇️

║ 發燒 ║
多飲水、可於大椎刮痧
📍 位置：
項背正中線第七頸椎棘突下凹陷中
低頭時頸後正中
會隨住轉頭而活動的隆起最高點
✋🏻 刮痧方法：
先搽少許按摩油或BB油
用刮痧板或陶瓷羹於大椎由上而下刮
刮至出痧為度

║ 周身骨痛 ║
👋🏻 拍打背部嘅經絡 [由上至下] 及
雙手內外側嘅經絡 [由胸到手掌側再由手背側到胸]

║ 咳嗽 ║
❌戒口：
甜食、肥膩、煎炸、辛辣、凍飲、生冷、水果、補品、老火湯等食物
🗣 拍痰：
先側瞓然後身微微傾向床旁邊
手掌形成「弓」字形於上背部由下往上輕拍

║ 喉嚨痛 ║
用鹽水或用金銀花、連翹及蒲公英煲水後漱口
🥛每次含在口中約30秒重複3-4次

║ 頭痛 ║
💆🏻‍♀️ 可按太陽、風池、率谷
📍 太陽：眉梢與眼尾外之間
向後約一橫指的凹陷處
📍 風池：項部枕骨下斜方肌上部外緣
與胸鎖乳突肌上端後緣之間凹陷處
📍 率谷：耳尖直上入髮際1.5寸 [約2隻手指]

║ 打噴嚏、鼻塞流鼻水、嗅味覺異常 ║
飲熱飲、注意保暖🧣
可按迎香、印堂、攢竹
📍 迎香：鼻翼外緣中點旁鼻唇溝中凹陷處
📍 印堂：兩眉眉頭的中間
📍 攢竹：眉頭中眶上切跡處

║ 噁心嘔吐 ║
多飲暖水💧
可按中脘、足三里、內關
📍 中脘：上腹部正中線臍中上4寸
劍突 [雞心] 與臍中連線的中點
📍 足三里：小腿前外側外膝眼下3寸 [約4隻手指]
脛骨前緣外 [拇指一橫指]
📍 內關：前臂掌側腕橫紋中正上2寸 [拇指兩橫指]

║ 腹痛腹瀉 ║
熱敷及塗驅風油♨️
多飲暖水
可按天樞、足三里、上巨虛
📍 天樞：腹中部臍中旁開2寸 [拇指兩橫指]
📍 足三里：小腿前外側外膝眼下3寸 [約4隻手指]
脛骨前緣外 [拇指一橫指]
📍 上巨虛：小腿前外側足三里直下3寸 [約4隻手指] 脛骨前緣外 [拇指一橫指]

║ ❗️呼吸困難❗️║
沒有自救方法！
請馬上到急症室求醫！🚑
———

休養期間亦要多休息、多瞓覺、
勿吹風、多飲暖或熱飲、飲食清淡🧘🏻‍♀️
亦要多留意家中長者、小孩及長期病患者狀況
若出現呼吸困難、昏迷、抽搐等狀況
必須馬上到急症室求醫！

本診所提供線上就診服務
及新冠肺炎義診服務
歡迎致電 ☎ 2383 3001
或 whatsapp📱6600 6040了解及預約

#新冠病毒 #新冠肺炎 #線上診症 #線上內科診症 #玲瓏中醫 #灣仔 #中醫 #婦科 #痛症 #內科 #皮膚科 #針灸 #開藥 #中醫診所 #中醫婦科 #中醫痛症 #中醫皮膚科 #中醫全科 #拔罐 #走罐 #刮痧 #放血 #中藥沖劑 #灣仔中醫 #玲瓏中醫診所

28/02/2022

「疫情線上義診服務🖥」

現今疫情緊張醫療系統不勝負荷⚠️
普羅市民染疫亦只能夠留係屋企照顧自己
本診所希望為大家出一分力共度難關
由今日起為新型冠狀病毒感染者
提供 💡線上義診服務💡

對於新冠病毒
至今未有好好嘅特效藥
而由於人人體質唔同👥
坊間嘅成藥唔能夠對症下藥
線上診症雖然未能夠親自把脈
但透過問診同舌象
可以基本了解到患者嘅體質同病況
透過中藥調理加強身體抵抗力🔰
有助減低重症以及加快治癒
———

⌁ 線上義診服務詳情🗒 ⌁

➀ 本診所為「新型冠狀病毒感染者」
提供免費診症及首三天藥費👩🏻‍⚕️

➁ 求診者須致電 2383 3001☎️
或 WhatsApp / Signal 6600 6040 預約📱

➂ 求診者於預約時
須指明參加「新型冠狀病毒感染者免費線上診症服務」
及出示感染新型冠狀病毒證明🩺
（包括：快速檢測結果、官方檢測結果短信、檢測報告、西醫證明書等）

➃ 若未能提供檢測證明及身份證明文件
均不能享用此計劃
❗️檢測證明不可後補提供❗️

➄ 求診者可透過電話、WhatsApp視像、👩🏻‍💻
FaceTime等進行線上診症📞

➅ 求診者由本診所安排醫師診症
並不設指定醫師服務👩🏻‍⚕️🧑🏻‍⚕️
——

⌁ 運送藥物詳情🚚 ⌁

➊ 本診所會使用順豐速運發送藥物💫
運送費用需要自付
求診者可選擇到付
或透過電子付款方式予診所代付寄出

➋ 由於速遞公司有機會因疫情關係😷
不設上門快遞服務或只提供有限度服務
或因強檢圍封不予進入大廈
請求診者預先安排其他人（如朋友／親人)
協助取藥或送遞💁🏻‍♀️

➌ 如確診病人已入住政府隔離設施
恕不設送藥服務⛔️

◂ 備註 ▸
㈠本診所提供免費診症直至患者檢測轉陰
首三天免藥費三天後藥費須自付
㈡不能與其他優惠同時使用
㈢玲瓏中醫診所保留
所有更改是次義診服務之條款
而毋須另外通知之權利
㈣玲瓏中醫診所保留一切最終決定權
———

如對線上義診服務有任何問題
或者想預約診症
歡迎致電 ☎ 2383 3001
或 WhatsApp/Signal 📱6600 6040 查詢

#新冠病毒 #新冠肺炎 #線上診症 #線上內科診症 #玲瓏中醫 #灣仔 #中醫 #婦科 #痛症 #內科 #皮膚科 #針灸 #開藥 #中醫診所 #中醫婦科 #中醫痛症 #中醫皮膚科 #中醫全科 #拔罐 #走罐 #刮痧 #放血 #中藥沖劑 #灣仔中醫 #玲瓏中醫診所

17/12/2021

【又係時候做天灸啦！】

冬季養生除咗可以透過上一篇嘅食療進行之外
中醫仲有一個特別嘅養生方法
就係「三九天灸」🔥
天灸屬於穴位敷貼療法
係特定日子裡面
採用溫熱性質嘅中藥貼敷喺皮膚上
透過藥物刺激局部穴位
從而達到溫陽散寒等功效🌞

冬天係陽氣斂藏嘅日子
呢段期間陽氣衛外機能比較弱
所以容易受寒邪入侵
患上同寒邪有關嘅疾病😨
因此係「三九天」進行天灸治療
有助袪除寒邪、扶助正氣👍🏻
對於一啲呼吸道疾病
或者體虛易感冒等有良好預防作用
亦可鞏固夏天天灸嘅療效
互相配合提升體內陽氣💫

「三九天灸」日子以冬至為第一日
整個療程每隔9日做一次
一共做3次✅
若體質較虛弱嘅人士
可以多做一次加強療效

本年度「三九天灸」時間表如下：
2021年12月21日 (初伏)
2021年12月30日 (中伏)
2022年1月8日 (末伏)
2022年1月17日 (加強)

【適合人士】
有哮喘、鼻敏感、氣管敏感等呼吸道問題、
經期不調、痛經、經常怕凍⛄️、
容易感冒、腹瀉
或者反覆腰酸腰痛等
屬虛寒嘅朋友

【⚠️ 禁忌 ⚠️】
如果出現以下問題嘅朋友
例如正值感冒、發燒(體温38°C以上)、
咽喉發炎、實熱或虛熱體質、
孕婦、一歲以下幼兒、
皮膚有嚴重過敏或破損、
對中藥有過敏反應或蟹足腫患者、
嚴重糖尿病等等
就唔適合進行天灸啦！

【注意事項】
貼敷位置一般會出現皮膚發紅
或者灼熱痕癢甚至少數人會起小水疱
亦會出現色素沉著即「留印」
一般幾星期至幾個月後會自行消退
———

係進行天灸前
醫師會為病人先作簡單體質檢查🔍
確保病人適合進行天灸
天灸嘅過程十分簡單快捷
有興趣嘅朋友歡迎直接聯絡我哋呀👧🏻

如有任何問題或者想預約調理
歡迎致電 ☎ 2383 3001
或 whatsapp📱6600 6040 查詢

#冬季養生 #三九天 #三九天灸 #天灸 #玲瓏中醫 #灣仔 #中醫 #婦科 #痛症 #內科 #皮膚科 #針灸 #開藥 #中醫診所 #中醫婦科 #中醫痛症 #中醫皮膚科 #中醫全科 #拔罐 #走罐 #刮痧 #放血 #中藥沖劑 #灣仔中醫 #玲瓏中醫診所

玲瓏中醫診所 Exquisite herbal and acupuncture clinic

17/05/2022

13/05/2022

05/04/2022

31/03/2022

26/03/2022

24/03/2022

21/03/2022

11/03/2022

08/03/2022

28/02/2022

17/12/2021

Address

Opening Hours

Telephone

Website

Alerts

Contact The Practice

Shortcuts

Share

Category

Monday	11:00 - 20:00
Tuesday	11:00 - 20:00
Wednesday	11:00 - 20:00
Thursday	11:00 - 20:00
Friday	11:00 - 20:00