17/04/2026
你有沒有試過，走入一個空間，都未開始做任何事，就已經覺得可以放鬆？
一個令人感覺「舒服」的空間，
從來唔係理所當然。
而係每一個人嘅少少用心，慢慢累積而成。
係每個人在你之前，已經悄悄為你想多一步。
準時出現上堂，唔係規矩。而係你知道，當你遲到的那一刻，有人嘅呼吸被打斷了，有人嘅專注被帶走咗，有人嘅練習開始，因為你而變得不安穩。
降低聲音，唔係要你壓抑自己。而係你感覺到，旁邊各位同學今日終於找到了一點寧靜，你唔想親手將佢粉碎。
繞過人哋嘅瑜伽蓆，唔止係小心，而係你認知道——呢塊蓆上，對另一個人嚟講，今日可能係佢唯一嘅一片安全地帶。
愛惜工具，將用完嘅工具好好放回原位，係因為你想到下一個人，而唔係因為有人喺度監督你。
所有這些事情，講起上嚟好似好微小，做起來，其實要先慢下來，才做得到。慢下來，感覺一下呢個空間裡還有其他人。
這就是 Ahimsa——非暴力。
唔係「不去做壞事」，而係你願意主動感受其他人嘅存在，然後多走一步。
這亦係Saucha——清淨。
唔止係將地方保持乾淨，亦係你選擇對呢個共同空間，負一點責任，令下一位入嚟練習嘅同學感覺舒服一點。
我哋話瑜伽係生活方式，但有時候講得太「高大上」，反而唔知道從哪裡開始。
其實就是呢度：
準時。輕聲。留意。愛惜。
在瑜伽蓆上，我們練習愛自己；
在蓆之外，我們練習如何體恤其他人。
呢啲小小嘅選擇，係你願意覺察自己，也願意睇見其他人嘅第一步。
我係Dana
