10/09/2025
上星期我哋講過關於喺香港揸車有乜嘢視力要求，其實非常簡單，只需要可以喺23米距離讀到車牌上嘅字。
至於其他國家或城市，不單止要求視力良好，重要有正常的周邊視野，而對於商業車輛司機嘅要求就更高。
喺呢度我用咗英國同香港做比較。英國要求司機嘅水平視野必須要達至120度，揸車嘅時候周邊視野其實比中心視力更為重要。因為駕駛時馬路兩旁都會發生好多事，例如有行人會喺馬路兩旁走岀嚟，有車切線，爬頭等等。
2023年澳洲曾經發表一個關於31,000名50 歲以上駕駛者嘅研究報告，結果顯示遇上車禍嘅駕駛者有一半以上都有視野缺失。駕駛者的眼睛若果有任何程度的視野缺失，撞車嘅機會增加84%。
立法會交通事務委員會在2023年5月都曾經討論過要檢討駕駛者嘅視力同身體健康情況的要求。
當時香港—醫院管理局社區復康中心臨床指引建議
非商用車輛司機
水平視野應至少為120度，左右延伸至少50度，上下延伸至少20度
商用車輛司機
水平視野應至少為160度，左右延伸至少70度，上下延伸至少30度
之後唔知係咪因為有團體反對收緊要求，最後政府都冇作出任何修改。
#淨係23米睇車牌
#視野冇要求
#英國
