27/11/2025
很多 #遠視 嘅人配眼鏡都會留意到戴咗眼鏡之後對眼會放大咗，外觀不太滿意。遠視鏡原理上同 #放大鏡 基本上係一樣，所以戴咗之後對眼就變大咗，度數越深，放大的比率就越大。
要解決放大嘅問題，首先要理解乜嘢會影響放大率。根據 Spectacle Magnification (SM) Formula 。。。
。。。。。下删幾十頁
簡單來講，可考慮使用：
1. #非球面設計 (Aspheric Lenses)傳統鏡片嘅弧度（基弧）比較彎，令鏡片中間好厚。非球面設計將弧度造得更平坦，減少咗鏡片嘅形狀因子 (Shape Factor) 嘅放大作用，令鏡片更薄、更自然。
2. #高折射率物料 (High-Index Material)
選擇 1.67 或 1.74 呢類高折射率物料。佢哋可以令鏡片做到更薄、更輕，即使放大率未完全消除，但鏡片本身嘅厚度減少咗，美觀效果都會好好多。
3. 選擇 #細眼鏡框
鏡框越細，鏡片需要嘅直徑就越細。咁樣可以減少鏡片整體厚度，同時亦減低咗鏡片邊緣嘅放大效應。
4. #縮短眼睛和鏡片距離 (Vertex Distance)
將鏡框調教至盡量貼近眼球，令鏡片與眼睛嘅距離拉近，可以減少放大作用。標準距離係12mm，距離減少咗會影響光線折射進入眼睛嘅實際度數，有需要時可以更改鏡片度數作補償。
所以，如果你有深度遠視，最好嘅做法係同視光師溝通，要求使用高折射率嘅非球面鏡片，並且選擇一個尺碼細小嘅眼鏡框，最後將眼鏡調教到較為貼面，咁樣就可以達致最佳嘅美觀效果。
若果你有呢方面嘅煩惱，歡迎留言俾我哋睇吓幫唔幫到你😊
