KidsHangout野孩子

KidsHangout野孩子 KidsHangout鼓勵大小朋友做個「野孩子」擁抱大自然�，透過同大自然嘅互動嚟學習，可揀廣東話或普通話場次。

見到🐜螞蟻時，唔少香港媽媽 / 爸爸都會露出驚恐嘅表情，走夾唔唞咁拖走小朋友，傳遞咗個訊息俾小朋友「螞蟻好恐怖」。從此螞蟻就響佢嘅世界消失。但係原來觀察螞蟻都可以學到對考小有用嘅Skills。觀察螞蟻🐜唔單止可以激發小朋友好奇螞蟻點搬大過自...
19/09/2025

見到🐜螞蟻時，唔少香港媽媽 / 爸爸都會露出驚恐嘅表情，走夾唔唞咁拖走小朋友，傳遞咗個訊息俾小朋友「螞蟻好恐怖」。

從此螞蟻就響佢嘅世界消失。

但係原來觀察螞蟻都可以學到對考小有用嘅Skills。

觀察螞蟻🐜唔單止可以激發小朋友好奇螞蟻點搬大過自己嘅昆蟲，仲可以透過觀察嚟提升小朋友嘅專注力，亦可以學埋螞蟻分工合作嘅精神，再教埋生死教育都得，從細就識得尊重任何小生命。

呢D大自然🍃教嘅Skills對升小都好有幫助，面試班教唔到嘅喎。

前排見到唔少小朋友用手拎住隻非洲大蝸牛，仲有唔少 #香港媽媽 / 爸爸鼓勵小朋友咁做。😱不過千祈唔好俾非洲大蝸牛🐌個樣呃咗，佢係入侵物種，並唔係我哋細個時成日見到嘅小蝸牛。⚠️非洲大蝸牛成隻都係菌🦠，好多寄生蟲，千祈唔好用手掂佢，嚴重嘅話仲...
13/09/2025

前排見到唔少小朋友用手拎住隻非洲大蝸牛，仲有唔少 #香港媽媽 / 爸爸鼓勵小朋友咁做。😱

不過千祈唔好俾非洲大蝸牛🐌個樣呃咗，佢係入侵物種，並唔係我哋細個時成日見到嘅小蝸牛。

⚠️非洲大蝸牛成隻都係菌🦠，好多寄生蟲，千祈唔好用手掂佢，嚴重嘅話仲會引起腦炎。

大自然就係咁，有好嘅一面，都會有唔好嘅一面，大小朋友亦無需要過分擔心，見到非洲大蝸牛唔好掂佢就🉐。

有🇭🇰香港媽媽/爸爸問我點睇「鬧人面試班」，其實好多香港小朋友都冇咗個快樂童年，連玩都唔準，出世前就要Plan定返乜工，小小年紀就要上面試班，但係人生流流長，點解要趕住長大？童年得一次，倒不如好好玩樂，做多D自然教育，邊玩邊學先會係世一。
31/07/2025

有🇭🇰香港媽媽/爸爸問我點睇「鬧人面試班」，其實好多香港小朋友都冇咗個快樂童年，連玩都唔準，出世前就要Plan定返乜工，小小年紀就要上面試班，但係人生流流長，點解要趕住長大？童年得一次，倒不如好好玩樂，做多D自然教育，邊玩邊學先會係世一。

響金鐘站遇到蟬嘅屍體，有個小朋友想過去睇，即刻俾佢媽咪抆走咗。其實人本身就係大自然嘅一環，連蟬都咁努力衝入人群，各位香港媽媽/爸爸就俾個機會小朋友，昆蟲同Pokemon一樣，唔係隻隻都可怕。
06/06/2025

響金鐘站遇到蟬嘅屍體，有個小朋友想過去睇，即刻俾佢媽咪抆走咗。其實人本身就係大自然嘅一環，連蟬都咁努力衝入人群，各位香港媽媽/爸爸就俾個機會小朋友，昆蟲同Pokemon一樣，唔係隻隻都可怕。

其實香港媽媽/爸爸多D帶小朋友去🍃大自然，都係一次自我再次成長嘅機會，你會搵到好多細個嗰陣嘅回憶。你又記唔記得你第一次見到蒲公英嘅時候幾歲呢？
25/05/2025

其實香港媽媽/爸爸多D帶小朋友去🍃大自然，都係一次自我再次成長嘅機會，你會搵到好多細個嗰陣嘅回憶。你又記唔記得你第一次見到蒲公英嘅時候幾歲呢？

好耐冇見過燕子嘅窩，無論響城市定鄉間，各位香港媽媽/爸爸都可以同小朋友👶🏻多D觀察下周圍，大自然會俾唔同嘅驚喜你。 #香港 #親子 #自然教育 #親子活動 #香港親子活動 #香港親子好去處 #大自然
24/05/2025

好耐冇見過燕子嘅窩，無論響城市定鄉間，各位香港媽媽/爸爸都可以同小朋友👶🏻多D觀察下周圍，大自然會俾唔同嘅驚喜你。

#香港 #親子 #自然教育 #親子活動 #香港親子活動 #香港親子好去處 #大自然

點帶👶🏻兩手Fing-Fing落公園玩？事實上大自然🍃嘅任何嘢（安全範圍內）都可以成為小朋友嘅玩具，各位🇭🇰香港媽媽/爸爸真係帶自己個❤️，用心去陪佢哋玩就得。今日Share嘅遊戲係「樹枝龍門」1.同小朋友一齊搵一枝彎嘅樹枝2.輔助小朋友將...
03/04/2025

點帶👶🏻兩手Fing-Fing落公園玩？

事實上大自然🍃嘅任何嘢（安全範圍內）都可以成為小朋友嘅玩具，各位🇭🇰香港媽媽/爸爸真係帶自己個❤️，用心去陪佢哋玩就得。

今日Share嘅遊戲係「樹枝龍門」
1.同小朋友一齊搵一枝彎嘅樹枝
2.輔助小朋友將樹枝固定響地上（用泥或石頭）
3.一齊搵D石頭🪨
4.小朋友可以瞄準樹枝龍門，將石頭轆過去或者拋過樹枝

Tips：
圖為示範圖，可增加唔同高低嘅樹枝，逐步增加難度；
透過樹枝龍門，小朋友可以更好咁理解空間感；
執石頭同樹枝可鍛鍊埋小肌肉；
拋同轆嘅動作亦可提高小朋友手眼協調能力。

事實上切斷小朋友同大自然🍃嘅人通常都係父母。響公園度都遇過幾多香港媽媽/爸爸喝止小朋友，泥沙污糟、樹枝/石頭危險、花草有🐛⋯總之乜都唔好掂最好。有時職業病上身都想上去講，其實小朋友多接觸大自然，唔單止可以促進五感開發，仲有助於之後嘅中文寫作...
26/03/2025

事實上切斷小朋友同大自然🍃嘅人通常都係父母。

響公園度都遇過幾多香港媽媽/爸爸喝止小朋友，泥沙污糟、樹枝/石頭危險、花草有🐛⋯總之乜都唔好掂最好。有時職業病上身都想上去講，其實小朋友多接觸大自然，唔單止可以促進五感開發，仲有助於之後嘅中文寫作📝。

唔少香港媽媽 / 爸爸都話落公園好悶，不過只要你有心擁抱大自然，大自然就會幫你準備好。你又有冇發現呢排係木棉花嘅季節呢？不如同BB一齊用木棉花嚟個即興嘅🎨藝術創作喇。遊戲1️⃣1.搵有線條形嘅樹根（亦可自己帶一條繩）2.同BB一齊收集地上嘅...
25/03/2025

唔少香港媽媽 / 爸爸都話落公園好悶，不過只要你有心擁抱大自然，大自然就會幫你準備好。

你又有冇發現呢排係木棉花嘅季節呢？不如同BB一齊用木棉花嚟個即興嘅🎨藝術創作喇。

遊戲1️⃣
1.搵有線條形嘅樹根（亦可自己帶一條繩）
2.同BB一齊收集地上嘅木棉花
3.指引BB沿著線用木棉花Decorate（進階版可根據BB嘅大細定唔同嘅規則，邊D位可以擺，擺幾多朵同點擺等等，逐步增加難度）

遊戲2️⃣
1.搵一顆冇葉嘅矮枝（需根據BB身高揀）
2.同BB一齊用木棉花decorate

呢類Decorate類嘅「自然遊戲」可以刺激BB嘅藝術細胞，提高BB解決問題嘅能力，點整靚D嘢本身就係一種挑戰。

落公園齋行行企企BB當然會覺得悶，但係如果加D挑戰俾佢哋就會多返D趣味性，而且任何自然元素都可以成為藝術創作嘅一部分，仲唔趁好天試試？

有香港媽媽/ 爸爸問點將Playgroup嘅嘢融入日常。咁今日就繼續Share下日常可以玩嘅簡單「自然遊戲」喇，outdoor落公園就玩得。1.搵一塊平坦嘅草地2.同BB一齊執樹枝3.響草地上砌出圓形、正方形、三角形4. 俾BB唔同嘅指令（...
24/03/2025

有香港媽媽/ 爸爸問點將Playgroup嘅嘢融入日常。咁今日就繼續Share下日常可以玩嘅簡單「自然遊戲」喇，outdoor落公園就玩得。

1.搵一塊平坦嘅草地
2.同BB一齊執樹枝
3.響草地上砌出圓形、正方形、三角形
4. 俾BB唔同嘅指令（例如黃花放三角形、樹葉放方形、方形放一朵黃花、三角形兩朵）

所有材料就地取材，可以同BB一齊感受大自然之餘，又可以聽指令學下數數、辨認周圍嘅花花草草、認識唔同嘅形狀同顏色，而且執唔同嘅自然物料時仲可以鍛鍊埋BB嘅小肌肉。

落公園就玩得。

自😷後，愈來愈多香港媽媽 /爸爸迷上自然教育，咁執樹枝嘅親子活動又可以點玩呢？1.搵一顆Y字型嘅樹，或樹幹較近嘅樹2.同小朋友一齊執唔同Size嘅樹枝3.同小朋友一齊將樹枝搵平衡點放落樹幹度砌嘅過程可以增加小朋友對長短嘅理解（小朋友需要根據...
20/03/2025

自😷後，愈來愈多香港媽媽 /爸爸迷上自然教育，咁執樹枝嘅親子活動又可以點玩呢？

1.搵一顆Y字型嘅樹，或樹幹較近嘅樹
2.同小朋友一齊執唔同Size嘅樹枝
3.同小朋友一齊將樹枝搵平衡點放落樹幹度

砌嘅過程可以增加小朋友對長短嘅理解（小朋友需要根據樹幹嘅寬窄選擇樹枝嘅長短），又可以邊玩邊同小朋友數數，仲可以輔助小朋友點搵平衡點。

玩法既簡單又有趣，落公園就做到，仲唔快D帶小朋友落街試試？

呢排天氣凍，唔少媽媽同爸爸都減少咗Outdoor Nature Play，咁響屋企BB又可以點繼續擁抱大自然🍃呢？最簡單就係做「蔬菜🥬」家務喇，搣菜（都可以用樹葉🍃代替），既可以認識唔同嘅蔬菜，又可以訓練埋小肌肉。
08/02/2025

呢排天氣凍，唔少媽媽同爸爸都減少咗Outdoor Nature Play，咁響屋企BB又可以點繼續擁抱大自然🍃呢？

最簡單就係做「蔬菜🥬」家務喇，搣菜（都可以用樹葉🍃代替），既可以認識唔同嘅蔬菜，又可以訓練埋小肌肉。

Address

香港
Hong Kong

Website

Alerts

Be the first to know and let us send you an email when KidsHangout野孩子 posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category