https://www.facebook.com/673892515817697/

Stephanie Siu Speech Therapy

Home
Hong Kong
Hong Kong
Stephanie Siu Speech Therapy

Miss Stephanie 蕭姑娘｜資深言語治療師🇭🇰｜語言｜親子｜育兒

🇭🇰香港衛生署認可註冊言語治療師名冊會員
香港理工大學言語治療碩士
香港港安醫院言語治療師
播道醫院言語治療師
上門/診所兒童、成人言語及吞嚥治療
個別及小組治療
💬 歡迎私訊查詢及預約

18/02/2026

太婆面前3秒鐘，我哋屋企練咗3日

條片睇落好順利，個女識講「恭喜發財、新年快樂、身體健康」。
但實情係，我哋喺屋企綵排咗好多好多次。

用公仔扮太婆、逐個字慢慢教、一次又一次嘅鼓勵...
頭幾次佢都係細細聲，仲要扮聽唔到。
但我哋冇逼佢，只係不斷鼓勵不斷綵排。

終於，尋日年初一，佢望住太婆，清晰咁同大家拜年（雖然爸爸有喺後面提示🤣）。
言語治療師都係咁教自己女：先預備，後成功。唔係靠運氣，係靠準備。

你屋企有冇拜年預備嘅趣事？
留言話我知，一齊笑吓！😂
#言語治療師 #拜年 #恭喜發財 #馬年行大運 #香港媽媽

16/02/2026

新年拜年孩子不肯開口? 不是沒禮貌，是未準備好

馬年快樂！每年農曆新年都是親友聚首一堂的時候。
不少家長都期望孩子能主動向長輩說句祝福語，
但現實往往是——孩子害羞躲到身後，低頭不語，甚至扭計哭鬧。

其實，孩子不肯開口，很多時候不是曳，而是未預備好。
陌生的環境、不熟悉的面孔、被眾人注視的壓力，
加上要說出一連串平時較少使用的祝賀語——這些全是無形的壓力。

與其強迫，不如引導。
左滑看看 👉 教你3個方法，幫助孩子輕鬆跨過新年開口的難關！

你嘅小朋友今年拜年講咗咩祝賀語？留言分享吓！
👇追蹤我 .speech 取更多語言發展技巧

#言語治療師 #新年育兒 #拜年攻略 #親子 #拜年

15/02/2026

上星期同Cedric 上最後一堂，佢一入到治療房就同我講：蕭姑娘，我書包入邊有份禮物要俾你！

到上完堂，佢真係好認真咁打開書包，拎出媽媽親手寫嘅卡同小禮物，遞俾我：
「蕭姑娘多謝你！」

仲記得cedric初嚟嘅時候，主要用短句表達。而家佢可以完整描述程序同講到簡單故事。

呢份禮物，由媽媽嘅文字到小朋友嘅一句話，都甜入心，
多謝你哋，送左一份咁sweet嘅情人節禮物俾我🥰。

10/02/2026

今日同V練拜年祝賀語，聽到佢講到「龍馬精神」嗰下，我真係眼濕濕！😭🧧

個案V去年撞車後有失語症及失用症。今日嘅訓練係入利是同講拜年恭喜說話！
上年9月開始做訓練，一開頭V唔可以用口語表達，到慢慢能簡單回應「係」「食飯」「沖涼」。
訓練咗四個幾月，今日竟然跟到我讀「恭喜發財」、「心想事成」。

除咗祝賀語，我哋仲玩「賀年食品大檢閱」！
我拎出蘿蔔糕、年糕、糖冬瓜嘅圖片，問佢：「呢個係咩嚟㗎？」
佢望住「蘿蔔糕」張圖，試咗好多次，最後成功講到「…糕！」。
就係一個「糕」字，我同佢已經擊掌慶祝！✋
對於失語症嘅人嚟講，能夠將眼前嘅影像同腦入面個名連埋一齊，再講出嚟，係極大嘅突破。

可能你會問：「練呢啲嘢有用咩？」
對我哋來講，呢啲先係最實用，因為：
→ 呢排實有人同佢講恭喜、實會見到賀年食品，佢練完即刻可以用到，唔使齋笑唔出聲。
→ 一句「身體健康」、一個「糕」字，其實好難㗎！要記次序、發音、語氣，對佢個腦係好好嘅訓練。
→ 最重要係，佢成功講到之後，成個人都有自信咗，笑住望住我。💪

V由最初淨係識點頭搖頭，到而家可以試吓講自己個名、讀到短句，甚至講到應節食物個名，每一步都行得好慢，但好實在。

如果你地身邊有認識嘅人有失語症，同佢哋傾偈嘅時候可以試吓：
✅ 俾多少少時間佢哋諗，唔好搶住講
✅ 用圖片或者寫字幫手

復康條路好長，但每次進步，無論幾細，都值得開心鼓掌！👏

新一年，希望大家對身邊有溝通困難嘅人多一份耐心。
我哋會繼續努力，幫V提升溝通能力。
祝大家身體健康，最重要係溝通暢順！❤️

08/02/2026

新年社交小組成功🎉

今日同我哋一班可愛嘅小朋友一齊開咗新年第一場社交小組，過咗一個又開心又充實嘅上午！🧧

活動包括：
🖍️ 齊齊整圖工 — 大家發揮創意，製作獨一無二的新年作品
📖 互動講故事 — 透過故事學習表達與社交技巧
🎲 合作玩遊戲 — 在遊戲中練習溝通、輪流與團隊合作

小朋友都投入參與，慢慢嘗試同同伴互動、分享想法✨！希望佢哋唔只玩得開心，更能喺輕鬆嘅氣氛中，自然提升語言同社交能力。

感謝各位家長嘅信任與支持，期待下個活動再同大家一齊學習、一齊成長！❤️

你覺得小朋友在社交活動中最可愛的瞬間是？
歡迎留言話我知你嘅想法！

31/01/2026

📖 親子伴讀，係畀BB最好嘅語言禮物

好多家長問：「幾時開始同BB睇書最好？」
言語治療師嘅答案係：越早越好！
伴讀唔單止係「講故事」，更係黃金嘅「語言滋養時光」。

✨ 伴讀點樣促進語言發展？
✅ 詞彙大爆發：書本裡豐富、精準嘅詞語，比日常對話多3倍以上！
✅ 句子更豐富：自然吸收複雜句式，表達更有條理。
✅ 理解力提升：透過互動問答，訓練邏輯同思考。
✅ 建立安全感：攬住一齊讀，BB將「閱讀」與「被愛」緊緊連結 ❤️
✅ 打好學習基礎：熟悉書本概念，將來學讀寫更輕鬆～

每日只需10分鐘，效果已經好明顯！
最重要係「一齊睇、一齊講、一齊笑」，享受過程最緊要 😊

✨ 追蹤 .speech
獲取更多：
→ 分齡伴讀技巧
→ 語言發展里程碑
→ 居家訓練遊戲
→ 專業育兒解答

💬 留言告訴我：
你最想了解邊方面嘅育兒語言問題？
我會揀選主題詳細分享！

—

#親子伴讀 #語言發展 #言語治療 #言語治療師 #新手媽媽

22/01/2026

幼兒語言發展是0至3歲黃金期，豐富的語言輸入與親子互動能顯著提升孩子的表達能力、社交技巧及自信心。很多家長擔心寶寶「講得少」或「開口遲」，其實無需焦慮，只要從日常遊戲入手，就能自然刺激語言爆發。Parents Daily...

18/01/2026

今日再次收到家長同小朋友送嘅心意卡🥹

好感動但都特別唔捨得，因為跟左呢位孩子2年，由得幾隻單字到可以講完整句子同描述圖卡…而家佢嘅語言能力已經追上同齡小朋友，可以好自信咁表達自己，
好清晰咁講出自己嘅想法，呢段旅程真係好寶貴✨
-
多謝家長一直以嚟嘅信任同配合，
讓我哋可以一齊陪伴小朋友，
行過呢段充滿驚喜嘅表達之旅
姑娘繼續努力💪

12/01/2026

好高興早前能與及合作，與各位家長分享如何透過日常遊戲，促進孩子的語言發展。

語言學習是自然且充滿互動的過程。在家中，家長可以運用以下三個簡單技巧，輕鬆成為孩子最好的語言啟蒙老師：

1. 擔任「旁白員」
即時描述孩子的動作和體驗，例如：「BB推緊紅色車車去門口。」這能幫助孩子將動作與語言連結起來。

2. 「自言自語」示範
進行日常活動時，主動講出自己正在做什麼，例如：「媽媽倒緊果汁」、「我攞緊拖鞋」。這能為孩子提供豐富的語言輸入。

3. 延伸與擴展句子
當孩子說出單字時，家長可以將句子延伸。例如孩子說「波」，家長可以回應：「係呀，你搵到個黃色波波！」這能自然地豐富孩子的詞彙和句式。

此外，我也設計了幾款適合親子同玩的語言遊戲，例如：

🔍 「玩具藏寶樂」：讓孩子學習運用方位詞，並練習說出完整句子，如：「我搵到架車，喺櫃桶裡面！」

🐾 「拯救動物園」：鼓勵孩子說出工具和動物名稱，並提出請求，如：「我想用鉗救獅子！」

📦 「觸感猜猜樂」：引導孩子描述觸感，學習運用形容詞，如：「凍冰冰、滑捋捋」。

若家長發現孩子語言發展有疑慮，例如1歲未出現牙牙學語、2歲詞彙少於50個，或3歲未能理解簡單指令等，建議增加親子互動時間，並盡早尋求言語治療師作專業評估。

讓我們一起把握孩子的語言發展黃金期，將學習融入遊戲，享受愉快的親子溝通時光！

09/01/2026

今日收到一份好溫暖嘅心意✨
一張來自家長同小朋友嘅感謝卡，真係好sweet～
-
呢位小朋友喺言語組織，經過15堂嘅訓練，已經有好明顯嘅進步！
-
由一開始句子組織較鬆散、表達唔夠流暢，
到而家可以更清晰、更有條理咁講出自己嘅想法，
見到佢一步一步建立起表達嘅信心，真係好鼓舞🥰

每一次嘅進步，都離不開小朋友自己嘅努力、家長嘅耐心配合，同我哋一齊創造嘅練習機會。
繼續努力，繼續進步，一齊見證更多閃閃發光嘅表達時刻🌟

#言語治療 #言語治療師 #特殊學習需要

26/12/2025

今年聖誕同阿女一齊搭高鐵探親，兩個多小時嘅高鐵旅程，我選擇收起電子奶嘴，換成繪本 + 親子伴讀時光。途中我哋拎出《好餓的毛毛蟲》繪本，一邊睇風景，一邊講故事。

作為言語治療師，我好鼓勵家長把握日常碎片時間同小朋友互動：
✅ 車程中伴讀可以提升小朋友專注力
✅ 透過提問同對話，刺激語言表達
✅ 環境轉換反而讓孩子對閱讀更有新鮮感

我點樣將呢本書變成語言訓練？
✅ 數數與序列：「星期一食咗一個蘋果，星期二食咗兩個梨…」學習日序同數量。
✅ 食物詞彙擴充：書中有生果、甜品，可以連結現實食物。
✅ 預測與記憶：「你估聽日佢會食咩？」、「尋日食咗咩？」

💬 問吓大家：
你同小朋友睇《好餓的毛毛蟲》時，最鍾意邊個部分？
係數生果？睇蝴蝶？定係戳洞洞？
留言分享📖 我會整理大家嘅創意玩法，分享更多「繪本延伸語言遊戲」！

#繪本 #親子 #育兒日記 #言語治療 #言語治療師

17/12/2025

講嘢細聲、唔夠氣？
可能係呼吸肌肉冇力

今日同大家分享，點樣用「呼吸訓練器」幫長者改善構音障礙，等佢哋講嘢可以更有力、更清晰！

1️⃣ 原理好簡單：
呢個工具好似「呼吸嘅啞鈴」，透過特定阻力訓練吸氣同呼氣嘅肌肉，加強個引擎。

2️⃣ 對長者有咩好處？
✅ 增大講嘢音量
✅ 講長句子都夠氣
✅ 咬字更清楚
✅ 有數據睇到進步

3️⃣ 點樣用先有效？
🔹 一定要搵言語治療師評估同設定阻力，唔好自己買嚟亂用！
🔹 治療師會將呼吸訓練，即時結合發聲、讀字、講句子練習，唔係齋吹氣。
🔹 家人可以學識點樣安全地協助長者喺屋企練習。

4️⃣ 最重要嘅心態：
✨ 堅持每日練習少少，好過一星期先做一次。
✨ 多啲鼓勵，耐心聆聽，俾時間長輩慢慢講。

如果屋企長輩有講嘢唔清楚嘅問題，建議搵專業言語治療師做評估，制定最適合嘅訓練方案。

#言語治療 #長者健康 #香港言語治療 #構音障礙 #呼吸訓練 #吞嚥障礙 #溝通 #香港言語治療師 #言語治療師 #中風復健 #失語症 #失用症 #長者服務

Address

Hong Kong

Website

facebook.com

Alerts

Be the first to know and let us send you an email when Stephanie Siu Speech Therapy posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Hong Kong?