Building Blocks Behavioral Consultancy- Hong Kong

Building Blocks Behavioral Consultancy- Hong Kong 我們提供以「行為科學」為基礎的 ABA 訓練，協助孩子提升專注力、學習能力、社交溝通、情緒管理等等技能。

🌟 小朋友嘅「特別事件報告」大解密！🌟各位爸爸媽媽有冇發覺，有時叫小朋友分享下佢哋最近發生嘅開心事（例如去主題樂園玩），表達得唔係咁清楚？其實，呢個小任務都要幾個特定技能先做到㗎！今日就同大家講解下小朋友點樣先學識「事件報告」，等親子對話更...
13/01/2026

🌟 小朋友嘅「特別事件報告」大解密！🌟

各位爸爸媽媽有冇發覺，有時叫小朋友分享下佢哋最近發生嘅開心事（例如去主題樂園玩），表達得唔係咁清楚？其實，呢個小任務都要幾個特定技能先做到㗎！今日就同大家講解下小朋友點樣先學識「事件報告」，等親子對話更自然、有趣～✨

小朋友講特別事件要有嘅技能：
* 揀重點嚟講：唔係每件事都要講，要識得挑啲「嘩～好特別！」嘅時刻出嚟分享 🎉
* 記返事件次序：要知道事情係點一步一步發生，好似講故事咁，有邏輯性 📖
* 表達清楚：用啱嘅字詞同句子講得生動啲🗣️

其實，由事件發生到小朋友要講出嚟之間隔得耐，都會影響表現㗎！時間越長，就越靠佢哋嘅記性同組織力，好似玩拼圖咁，時間耐咗啲pieces就難啲搵返～🧩

學識講特別經驗有咩好處？
* 容易同人傾到計：由「今日做咗咩呀？」變成「嘩，真係好正喎！」咁自然互動～💬
* 建立人際關係：分享開心事可以拉近同朋友、家人嘅距離，小朋友可以細細個都變成社交高手！🤝
* 學識講感受：透過講故事去表達情緒，令佢哋更了解自己，爸媽都可以更加明白佢嘅世界 ❤️

如果小朋友唔識講特別事件又會點？
* 少啲社交機會：難啲同同學、朋友傾計，可能會覺得孤獨 😔
* 情緒壓力多咗：開心或者唔開心嘅事唔識講出嚟，容易積壓情緒 😟
* 學習機會少咗：錯過聽別人意見、吸收新知識嘅機會 📉

其實爸爸媽媽唔使太緊張，可以先主動分享自己當日嘅生活經驗，希望可以起到示範嘅效果，吸引小朋友同我哋分享返~

💪 有咩心得或者經驗，都可以喺下面留言同大家分享～

#分享經驗 #分享 #育兒 #親子 #香港育兒 #香港親子 #小朋友 #家長心得 #親子溝通 #育兒分享 #香港媽媽 #香港爸爸 #親子日常 #小朋友分享 #事件報告 #開心事 #親子對話 #香港家庭 #媽媽日常 #爸爸日常 #育兒技巧 #香港家長

BCBA專欄：你哋有冇見過差嘅ABA？我有，我真係有。作為教育工作者，我一直相信專業訓練會為小朋友帶來進步。但係，一套理論再好，落到唔同人手，效果可以係天淵之別。今日想分享一個令我印象好深嘅經歷，亦希望提醒家長：選擇ABA（應用行為分析）服...
09/01/2026

BCBA專欄：你哋有冇見過差嘅ABA？我有，我真係有。

作為教育工作者，我一直相信專業訓練會為小朋友帶來進步。
但係，一套理論再好，落到唔同人手，效果可以係天淵之別。今日想分享一個令我印象好深嘅經歷，亦希望提醒家長：選擇ABA（應用行為分析）服務時，真係要好小心。

幾年前，我有一個一直跟進開嘅諮詢個案，小朋友後來隨家人移民馬來西亞，亦搵到治療機構繼續訓練。過咗一段時間，媽媽突然聯絡返我，語氣憂心忡忡。佢話當地嘅私人ABA治療機構，總係覺得「唔對路」，小朋友上完堂情緒好差，但治療團隊就話一切正常。媽媽信任我，想我幫忙睇睇問題喺邊。

第一步，我先同當地機構負責人傾一傾，聽聽佢哋嘅IEP。對方講起ABA理論時頭頭是道，目標設定、數據記錄樣樣齊全，聽落完全符合標準流程。當時我仲心諗，會唔會係媽咪誤解咗佢哋呢？於是決定安排一次線上觀課，打算睇完再同媽媽解釋返。

點知一睇，心痛到爆。

課堂上，小朋友不停被問一啲佢早已識答嘅問題，重複又重複，頭30分鐘過程中治療師完全冇教授過任何新內容。

小朋友本身語言能力並唔好，唔係好能夠清楚表達自己——但以我認識嘅佢，忍耐力其實好好，平時亦好乖好聽話。喺咁枯燥同無意義嘅重複之下，我睇到佢由困惑，到焦躁，到最後情緒爆發，激動大喊。正因為佢講唔出心裏嘅困惑同委屈，唔識用語言同治療師表達「我已經識啦」「我好悶」「點解要不停做？係咪我做錯咗？」呢啲諗法，累積嘅挫敗感同無助感就越來越強，最終一發不可收拾。

最令我愕然嘅係嗰位治療師嘅反應。佢冇嘗試安撫，冇調整活動，反而露出一副藐視嘅表情，望住喊緊嘅小朋友，然後望手錶、記錄數據，再好冷淡咁問佢喊完未？

於是小朋友好乖咁冷靜落嚟，跟住治療師又繼續重複同樣嘅問題。成個過程，就好似當小朋友係一個「答問題」嘅機器，而唔係一個有情緒、會攰、會悶，而且仲要用更多努力去學習溝通嘅小朋友。
（而當時令我最心寒嘅係，當時觀課嘅人有我、機構負責人、家長同埋小朋友嘅前治療師，而呢位治療師都依然擺出一副唔耐煩同藐視嘅態度，咁如果我哋不在場的話，情況會唔會更差？）

就連課堂中間嘅休息時間，都睇到我好唔開心。治療師只係攞出一些遠遠低於小朋友年齡嘅幼稚玩具，當交差就算。過程中完全冇互動，冇陪佢玩，只係冷眼旁觀，紀錄數據。呢個所謂「休息」，根本冇為小朋友提供真正放鬆、社交連結或者享受互動樂趣嘅機會。

雖然觀課時間未完，但我睇住小朋友咁崩潰，最終忍唔住叫停課堂，想先同治療師溝通一下。傾嘅過程中，我發現佢完全誤解咗小朋友：佢覺得小朋友係故意發脾氣嚟逃避任務，而睇唔到小朋友係因為無法用語言表達挫折，忍無可忍先至爆發。佢將所有行為直接標籤為「操縱」，而忽略咗背後教導佢溝通同情緒調節嘅需要。佢亦唔覺得小朋友可以開始學新嘢，所以不斷重複舊課程。

之後同機構負責人再深入傾，先發現團隊雖然理論背得好熟，但實踐上完全脫節，僵化執行「行為同數據記錄」，喺行為分析上更加大錯特錯。會議後我立即建議媽媽停課，再轉介佢去另一間真正理解小朋友需要嘅機構。果然，轉換之後，小朋友情緒同學習進展都正常返晒。

所以我想講，ABA本身係一套理論、一個概念，關鍵在於用呢套工具嘅人，有冇用心去理解孩子、有冇彈性去調節方法、有冇同理心去回應需要，尤其係當孩子語言能力有限，更需要治療師細心觀察行為背後嘅訊息。

一個好嘅治療師，會識得將休息時間轉化為建立關係、觀察興趣同教導遊戲技巧嘅機會。家長揀服務時，除咗問資歷同理論，更要觀察治療師點樣同小朋友互動、點樣解讀同回應佢哋嘅情緒同行為。真正專業嘅介入，係建基於尊重、理解同溝通，而唔係機械化嘅數據記錄同空口講理論。

希望每個小朋友都能夠遇上用心嘅治療師，喺充滿支持同愛嘅環境中成長。

#自閉症 #應用行為分析 #教育 #香港家長 #香港爸爸 #香港媽媽 #溝通

07/01/2026

留言「 」 我哋會send返製作呢個遊戲嘅link俾你哋同小朋友一齊喺屋企玩🥁 🎶

最近社交平台都好流行呢個遊戲，所以我哋就整咗個小朋友版嘅On the Beat Challenge！小朋友可以一路玩之餘仲可以練習唔同嘅目標：

✅ 持續保持專注 (Sustained Attention)
✅ 語言流暢流暢性 (Fluency)
✅ 靈活思考 (Cognitive Flexibility)
✅ 以有趣的方式温習新詞彙 (Fun way to practice vocabulary)

#愉快學習 #香港家長 #語言表達 #顏色 #香港育兒 #詞彙 #動詞 #專注力訓練 #香港爸爸 #香港媽媽 #親子遊戲 #親子互動 #小朋友遊戲 #兒童遊戲

06/01/2026

影子老師計劃唔會永遠陪住小朋友，而係一步步教小朋友自己獨立飛！

呢個Reels話你聽五部曲嘅標題，詳細每步點做，撳入Page左右滑，睇完整內容啦！

家長最想見到嘅結局，就係小朋友自信獨立返學✨

有興趣了解更多？DM我哋開始第一步諮詢！

#校園適應 #影子老師 #香港育兒 #語言表達 #社交技巧 #愉快學習 #香港家長 #香港媽媽 #香港爸爸 #融合教育 #計劃 #幼稚園 #學校

💡 影子老師支援計劃｜五部曲，一步步陪小朋友自信獨立返學好多家長都會問：「究竟影子老師點樣幫到小朋友適應校園生活？」我哋嘅影子老師計劃一套完整嘅支援系統，由了解需要到逐步放手，陪住小朋友建立獨立嘅校園生活能力。🚀 五部曲詳細流程：1️⃣ 深...
05/01/2026

💡 影子老師支援計劃｜五部曲，一步步陪小朋友自信獨立返學

好多家長都會問：「究竟影子老師點樣幫到小朋友適應校園生活？」
我哋嘅影子老師計劃一套完整嘅支援系統，由了解需要到逐步放手，陪住小朋友建立獨立嘅校園生活能力。

🚀 五部曲詳細流程：

1️⃣ 深入諮詢，了解需要
• 同家長詳細傾談，了解小朋友喺學校嘅情況
• 一齊分析返學遇到嘅挑戰
• 訂立初步目標，明確方向

2️⃣ 入校觀課
• 課程主任親自入班房觀察，同老師溝通
• 了解並記錄小朋友嘅強項，同埋需要支援嘅地方
• 觀課後立即同家長更新情況，保持透明溝通

3️⃣ 訂立個人化計劃，與學校溝通
• 運用ABA原則設計合適目標
• 設計專屬策略，例如視覺提示、獎勵系統等
• 同學校校長/老師/社工開會，訂立IEP，確保大家目標一致
• 制定清晰時間線+撤出計劃

4️⃣ 開始支援，課外同步鞏固
• 影子老師入班支援，協助小朋友應用所學技巧
• 將一對一訓練學到嘅技能，融入真實課堂環境
• 如果小朋友喺學校遇到特定困難，我哋亦會喺一對一課堂中設計針對性課程，處理問題
• 課程主任每2-4周會到校觀課同督導影子老師，檢討進度，按需要調整策略

5️⃣ 逐步撤出，陪伴成長
• 隨住小朋友進步，調整或減少支援時間
• 幫小朋友建立自信，加強獨立上課能力
• 最後影子老師功成身退，小朋友成功融入校園生活

我哋相信，每個小朋友都有能力適應校園生活，只係需要適切嘅指引同埋時間。如果你都想了解點樣幫小朋友融入校園，歡迎隨時聯絡我哋，一齊傾吓點樣做✨

#影子老師 #特殊教育 #香港家長 #校園適應 #兒童發展 #家校合作 #香港育兒 #幼稚園 #愉快學習 #香港媽媽 #香港爸爸 #自信心 #社交技巧 #語言表達 #學業 #香港育兒 #獨立

02/01/2026

【iPad小遊戲推薦- Toddler Games】

想同大家推薦呢個小遊戲，希望小朋友玩iPad嘅過程可以動動腦筋，邊玩邊學嘢！

🔴 第一關：顏色配對
顏色係絕對概念，區分上嚟會比較容易，所以難度係最低

🟦 第二關：大小配對
大小係相對概念，需要通過比較嚟找到答案

🟢 第三關：常識配對
係最有挑戰性嘅一關！因為小朋友需要認識遊戲裏面嘅常識，所以呢一關相對上會難啲～

三關由易到難，適合3-5歲小朋友玩，快啲同你哋嘅小朋友都試吓啦～

#親子遊戲 #益智遊戲 #配對 #顏色配對 #形狀 #常識 #幼兒教育 #香港親子活動 #快樂學習 #香港育兒 #小朋友日常 #香港爸爸 #香港媽媽

31/12/2025

家長篇【小朋友抗拒睇牙怎麼辦？】

另一位媽媽嘅分享：第一次帶小朋友去睇牙醫，好擔心佢唔肯配合、喊同發脾氣

我地可以一齊幫手準備：

✅用videos和圖片介紹牙醫診相關嘅資料，例如：工具、流程、會見到啲咩人等等

✅玩role play假想遊戲，用道具模擬檢查牙齒，讓小朋友有心理準備

✅家長事先同牙醫分享小朋友的喜好，幫助過程更順暢、放鬆心情

提前心理準備真的超重要！如果大家都有類似煩惱，歡迎分享經驗，或者試下呢啲方法啦！

#小朋友睇牙 #家長分享 #香港育兒 #兒童牙科 #香港親子 #小朋友日常 #兒童健康 #香港媽媽 #香港爸爸 #減輕恐懼 #育兒經驗分享 #兒童牙醫 #兒童成長

家長篇【小朋友抗拒睇牙醫點算好？】你哋有無試過帶小朋友去睇牙醫，小朋友仲未入到房已經開始驚、喊同埋發脾氣呢？小朋友驚睇牙醫好正常，但係我哋可以喺去檢查之前做多少少準備，等小朋友唔使咁驚咁緊張！💪🏼嚟緊嗰段video，我就會分享一啲Tips俾...
30/12/2025

家長篇【小朋友抗拒睇牙醫點算好？】

你哋有無試過帶小朋友去睇牙醫，小朋友仲未入到房已經開始驚、喊同埋發脾氣呢？

小朋友驚睇牙醫好正常，但係我哋可以喺去檢查之前做多少少準備，等小朋友唔使咁驚咁緊張！💪🏼

嚟緊嗰段video，我就會分享一啲Tips俾大家，希望帶小朋友去睇牙醫嘅過程會順利啲～

你哋又有冇一啲好嘅方法呢？留言話俾我哋知啦！

#睇牙醫 #兒童牙醫 #育兒煩惱 #家長分享 #育兒經驗分享 #親子日常 #兒童健康 #減輕恐懼 #陪伴孩子成長是最幸福的事 #親子日常 #親子 #香港媽媽 #香港爸爸 #兒童成長 #牙醫

25/12/2025

Building Blocks wishes you all a Merry Christmas 🎄🥰🎅🏼

BCBA專欄｜由學校聖誕表演帶出的反思上星期睇咗一位學生嘅K3聖誕表演，老師之後同我哋講：「我哋全部老師都見證住佢由PN到依家嘅成長，佢真係好叻仔。」嗰一刻，其實好感動——亦係支持我哋一直走落去嘅原因。我仍然好記得，PN第一次見到佢時，佢連...
24/12/2025

BCBA專欄｜由學校聖誕表演帶出的反思

上星期睇咗一位學生嘅K3聖誕表演，老師之後同我哋講：「我哋全部老師都見證住佢由PN到依家嘅成長，佢真係好叻仔。」

嗰一刻，其實好感動——亦係支持我哋一直走落去嘅原因。

我仍然好記得，PN第一次見到佢時，佢連最基本嘅指令都未必回應到，只會用一兩個字講嘢；聖誕表演期間更加因為高敏同固執，連上台嘅服飾都唔肯著，要花時間同佢練習。

嗰時媽媽跟我講：「我知道佢要追好多，好難同姐姐一樣入到好學校，我只想佢開心。」

語氣平靜，但完全聽得出背後嘅無奈。
不過媽媽從來無放棄過。

三年裏面，她一直為小朋友安排到我哋中心進行密集訓練，幫佢一步步提升能力，應付主流學校嘅生活。

而家佢已經K3，可以上台、有台詞、同同學合作，完成一個好好睇嘅聖誕表演。

明年佢仲會升讀主流國際學校。
當然，小朋友仲有嘢要追，但家長到呢一刻仍然繼續用心配合，我哋先可以根據小朋友需要幫佢準備升小嘅課程。

見證唔同小朋友嘅成長同進步，係Building Blocks繼續堅持嘅最大動力。

成功從來唔係靠運氣，而係家長嘅投入、小朋友同治療師嘅努力，加上正確、用心嘅方法。

呢位小朋友嘅故事，再一次證明，佢哋嘅可能性永遠比我們想像中多。

#自閉症 #兒童成長 #特殊教育 #自閉症兒童 #早期介入 #家長分享 #香港自閉症 #孩子進步 #融合 #幼稚園 #影子老師 #香港媽媽 #香港爸爸 #聖誕表演

24/12/2025

🎄 12月到啦，我哋同事一齊佈置中心，希望能夠俾小朋友感受到最濃嘅聖誕氣氛🎅🎁

同我哋一齊期待、倒數聖誕，一齊製造快樂嘅回憶啦 ❤️

#聖誕節 #聖誕快樂 #聖誕裝飾 #聖誕氣氛 #香港聖誕

23/12/2025

【👤影子老師 = 伴讀書僮？褓姆？錯❌錯❌錯❌】

我哋係小朋友嘅「隱形橋梁」🌉

我地嘅工作係支持有特殊教育需要（自閉症、ADHD、有行為挑戰或有學習困難）嘅小朋友，讓佢哋可以喺主流學校有效學習：

👍🏼 提升專注力
👍🏼 明白課堂內容，跟上課程節奏
👍🏼 分析行為問題出現嘅原因，幫助小朋友更好地應對有挑戰性嘅情況
👍🏼 促進社交，融入群體生活

最終嘅目標係讓佢哋能夠獨立返學🏫

嚟緊呢個系列我哋會介紹影子老師喺學校工作同埋我哋點樣支援有特殊學習需要嘅小朋友。想知更多，就記得follow我哋喇！

如果你的小朋友都喺主流學校努力緊，
歡迎DM我哋了解更多影子老師同ABA服務～

一齊陪佢哋飛得更高！💙

#影子老師 #幼稚園生活 #學校支援 #融入 #融合教育 #小朋友成長 #孩子成長 #家長分享 #上學 #特殊需要兒童 #專注力 #自信心 #學校社交 #學校 #獨立學習 #支援

Address

Unit 701, Park Commercial Centre, 180 Tung Lo Wan Road, Tin Hau
Hong Kong

Opening Hours

Monday 09:00 - 18:30
Tuesday 09:00 - 18:30
Wednesday 09:00 - 18:30
Thursday 09:00 - 18:30
Friday 09:00 - 18:30

Telephone

+85292055256

Website

Alerts

Be the first to know and let us send you an email when Building Blocks Behavioral Consultancy- Hong Kong posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Building Blocks Behavioral Consultancy- Hong Kong:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram