02/09/2025
好似好耐無蒲頭😅 今日分享一個病案，講下脈診
晨早流流把咗個好「油膩」嘅脈🤢
今朝有對情侶一齊黎睇， 我先把一把阿男仔嘅脈， 手一搭上去⋯ 哇！
三隻手指好似插咗落碗油度 （但當時我要保持冷靜，面部表情保持冷靜）
繼續把脈問診了解～
「你平時食好多肉，多肉少菜？ 」
「係 」
「大便質地黏 ？」
「係呀」
女朋友喺隔離up晒頭咁 話啲💩💩痴晒馬桶
「瞓得唔好 就算瞓得多瞓醒都係攰賴賴」
係呀！
「冇乜做運動咁喎」
「佢唔係冇乜，係冇🙂↔️」女友搶答
………..
跟住佢繼續講 ，平時收工返到屋企9點幾先食飯， 食完飯就瞓覺
即係根本都無咩時間消化吸收，咁樣會加重脾胃負擔，呢個習慣久而久之令自己變咗「濕滯」體質
食中藥、針灸等方法都可以處理到～
。
。
。
睇完佢，我即刻去廁所洗手，如果有洗潔精我應該會吱黎洗手 😅
