23/01/2026
#活在當下 #減少慾望 #知足常樂
#識讀識寫唔等於識做
#倒立不只是體能挑戰還能改變心態
（貼出哩段片，全因當刻練習時嘅感覺，好想記錄低，同時分享俾有緣睇到嘅你😊）
活在當下哩類金句大家都識讀識寫，但要實行真係需要時間/歴練去領悟，自問我活到今日都未能完全掌握得到。
就好似我學習/練習手倒立，一開始就係「想」要做到，但原來自己身體都未配合到，欲望大於一切，好快我膊頭、手踭、手腕都頂唔順⋯⋯
我唯有慢落嚟，但喺我肯慢落嚟之前其實都經歷過沮喪同懷疑，甚至乎：「我唔練啦，我都一把年紀，哩世都做唔到㗎啦！」（嗱，我唔係果啲二三十歲就話自己老果隻，因為我個仔都29歲架啦😜）⋯⋯當然仲要洗咗啲錢俾醫生同專業治療師處理痛症😅
再回到學習/練習，吸收老師嘅指導，慢慢地我開始明明地啲金句嘅意思😊
「活在當下」，感受身體、呼吸同思緒嘅聯繫，將注意力集中在此時此刻。
「減少慾望」，冇再「想」要做到，而係去做好哩一刻。
「知足常樂」，知道自己「有」什麼，不因達不到不切實際的目標而煩惱。
當我們不再執著於「非得不可」，反而更容易感受到內心的平靜與自由，當下你覺得嘅難關，或許，慢慢地可以從容面對。
所以我而家教班都會講經😜
