25/07/2025
【愛與堅持：照顧者的故事🫶🌱】
這是一個先生👴🏻和太太👵🏻，
照顧者與被照顧者的故事。
身心疲憊，以及那種未能被外界理解的空虛。
太太患上額顳葉認知障礙症，影響了她的自制能力，說話變得直接而尖酸，行為也多了很多「怪異」，總是坐唔定，要不停咁遊走。每次先生和女兒送太太嚟嘅時候，總係一齊陪住她行來行去，外人睇落去都會覺得：「真係攰呀。」因為太太行為唔同一般，亦未能符合大部分長者中心嘅標準，變相日間冇得寄托，先生只可以日日陪住太太，不停行、不停行。
第二次見面，太太嚟搵運動治療師。我哋一齊商量，決定用「按摩」為名——因為太太以前鍾意做facial同按摩。由熟悉開始，慢慢再引入運動同肌力訓練，等佢一步步建立運動習慣，日間都可以活躍返。
今次見到先生又帶住太太嚟，女兒都一齊陪行。我企喺一旁望住，見到同事邀請太太上床，先生同女兒已經你一句我一句咁指揮太太點樣做，叫佢「配合」。呢個家庭，每一個成員都好愛着太太，但我同時見到佢哋對太太行為嘅擔憂同無力感，所以總係一刻都唔敢鬆懈。當下，我輕輕邀請先生同女兒，畀太太一份信任同空間，試下放手，俾我哋同事同佢相處。我深信，我哋團隊有能力照顧好每一位家庭成員。
結果，大家都意想不到：只係第一堂治療，太太已經可以靜靜咁瞓喺床上半個鐘，唔再咁走來走去，仲慢慢開始配合同事進入治療狀態✨
等太太做治療嘅時候，我邀請先生參加「銀照同行計劃」為照顧者設計的痛症治療。只係短短12分鐘磁療，先生已經呼呼大睡。可能，已經好耐冇試過可以真正咁放鬆😴
太太肯接受新治療、肯信任新環境，先生終於可以放下擔憂，重新照顧自己，充一充電。療癒的時刻，不單止屬於太太，更屬於每一位默默付出的照顧者。
治療完後，先生面上的愁容消失，展現久違的笑容。臨走前，我誠意邀請先生講吓今日嘅體驗同感受，佢諗都唔諗就講出：「好舒服！」望住佢咁短時間有着呢一個轉化，我哋付出嘅，一切都值得💪🏻
謝謝呢個故事再次提醒我哋：照顧者喺家庭嘅重要支柱，而佢哋都需要同樣的支持同照顧！
所以，我好高興可以同大家宣佈：「銀照同行計劃」正式啟動！希望每一位照顧者、每一個家庭，都可以被溫柔對待，被希望照亮。
願燦爛銀曦，照耀每一顆充滿愛的心💖
—
想知道乜嘢係銀照同行計劃？
下次同大家講多d😉
#已諮詢家人願意出鏡分享🥰
#照顧者支援 #認知障礙症 #復康中心 #長者 #運動治療 #銀照同行計劃
