24/03/2026
知識、體驗、感受
話說盧醫由小到大都是朱古力人，特別喜好Kinder朱古力，經常一食就全部食完，再飲可樂，或熱茶，很爽。
從知識層面睇，朱古力有營養價值，同時亦有說法某些朱古力內含致癌物，以前上過朱古力體驗堂，話乳化劑之類食太多容易發炎，引起全身慢性炎症，所以最好就係食純黑朱古力。
上完堂後，驚左兩日，轉食黑朱古力，太苦，之後又打回原型。直至最近上左「養生營」，身體好咗，有啲改變：菲老師教食朱古力，同時感知身體的變化，點樣化解。
盧醫👨🏻⚕️：哇，大癲。
廖醫👩🏻⚕️：？
👨🏻⚕️：老師教慢慢舔Kinder朱古力，食到半條，肚開始有飽腹感，已覺得好甜好夠，同以前食法差好遠，以前係一條擺落口，再擺一條，永遠唔夠，食到完。
👩🏻⚕️：咁你食完一條，覺得點？
👨🏻⚕️：飽飽哋，喉嚨開始乾，好躁。
👩🏻⚕️：咁係因為太甜脾胃塞住，上面氣機落唔到，開始燥熱。
👨🏻⚕️：唔怪之得我以前鍾意飲可樂，爽一爽，或飲茶，下返啲火，更何況以前我係食8條……
👩🏻⚕️：我記得老師都有食，佢之後點樣教你化解？
👨🏻⚕️：佢比粥我食，有菜同蘿蔔，食完即刻冇咗喉嚨嗰種火燒感。
👩🏻⚕️：疏通同補液，就可以化解呢種「毒」了。
有毒無化，有化無毒，人體好聰明，會識自行轉化調節，當身體出現問題，過量食某一類野，就算講到有幾好，此刻就是「毒」，身體會出現反應，表示頂唔住，係呢一刻，我哋能唔能夠感受到，還是已經無視？關鍵唔係知識上的多寡，而係靜唔靜到落嚟，感受自己的變化，好多時，珍貴的經驗同智慧先會出現，不用再聽坊間說法，自己才是身體的主人。
當然，要有這種感受，需要明師教，亦要身體好，夠通透，才能嘗百草，不傷身。
朱古力只是一例，講比有緣人，各位看倌可以由身邊食物入手，慢慢觸類旁通，定靜生慧。
