07/09/2025
舌尖上嘅驚喜之旅！🤩
今次食到嘅嘢真係正！每道菜都超有心思，食到停唔到口～
水晶垛子黃牛肉🥩
牛肉薄到透光，入口即化！點埋秘製醬汁，清爽得嚟又唔會寡，正！
熗拌濰坊鮮蘿白皮🥒
酸酸辣辣超開胃！蘿蔔皮咬落「索索聲」，少少麻辣勁過癮，一啖接一啖～
松茸清湯雞豆花🍲
個湯清甜到不得了！雞豆花係未食過既口感，松茸香氣撲鼻，飲完成個人暖笠笠，好治癒✨
魚籽醬烤鴨配煎餅🦆
中西crossover超驚喜！鴨皮脆到「咔嚓」聲，夾住魚籽醬嘅咸咸鮮鮮同埋個煎餅，口感豐富💥
成都青花椒毛血旺🌶️
麻辣控必點！湯底香濃，配料多到滿瀉，花椒嘅麻勁令人上癮，食到鼻尖冒汗都停唔到口🔥
海捕大蝦燒膠洲白菜🦐
最估唔到，大蝦爽彈，白菜吸晒蝦汁精華，超正！
慕斯大油條🍯
腐乳慕斯鹹香creamy，鳳梨慕斯酸甜清新，配脆口油條，玩味十足，好過癮！
拇指生煎包🥟
細細粒一啖一粒，皮薄餡多，咬開爆汁，小心燙親嘴呀～
阿胶絲滑酸奶🍶
食完濃味嘢最後黎個清淡既，滑嘟嘟，滋補又養顏，完美作結❤️
今餐真係由頭驚艷到尾，每道菜都有驚喜！😋
