https://www.facebook.com/527181660805156/

Lolo Harvest 路路雜貨, Kwai Chung (2025)

11/06/2023

［路路綠住行] 本土西瓜

處身這個無語問蒼天嘅世代，好好吃一口本土種植嘅西瓜，心涼⋯⋯

04/06/2023

[路路看天下]

好一陣子沒出文了⋯⋯
怎說，今天也想留下一點點！

01/04/2023

［路路看天下］

十年生死兩茫茫⋯⋯
咁二十年呢？

28/02/2023

[路路愛自煮]
春季疏肝飲《豬橫脷粟米雞骨草湯》

春季養生重點在「疏肝」，肝臟「好忍得」，任由我哋經年累月捱夜🌗🌗🌗、食煙、飲酒🍻🍻🍷🍷🥃🥃、喪吃精製加工食物、盡情使用化學物品，肝臟都可以忍足十年八年，不發一言，直到忍無可忍，已是絕路，回天乏術👽👽👽！

唔好怨佢冇預早通報，其實佢不斷暗示：當我哋平白無端感到疲倦易累、冇胃口、皮膚發疹、小便黃、眼白黃、面色黃 …… 已經係身體大控訴🥵🥵🥵，但，我哋偏偏就係太忙，成世都好忙，忙於工作、忙於旅行、忙於吃喝玩樂，沒一刻靜下來，好好傾聽自己身體嘅呼救🫣🫣🫣！

講養生、要認真！可以乖乖跟從二十四節氣、十二時辰、飲食宜忌來安排自己起居的人，係完人，但凡夫閑人如路路，做唔到十足，也努力來個十分一，不求長生，但願少病少痛、輕輕鬆鬆走過此生😘😘😘！

《豬橫脷粟米雞骨草湯》
材料及功效
- 雞骨草 (約一両): 性微涼、味甘，歸肝、胃、膽經，功能清熱解毒、舒肝明目。
- 豬橫脷 (一條): 性平、味甘，歸脾、肺經，功能健脾胃、助消化、去肝火。
- 粟米 (一棵): 性平、味甘鹹，歸手、足陽明經，功能益氣、補脾、和胃。
- 其他材料包括：豬骨、淮山、陳皮、茨實、蜜棗，各適量

做法
1. 雞骨草以清水沖洗。
2. 豬骨洗淨汆水。
3. 豬橫脷去除底部白色筋膜，原條洗淨汆水。
4. 陳皮預早半小時浸發。
5. 粟米及其他材料洗淨。
6. 瓦煲注入適量水份，放入雞骨草、陳皮同煲，水滾後加入豬骨、粟米、淮山、茨實、蜜棗，再次滾起後轉文火煲3小時。
7. 放入已汆水的豬橫脷，再煲半小時，調味即可，豬橫脷切件享用。

20/02/2023

[路路愛自煮] 素。知我心_薑汁味噌煮大根

家常素食，算是我近年投放心力較多嘅一環，但我所謂嘅素菜，並沒有戒絶五辛 (即大蒜、蔥、蕎頭、洋蔥及韭菜）、蛋類及牛奶類食品，這有別於佛家嘅正宗齋菜，始終我茹素嘅目的，只係想減少吃肉，並非基於宗教考量。

呢道「煮大根」，做起嚟超級方便，一棵長長嘅日本大根，分作數小段，每人獨立一份，乾乾淨淨，不拖不欠，唔洗交換口水😋😋😋 ⋯⋯

材料：
大根 (日本白蘿蔔) 1棵、日式豆腐皮1包、味噌2湯匙、蒜蓉、薑汁、鹽、油適量

製法：
1. 大根去頭尾、去皮，洗淨，厚切成小圓型狀。
2. 豆腐皮原片取出，洗淨，切小段。
3. 味噌以適量清水拌勻稀釋備用。
4. 蒜蓉、薑汁備用。
5. 鍋內注入少許食用油，以慢火煎香大根至兩面呈微焦狀。
6. 注入適量清水，改大火炆煮至滾，轉中火把大根煮透至完全軟身，盛起。
7. 鍋內保留炆煮大根剩下的上湯，慢火加熱，注入蒜蓉煮3分鐘，加入豆腐皮小段及已稀釋的味噌拌勻，續煮2分鐘。
8. 試味，拌入薑汁，熄火，擺碟即成。

14/02/2023

[路路笑談中] 愛是無涯

情人節係咪一定要同情人一齊渡過呢？路路覺得：係！💖💖💖

但邊個先至係我哋嘅「情人」？咩嘢叫做「一齊」?

除咗老婆老公baby honey之外，其實老豆老媽子老同學老朋友老表老姐老弟老師老闆老狗🐶🐶老貓😺😺⋯⋯只要我哋真心對待，想佢哋健康快樂、平安自在的，通通都係「情人」，自己都係自己嘅情人👬👭👫👨‍👧👩‍👦👩‍👧‍👦👨‍👨‍👦‍👦👨‍👩‍👧‍👦👨‍👨‍👧‍👦！

所謂嘅「一齊」，唔一定要physically 分秒同步同行，事實亦都冇可能，因為總有一個，會先行一步，又或者基於某啲原因，肯定冇可能一齊⋯⋯

但係咁，其實又有乜嘢關係呢？念念不忘，猶勝千言🥰🥰！

㊗️情人節快樂！
😍😍Happy Together Always 😍😍

10/02/2023

［路路養生路] 春季養生DOs & DON’Ts

春季養生以「春三月」為限，即從立春開始 (今年是二月四日) 至立夏終止 (今年是五月六日) ；春為四季之首，養生重點在於「養陽、護肝」，調養精神，切忌動怒傷肝。

飲食方面

1. 少酸味辛辣、多吃甘甜 - 春季肝氣旺，酸味過多，收斂入肝，不利肝氣疏泄及陽氣舒張，宜多吃甘甜五穀雜糧蔬菜如：大米、糯米、粟米、番薯🍠、南瓜、芝麻、黃豆、扁豆、黑豆、白蘿蔔、紅蘿蔔🥕、茄子🍆、莧菜、黃芽白、枸杞、菠菜、金針、黑木耳、蓮藕、馬鈴薯🥔、栗子、淮山、紅棗等。

2. 少油膩生冷、多清淡 - 初春仍有寒意，食物過冷易傷脾胃，胃氣乃養生之本，只有脾胃健旺，其他臟腑方可正常運作。多吃稀粥，有助清理體內自冬天以來積存嘅垃圾食物，何況春季霧大濕氣重，熱騰騰嘅粥水幫手發汗排水，令脾胃清爽，成個人都好爽😄😄🤣🤣！

起居衣著方面

1. 宜早睡早起 - 春季氣温回升，日光早現，宜早點起床吸納陽氣，多作户外活動以舒展筋骨，一掃冬日嘅慵懶疲態🤸🏼‍♀️🤼🤽🏼🚵！

2. 午睡消春睏 - 春天回暖令血液循環轉旺，新陳代謝加快，身體機能一時未能適應，因而出現昏昏欲睡、倦怠乏力的春睏狀態🫠🫠，最好就係午飯後小休半小時不一定要躺臥入睡，靜心閉目、養神養氣亦足以儲備能量，令你撐到放工。

3. 多梳頭 - 梳頭有助疏通氣血，改善頭部血液循環，健腦醒神，提升體內陽氣，唔想梳，就自己做吓按摩💆🏼‍♂️💆！

4. 衣飾保暖為主 - 初春陰寒未盡，早晚温差大，乍暖還寒，加上春雨綿綿，濕寒交戰，急不及待以短裙短褲的輕盈春裝展現人前👗👗🩳🩳，露肩露腰露腿，令關節和肌肉受寒，呢啲「自殺式」嘅行為，後果自負。

春天另一大問題就係容易情緒波動，這可能跟春季天氣變化莫測、陰晴不定有關，惟一方法乃自我告誡，保持心情愉快🧘🏻🧘🏼‍♂️，聽歌、看書、煎茶、運動、友聚，喜歡便可，知足常樂。

祝願各路閑人：年年有餘歲歲平安

22/01/2023

［路路看天下］

春有百花秋有月
夏有涼風冬有雪
若無閑事掛心頭
便是人間好時節

㊗️ 平安自在福慧增長

16/01/2023

[ 路路養生路] 晨起被窩操

嚴寒冬季，經過一夜睡眠，四肢肌肉及關節都會因為血液流動放緩而變得僵硬🤌🏼🤌🏼🫳🏼🫳🏼🦵🏼🦵🏼，起床前，最好進行「被窩操」，簡單易做又安全，按按穴位拉拉筋，不過幾分鐘，提神醒腦，精神爽利。

路路又利申啦 😝😝😝 ......

這不是大師秘笈，沒章法、不正統，純粹左抄右抄，各路仝人要自負盈虧啊！

被窩操第1式：伸展四肢關節

平躺床上，蓋著被，雙手伸出被窩外，手臂手肘向上提升，拉成直線，慢慢移向雙耳，盡量貼耳👂👂，手臂手肘回歸原位，重覆此動作3次，之後手臂手肘拉成直線，向左右兩方各擺動3次；雙腿連趾尖向床尾方向伸展3次，再以腳踝依順時針、逆時針方向各打圈3次🦶🏼🦶🏼。

被窩操第2式：抱膝滾動按摩腰背肌肉

仍躺在被窩內，背部貼在床上，雙腿彎曲盡量貼近胸腹部，雙手抱膝成圓球狀，左右滾動各10次，以身體重量按摩腰背肌肉。

被窩操第3式：伸展腰、背及肩胛骨肌肉

拿掉睡枕，仍在被窩內，雙腿微曲重疊，頭頸與雙膝以反方向拉動，即頭頸面向左方時，雙膝便向右方，腰、背部應有拉扯感，保持此動作約10秒，再轉方向，亦停留10秒🔄🔄。

被窩操第4式：眼、耳、牙齒、舌頭及頭頂大清醒
• 👀👀蓋上眼睛，順時針轉動眼球10次，逆時針轉動10次；搓熱雙掌，以掌心熱力溫暖雙眼。
• 👂👂雙耳佈滿穴位，不用刻意牢記位置，隨意以雙手搓揉及按壓耳朵各部位至微熱即可。
• 🦷🦷上下顎開合令牙齒互相輕叩10次
• 👅👅順時針捲動舌頭10次，逆時針10次，進行這組動作過後，必然衍生津液，此乃養生甘露，定要徐徐嚥下。
• 💆🏼‍♀️💆🏼‍♀️以十個指頭輕輕敲打頭殼，無所謂位置和方向，盡量覆蓋整個頭部。

完成上述「被窩操」後，側躺，向左向右無所謂，以手按著床邊撐起 body，唔好平躺靠腰力撐起。其實萬法歸一，就是避免「睜開雙眼即時彈起」，如果乜都唔想做，冇問題，就係咁「攤」喺度幾分鐘🛌🛌，諗吓一陣食乜嘢早餐、著乜衫囉！

人生路漫漫，唔好急，慢慢嚟！🥰🥰

Special credits to Eric Lo for the illustration.

13/01/2023

[路路愛自煮] 白烚水餃

算不上特別愛吃水餃，但胃口一般嘅時候，唔想食正餐，清水白烚幾隻水餃🥟🥟，加些少辣椒油🌶️🌶️，簡簡單單又一餐！

呢間係荃灣老店，路路嘅妹妹過冬時買咗幾款全家共享，性價比算合理 (細盒15隻/$33)，後來跟分別已移居澳洲、加拿大同英國嘅「荃灣友」傾起，才知道佢哋個個都like，仲要係細細個開始已經好liked！

真係好離譜，識咗班友幾十年，一句都冇推介過🤬🤬🤬！

利申：
1. 唔係廣告😊😊😊
2. 路路雜貨冇代理亦冇得賣🤭🤭🤭
3. 大時大節一定要預時間排長龍😝😝😝
4. 口味嘅嘢好難講，唔好到時排隊等咗一個鐘，食起嚟覺得味道麻麻就遷怒於路路🫣🫣🫣🫣🫣🫣

09/01/2023

[路路看天下] 水仙花開喻吉祥

喜歡農曆新年的熱熱鬧鬧，婚後每年踏入農曆十二月，指定活動便是到西環海味街跑幾轉，看看那些油光滿滿的臘腸潤腸、醇香味厚的圓大江瑤柱、肥美甘香的生曬金蠔和鮮味可口的蝦乾，還有花膠、海參、花菇等等，買是買不來了，光是看看也歡喜；人山人海之後，再到正街源記吃碗桑寄生蓮子蛋茶，便心滿意足回家去。

俱往矣，經歷過，成了記憶，該留的，早已植入心田，該捨的，就讓一切隨風！不要貪，因為我們已經擁有很多!

(圖: 2014年自家切割水仙頭長出長長的水仙花)

31/12/2022

[路路看天下］心安身自安

年之將盡，也沒有什麼特別想說，反正近年要說的，也大多往內裏吞，谷埋谷埋，肚腩、胃腩變得越來越大⋯⋯

無所謂喇，一切都是「因緣和合五藴聚」，本來無一物，何況外表色相？

未來如何如何，也不作展望，隨心隨意隨喜，為自己，好好活著！

22/12/2022

［路路愛自煮］

還是喜歡逛舊區街市，隨手找來的，都是鮮品，這手掌大小的西蘭花椰菜花，本地生產，今早才割下，光看著，已垂液。

都說冬至大過年，家家戶戶慶團圓👪
㊗️願：平安喜樂，福慧圓滿。

17/12/2022

雨過，天未明，但見一地落紅自凋零！

12/12/2022

［路路愛自煮］啖啖大蔥同步過冬

蔥蒜一類，路路向來愛吃，日本入口的大蔥幼嫩清甜，跟手打豬肉丸半炆煮作湯，有效增強人體免疫力、抗菌殺菌、發汗解表、消除疲勞。

入冬從來就是流感高峰期，年年如是，不足畏不足懼，中醫著我們多表汗、西醫請我們多休息，因為感冒根本就是「不治之症」，無藥可醫。

踏踏實實，食療養生，閑來吃點大蔥，才是正道。

材料
大蔥兩棵、手打豬肉丸、豆腐及雲耳適量
鹽、油、糖、胡椒粉及水份適量

做法
1. 大蔥去除粗糙外層及青綠色乾枯部份，洗淨，斜切成小段。
2. 豬肉碎以適量鹽、油、糖及胡椒粉略醃，搓成丸狀。
3. 雲耳以清水浸發後，洗淨，隔乾水份；豆腐切件備用。
4. 小鍋注入適量水份，以大火煮滾，放入豬肉丸，轉小火，加蓋滾10分鐘。
5. 加入豆腐、雲耳，同煮5分鐘。
6. 另備小鑊以快炒大蔥呈軟身。
7. 把大蔥加入小鍋，不用加蓋，同煮3分鐘，以鹽調味即可。

乘熱湯滾起熱騰騰，趕快喝幾口，和胃活血驅寒飽肚暖笠笠。冬天做好保暖、吃不過量，配合適量運動和多作休息，情況肯定不會太壞。

08/12/2022

［路路綠住行]

大雪剛過，天氣依舊暖和，趁陽光灑地，好歹往外走走⋯⋯

山貝村與南生圍兩岸，水天一色，寧靜安逸，橫水渡早上0630到晚上2100，年終無休，有心人，肯定不會有咫尺天涯之歎！

30/11/2022

[路路養生路 - 祛寒］

百病從寒而生，袪寒禦寒避寒係養生嘅基本步，趁今日涼涼哋，分享幾個自助祛寒小點子，超低成本，親自動手，即可自救，但我不是醫師，自行估量是否適用，要自負盈虧啊！

1. 每次沖涼，都試吓花1分鐘時間，用大熱花灑水，集中沖向背部頸椎位置，盡量每晚都做。

2. 以薑、粗鹽同熱水煲滾浸腳，大約浸15-20分鐘，期間室內唔可以有風，可以出到汗係最好，但出汗後絕對唔好沖涼，只要換衫便可以，毛孔張開了，一定要保暖，唔可以濕水，一星做 1- 2 次都可以，無乜副作用，但水要夠熱，盡量以腳踭先落水，慢慢才放腳板，再浸至腳眼位置，膝頭哥要保暖。

3. 喝黑糖薑母茶，日本、台灣、國內有很多不同品牌，冇乜特別推介，自己慢慢揀。要注意，如有濃痰、發燒或咽喉痛，切忌服用，以免熱症加劇。

4. 若然家裡沒有薑母茶，急就章可用檸檬、薑煲可樂，甚至另加蔥白兩段和蒜頭數粒同煲，滾起後再煲五分鐘即可，趁熱喝才有效逼出寒氣。要有心理準備，這可能是世界上最難喝的可樂！

5. 再唔係，就煲一鍋白米粥，多水少米，趁滾熱時喝下奶白色米糊狀嘅粥水，一來較易吸收亦有助表汗散寒。不要貪方便，煲一大鍋分兩、三天翻熱來吃，我哋進食並非只為了填飽肚子，仲要吸取食物當中的「氣」。

Sooooooooooory! 因為得閑，所以好長氣 🙇🏻‍♀️🙇🏻‍♀️🙇🏻‍♀️ ⋯⋯

29/11/2022

［路路養生路］

黑暗走到最後就是光明，這是世道，雖然唔知要走幾耐⋯⋯

但天氣呢，唔洗等太耐，話變就變，今日陽光普照熱到爆，過兩日就寒流低溫涼颯颯！

不要因為今日高溫就輕率大意，冷飲冷食，一不小心，寒氣積存體內，冬季就麻煩！

好好休息，固本培元，為冬三月做好準備。

Lolo Harvest 路路雜貨