音樂治療師何詠恩 Joanna Ho

音樂治療師何詠恩 Joanna Ho - 個別/小組音樂治療
- 個別/小組鋼琴課
- 到校/機構 音樂治療
- 工作坊/講座
我相信音樂有無限力量與可能性，音樂能建構一個安全自由的空間予參與者。
我希望運用自己音樂恩賜，連繫幫助更多人。

18/04/2026

Time to say goodbye 🎶
音樂裡講bye bye 同平時有咩唔同？

Group Supervision 後
即興夾起歌來 夾咩歌好？
有人提議Goodbye song😳⁉️‼️⁉️‼️⁉️‼️
Ok! 就試下 從來都冇試過夾Goodbye song
帶goodbye song 帶得多
頭一次感受Goodbye song嘅力量 😱

🎶Time to say goodbye by Ican
Edmund: 好rich嘅goodbye
Ican: 希望Say個goodbye都可以令每個人感受到關愛同鼓勵
Michelle: 充滿童真、溫暖的畫面，令我期待再講Hello 的 goodbye song 😎
Diana: 歡樂, 好有feedback 的goodbye~
Miffy: 共同投入、互相回應、期待再見的goodbye♡
Joanna:音樂變出歡笑、同在一起的美麗時刻,可以用自己選擇嘅方法講拜拜🤗
music mi
musictherapist
lovingmusic

#音樂治療師

21/03/2026

給予自己嘅安靜空白時間

音樂能夠幫助我哋調整情緒同埋身體狀態
影響我哋嘅呼吸心跳
幫我哋放鬆減壓
當我哋慢慢感受音樂嘅同時
我哋能夠由煩躁變得平靜
調整 重整
所以呢首歌係彈俾自己聽嘅
亦都送俾大家😅😮💭

**享受呢一段同自己 / 同狗狗嘅安靜時間

【樂智協會大匯演- 音樂互動】感謝邀請，可以參與喺大匯演嘅一小部份🎶在台上跟各位有一段音樂互動嘅時間一齊透過身體律動唱歌,投入同埋了解音樂嘅作用很緊張很緊張，事前其實好緊張到底在台上做甚麼 即使以前有類似經驗但就是沒有信心對自己沒有信心嘅時...
25/02/2026

【樂智協會大匯演- 音樂互動】

感謝邀請，可以參與喺大匯演嘅一小部份🎶
在台上跟各位有一段音樂互動嘅時間
一齊透過身體律動唱歌,投入同埋了解音樂嘅作用

很緊張很緊張，事前其實好緊張
到底在台上做甚麼
即使以前有類似經驗
但就是沒有信心
對自己沒有信心嘅時候
會緊張會逃避🙃

就在不知所措的時候
想起曾經有位前輩講嘅說話
「就好似平時做session咁就得啦,open group」
好的，最後我以平常心
將平時最熟悉的東西
放在台上 放大的進行
然後仍然想着像平時session最重要的是互動
過程中，提醒自己放慢啲放鬆啲(很重要 我真係有呼吓氣啊）
夠淡定，享受過程😅

在這裏感激這位前輩
雖然你未必看到呢段說話 亦都未必會知道我講緊你
不過某程度上 真的好多謝你
放大開拓我呢一面
讓我接下來慢慢繼續有着
要面對很多人很多人的工作

我亦都好想多謝 樂智協會一班會員
多謝你哋全程投入 就好似平時我哋開小組一樣
喺遠處嘅山頂都比反應比我
一齊唱 一齊玩

喺最尾唱歌嘅時候
我解釋點解我想唱呢首歌 「朋友」
係真係因為你哋
然後想起從前一齊開小組嘅回憶
同埋你哋嘅支持 真的有點感動

亦都要多謝樂智協會嘅Jason邀請我
俾我有機會喺台上面簡介吓音樂治療
用一啲音樂互動同大家簡單的體驗下
仲有各位嘅職員當中幫手set up預備
最重要亦都要多謝一直同我並肩作戰咗一年半嘅Catherine姑娘💘


🫡🥰

臨尾仲有個小驚喜，竟然一次過見返我同老公以前嘅老細😅
現任同以前🫡🙂

仲有老公第一次現場睇我咁認真的 原來佢話佢中學音樂比賽都係唱朋友 😏

#樂智協會 #音樂治療 #音樂治療師 #音樂治療互動

【音樂治療簡介與分享】多謝邀請，又一年來到這大專院校，跟幼教學生再次分享音樂治療，讓同學們了解音樂治療的工作和應用。今次準備時，特意搵返上次嘅感想去睇吓，重新思考睇吓點樣今次講得再好啲。用咗啲同上次唔同嘅形式，收集問題、小組音樂體驗、個案分...
24/02/2026

【音樂治療簡介與分享】

多謝邀請，又一年來到這大專院校，跟幼教學生再次分享音樂治療，讓同學們了解音樂治療的工作和應用。

今次準備時，特意搵返上次嘅感想去睇吓，重新思考睇吓點樣今次講得再好啲。用咗啲同上次唔同嘅形式，收集問題、小組音樂體驗、個案分享，有好、有改善的地方。

不過重點係，完成咗之後嘅賽後檢討，下次一定會更加好🤩。開心可以同學生有分享，令到更多「準老師」可以了解音樂治療🎶。

#音樂治療 #音樂治療工作坊 #音樂治療師 #聖方濟各大學

2025年尾也接受了一個電台訪問多謝《與時並進》的主持邀請，讓我可以重新思考何詠恩這個角色….音樂治療對我的影響….何詠恩如何覺察自己的內心變化..關顧自己需要💭節目裡…講起自己轉職嘅故事講起讀書的深刻片段講起從前嘅記者工作講起家人阿女講起...
16/02/2026

2025年尾也接受了一個電台訪問

多謝《與時並進》的主持邀請，讓我可以重新思考何詠恩這個角色….音樂治療對我的影響….何詠恩如何覺察自己的內心變化..關顧自己需要💭

節目裡…
講起自己轉職嘅故事
講起讀書的深刻片段
講起從前嘅記者工作
講起家人阿女
講起self care
講起覺察自己需要嘅重要
講起原來每日跑步竟成為自己壓力
講起音樂治療對自己嘅影響
講起甚麼是音樂治療
講起音樂治療嘅工作
講起大家如何做好self care

謝謝治療師的工作，讓我慢慢學習覺察自己需要，對自己更多認識。

剛好
在這年廿九嘅年夜飯前
我也需要片刻的休息
靜靜的再聽返這個訪問

學自己節目咁講
停一停 深呼吸🖤

自己好，才可繼續照顧別人
再重新出發🏃‍♀️

喜歡主持為我訪問的總結：
「觀察內心變化，適時靜下來 」
自己說話太累贅啦☺️💭

耆樂Fun Fun Fun 🧓🏻👵🏻👴🏻 （🤫）這一日來到呢間長者日間護理中心，將音樂帶俾一班長者，讓佢哋體驗音樂治療能夠做到嘅。由合唱熟悉嘅經典金曲、一人一件樂器，即時組成樂團，載歌載舞仲有指揮。就係咁樣用音樂同大家溝通，因為音樂就係一個...
15/02/2026

耆樂Fun Fun Fun 🧓🏻👵🏻👴🏻 （🤫）

這一日來到呢間長者日間護理中心，將音樂帶俾一班長者，讓佢哋體驗音樂治療能夠做到嘅。

由合唱熟悉嘅經典金曲、一人一件樂器，即時組成樂團，載歌載舞仲有指揮。就係咁樣用音樂同大家溝通，因為音樂就係一個語言，平時未必可以咁多同人互動嘅時間，今日一班人喺音樂入邊一齊玩。

感謝每一個會心微笑嘅時刻，難忘大家嘅笑聲，原來音樂可以咁樣玩，縱使未玩過樂器、好少接觸音樂，都絕對唔係一個問題。

除咗動也有靜，音樂有承載力，接着大家唔同嘅情緒，唔同嘅狀況同需要。呢個時間亦都係可以好好放鬆、被音樂包圍着。

多謝相當有經驗的 同我一齊，😇 實在欣賞你嘅淡定同埋從容，感謝您對我嘅包容，就會接受我唔同嘅提議，再喺裏面俾意見我☺️

#聖保祿醫院 #頤康天地 #音樂治療 #長者音樂治療

動物輔助教育活動🐰都係幾個月前🐰，已經想post好耐，終於抽到時間放輕鬆寫吓🤍🩶好開心，遊戲治療師朋友 .hk 嘅邀請，等我可以同兔仔一齊工作，一齊走入學校，讓同學仔透過同動物嘅接觸，開啟唔同嘅感受。💭我嘅合作夥伴叫毛公主同埋毛格格，輕輕...
15/02/2026

動物輔助教育活動🐰

都係幾個月前🐰，已經想post好耐，終於抽到時間放輕鬆寫吓🤍🩶

好開心，遊戲治療師朋友 .hk 嘅邀請，等我可以同兔仔一齊工作，一齊走入學校，讓同學仔透過同動物嘅接觸，開啟唔同嘅感受。💭

我嘅合作夥伴叫毛公主同埋毛格格，輕輕撫摸佢哋真係非常治癒，所有嘅煩惱都飛走咗。

在動物身上可以學習很多，無論係點樣溫柔對待佢哋，還是點樣體貼、了解佢嘅需要。

期待下一次同你繼續合作🎶🐰🐶 非常欣賞你有心嘅準備💚

*最重要俾我知道，原來兔仔係唔食得紅蘿蔔㗎🥕
*所有嘅動畫卡通片都係錯誤訊息😅🐰

Pilates X music therapy 數月前，走入一間Pilates 學校本身諗住自己去報名上堂點知傾傾吓，老闆娘知道我做音樂治療佢話不如試吓合作 感謝你哋嘅邀請呢個係一個難忘嘅合作多謝 .queen_ hay 老師記得我哋認真咁...
15/02/2026

Pilates X music therapy

數月前，走入一間Pilates 學校
本身諗住自己去報名上堂
點知傾傾吓，老闆娘知道我做音樂治療
佢話不如試吓合作

感謝你哋嘅邀請
呢個係一個難忘嘅合作
多謝 .queen_ hay 老師
記得我哋認真咁樣去為每一套嘅動作設計一啲合適嘅音樂
特登約出嚟 花時間一齊構想
亦都互相了解大家嘅理念 喺流程上嘅設計

用音樂去幫助 對自己嘅覺察
用音樂幫自己放鬆專注當下
用音樂去為難度高嘅動作加一啲動力

🩵🖤💚

28/01/2026

「音樂是我一樣自小學嘅事，如果我可以透過呢樣嘢成為我嘅專業，再幫到人，我覺得應該唔錯」

「我們平常跟人溝通用說話，但如果有不同能力
的人，我們如何跟他去溝通呢，音樂就是一個很好的橋樑，讓我們與不同的人去溝通」

「最深刻是一個與會員的個案，他平時說
話比較大聲，我發現音樂像一個器皿，可
以容納到他的特性」

「有時候對於智障人士，我們可能想去改變一些東西或者要讓他們成為一些東西，但我們在音樂治療的想法，就是我們可以接納他」

「希望日後，社會有更加多嘅資源，在音樂治療上，令音樂治療可以為及更加多有需要的人。」

Thanks
讓更加多人了解音樂治療
Special credits to 剪片拍攝
做被訪者其實好緊張，剪到咁順花左好多心機呢

30/12/2025

2025 最後一個教學日

得未？得啦🤣 （實在好鍾意呢個咁自然嘅對話🤣，仲有我最後同個學生講，其實老師錄影時同你一樣咁緊張，所以你唔係唯一一個，大家都一樣咁樣去經歷咁樣去跨過難關）

感謝 感恩 滿滿恩典

最喜歡學生在中間不自覺的跟著唱起來
音樂就是有生命的
連繫著不同的人
成為力量 感染每一顆心✨

【一支結他與一班會員的故事】結他的故事在最後，我想先談在中心所感恩的事。今日剛剛是在這中心最後一節的小組，很感恩在這中心工作的機會。不知不覺與會員們也建立了熟悉的關係，每次到達，他們總會走來幫忙取樂器、開車閘；開心的走過來跟我報告近況。在這...
29/11/2025

【一支結他與一班會員的故事】

結他的故事在最後，我想先談在中心所感恩的事。

今日剛剛是在這中心最後一節的小組，很感恩在這中心工作的機會。不知不覺與會員們也建立了熟悉的關係，每次到達，他們總會走來幫忙取樂器、開車閘；開心的走過來跟我報告近況。

在這段的時間，我明白學懂了不少。

治療師的狀態；🧘🏻
試過因為自己忙碌的行程，影響了自己的狀態。在我的音樂裡，你們都感受到我的累。我的狀態很重要，是承載不同的感受和表達的力量來源。

音樂與我的關係；我越多的感受音樂，越多的自我覺察，才可應用音樂在其他生命中。🎶

我記得音樂帶動大家去舞動；
音樂表達了每個人的不同獨特性；
我記得你們在音樂裡由只跟著拍子，演變出自己節奏的一刻；
我記得運用你們不同的特色，讓你們在指揮、歌唱、節奏上閃亮；
我記得音樂的歌詞，承載了我們的情緒；
音樂的旋律、節奏，承載每一刻。🫂

今日，小組途中，我太忘形，顧著彈琴，一時沒好好看管結他，結他被其中會員推到地上。這一刻，所有人都靜了看著。我慢慢的完成正唱著的「我的親愛」，笑說，「真係要同結他講byebye」。不過，我仍感到大家都擔心，大家都有感受。然後，我直覺的想告訴大家「不要緊，我明白，都可以」，而唱了另一首歌，再加上一段說話，讓大家安心：「我知道大家都傷心和覺得有事發生了，對嗎，但唔使怕，整得返（其實唔知架），也請不要怪他，因為他是沒心的，何姑娘也有責，最重要係人無事！」說罷，我轉變了合適的音樂繼續小組，沒要求大家立即一起參與，但慢慢的隨著心投入過來就好了，讓大家也不要再擔心。

（其實我好驚訝，點解結他爛左，但我心情無被影響。可能真係成長了。哈）

又寫多了，其實也只想講，治療師的承載。
好好照顧自己，因為只有這樣才有空間感受音樂，然後承載別人。

謝謝每一位組員、中心職員。

在這刻，大家也要保重、珍惜。
🕯️

【在音樂裡的溝通與同行】常說音樂是一個陪伴、音樂讓你可表達、音樂過程是溝通這都是甚麼意思，在當中治療甚麼？最近有一個案，他不善與人溝通，也甚少說話。在治療過程中，我與他常在鋼琴上合奏。雖然他不懂彈琴，彈的不是跟著樂譜，也未可稱上是一首歌，只...
24/11/2025

【在音樂裡的溝通與同行】

常說音樂是一個陪伴、音樂讓你可表達、音樂過程是溝通
這都是甚麼意思，在當中治療甚麼？

最近有一個案，他不善與人溝通，也甚少說話。
在治療過程中，我與他常在鋼琴上合奏。
雖然他不懂彈琴，彈的不是跟著樂譜，也未可稱上是一首歌，只是隨意的在琴鍵上摸索，但我倆卻在合奏，互相以琴音互動著：一起彈、你一個音我一個音、或是一起大聲小聲、一起加快澎湃一起減慢放鬆，這個是溝通的過程。💬

看著他由單一手指彈著單音，慢慢到雙手、由只彈高音區到勇於探索低音區、由只集中自己節奏到跟著我改變節奏，更多強音、跳音等的變化，對他來說是突破、更多自在的自我表達，也是我們溝通的進程。🔖

音樂是語言，也是直達內心不經分析思考的語言。細心聽著音樂，你會有感受到當中的感情。所謂的音樂連結，就是透過音樂作內心之間的對話，開放一個空間，合奏著同時讓他作無對錯的表達，這是支持和同行。🪇

音樂治療就是能超越言語，縱使不善溝通，卻提供了空間讓你感到被明瞭、讓你說出不能甚至未知的心聲。

#音樂治療 #音樂治療師 #精神健康 #情緒健康 #輔導

Address

9 Hoi Ying Road, Sai Sha
Ma On Shan

Telephone

+85263979118

Website

Alerts

Be the first to know and let us send you an email when 音樂治療師何詠恩 Joanna Ho posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to 音樂治療師何詠恩 Joanna Ho:

Shortcuts

Share

Category