張家穎中醫師 Karen Cheung

11/08/2025

之前收到病人的小手工☺️
我未打開之前見到係個藥膏罐
心諗點解還返個藥膏俾我
係咪覺得唔好用呢
一打開，Surprised!
好得意！！
Stay pawsitive! So cute!
🙏🙏🙏
EC needs to be cheered up too haha

31/07/2025

朱醫師統籌嘅義診
係我做過真正最不牟利、不謀名嘅贈醫施藥之一🙏🙏
而且大部份能夠做到持續跟進，有效改善患者嘅病情
（最深刻嘅係輪椅人士、少數族裔、清潔工嘅義診服務）
除此之外仲可以幫到年輕醫師嘅成長
如果有朋友/師弟妹有興趣都可以join下
或者聯絡我可以share佢哋contact俾你了解

朱國棟醫師行醫40載，由業餘興趣班開始，不斷進修，1989年到廈門進修中醫內科學成回港，決意要成為一位「名實相符」的中醫師。2016年，朱醫師開始到街邊義診，之後得到善長贊助，開設中醫善堂，免費贈醫施藥。為照顧弱.....

17/05/2025

好感動好surprised！好多謝呢位病人嘅心意話返俾我知🙏🥹
做醫師嘅快樂就係：有時候你只係做咗份內事，完全冇諗過，幫病人解決嘅症狀，原來已經困擾咗佢20年，對佢生活嘅影響原來咁大。
最開心嘅係！病人寫話因為症狀好左，旅行可以更加輕鬆愉快！熱愛旅行嘅Karen醫師，聽到呢句特別真係開心同有同感！人大左就開始feel到身體健康同埋體力、活力係幾咁重要，唔舒服嘅話去旅行都諸多掣肘。
祝大家身體健康，多啲去旅行～～

02/04/2025

不用節食都可以減肥？很多病人體脂高的原因都是飲食結構錯誤，進食太多碳水（主要是因為精緻澱粉（麵包、麵條）、醬汁、飲料），但另一方面，蛋白質和蔬菜卻攝入不足。

然而我不建議大家完全不吃碳水或米飯。其實只要改變餐盤比例結構，就可以不用捱餓，都可以減少卡路里和醣類的攝取，同時又不影響健康～

最理想的餐盤比例是源於哈佛大學公共衛生學院提倡的「211餐盤」
=蔬菜：蛋白質：碳水= 2:1:1
*碳水要避免精緻澱粉（避免麵包、麵條，但米飯我建議正常食）
*采取較健康的烹煮及調味方式

平時經常外食、沒有注意飲食結構的朋友，只要先跟隨這個進食比例，改善營養結構，就已經可以有明顯的瘦身效果。如果需要進一步減重減脂，再考慮節食和斷食的方法……

#降血糖 #營養 #營養餐 #營養師 #中醫 #中醫養生 #中醫調理 #中醫師 #銅鑼灣中醫 #沙田中醫 #石門中醫 #女中醫 #香港中醫

17/03/2025

Finally M come！
KAREN醫師收到呢張卡真係好感動😭😭
呢位病人真係好有才華好有創意🥹

多囊卵巢(PCOS)嘅女仔動輒幾個月唔嚟M，甚至半年、一年都有，所以通常要定期調理一下，亦都要有堅持有耐心

超過一年冇嚟M，用中藥調左兩個月，體質逐步改善，亦開始有白帶分泌（排卵跡象），但PATIENT表示食藥食到好厭，好想放棄治療😣，但努力係有回報的，終於黎到M，恭喜恭喜🥳

要多謝呢位PATIENT嘅信任同埋堅持治療！🙌🙌對於慢性婦科問題，醫師開藥同患者堅持，真係缺一不可㗎🙈🙈

我會好好收藏呢張artwork🤩

12/03/2025

《看我今天怎麼說》觀後感
「黃修平」呢個導演名字好熟
Google一下先醒起係2013年《狂舞派》的導演
10年前，大家仍然覺得港產片唔好睇
當年《狂舞派》呢種冇大明星嘅小製作一鳴驚人、廣受好評

到左而家2025年
每一年都起碼有一兩套好睇嘅港產片
大家已經開始對好睇的港產片不感到意外
呢個轉變都令人感到安慰
（個人覺得細片尤其好睇，全部大明星做主角個啲大卡士嘅電影，反而唔及小製作咁好睇🤫）

《狂舞派》同《看我今天怎麼說》兩套戲入面
我都覺得導演將女主角嘅內心世界呈現得好細膩

故事入面沒有太過懶勵志的狗血劇情
本身會覺得結局欠左少少高潮位
不過又咁諗…健聽人士眼中嘅平凡結局、正常生活
卻係女主角付出雙倍努力渴求的願望

1️⃣電影簡介

《看我今天怎麼說》係一套關於聽障人士嘅劇情片
由鍾雪瑩飾演聽障女主角
佢幾經辛苦讀到大學精算系畢業
之後出來社會搵工
以為可以融入主流社會
卻發現同幻想之中有出入
但係另一邊，女主角因為無過學手語
同用手語嘅聾人又溝通唔到
變左夾住左係中間，兩頭唔到岸

而鍾雪瑩憑著飾演呢位聽障角色
攞到金馬獎最佳女主角👏👏👏
除左佢之外，我覺得游學修、啲小演員（小學生）都好犀利😆

2️⃣人工耳蝸係咪真係幫到聾人？

《看我今天怎麼說》呢套電影
呈現左好多聽障人士的日常生活
我睇完都覺得長知識了

原來做手術安裝左人工耳蝸之後
唔係個個人嘅成效都係咁好
電影一開頭就以第一人稱嘅視角，模擬左呢個音效
個啲聲原來係好多雜音
音調又會怪怪地

我記得好耐好耐之前
我讀中學做義工嘅時候
仍會有聽到「聾啞人士」呢個term

但其實聾人佢地聲帶無問題
只係因為聽得唔清楚，無辦法調整自己發音
導致講野講唔清楚
所以佢地先唔鍾意講野

3️⃣聽障人士被迫學口語，禁止用手語？

原來曾經有一段時間
為左要令聾人小朋友長大後適應主流社會
佢地被迫用口語學習
禁止用手語交流
但其實呢個方式根本唔work
結果導致有一班聾人口語又講唔清，手語又一竅不通
佢地難以正常地社交

4️⃣手語——無聲的語言

「看」我今天怎麼說
呢個名字已經點出左電影主題
原來人與人之間嘅交流
唔一定需要透過聲音

電影用「潛水」來貫穿成個故事
呢個idea我覺得相當得意
係水底入面，就算係正常人都係講唔到野的
聽障人士之間以手語交流
可以話係一種人類嘅原始「語言」

搵啱自己嘅溝通方式
用「心」去看、去感受對方先係最重要的

5️⃣總結

總括而言，《看我今天怎麼說》係值得入場支持嘅
雖然故事線有啲唔穩陣
開頭開得吸引，但結局好似有啲唔知點收尾咁、有啲位令人有啲R頭
但係整體黎講，又帶出社會議題、演員又演得好👍

#影評 #電影 #香港電影 #港產片 #2025電影 #鍾雪瑩 #游學修 #看我今天怎麼說 #黃修平

25/02/2025

Karen張醫師將於3月7日（五）至3月12日（三）休診

21/01/2025

Karen醫師準備休假要飛了✈️🇦🇹🇸🇮
25/1（星期五）-2/2（星期日）休診
3/2（年初六）星期一恢復應診
希望大家健健康康過新年唔洗戒口🥳
搭車或者喺多人地方記得戴口罩呀

13/12/2024

【感冒後咳嗽唔斷尾喉嚨痕癢？女中醫教你分清熱咳寒咳加快康復】
不少病人每當流感或感冒後，都會後遺咳嗽一段時間，由一星期到幾個月不等。今天與大家分享中醫如何處理感冒後咳嗽和氣氣管敏感喉嚨痕癢的症狀，以及如何分辨寒咳、熱咳，及早治療，以免損耗肺氣。

小兒拍痰參考影片: https://youtu.be/vnjgZtADO2w?si=Fc4zwFEb-Z1kvYEp

00:00 引言
00:43 感冒後咳嗽多久應就醫?
01:18 為什麼感冒咳嗽不斷尾?
02:02 感冒初期忌盲目止咳
03:06 如何分辨寒咳熱咳?
04:22 過多消炎藥會令咳嗽加重?
06:38 氣管敏感喉嚨痕癢如何處理?
08:04 咳嗽有什麼飲食戒口?
08:41 小孩咳嗽有什麼注意事項?

#香港中醫 #中醫 #咳嗽 #流感 #感冒
——————————————
張醫師 Karen Cheung
個人網站：https://karencheungtcm.com/
Facebook專頁張家穎中醫師 Karen Cheung/
Instagram：https://www.instagram.com/karencheung.tcm/

17/11/2024

感謝 邀請，同大家分享關於高血壓呢個題目～

高血壓初期症狀唔明顯，或者只有輕微頭脹頭痛，好容易令大家以為係小事而忽略左。中醫注重整體調理全身功能、搵出高血壓嘅真正成因，對症下藥。

另外睡眠不足或睡眠質素差都係高血壓嘅常見成因。有睇開中醫嘅朋友可能體驗過，中醫對於改善睡眠特別有一手😴（尤其針灸有時比起食藥更快起效💪💪）

.health
#香港中醫 #高血壓 #女中醫 #銅鑼灣中醫 #沙田中醫 #石門中醫

03/10/2024

最近睇左一套幾精彩嘅港產片！
《我談的那場戀愛》係一套以交友app網戀騙案為主題嘅溫情喜劇

唔知現實啲騙案係咪真係好似戲入邊咁操作呢
創意無限嘅假profile角色、p圖造假、心理操控技巧
加埋一齊其實都真係幾呃得下人🤭

除左劇本故事完整，題材得意之外
最好睇嘅係兩位角色本身好有層次
吳君如飾演被騙的中年女醫生&富婆，離異&喪偶
MC飾演騙子，失業青年，為了生計加入詐騙集團
兩人背後都有各自嘅小故事

被騙嘅吳君如同騙子真人雖然素未謀面
但兩個人隔住手機產生嘅火花
呈現出嚟嘅內心世界同感情觀
都幾動人同催淚🥲
兩個人係現實世界完全無任何交集
卻一齊因為呢段「網騙」經歷
而有所成長、搵返自己

男女角色係造型同人物設定上無咩主角光環
但反而呢種素人嘅貼地故事
令人更加覺得有共鳴
尤其中年喪偶嘅吳君如
性格固執、愛投訴、成日黑面
連先生都頂佢唔順，要離婚
佢一開始並唔係咩討喜嘅角色

「如果我係男人，我都幾肯定唔會揀自己咁樣嘅女人。」

但隨住故事發展
觀眾投入到女主角嘅故事同內心世界
同佢一齊經歷呢場戀愛🤣
都一定唔多唔少感到共鳴
成個騙局入面，有好多笑點
亦有唔少感動位

總括來講，我覺得呢個係關於
孤獨寂寞嘅人搵返佢自己嘅一個故事
單身嘅人睇應該會更加有感覺
總之好推薦大家入場觀賞
笑一笑，喊一喊

「我無被人呃呀，我只不過，係談左一場戀愛。」
「乜你覺得係真咩？」
「愛情，你信嘅咪係真。」

「當你有一日，你發覺你可以騙倒全世界，那一刻，可能你最想騙的人，其實是你自己。」

#我談的那場戀愛 #影評 #電影 #電影語錄 #語錄句子 #電影金句 #吳君如 #張天賦 #香港電影 #港產片 #2024電影

17/08/2024

好高興應香港心理間 的邀請，一同為大家提供助眠的貼士～
心理和生理健康一樣咁重要
心理學家 的分享很inspiring!
我們無法控制外界發生什麼事情
但我們可以控制自己的想法