動物自然療法協會Animal Holistic Healing Association

10/05/2025

祝願一切母親平安健康 💝

22/01/2025

10/12/2024

https://www.facebook.com/share/p/1YNTAUDDaH/

跟進早排上唇潰瘍老貓個案， 確定佢已經好返曬，家長亦深深體會到排毒嘅厲害同重要性，祝老貓一直身體健康，精精靈靈
記得定期排毒喇😁👍🏻

#貓上唇潰瘍 #動物治療 #自然療法 #療劑 #銀水 #排毒 #金太

24/11/2024

貓上唇潰瘍個案

家長喺10月30日walk-in 救求，老貓上唇潰瘍，用咗部分相關 #療劑 一星期後，離港10日，無機會做任何療劑工作，而呢段時間，對症嘅療劑先訂到女神手上。

而家長於11月23日通知女神，老貓已好返好多。停咗10日無做過任何療劑工作，都有咁嘅效果，女神高興到不得了，期待正裝療劑快快對症下藥，令老貓回復正常

祝老貓早日康復

#自然療法 #動物自然療法 #貓上唇潰瘍 #療劑

16/10/2024

連supplier 們都話女神係大家嘅入貨gate keeper，個案用完大讚係應該㗎嘛😌否則女神點會花海量嘅時間，每隻貨都check清楚，試清楚先入😌
女神成日都話：大家嘅貨，我自己都食都用，我對怪獸都食都用😌咁又點會差呢

會長同會長夫人咁醒咁靚，當然因為女神用心挑選一切用喺佢哋身上嘅嘢啦😌

#椰子油

05/10/2024

Case sharing： 7仔喺九月頭嘅時候畀我發現耳仔 無緣無故紅腫 腫到生水泡咁 初初以為畀蚊咬 摸落去點整佢都好 佢唔痛嘅 觀察幾日完全冇消腫 似乎唔係畀蚊咬 但係嗰段時間我好忙 冇同佢即時用療劑 照舊平時嘅排毒加supplement 發現完全冇改善 到九月尾我時間開始好啲嘅時候 就開始同佢用療劑 大約一個禮拜左右 已經消紅消腫 而家差不多好返 佢發生咩事其實我唔知 搵得嚟我都已經自己搞返好 所以療劑排毒 一定係我對佢兩個必備嘅生活工具 無咗佢哋就死得 有啲嘢 用咗衰過唔用

#療劑 #排毒 #動物 #貓耳 #紅腫

21/07/2024

#天赦日，一向打杖
工作室打杖，女神都打杖，但，今次打得好特別

好多突發cases喺預備天赦日過程中出現，導致女神要重新安排工作時間表，做治療師就正正如此，永遠唔會知道cases幾時出現，“執生、走位‘’喺音樂圈已被多年鍊成，如今大派用場。到settle 好所有cases後先發現，只得返一星期時間做衣紙，所以即刻出公告暫停podcast，而呢一星期當中有三日已occupied學校暑期班工作，只得返4日時間，要處理56份衣、93份資料罰抄、親到物資、運輸。就喺頭痛緊點安排嘅時候，突然收到message，教我點樣慳到時間，成套方法俾咗我。今日星期日我就著手返工作室額外買料，跟方法做測試，結果似乎有效。每次女神收到message幫忙時，大多成功有效，所以計好數後，決定額外買料做。

於是，搞到差不多1700左右先正式開始做，到2330前，56份衣竟然完成再pack好！如果用舊有方法，應該要兩三日。女神望住成果都驚嘆自己嘅能力，感覺好似發夢，唔相信眼前事實。雖然做到𠝹傷手，腰，腳亦不停投訴，加上今日返工作室時先發現原來有腳痛，應該係過去幾日工作太操勞，身體開始投訴，而家再不停做足一日，腰腳唔投訴就奇……

2330，要趕晚餐再趕車，幸好工作室附近有24小時食巿，女神快快手離開工作室急步去醫肚再趕車。點知食巿竟然爆場，女神一個人，見有吧枱就攝埋去，初初諗住，惟有孭住背囊快快食完趕車，畢竟只得20分鐘時間，身體撐多陣吧！突然店員叫女神坐出一個位，女神本身坐緊嘅位佢哋要擺貨，順理成章，女神無啦啦多咗個位放背囊，腰終於可以抖抖，我多謝天地都嚟唔切，果然做功德有獎賞，會被照顧

一切順利趕起，上埋車，女神已無氣，連講嘢都已經無氣，腦只響起周董嘅《一點點》，加上附近乘客講嘢又大聲，所以索性塞耳聽周董。然後，一大堆情緒湧上心……怪不得響起周董……女神始終係音樂人起家……
成程車無再想特別覆台覆pm，只想俾自己休養休息，聽周董……
落車歸家路上，見到月亮，先發現原來full moon，突然眼淚流，我問自己為咩喊，原來內在女神感動我超額完成工作，過程中無催迫自己，容許自己慢慢做，仲可以食到飯，趕到車，說話就突然由心湧出：妳做得好好，妳嘅小宇宙超乎妳所想，妳係有能力嘅人，請妳相信妳自己！
女神眼淚再忍唔住，喺黑夜加full moon陪伴，一流到返屋企（肯定係full moon能量整喊我囉🥹🥲，除非唔係啦）

返到後，已經0100，不忘點天地香做感謝，之後就無力到只有攤喺地，就連寶貝們我都無力去招呼佢哋，但上天眷顧地，竟然令家人無啦啦“多手”，喺較早前餵飽怪獸們，否則我又繼續做亞四，無得抖……

女神嘅工作的確唔容易，比音樂圈更艱辛，更大挑戰，禦用成日話我嘅工作喺刀口上，雖然辛苦，但我做得好開心，俾我再揀過，都係揀呢條路

多謝天地及各存有照顧，多謝大家一直support女神，女神嘅《一點點》不停累積：累積經驗，累積功德，累積人心，累積支持，累積人情，累積愛，累積比錢更多更好更重要嘅一切

除了感動，只有感謝，還有感恩

2024年7月22日full moon night 02：53

28/06/2024

女神嘅私人podcast 已面世，身心靈，健康，動物，case sharing, 個人睇法，乜都會講，識乜講乜，想聽女神「發噏瘋」就pm詳情😁

22/05/2024

動物都感覺到復位後嘅暢通，佢哋嘅反應嚟得好直接🥰
一份好有意義嘅工作🩷佢對動物嘅愛表露無遺

14/04/2024

化咗灰都要認得佢哋‼️
唔用協會隻杜蟲粉 唔用療劑 都唔好用佢哋‼️
除非唔怕自己隻毛孩發癲癇嘅話。。。。

02/03/2024

多謝家長捐款救助毛孩🙏🏻祈請老天記錄家長功德🈵

#功德

13/01/2024

回饋，包括好多嘢，那怕只係一個橙，有心就夠，不論大小事
大家對我嘅一切回饋，對女神係一件天大嘅事，佢係一個肯定，認同我做緊正確嘅事，多謝大家嘅愛🙏

今晚有另一位年長學生同我講（咁上下意思，正確句子已忘記🙈）：嚟緊日子開正你嗰範，你條件符合哂，你會暢旺
即係之後20年女神有排做😂，咁我好樂意服務大家嘅，一切都有緣份

回顧過去日子，老天如何預備女神，如何訓練女神，如何令女神經歷及成長，原來真係養兵千日用在一時，但呢個一時，都有廿年😅喺我人生漫長日子當中，廿年，的確可以叫一時😆

大家放心，我會繼續努力服務大家，我老闆唔會俾我劈炮🤭

#緣份 #遇上 #身心靈 #療癒 #回饋