Samson Physio 臻善物理治療

23/07/2025

謝謝一班經常refer client 比我哋既保險經紀朋友🙏🏻

大家無任何利益，
講既就係信任🤜🏻🤛🏻

莊小姐本身有媽媽手，睇左3次就好番了（唔係個個case都咁快）

至於佢介紹既client ,
係個20幾歲既後生仔，

做占deadlift 拉傷腰，mri 顯示椎間盤突出
第一次黎完全彎唔倒腰，

做完第一次好左大半，
做完4次好左8、9成。

有時間，我哋都想盡量匯報番啲case 比番agent聽，
佢都都好關心client 進度，
可惜有時候太忙唔記得左，
希望之後做番好啲，
謝謝大家體諒😅🙏🏻

#媽媽手 #腰痛 #椎間盤突出

29/06/2025

醫生與糾纏4️⃣個月既hip痛

呢個client係一個骨科醫生。

事緣佢有一排係咁打🎾，
跟住右邊hip開始痛，
痛到企、行都好淵痛，
佢係醫院做，所以成日企，好影響佢工作。

作為骨科醫生，佢好知點幫自己，
照左MRI 睇唔倒有問題，
跟住做過其他物理治療又幫唔倒😵‍💫，
所以一路只可以食止痛藥💊頂住開工，

正當佢好絕望之際，佢朋友，我病人，介紹左佢黎搵我地。
初頭佢都係抱住一試既心態，
去接受一啲「奇怪」且痛既治療🤣

估唔到經過3次治療佢好番差不多9成👍🏻

我地做醫生既client 都唔少，但骨科就真係第一次，
對我地既專業係一個肯定💪🏻
再次多謝你既信任 🤓🤓

🤣🤣

#做完啲治療後係有機會頭幾日痛多左
#不過過兩日通常會好好多

27/06/2025

「痛多啲既時候再約ok?」

早排收倒一個坐骨神經痛既病人既訊息，
想取消booking，原因係佢想痛啲先黎

我呆左半分鐘，因為諗唔明個logic，滿是黑人問號❓❓❓

醫痛症，其實就係一路醫，一路跟進復診，
一路改善，向住「零痛」既目標出發，

點解會醫到好左好多，又突然停，等自己番番去個起點，咁有趣架呢🤔。

情況好似你病左食藥💊，食左幾日差唔多好番晒，
突然間你會唔會停藥？理應係唔會架

病人話等遲啲再痛啲，即係而家都仲有相當既痛播，應該離好番晒都有距離播🤔🤔

諗左陣，
我明啦，
病人覺得治療係食「止痛藥」，並唔係「抗生素」
食抗生素，你知食完啲病菌🦠就bye 👋🏻 ，
你就會好番，所以你會食晒，
食止痛藥呢，你會覺得痛個陣食，唔痛就唔洗食

即係可能病人覺得治療係治symptoms，唔係治source ，係根治唔倒既。
或者，佢都想根治，只係進展都ok，令佢唔想further花時間金錢去根治。

的確有啲病人係主動去選擇醫病徵，唔係個病源。

即使我地offer去教矯正運動，佢都可能拒絕，或者教左番屋企都未必做。情願痛多啲個陣先黎搵我地。

當然，站係生意立場，呢類病人可能帶黎既生意額重多，因為會經常番黎🤣

我地提供了選擇，
但最終選擇權還在病人手中，
無話岩定唔岩，
但要知道，你既進度、keep倒幾耐，都因你既選擇而有所不同。

#責任不在我方🙈🙈

#希望病快啲番黎 discharge #仲有好多嘢要執

03/06/2025

最近經常花費心力同啲病人解釋，佢既腰痛點解未必關佢既椎間盤事，遲下有時間，一定要寫番本書，
叫「磁力共振沒有告訴你的…」
😂😂

08/05/2025

Grade 1 拉傷，我地有信心一次治療可以幫佢出番賽，
可惜佢唔識我地😢

呢類case 用傳統西式療法有排搞，
希望佢係個邊搵倒個好既中醫師，
幫佢快啲好番🫶🏻

報告出爐，咖哩仔Grade 1大腿後肌拉傷，G2一定缺席，幾時復出仲係個謎。據報得悉傷勢後，咖哩仔眼有淚光，因為呢種傷勢，呢個年紀，真係好難搞。

勇士頂唔頂得住？畢拿，靠你了。

#仙道彬手記

27/04/2025

我地好多病人都介紹好多朋友黎，

但如果以非保險agent黎講，
呢位應該係最多，

1️⃣0️⃣個朋友唔容易呀，
謝謝你 🙏🏻🙏🏻🫡

之前佢倍太太黎睇，
今次終於到佢睇啦🤣🤣，
似乎對佢既衝擊好大🤭
治療之前坐低都有啲難度，
治療一次後好番7、8成👍🏻👍🏻

你有左第一身經驗，應該可以再介紹多啲朋友黎
😂😂😂😂

#尾椎痛 #腰痛

18/04/2025

早幾日，應client 邀請到佢地保險團隊分享，

主題係分享我地診所治療既approach，以及
從病人角度，
從agent 角度，
從保險公司角度，
點樣幫佢地減少痛楚以及減少浪費金錢。

成7年無講過類似講座，
主要原因一黎忙啦，
二黎個人懶啦🤣，
三黎自從有左online marketing 之後，多左渠道接觸potential client，

不過個日病人話我係佢睇既第6個醫師，
之前個啲都幫唔倒佢，
想邀請我分享下，免得咁多人好似佢走咁多冤枉路，
我諗諗下，覺得又有幾分道理。

用左3日時間從新執過晒個PowerPoint，
花左少少時間自己rehearsal，
個日上台先至無咁緊張🤣

希望在場各位覺得個sharing有得著👍🏻
亦都歡迎做agent 既client 邀請再做類似sharing～
😁😁

11/04/2025

嘩，成7年無講過保險既talk啦，
起番2018年既PowerPoint 出黎，
好似出土文物咁🤣🤣

保險Agent 朋友話，
「乜你地咁忙仲會去講保險agency talk 架咩？」

第一，唔算好忙，可以再好啲。
第二，雖然呢類talk番黎生意唔算好多😅
但我覺得有啲好有心既agent，
或者佢地身邊真係有client 睇物理治療進度麻麻，
都希望認識多啲有質素既診所，
話唔埋幫倒佢既客，亦可以幫倒個agent，多一條出路，
同時，亦可以改變佢地對物理治療既睇法，
一舉多得，好值得做👍🏻👍🏻

所以，今年，
我決定又再出番黎講下talk🤣
如果你係做agent ，有需要可以聯絡我地架😁


#7年前真係後生好多

08/04/2025

🎾 網球肘client畢業了，

識左十幾年既老朋友，
痛左咁耐先黎搵我真係唔應該🤣👊🏻👊🏻

今日畢業，試下順應潮流玩下吉卜力風，
點知將治療師變左個肥仔😤😤

Grok真係唔掂檔喎🤣🤣
下次試下用ChatGPT ，希望可以變型仔🤣🙈

02/04/2025

治療師…終於登6啦！👴🏻

講緊唔係年紀，係病人數目，
終於突破6️⃣0️⃣0️⃣0️⃣，都係一個里程碑

今次同過往4000、5000唔同，
無乜特別感覺，過左都無特別發現。

不過呢一千個病人係咁耐以黎用最耐時間累積
番黎，比頭個一千更耐！

說實的，近年我所認識既物理治診所都面對不少挑戰。

主要原因，
其一，係經濟下行。
有得揀（特別無保險既病人），病人都會睇左銀碼比較易負擔既治療先，例如跌打、針灸，
唔得先再睇physio，始終銀碼較大，呢個都明白既。

其二，痛症巿場多左好多參與者。
幾年前，病人有痛症，
都只會係 西醫/物理治療/脊醫/中醫/跌打 間做一個選擇，
但近年出現左海量既痛症中心，
大量自稱識醫痛症既人仕，
所以巿場競爭激烈。

對於此，我地衷心感謝嗰啲選擇我哋嘅病人🙏🏻
係咁多option下信任我地。

Pain is a suffering，
所以醫痛症同其他生意唔同，
有一定社會道德責任，

對於可以醫倒嘅個案，我哋會盡力做，
對於我哋處理唔到嘅個案，我哋都會如實相告。
可能正因為呢種理念，得到病人支持🙏🏻

6000好似唔少，不過每次有新病人都仲係好開心，
呢樣野唔會變，
有新病人既係多個機會幫多個人，
所以，輕輕一推🫸🏻，大家有朋友有需要記得搵我地🤣

#希望治療師唔洗真係做到登6
#登5好啦

19/03/2025

#足底筋膜炎 個案，

痛左兩個月😩😩

大部份個案真係可以1️⃣，2️⃣次明顯改善👍🏻👍🏻

有需要搵我地啦

02/03/2025

病人🤕： 「治療師，我係好左好多，不過我保險爆左，我諗住停一停先」

最近一個飽受 #坐骨神經痛 困擾既男病人👨🏻‍🦱，
大概係我地度做左4、5次治療吧，
原本佢行幾分鐘已經由腰扯到落腳痛😩
治療後可以行半日先痛👍🏻

正當我為佢既進展感到鼓舞既時候，
佢因為 #爆保險 唔可以繼續治療。

該病人之前睇西醫，照左mri，又做過幾間治療，
進展唔理想，
又用左好多保險既額度。

我都明白佢既決定，
因為在佢角度，
治療習慣左唔洗比錢，
突然要自己比錢好似唔係好抵，
但該病人本身係有份不錯職業，
理應經濟不會太差🤔
估計純粹覺得唔抵，所以停吧

但係，

治療講一氣呵成既，而家停，
反彈左又會好似無醫過咁，
實在有啲可惜。

我嘗試代入病人角色，
治療師我要同佢講咩先可以打動佢，
繼續做治療呢🤔🤔

或者可以👨🏻‍⚕️講：
「你之前已經慳左2萬了，而家只係比少少」

「你黎多幾次，幾千蚊，可以換黎之後唔洗痛喎」

諗左半日，都係覺得呢啲說話唔應該我講😂😂

所以我叫佢太太👩🏻（都係我病人）幫我轉達，
希望佢會番黎啦😂😂

都係個句，
早啲介紹朋友黎睇我哋麻，
特別個啲保險額唔多個啲🤣🤣