29/07/2025
《自我偵查站》Vol.5
【呼吸如何影響緊我哋嘅情緒？】
現代生活節奏急促，
情緒波動大已經成為不少人嘅日常經驗
情緒一煩躁，呼吸就變得急促
你有冇試過——
做完深呼吸，心情突然安定晒？
呢啲絕對唔係巧合，
而係呼吸與神經系統密切相關！
其實「呼吸」就係調節情緒嘅一條隱形通道
⭐現代神經科學指出：呼吸節奏會影響自主神經系統（ANS），
即控制緊心跳、消化、壓力反應等。
👉慢呼吸會刺激副交感神經（Parasympathetic Nervous System），
令身體進入放鬆、修復狀態（Rest & Digest）。
👉急促淺呼吸會刺激交感神經（Sympathetic Nervous System），令人進入戰鬥／逃跑模式（Fight or Flight），易焦慮、心跳加速。
當副交感神經被激活時，
大腦會釋放出一系列影響情緒嘅神經傳導物質與荷爾蒙，包括：
血清素：提升快樂感，減輕焦慮
催產素：促進安全感與人際連結
褪黑激素：協助入睡與情緒穩定
呼吸節律透過迷走神經傳遞訊號至大腦，
調節杏仁核與下視丘等情緒中樞，使人情緒更易平穩。
⭐中醫觀點：呼吸通肺氣，調神養心
在中醫理論中，肺主氣、司呼吸、開竅於鼻，與心神息息相關。
1.肺氣通暢，情緒自然清明。
當呼吸深而綿長，肺氣得宣，氣機調和，心神自然安定。
2.形正則氣順，氣順則神清。
人體姿勢正確，呼吸自然流暢，氣血運行順暢，神志就會清明安寧。
3.氣滯則情鬱，氣逆則焦躁。
如果呼吸短促、胸悶、氣不順，往往容易情緒鬱結、煩躁不安。
🔥簡單呼吸練習 → 安撫情緒
📍4-7-8 呼吸法📍
吸氣4秒
閉氣7秒
呼氣8秒。
效果：平衡交感與副交感神經活動，有助紓壓與改善入眠。
💡 每日做 4–8 次，幫助減壓、安神、入睡快。
👉配合中醫小技巧：
按壓「內關穴」（手腕橫紋上兩吋，兩筋之間）
有助平穩心神、紓緩焦慮。
呼吸就係你隨時攞得起嘅情緒開關
唔洗特別工具，只要願意覺察、願意練習，一呼一吸之間，就可以由焦慮返到平靜，由混亂走向清明。
下次情緒一緊張，不妨停一停，慢慢呼吸，試下聽聽自己身體嘅聲音。
你會發現，身心其實一直都想同你合作。
❤溫柔提醒❤
情緒，就係你內在氣息嘅一面鏡子。
當你學識掌握呼吸，
就等於學識咗用自己雙手安撫情緒嘅力量。
唔一定要複雜，
就由每日一分鐘的覺知呼吸開始，
慢慢，你會發現——
情緒唔再操控你❗
#中醫 #深呼吸 #情緒 #情緒健康 #健康人生
