27/06/2025
好耐不出post，分享下近況。
最近都係繼續實踐奇蹟課程靈修法門，亦多讀了老莊哲學，此外亦專注練習意拳站樁、氣功入靜、靈氣自療和健身。
今日突然想起，人要輕身前進，潛心學道，就要看淡和放下很多東西。對於新時代的修行人來講，第一關可能是放低對於開發感官能力（神通）和追尋「無窮知識」執著。當然會有人話，你睇到感應到先咁講者，我地無睇過當然好奇。
駁唔到。不過我想講，這些感應能力每個人都有的，心靈純潔就會浮現。而當你有一種想擁有和保持的心，就會睇唔到。
於我而言，我在18歲就憶起到自己的前世做過道長和神父，當憶起前世時，我連以前練過的劍譜和招式都記得，但其實無咩意思，就算前世係做咩，今世都係得番當下這個角色。
好彩我唔係天生的陰陽眼，如果唔係一定會有廣場恐懼症唔敢出街。在99.9%的時間都唔會用依種能力，除了隨緣式見客外，或者在道檀/神檀內。因為一黎損耗元氣，二黎無必要，就算我睇到人氣場、病點、因果及三界六道，都唔一定改變到人/事/物。而好多人都死牛一邊頸，包括我。
扯開左話題。當穿越了基本的執着，放下對於「神通」、「好為人師」的執著後，又要處理心多、放下對認同和名聲的執著，又要修練人格、處理成長創傷，亦不可忘記鍛鍊身體及排污除毒、又要發展正道謀生技能、儲備生活資量、創造適合修的環境，亦要時刻與光同塵，唔好奇奇怪怪。
修性命法是不能中斷，亦不可同修兩個法，而每日亦要最少用兩小時以上修，所以當你選擇左專修時，就要放低好都無關緊要的東西。
打著咁多先，要做早課了。
