What are the opening hours?

Monday 11:00 - 20:00 Tuesday 11:00 - 20:00 Thursday 11:00 - 20:00 Friday 11:00 - 20:00 Saturday 11:00 - 20:00

君約中醫專科

Home
Hong Kong
Tai Kok Tsui
君約中醫專科

君約中醫專科 SINCE 2020，香港註冊中醫診所，無高壓銷售
本地持牌醫護人員，用心，唯心。

16/04/2026

【壓力大導致皮質醇過高？｜中醫教你減壓祕技】
如果你最近成日處於呢種「攰到極致但亢奮」嘅狀態，仲要郁啲就發脾氣、甚至無端端作感冒... 小心！你體內嘅「皮質醇」（壓力荷爾蒙）分分鐘已經嚴重超標！🚨

當我哋長期面對壓力（無論係返工定生活），身體就會啟動「戰鬥模式」，瘋狂分泌皮質醇。短時間內佢可以幫你集中精神應付危機，但如果長期都唔識「收手」，大腦就會以為你 24 小時都喺戰場，最後搞到神經衰弱、失眠、甚至免疫力崩潰。

喺中醫角度，呢啲全部都係「肝氣鬱結」同「肝火盛」惹嘅禍！與其依賴咖啡死頂，不如學識幫自己「強制熄火」！💆🏻‍♀️今次君約中醫為大家拆解皮質醇過高嘅危機，仲教埋你點樣用疏肝花茶＋ 2個神奇穴位，極速安神減壓！

最近有冇咩事令你覺得壓力大？留言講出嚟釋放下壓力啦！👇

#君約中醫 #皮質醇 #皮質醇過高 #壓力大 #失眠

11/04/2026

【骨盆前傾5大危害｜唔及時治療隨時會損害內臟機能？】

香港打工仔成日久坐辦公、姿勢不良，好容易導致「骨盆前傾」。唔單止會令體態唔靚，仲會引發一連串嘅健康危機！由腰痛、假肚腩到經痛、膝痛......可能都係骨盆前傾惹嘅禍！

📩想知自己有冇骨盆前傾問題？即刻 DM或者WhatsApp我地預約做專業診斷同治療啦！

#骨盆前傾 #盆骨矯正 #坐骨神經痛 #假肚腩 #君約中醫

04/04/2026

【💪6大身體健康嘅特徵｜你中咗幾多個？】
平時我哋成日掛住睇醫生、食Supplement，郁啲就驚自己身體有事。但其實當你身體狀態極佳嘅時候，佢都會俾好多健康嘅訊號俾你！

好多人有個誤解，以為「健康＝百毒不侵」，但其實真正強大嘅免疫系統，係會容許你偶爾傷風感冒，但最緊要係「病得起、好得快」！喺中醫角度，只要你脾胃好、氣血足，甚至連頭髮同指甲都會靚過人✨。

即刻對照吓post中嘅 6 個「身體健康」特徵，如果你中咗 3 個以上，真係要好好多謝一直努力運作緊嘅身體呀！

即刻留言話俾我地知你中咗幾多個健康特徵👇

#健康生活 #中醫養生 #免疫力 #健康迷思 #君約中醫

02/04/2026

【🥚每日最多食幾多隻雞蛋？｜雞蛋係超級食物？｜中醫點睇雞蛋？】

又到復活節啦，等我哋君約中醫陪你一齊由內到外解密雞蛋！相信大家由細到大都聽過唔少關於雞蛋嘅傳聞，其實雞蛋無論喺西方營養學，定係中醫養生角度，都係性價比極高嘅營養寶庫！而且醫學界一早已經幫雞蛋平反咗，真正推高壞膽固醇嘅幕後黑手其實另有其物！今次我地仲會教你變種煮法先可以 100% 吸收到盡雞蛋嘅營養，同埋破解多年嚟嘅膽固醇迷思！

大家平時最鍾意食點煮嘅雞蛋？tag埋你嗰個怕食蛋黃嘅朋友入嚟上堂啦！

#復活節 #雞蛋營養 #膽固醇 #健康飲食 #超級食物

28/03/2026

【🌧️膝頭哥預測落雨準過天文台？中醫角度拆解「人肉天文台」現象】

每次一打風落雨，膝頭哥就自動「投訴」，開始隱隱作痛？唔好以為係心理作用，科學同中醫角度都有得解！👇

🌀科學角度：氣壓作怪！打風落雨前氣壓會下降，令關節內嘅組織微微「膨脹」壓住神經，搞到脹痛、痺痛。加上天氣凍同濕，關節滑液會變黏稠，郁起上嚟自然卡住卡住！

🧊 中醫角度：風、寒、濕邪侵襲，中醫稱呢種情況為「痹證」。落雨天嘅濕氣同寒氣乘虛而入，好似漿糊咁塞住經絡。中醫常說「不通則痛」，氣血行得唔順暢，結果就係一個字：痛！

想熄咗個「人肉天氣雷達」？喺屋企可以試下以下自救法：

♨️ 熱敷關節：用暖水袋敷 15-20 分鐘，促進血液循環，等關節液變番滑溜。

🦵適度運動：痛就唔郁？錯啦！喺屋企平躺做吓踩單車動作，增強大腿肌肉，幫膝頭哥分擔壓力！

🍲 袪濕食療：推介煲✨杜仲牛大力袪濕湯✨，用杜仲、牛大力、五指毛桃、茯苓煲豬骨，幫身體「抽濕」兼強健筋骨。

痛症唔好死忍，越拖膝頭入邊嘅「漿糊」就越實！君約中醫可以幫你進行全方位痛症治療，配合衝擊波、針灸同拔罐等多種治療方案，根治關節痛症！即刻留言、DM或者WhatsApp我地預約啦！

#君約中醫 #痛症 #膝痛 #關節痛 #袪濕湯水

15/03/2026

【最近冇乜精神? 可能係你太「濕」💦】
明明晚晚瞓足 8 個鐘，但朝早起身依然覺得成劈爛泥咁？頭痛、身重、仲要對腳腫到連鞋都著唔落？

中醫話俾你知，其實你唔係懶，可能只係身體「太濕」！香港天氣出名又濕又熱（外濕），加上我哋平時日日匿喺冷氣房唔出汗，仲要餐餐凍檸茶、凍奶茶（內濕）🧊，好容易就會搞壞負責運化水濕嘅「脾胃」。啲水份排唔走，慢慢就會變成困喺體內嘅「濕毒」！

👇 即刻 Check 吓自己有冇以下「濕氣重」特徵：
☑️ 頭重身重：好似戴咗個頭盔咁，四肢墜手墜腳。
☑️ 水腫象腿：一到下晝小腿就脹痛，個人好容易水腫。
☑️ 痴笠笠：大便痴馬桶沖唔走、皮膚同頭髮好容易出面油。

中咗點算好？唔使驚，睇吓兩招自救「排濕法」：

1️⃣ 微出汗排濕法 🏃‍♀️：每日抽 20 分鐘急步行或者拉吓筋，微微出汗就得！得閒曬吓背脊仲可以補充天然陽氣 ☀️！

2️⃣ 㩒實「排濕掣」🦵：搵出小腿內側嘅「陰陵泉穴」，每日每邊大力揉按 3 分鐘，幫你通經絡兼去水腫！

💬 留言話我知，你中咗幾多個「濕氣重」特徵？ 🏷️ 覺得有用記得Share埋俾你身邊嗰個成日話攰、又鍾意飲凍嘢嘅朋友啦！

#君約中醫 #去濕 #去水腫 #都市病 #養生日常

10/03/2026

【做極養生都冇用？可能係呢 4 個壞習慣搞鬼！👻】
明明有食 supplement，又有盡量早瞓，但硬係覺得個人好攰、啲小毛病又斷唔到尾？其實日常有啲無為意嘅壞習慣，分分鐘令你做再多養生都係白費心機！即刻睇吓你中咗幾多個：�

🫁 壞習慣 1：呼吸太淺
返工對住部電腦趕 Deadline，緊張到抖氣都淨係去到心口（胸式呼吸）？中醫話「肺主呼氣，腎主納氣」，呼吸太淺會令啲「氣」浮晒喺上半身，落唔到個腎。長期「腎不納氣」，個人就會覺得好虛耗、心煩氣躁，甚至失眠！

🥣 壞習慣 2：食得太飽
去食 Buffet 或者打邊爐，餐餐食到頂住個胃？其實消化呢座「食物山」，需要動用全身極大嘅氣血。啲血去晒個胃度，大腦自然缺血缺氧，搞到你飯後眼皮狂跌、瘋狂釣魚。長期要個胃 OT，身體機能自然消耗得快，老得快！

😡 壞習慣 3：唔識排解情緒
喺公司受老細氣，返屋企又要煩生活瑣事，下下屈住喺心入面？中醫極度重視情緒，長期屈住會導致「肝氣鬱結」，氣行唔順，血液同津液就會塞住。慢慢變成血瘀同痰濕，久而久之，經痛、偏頭痛、甚至身體出現不明硬塊都會搵上門。

🍎 壞習慣 4：生果當宵夜
夜晚肚餓，諗住切個蘋果食夠晒健康？其實夜晚係人體陽氣收斂嘅時間，脾胃消化火力降到最低。呢啲生冷嘢一落肚，個胃就要消耗僅餘嘅「陽氣」去加熱。長期係咁，脾胃越嚟越寒，第二朝起身就會口腫面腫，條脷仲會有層厚厚嘅白苔。

💡 養生從來都唔係盲目進補，反而係要先戒甩一直耗損緊你身體嘅壞習慣！
💬 留言話我知，以上 4 個壞習慣，你最難戒得甩邊個？✈️ 順手 Share埋俾你身邊嗰個成日話養生但健康又冇改善到嘅朋友啦！

#君約中醫 #中醫養生 #養生迷思 #都市病 #養生日常

08/03/2026

【痛症難斷尾？｜OL專屬痛症及體態重塑療程🎀】
OL返工坐足全日，日積月累唔單止肩頸痛到扯住個頭，連帶「圓肩」、「富貴包」、「骨盆前傾」全部現晒形，著衫都冇咁好睇！😫

痛症唔係忍下就過！君約中醫嘅【全方位痛症療程】特別適合每日久坐嘅打工族，結合傳統中醫療法同現代科技，幫你趕走痛楚同事恢復靚靚線條同體態：

🦴【正骨復位 - 從根源矯正骨架】醫師精準手法推正錯位脊椎同盆骨，唔單止解決坐骨神經痛，仲可以順便改善「假肚腩」同高低膊，由內靚到外！

💖【IASTM 筋膜刀治療】刮走肩頸深層沾黏同水腫。放鬆厚實斜方肌，重現迷人「天鵝頸」同「直角肩」！✨

⚡【IFT 干擾波電療】超溫柔嘅深層放鬆！交叉微電流直達肌肉底層，好似有無形嘅手幫你深層揼骨，無痛阻斷神經痛楚，怕痛女生必試！

愛錫自己，由告別痛症開始！即刻WhatsApp或者DM我哋預約啦！👇

Whatsapp 預約：5398 7008
電話預約：9727 9331
地址：旺角彌敦道 625 號雅蘭中心二期六樓 601-603 室 (旺角地鐵站E1出口左轉1分鐘路程)

#君約中醫 #女生保養 #筋膜刀 #干擾波電療 #正骨復位

06/03/2026

【肩頸腰痛到懷疑人生？｜全方位痛症療程幫你斷尾！】

返工做足 8個鐘，放工又繼續做「低頭族」㩒電話📱... 日積月累之下，肩頸肌肉硬到好似石頭咁，腰痠背痛甚至會導致頭痛、手腳麻痺！其實呢啲都係身體發出嘅嚴重勞損警號，自己拉筋已經解決唔到深層痛楚！

君約中醫為你提供專業痛症治療方案，結合傳統中醫智慧同現代科技，針對性徹底擊退勞損：

🔥【傳統療法：火罐 x 針灸】
- 火罐綜合治療：負壓深層鬆開繃緊肌肉，抽走體內濕氣寒邪，做完即刻覺得鬆晒！

- 針灸：精準刺激穴位，疏通經絡，快速消炎止痛。

⚡ 【現代科技：聚焦式衝擊波】
高能量直擊頑固痛點，消除患處炎症，喚醒深層細胞自我修復，對付慢性痛症最有效！

🦴 【正骨復位：還原骨架結構】
點解肌肉鬆完好快又緊返？因為你嘅「骨架」本身已經歪咗！如果長期姿勢不良導致脊椎錯位、盆骨前傾，醫師會透過精準嘅正骨手法，將錯位嘅關節同脊椎重新推回正軌。從根源解除神經線壓迫，改善高低膊、長短腳同坐骨神經痛。骨位一正，痛症自然斷尾！

👨‍⚕️ 無論你係長期勞損、運動創傷，定係神經壓迫引起嘅痛症，醫師都會根據你嘅情況對症下藥。

唔好等痛到頂唔順先處理，即刻WhatsApp或者DM我哋預約啦！👇

Whatsapp 預約：5398 7008
電話預約：9727 9331
地址：旺角彌敦道 625 號雅蘭中心二期六樓 601-603 室 (旺角地鐵站E1出口左轉1分鐘路程)

#君約中醫 #痛症治療 #肩頸痛 #腰痛 #拔罐 #衝擊波 #針灸

02/03/2026

✨留言「元宵」獲取推肚療程電子優惠券！💬
【🏮第一屆君約中醫猜燈謎大賽🏮】
元宵佳節就快到啦！君約中醫先祝大家元宵節快樂！🍡 今年我哋準備咗5條充滿香港特色嘅「中醫知識燈謎」嚟考吓大家🧠！

有「單身寡佬」、「李氏力場」仲有「財政司司長」，究竟關中醫咩事呢？快啲碌吓個post睇下你估得中幾多題啦！識估嘅不妨喺留言區寫低你嘅答案，同其他人切磋吓！睇下邊個係真正嘅 ✨中醫燈謎大師！

🧧驚過完個肥年食得太多有肚腩仔？記住留言「元宵」攞推肚療程優惠券，等我哋幫你推走個肚腩啦！
�
*謎底會喺元宵節當日喺IG stories同留言區公布，大家密切留意啦！

#元宵節 #猜燈謎 #君約中醫 #元宵節快樂 #燈謎

01/03/2026

【脊椎伸展運動｜拯救僵硬腰背】

成日坐 Office 對住部電腦，搞到條腰同條頸硬晒軚？😫今日教大家 5 個簡單嘅居家伸展動作，幫你逐節逐節鬆開脊椎，同腰痠背痛講 Bye Bye！

1️⃣ 貓牛式 (Cat-Cow) 🐈🐄 —— 【喚醒脊椎】
四足跪姿，呼氣時拱背、頭向下垂（貓式）；吸氣時塌腰、頭向上望（牛式）。貓牛式係脊椎嘅「暖身操」，能夠一節節咁鬆開僵硬嘅脊椎關節，改善氣血循環。重點：動作要慢，想像脊椎好似波浪咁流動。

2️⃣ 嬰兒式 (Child's Pose) 👶 —— 【深度減壓】
跪坐姿勢，屁股貼住腳踭。然後上半身向前趴，雙手盡量向前伸展，額頭貼地。嬰兒式係最溫柔嘅放鬆動作，可以拉開腰椎嘅空間，釋放腰背壓力，舒緩久坐嘅壓迫感。

3️⃣ 眼鏡蛇式 (Cobra) 🐍 —— 【對抗寒背】
趴地上，雙手放頭兩側，吸氣時用背肌力量輕輕撐起上半身，眼望前方。眼鏡蛇式專門對付「低頭族」同「寒背」，有助打開胸廓，強化背部肌肉，將脊椎向後伸展。

4️⃣ 開書式 (Open Book) 📖 —— 【解鎖胸椎】
側身瞓，雙手合十向前伸。吸氣時上方的手向後打開，頭跟住轉，好似打開本書咁，盡量令膊頭貼地。開書式可以提升「胸椎靈活度」，胸椎一旦僵硬，頸同腰就會受罪！呢招幫你釋放中背壓力。

5️⃣ 鳥狗式 (Bird-Dog) 🐦🐶 —— 【天然腰封】
四足跪姿，同時伸直「左手」同「右腳」，保持身體平衡唔好搖，維持 5-10 秒，再換邊。鳥狗式係訓練「核心穩定」嘅王牌！幫你建立一個天然嘅肌肉腰封，保護脊椎唔容易受傷。

💬 每日抽少少時間拉吓筋，身體會俾返好嘅回報你㗎！

⚠️ 不過伸展只係日常保養。如果痛症持續，記得搵我地君約中醫做診斷同治療，從根源解決痛楚喇！

#君約中醫 #正骨復位 #脊椎健康 #居家運動 #痛症治療

Address

旺角彌敦道625&639號雅蘭中心二期6樓601-03室, (旺角地鐵站E1出口左轉1分鐘路程)
Tai Kok Tsui

Opening Hours

Monday	11:00 - 20:00
Tuesday	11:00 - 20:00
Thursday	11:00 - 20:00
Friday	11:00 - 20:00
Saturday	11:00 - 20:00

Telephone

+85253987008

Website

https://wa.me/85253987008

Alerts

Be the first to know and let us send you an email when 君約中醫專科 posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to 君約中醫專科:

Shortcuts

Address
Telephone
Opening Hours
Alerts
Contact The Practice
Claim ownership or report listing

Want your practice to be the top-listed Clinic in Tai Kok Tsui?