04/06/2020
👨⚕保護膝關節健康 在家護膝運動
😞疫情持續差不多半年，唔少打工仔都要Home office，繼續日坐夜坐工作，老友記都少咗落街，連戶外活動吓筋骨嘅機會都減少咗。
日日留喺屋企，長時間坐喺度❓係時候要運動吓喇，其實運動唔一定要戶外做嘅，喺室內一樣做到！為咗令膝友注意膝關節健康，今次骨科教膝就請教咗👨⚕ #周啟斌醫生 嘅意見，希望提供到有助預防膝關節炎嘅「在家護膝運動」俾大家，咁無論咩時候都可以輕鬆保護膝關節健康，膝友們記住試吓喇❗
🔹下蹲曲膝運動
1. 手握椅背，雙腳分開至與肩同寬
2. 腰背保持挺直
3. 慢慢下蹲，會感到四頭肌肌肉收緊(維持10秒)
4. 慢慢回復至站立姿態
☝動作重覆10次，期間注意保持背挺直，膝關節切勿過度彎曲，膝蓋不要超過腳尖
🔹小腿筋肌伸展運動
1. 先坐在地上，伸直雙腳
2. 將彈力帶(或以毛巾取代)放於腳弓位置
3. 抓緊彈力帶兩端，慢慢拉向自己，直至小腿肌肉感到收緊(維持姿勢10秒)
4. 慢慢放鬆，休息10秒，換另一隻腳進行
☝左右腳動作重覆10次，切勿過度用力拉扯，以免引致受傷
🔹膝關節活動訓練
1. 先坐於椅子上，腰背保持挺直，貼近椅背
2. 將彈力帶套住雙腳，位置
3. 小腿慢慢伸直，(維持姿勢6秒)
4. 慢慢放鬆小腿，換另一隻腳進行
☝左右腳重覆動作10次，注意保持動作緩慢，將膝關節盡量伸展
🔹前大腿筋肌伸展運動
1. 先將雙腳靠齊，站穩(進行時適宜靠近牆壁，扶著幫助平衡)
2. 用單手將腳提起，另一隻腳保持站立
3. 將腳踝慢慢拉近臀部，直至大腿前肌肉收緊(維持姿勢10秒)
4. 慢慢把腳放下，換另一隻腳進行
☝左右腳重覆動作3次為1組，每天可進行3組，進行時注意保持平衡，以免受傷
😁其實要養成健康關節，最重要緊係減少關節勞損、坐姿不正確等各種🙅♂壞習慣。除此之外，加強鍛煉下肢肌肉，有效減輕喺活動時關節承受嘅壓力，但如果發現有膝痛症狀，記得要尋求專醫生意見，唔好估估吓喇❗
——————————
#骨科 #關節痛 #骨科醫生 #周啟斌醫生 #在家抗疫 #在家護膝運動 #關節炎 #風濕 #退化性關節炎 #膝關節傷患 #慢性痛症 #關節護理 #關節勞損 #關節健康
本專頁所發佈之資訊僅作參考用途，不代表任何專業醫生之立場，並未顧及任何人士的病歷、身體狀況或任何特定症狀，如有疑慮，請即向醫生查詢。
