恆輝堂

22/10/2025

😂呢期成日都見到，今天的我打倒昨天的我。

疫苗如是。
消毒液亦都如是。

歐盟研擬將俗稱酒精的乙醇（ethanol）列為具致癌風險的危險物質，此舉恐導致醫院與公共衛生體系普遍使用的乾洗手液與清潔劑被迫下架，引發醫界與產業強烈反彈。

22/10/2025

我發覺除左第一堂教書，字正腔圓慢慢講。
之後又開始好快，好急。
用左喉嚨發聲講野，傷左道氣。

今日西灣河Last Day 啦！
上次有個婆婆話：偷偷看、偷偷望，睇我上堂。
我今日決定要用丹田唱「偷偷看、偷偷望」

19/10/2025

有位粵劇名伶問：請問醫師大名？

東張西望，疑惑係咪問緊我？

👨🏽‍⚕️：小生姓潘，名仲恆。多多賜教。

然後一齊唱左幾句唐滌生名作：帝女花之香夭。

#我都覺得自己痴痴地

15/10/2025

😂😂😂有無人可以講下邊條中醫理論😂😂😂
我真係孤陋寡聞，好想聽下學習下。

根據中醫理論，在__MASKED0__穴位（位於顱骨底部與頸部相接處）敷冰塊10至15分鐘，可以提升活力、改善情緒並緩解頭痛。儘管許多人表示感受到舒緩和能量提升，但目前尚無確鑿的科學證據支持這些效果。這種做法主要基於中醫的能量理論，而非臨床研究。

15/10/2025

爬地洪中醫
打冷震中醫
中醫心呼吸

將中醫既三因制宜用係教學到，幾好。

因天氣炎熱，穿背心教做運動。
因地方闊落，打十幾張地鋪都綽綽有餘。
因人數少，齊齊做運動之餘，仲可以因才施教，Perfect❗️

#素未謀面既呀公係鐵打洪師傅
#隔代傳承吧

15/10/2025

有位喊我做『恆仔』既馬鞍山街坊，專登送來。
今日見客家婆婆，同佢開心Share。

細個會跟住呀婆去瀝源既盂蘭勝會，人山人海好熱鬧。
邊睇大戲邊排隊等派「玩具 + 平安米」。
食左平安米，一家都平安。

😂可能就係咁，鍾意食白米飯❓

兒時既無知無懼都幾可愛，大個才知咁大棚戲係比眾生睇既。

10/10/2025

😂講埋呢個Post就瞓。
『床前拇外翻，疑是地上傷。』
乜咁岩呀你地。

床前既馬鞭式揮傷。醫脊椎就緊記醫埋腳子。
地上既係X 字腳。X 形 O 形都係要醫埋腳子。
上樑不正下樑歪，反之亦然。

家陣我有47個學生。位位都有拇外翻。
大部分學生都唔敢相信呢個事實。
因為現代醫學診斷：係參照X-ray中既角度，要大過指定角度先叫拇外翻。

中醫嘛，有症狀，檢查時將拇指內翻，結果疼痛減少。診斷完成。

有學生話：中醫好慢，做手術削骨咪得。
佢應該唔知削完骨，康復時間有幾長...
講起手術，我Google 下手術費用。
我以為最平$1935，Sor，睇少左個0。

Good night 啦，記得瞓覺都可以痴膠紙的。

#斷人米路尤如...

#我無拇指外翻架暫時

10/10/2025

沉住氣同自己講：認真D，唔好笑！
但我講到好Pro 既Term：開功。
D學生笑。
我係講過伸，Hyperextended.
D 學生又笑。
Ok，咁打破傳統，開心笑住教與學。

個日同學生提起，呢枝Betadine 好好用。緊記買噴霧裝。
我喉嚨痛，就會用佢。
我Fd 身體【其他部分】痛，我都建議佢用。
唔呃人既，比當年對話你地睇。

⚠️緊記⚠️
噴喉嚨一枝❗️
噴其他地方要使用另一枝❗️（請好好收藏，做標簽，唔好比其他人使用！）

🤷🏾‍♂️認真地講緊好重要既information。
但台下又傳來學生的笑聲。

但講堅！
中國人社會既傳統，好少公開講呢D 疾病。
患者，難言之隱。
醫者，咁有效既方法，梗係做秘方。非親不授，傳男不傳女。
學生們，上左咁多堂，你地比好多人叻架啦。

🫣以前，我都想生仔，秘授佢所有野。
😂家陣斷左呢個念頭。傾囊相授，反正我最終都帶唔走。

#現世為人師
#問過點解我讀到咁書但有讀寫障礙
😂
#大家唔好過伸，都唔好過身，身體健康最好。

10/10/2025

Hey, Bro❗️
由細到大都比人拍背脊：企直D，咪陀背呀❗️
我同大家都係一樣的。
講，我又唔聽；聽，我又唔做...

直到我同偶像係紅館舞台合照。
【E，陀背既我咁樣衰既。】
我就發心要矯正陀背，我要做正仔！

舌頂上顎，頭頂懸。一時三刻Ok，但唔持久，易分心。
陀背矯正器，我用過。但大熱天時，勒住腋下好辛苦，仲會磨到損。
無意中聽到一句：『只有肌肉不會背叛你！』一言驚醒夢中人，我練好D 背肌，咪好似扯大纜咁將我拉返直！

於是，就有『手擺後尾枕』練頸。『手擺Pet Pet』練上背。

家陣映相
【E！好正，個樣幾精神，又有DD 威儀。】
願望達成，Yeah😂

10/10/2025

條片部分岩，部分錯。
先學到基礎，再去睇多D，用腦多D，慢慢識得批判性思考。

08/10/2025

當年多得師兄出手，令我擺脫痛苦；
今日輪到我分享消除病痛的方法。
當年因，今日果。

一小時內不間斷，用例子說明、化繁為簡；
飲食與運動並駕齊驅，因材施教，盡量雨露均霑。
腦力算盡，嗰種攰真係非筆墨所能形容。

離開時由中心行到地鐵站，啱啱好『牛仔朱古力奶』解凍完成，獎勵自己一下‼️

晚上繼續，到金鐘教痛症管理課程。
時間緊迫，最後三堂尚有四課內容未教，連八段錦亦未及教授。

⚠️溫馨提示⚠️
出邊學到的知識暫且放下，避免固有認知阻礙學習。

⭐️信、願、行⭐️
我畢業以後，明顯信心滿滿。
去教這些 【創新、與眾不同、聞所未聞】
但【左右對稱、不傷身、簡單易學、調理臟腑、從錯反正】
既運動。
又感恩大家信任，在歡樂、輕鬆既環境完成課堂。

大家的心願都係脫離病苦、身體健康；
幫到自己之餘，亦能幫到他人。

學習過程，有同學一齊，開心、唔悶。
獨自一人練習時，沉悶、孤獨、從錯反正既瞑眩反應都係自己默默承受。
路，難行。堅持、努力。健康，係前方等緊你。

跑步、踩單車、游水、行山係大眾運動。
我分享運動真係好小眾。
你不斷問我好多唔同嘅疾病，應該要做咩運動。
其實我都係好長氣不斷去講嗰幾款運動。

緊記，食飯➕運動🟰健康
但健康既人都會有生、老、病、死苦。

#有因還因
#我唔教班架啦
#收費太低會被誤會頂爛市的

06/10/2025

大家日頭同我講中秋快樂
但係我就好固執
要留到月光遍照先同大家講中秋節快樂😂

祝大家人月兩團圓，日日開心，福慧雙長，菩提上進。
最緊要身體健康。

😂師兄講笑：人人都身體健康，你咪失業？
個人失業事少，世間無病苦事大。
當大家健康，我就可以鬆一口氣，努力向終極目標進發。

我好乖，為左維持大家健康，聽日返工。😂

#南無月光遍照菩薩聖誕
#持素兩周年
#自利利他
#慈心不殺
#普皆迴向