恆輝堂

17/12/2025

近日大埔火災事件，令到全港氣氛都好沉重，個個心情都唔好。
好多朋友可能無發覺，自己兩邊肋骨位（脅肋）一直隱隱作痛。

平時睇症，我多數會用上「俞穴辨證」。
透過按壓特定穴位，觀察患者既表情、配合我既手感，就可以客觀同主觀地掌握病情，令用藥更加精準。

中醫認為「肝經」既路線係行經兩邊脅肋。
當情緒受壓，身體就會產生連鎖反應：
心情鬱悶 ➡️ 肝氣鬱結喺經絡 ➡️ 不通則痛 ➡️ 脅肋疼痛

食藥固然可以疏肝解鬱，
但痛症都係建議病人做運動。桴鼓相應，立竿見影。

咁岩兩位同修不約而同到來，同時又係脅肋有壓痛。
咁大家一齊做運動囉！

好少分享呢套動作，細節位太多，怕大家自己做錯。
少做少教，無特別幫佢改名，就係一個「無名」既運動...

忽發奇想...
「無名」，同「無明」聽落好似差唔多音。
無明起煩惱，煩惱生肝鬱。

既然呢個運動可以疏肝解鬱、暫時除去煩惱，即時幫佢改名叫做【無明】啦。

#改名真係好隨意
#有諗過叫「拔蘿蔔」好得意
#多謝常住多謝漢礼😂

17/12/2025

🤭🤭🤭

【有線新聞】廣西揭發有「問題陳皮」，涉嫌用「速成技術」造假，成本價只需數十元的製成品賣過千元一斤，甚至大量出售

11/12/2025

11 週年系列：肥仔醫師同您一齊做運動。

我分享嘅運動，自己做覺得好辛苦，好悶，又好難記？
人生始終都係「獨」，但人就係習慣咗有人陪伴嘅快樂。
好啦好啦，醫師陪你渡過呢個「獨自苦悶」嘅難關。
遲下搞掂啲直播設備，就同大家一齊做十分鐘。
「肥仔醫師」都做到，就做個示範俾大家睇，鼓勵大家都做得到。

講返啲細節先：
1️⃣ 眼望前方「一」點。
鎖住個頭同頸，減少 Chok 傷嘅機會。
唔好東張西望，專注如一。

2️⃣ 初學者，雙手指頭互觸；精進者，十字緊叩。
手腕永遠都掂住個頭皮。
一離開就代表用錯力，支點跑咗，反而傷手腕。

3️⃣ 速度。
愈辛苦嘅嘢就好想快啲完成。
但好似馬拉松咁，慢慢做先完成到，太快好快無氣，好快攰。
留返啖氣，做夠十分鐘啦。

4️⃣ 幅度。
大細冇所謂，盡自己能力，最緊要唔好 Chok。
一 Chok 就會推咗個頭向前，咁就傷頸。

5️⃣ 連續性。
好多人會自己分組，做 3 分鐘一組。
但我都係建議好似馬拉松咁，一炮過做到筋疲力竭。
咁樣對肌肉生長非常之好，亦係練個意志力。

6️⃣ 感受無常變化
每人做嘅感覺都唔一樣，每日做嘅感覺都唔同。
有人一做，就斜方肌痠痛。
有人係三頭肌、又有人係前臂、手腕……有人係腋下覺得扯。
每人嘅病患處、肌肉量都唔同，一個動作可以幫手辨位，幾好呀。
有人即時痠痛，有人過幾日先痠痛。
又有人即時舒緩，有人遲遲都未舒緩，係睇你新陳代謝快慢。
又有人即時挺直唔寒背，又有人會邊做邊噯氣，排緊胃氣。
有人做吓會頭暈，做多一排氣血通咗就無晒暈。
仲有好多學員分享嘅神奇反應：
有人愈做愈精神，有人做到飛蚊症痊癒。
有人做到無咗雙下巴、無咗耳鳴、無咗鼻敏、塊面瘦咗。
有人好似痔瘡流血？
呢個可能係瘀血排出，要再研究下……
太多事例啦……

#唔難架
#人地做到你就做到
#我都係咁樣學佛

10/12/2025

千祈唔好睇少吞嚥呢個動作。

佢需要好多組肌肉互相協調先做得到。一旦呢啲肌肉萎縮無力，吞嚥就會有困難，食嘢好容易濁親，或者落錯格引致咳嗽。

點解我成日苦口婆心叫大家做運動？
因為吞嚥肌肉雖然難練，但絕對係有得練！我分享嘅運動，就係想從旁幫助大家改善同強化呢啲重要嘅肌肉。

做我分享嘅運動，係會攰㗎。
因為你正正用緊平時極少鍛鍊嘅肌肉。

既然難得搵到一個有用嘅方法去幫自己擺脫痛楚，就請你扚起心肝，努力做落去。

理論 (Theory) 學識咗，之後就要靠實踐 (Practise) 去修！自己健康，自己負責。

#原來如此
#醫師心結
#肌少症
#肌肉萎縮
#新冠後遺
#當年執業試不完整病案都係抽中痿症
#教觀總持🙏🏾

27/11/2025

我都識好多朋友住大埔。
我都好想逐一問候。
但我明白呢刻，唔添亂就已經係最好了！

請照顧自己的心，不要「無間斷」地接受災難資訊、相片。
安住自己的心💝可以暫停不看相關資訊。

❗️不代表我漠不關心❗️
-可以選擇定時接收資訊時間（不是每分鐘每秒不間斷接收）
-給身邊人慰問❤️‍🩹也可以向身邊的朋友傾訴
-捐贈適當物資
-珍惜當下，照顧好自己💕

🙏🏾我都很怕，很擔心。
徹夜未眠，好想搵人傾計。
但我靠宗教信仰，令自己心安定。
否則，可能會阻到他人前往救災、運送物資。
祈求盡快消災解難🙏🏾

感謝 小草地 the little grass 提供資訊

25/11/2025

退而不休，好學不倦既精神值得欽佩！

有位老友「未完成」糕點製作Course，就已經比醫師委派重任：11月25日製作寵物生日蛋糕。

呢D Course 唔易架，要成日企、又要攪D 食材。真係手腳疼痛、肩頸痠攰！

醫師會為老友加油！
堅持做醫師分享既運動！
可以好安然、舒適咁完成個Course！

今日！
不負Blue 望！
品嚐到好好食、好足料、好窩心既生日蛋糕！

防患於未然，做完運動，可以開心自在咁活動！Happy Happy ！

#感恩🙏🏾
#我朋友食左都話好好未

22/11/2025

今日去咗香港心理衞生會恆泰坊，主持中醫講座，主題係「區區『心』導遊」——講精神健康同身心連繫。

我自己比較鍾意處理身體痛症，摸得到、睇得到，比較直觀。但心理病症就難搞得多啦。

不過，身心互相影響超明顯！譬如減輕身體痛，個人瞓得好啲、心情開心D；姿勢一改，譬如挺起胸膛，就會充滿自信。

好彩，我都Hold得住全場，順利完成講座～

主辦方事後話：「會員超有興趣，你解答晒佢哋疑問，平時啲talk 好多人早走或釣魚架架。」

#心病還需心藥醫

20/11/2025

天干物燥，小心火災。
唇干舌燥，小心㿺㿭。

水克火，但火太勁，水再多都好似無咩用咁。
呢一刻，真係要叫齊人馬幫拖，由多方面幫水先得啦。

20/11/2025

當我醫得到佢，醫術應該會大昇華...但，好難。

1️⃣能醫不自醫。
我同佢太熟。佢睇住我醫好好多痛症患者。但佢都係信西醫、信物理治療。
比物理治療整到痛，都會甘之如飴。
我掂下佢，就We 嘩鬼叫。

2️⃣最後一根救命稻草！
西醫連手術既把握都無啦，佢絕望啦。
佢想身體健康，發願會努力做好我分享既運動！

3️⃣死馬當活馬醫。
人棄我取。我出盡九牛二虎之力。
佢承受肉身之苦。佢We 嘩鬼叫。
我要放下慈與悲。
施力係佢身，痛在佢身，痛在我心。

4️⃣點解治療咁痛，仲要做？
因為病苦比治療既苦更痛。
離苦得樂，呢四個字，真係唔易做到的。要慢慢改，慢慢精進，最後先得到快樂。

最後⬇️⬇️⬇️⬇️⬇️⬇️⬇️⬇️

5️⃣大慈大悲
好多師兄都同佢講：你好幸福呀，呀仔同你黎法會。
大家都錯晒，要糾正❗️❗️❗️
請大家同我講：你好幸福呀，呀媽陪你黎法會。
受病痛之苦都為呀仔開心、為呀仔健康。真係好慈悲。🙏🏾辛苦你了。

20/11/2025

冷壞壞既日子，氣血行得慢，不通則痛囉。
病人來做治療，唔知揀邊款好。
就由醫師拍板：艾灸。
邊針邊灸又得，針完再灸又得。

同陳醫師傾計，講起艾灸。
二人難得意見一致：艾灸既煙，都係少聞為妙。
病人都只係一陣間，醫護幫咁多人...

所以每次做艾灸我同Winnie 姐輪流到室外呼吸新鮮空氣。

唔想冬天，氣血行得慢，引起痛症？
平時多做正確運動，肌肉會產生熱量。

20/11/2025

千呼萬喚始出來：天灸！

如果這幾天因出行、外感、做冬過節。
無法如期貼藥都不用擔心。
可WhatsApp 另行安排貼藥時間。

😎上次7月天灸，有提醒左大家做運動。
12月天灸，我一檢查就知大家有無乖！

為左自己健康、為左減少家眷既擔心、為左減少醫師既緊張。
臨急抱佛腳，做幾個星期啦。

14/11/2025

常言：手擺後尾枕，夾下夾下好似一個泵咁幫手泵血。

好啦，Ig 出左Reel 話抬起手臂，唔洗夾Tim，就已經可以對心臟血循環有幫助。

比心機做啦，老友記！

未出世，個心已經跳，心臟都未呻攰。
做幾分鐘就呻攰，對得起個心臟嗎？