09/01/2026
2026丙午馬年，火勢猛到爆燈！
大家頂住啊！嚟緊馬年，真係會火上加油級，普通人基本以三個詞語總結：蝕錢、欠債、窮到喊！以下有幾個明顯跡象，睇完之後你起碼可以避開九成地雷，保住條命同荷包先！
1. 突然多咗班急借錢嘅人，仲要講下個禮拜就會還、一個月內搞掂、只係需要週轉下咁！…… 醒吓啦！真係唔係佢哋衰，而係佢哋根本還唔起！丙午大火燒到人人缺錢，借出去嘅錢多數有借無還，所以响2026年，一豪子都唔好借俾人，借咗＝錢冇咗＋感情冇咗＋仲要成日忟憎追唔到債！捂實個袋，佛系做人，唔好做慈善機構！
2. 畫大餅王、故事會之神突然爆量出現。呢個project穩賺、跟我翻身、一齊上車逆襲 ……錢難搵，騙子就多咗條路，直接呃你入局。投資、理財、加密貨幣、金融產品 ……爆雷機率直線up up up！黃金有冇位？有！股票有冇位？都有！但波幅大到你心臟都頂唔順，睇唔明、睇唔準＝堅決唔掂，錯過都好過蝕到阿媽都唔認得！
3. 突然冒出一堆幾十年都冇接觸過嘅舊人。舊同學、前同事、舊老闆、前度拍拖對象、甚至阿叔阿嬸 ……突然好熱情，噓寒問暖，背後多數係：想消耗你！問你借錢、叫你買保險、唔熟冇聯絡開，結婚擺酒都話要請你飲 ……真係朋友，平日點忙間中都會聯絡吓掛？所以，知佢哋咩料啦！應對呢啲人嘅三式：有禮貌、保持距離、唔好俾人輕易靠近。掏心掏肺呢家嘢，係應該留返俾真正值得嘅人嘅！
4. 全城火氣up up up，嗌交多咗、衝突多咗、極端事件多咗 ……想保護自己，依實際情況適當保持沉默同退讓，係最好嘅護身符。唔好同人爭啱定錯，唔好幫人強出頭，唔好多嘴，盡量遠離是非之地。今年保命、保心態、保能量先係王道！
5. 機會睇落好似多到爆，但九成九係大坑。突然好多人想搵你合作、創業、拉你入局，但真真正正嘅好機會，一直都只係極少數人嘅專利。而家連有資源嗰班人都難cover，你覺得佢哋真係會睇中你？實質，多數係揾你接盤、等你做冤大頭。最強心法：唔好俾利益沖昏頭，捂好銀包至上！
6. 身體突然集體拉警報，失眠爆升、頭痛爆升、心血管問題會多咗好多 ……火太旺，怒氣攻心最易中招！今年唯一不能忽視嘅底牌就係身體！唔好動氣、少生事、多做運動、好好養生，瞓足、食好、識得令自己放鬆，就係對自己最好嘅投資！
2026丙午馬年總結：守住錢、守住界線、守住身體，咁嘅話你已經贏咗一半，剩低嗰一半，就靠低調苟住過關！丙午火猛，唔洗同火硬碰，學識退一步、靜一靜、護一護自己先，咁你就會係真正嘅贏家啦！
