17/05/2025
《肩周炎》
問：肩周炎有無得搞？
答：勁老師說，成日做啦！因為勁老師85歲的爸爸，久唔久就因為肩頸前傾，都有發作，依啲係體態的問題，年歲太大未必可以完全處理，只可以治標。
問：點解要用刮法，搞到咁多「痧」？成身紅哂！
因為刮法是最簡單的方法，等身體筋膜問題現形。只要視力在紅色/紫色冇色盲、或者色弱嘅問題，都好容易睇到身體問題嘅所在。而且，好快速的處理方法，有機會上堂再解說。
問：咁點處理？
答：勁老師說，處理方法，係要反向思維。其實肩周炎的痛點，好多時是錯覺，未必係真正的痛點。後面痛，可能係前面的拉扯所致。
問：咁你點幫爸爸處理？
答：睇返圖二同和圖三，好多人以為係個膊頭，同埋背脊嘅問題，也是最多人感覺痛的地方，以為是引致到肩膊出現問題的原因。
但你睇返圖一嘅紫顏色，就會發現其實真正嘅問題，係肩胛下嘅拉扯，以及肋骨周邊嘅肌肉拉扯，以及胸大肌前方嘅肌肉過度緊張，令到肩膊上方，以及背部肌肉過緊。拉得太勁，而且個影響範圍可以去到手踭。所以最後就會產生肩痛，背痛的錯覺痛感問題。
相關的肌肉包括：胸大肌、胸小肌、三角肌前束中束、肱二頭長肌、肱二頭短肌、斜方肌近三角肌肩峰位置等等

問：咁點先根治？
答：真正要跟治肩周炎嘅方法，不是單一的處理方法。除咗一般嘅理療手法，提升關節活動外，更要日常，避免前面嘅肌肉過度緊張。重點找出日常生活引致前向肌肉覺緊的原因，作出習慣的改變，先可以處理呢個問題。同一時間亦都要做肌肉訓練，強化返背部嘅肌肉，令到整個人得到平衡。
如果真係好嚴重，都要尋求專業人士嘅意見，例如醫生，了解痛感問題核心嘅所在。
#手診勁
#筋膜理療
#肩周炎
#五十肩改善
#肩頸痠痛
#肩膀痛
