30/06/2022
精籠by精爐 隆重登場！
Hello大家好❤️我哋係第一屆香港學生服務領袖選舉（2021-2022）決選生第三組提出的精神健康服務倡議——「精爐」(全稱「精神健康圍爐」) ，志在提升中學生對有關精神健康議題嘅正確認知、培養正向思維與共同面對困境嘅良好心態。
「精籠by精爐」為「精爐」計劃下工作坊嘅延續項目，志在活動結束後繼續向參與者及大眾分享有關資訊，推廣對自身精神健康嘅關注。此延續項目專頁（Facebook及Instagram）取名「精籠」，乃借用為廣東傳統手工藝、平日飲茶常見用竹製成以蒸煮點心嘅「蒸籠」一詞，志在呼應計劃「精爐」（精神健康圍爐）一稱。
「精爐」（對應現實中嘅「蒸爐」）乃現定於七月下旬舉辦嘅中學生工作坊，將作為推動本計劃倡議的核心部分並提供延續發展嘅孵化器（incubator）；而「精籠」（如上述對應現實中嘅「蒸籠」）則係本計劃嘅延續服務項目，作為繼續分享有關資訊同埋訊息嘅載體/平台，在變幻莫測嘅新「疫」景時代下為大家注入砥礪前行嘅動力。
我哋將會喺呢個帳號儘快同各位公佈有關活動內容及報名詳情，希望大家踴躍支持本組將會舉辦嘅工作坊啦！Stay tuned :)
關於香港學生服務領袖選舉：
第一屆香港學生服務領袖選舉（2021-2022）由聯校國際助學組織「童夢同行」（社團註冊編號：REF.CP/LIC/SO/19/63635）主辦並獲義務工作發展局、香港中文大學伍宜孫書院等機構支持。
*Vector Art from rawpixel.com, illustrations by Yan Lam
