營養師Annie Ma 生物共振身心有營

Home
Hong Kong
Wan Chai
營養師Annie Ma 生物共振身心有營

認可營養師從事營養工作超過20年，利用生物共振儀器作營養咨詢、評估營養需要改善健康問題，達致平衡身心健康。熱愛營養，致力推廣生物共振增強體質及身心「有營」飲食生活

25/05/2025

醫食同源
昨晚係研討會晚餐關於支鏈胺基酸 (Branched Chain Amino Acids)與肝臟疾病上嘅應用聽到非常有意思嘅一句話: 「醫食同源」，即係健康嘅飲食有益於身體，健康嘅食物既能預防疾病，又能治癒疾病。

一切「食」為先！Food is therapeutic ~

22/05/2025

🍎水果界護肺高手【蘋果】

面對全年無休免疫力挑戰包括流感及新冠病毒，保護呼吸道及肺部嘅保健力自然要大升級。大自然界有好多護肺高手，其中一定要講下蘋果平時少為人知嘅3大益處！

1️⃣緩減肺退化，提升肺部修復力🍎🍌🍅
Johns Hopkins Bloomberg School of Public Health做過一項研究發現每日食一個蘋果嘅人，肺功能退化速度係10年內比其他人延緩咗80%！而且曾食煙人士戒煙後而有食蘋果習慣，其受損嘅肺部機能都能夠被修復。依個研究同時發現另外2類蔬果都可以有同樣效果，包括香蕉及番茄

2️⃣提升免疫力，抗環境污染🍎
蘋果中含獨特嘅抗氧化營養「根皮素Phloretin」及「槲皮素 Quercetin」，提升抗敏及抗炎能力，保護呼吸道細胞免受空氣及香菸(包括二手煙)中有害物質嘅傷害

3️⃣通腸養好菌🍎
含豐富果膠，屬於益生元，即係益菌嘅「食糧」，助長腸道健康微生物群。果膠可以被腸道益菌發酵產生短鏈脂肪酸，減低結腸癌嘅風險

#養肺 #抗炎 #抗肺退化 #蘋果 #養好菌

18/05/2025

今日超開心同志同道合嘅營養師及護士朋友一齊出席預防糖尿病研討會吸取最新資訊～時刻都保持空杯心態以免固步自封💪💪

02/04/2025

今日獎勵下自己，繼續為下一場講座做準備😋 每次聽到client同我講身體上好進展，我都開心到不得了! 願意為自己健康行動絕對值得讚賞👍

昨日有一位client嘅太太特地打俾我知道原本醫生安排佢先生做通波仔手術，在手術前檢查後，醫生決定不用做手術，真係非常開心聽到依個消息。依位client係非常繁忙工作時間表中仍然堅持運動及配合飲食，真係非常讚🔥🔥👍👍 健康無免費餐，所有「功夫」都係累積而成嘅成果🍎🥬🫘🥚

27/03/2025

昨晚講壓力與認知健康❤️ 繼續推動保健力🔥🔥治未病人人都得，掌握營養保健知識，提升保健能力減低疾病嘅風險💪💪

18/03/2025

結婚週年親親大自然short trip❤️ 今早對住超美山景享受早餐，簡直賞心樂事！ #台中 #民宿 #清景

28/02/2025

昨晚講座好有重聚之感，氣氛澎湃，大家都有好學及追求健康之心👍我都好enjoy❤️感謝好戰友及香薰治療師Peggy再次幫講座做主持💪💪仲有負責票務嘅Cindy & Teresa❤️ You guys are super!

12/02/2025

🐍年繼續善心出發，發放健康正能量，啟動第一場社區講座❤️ 教照顧者及老友記認知健康飲食～

阿兹海默病係腦退化症嘅其中一種常見疾病。佔香港長者病例約65%。隨著腦細胞出現病變， β澱粉樣蛋白嘅沉積形成「斑塊」，擾亂大腦內嘅信息，破壞腦細胞之間嘅連接，令患者失去某些認知及活動能力。

今日講到飲食關鍵之一係彩虹飲食🌽🥕🌶️🍆🥑🍅色彩繽紛嘅蔬菜及水果含植化素，係植物嘅色素及防護罩，營養價值極度出色!
🍒抗炎及抗氧化能力幫助減低「斑塊」形成嘅風險
🫐 保護血管壁，減低受損機會而降低心血管疾病嘅風險，幫助增強大腦嘅血液循環

今日俾照顧者及老友記小功課就係至少午餐及晚餐都有認知加分組合：1種綠葉蔬菜配搭1-2種其他顏色蔬菜類別🧅🍅🥦🥬

#減腦退化飲食 #彩虹飲食 #越食越精靈 #長者飲食

06/02/2025

好感恩蛇年開工大吉，好運連連🧧🧧開心開年飯又有舞獅迎春接福🧨🧨 摸摸舞獅大家齊齊年頭旺到年尾!! 🔥🔥❤️💜

30/01/2025

🧧盆菜至「營」食法🧧

🐍蛇年大吉🍊繼續食得是福🍊要品嘗賀年盆菜😋又想健康零內疚感？咁要留意以下6大秘訣‼️

🥢食多啲高層菇類、蔬菜及蛋白質食物例如雞鴨鵝燒肉去皮、蝦、魚肉、鮑魚，因為含最少醬汁，大大減低鈉質(鹽份)嘅攝取

🥬🥦 Keep fit 人士先食多啲蔬菜及菇類，如果係屋企可以額外煮多啲蔬菜類「打底」以增加飽腹感，減低不知不覺中越食越多

❌ 越底層食物越多醬汁，越易攝取過量鈉質，避免「混醬」或以醬汁拌飯

🧧如果屋企即日食而需要食前加熱，可先倒去部分醬汁，再加清水作稀釋減少鈉質嘅攝取

🧨蛋白質及脂肪比例多，進食當日嘅其他餐輕食為主，盡量減少肉或海鮮嘅份量

🥝🍊進食當日食高鉀水果例如綠奇異果、香蕉、火龍果或哈密瓜幫助排走鈉質，減低水腫

#賀年盆菜篇 #食得是福

29/01/2025

🧨賀年食糕貼士🧧

🧧🧧🐍🐍恭喜發財！㊗️大家蛇年運轉，好運亨通，財源滾滾，豐衣足食，笑口常開，身心健康，甜甜蜜蜜💜💜

大年初一行過靚運兼開動朋友送嘅陳皮年糕。過年都會步步「糕」升😄想享受美食又要健康keep fit就要留意賀年食糕貼士🐍

🧨過年都會好多機會食糕，每次一件起二件止。少食多滋味

🧧屋企食糕以蒸、烤或焗方法加熱糕點➡️減低過度攝取油脂。可以的話選擇少食臘味，➡️減少脂肪同鹽分攝取

🧨賀年糕點難消化，日間食用比晚上好，日間食完晚餐多食菜。如果出外晚餐飯局要食糕，日間屋企先食定多啲菜，最緊要識得拉上補下

❌避免額外甜品及減低飽和脂肪的攝取例如肥肉肥牛、腩肉、排骨類。少用醬汁如XO醬、辣椒油➡️減熱量

🧧早餐輕食，午餐同晚餐減粥粉麵飯量

🧨消滯方法: 選擇消滯水果如木瓜及奇異果、營養補充品可以用消化酵素提升消化力、草本系列用含小茴香(英文叫Fennel或Foeniculi Fructus）嘅草本茶。☘️小茴香係草本界出名消滯及抗炎保護胃屏障

#賀年糕點篇 #食得是福

24/01/2025

脫髮同腸道微生態有關？

過年收爐前大部分跟進中嘅cases進度良好，真係好圓滿🧧🧧而其中有個脫髮case已經完全改善快要close case👏🏻依個大學生嚟睇我嘅時候班禿問題返發，斑禿俗稱「鬼剃頭」，係頭皮上任何位置出現約一個硬幣大細嘅光禿面積，班禿係免疫系統失調嘅問題。

處理班禿真係要「內外夾攻」～外就有認證頭皮治療師透過頭皮檢測而建議針對性頭皮護理方式。而內我就用生物共振儀器評估身體及營養而作出漸進式飲食調節，更用儀器協助篩選出適合嘅科研高吸收營養配方。大學生好努力改善飲食👍加上風雨不改持續嚟做跟進營養諮詢及生物共振therapy👍最近認證頭皮治療師做頭皮檢測見到班禿位置所有毛囊已經生哂頭髮，實在非常鼓舞!🌈

從生物共振儀器評估中見到好多脫髮case方向都係從腸道健康入手。而醫學界及營養界已經高度重視腸道微生態同疾病嘅關連。甚至毛髮學界營養硏究指出腸道微生態失衡亦會多方面影響脫髮:

🔥腸道屏障「薄弱」增加身體產生免疫反應令毛囊細胞容易受攻擊
🔥增加發炎反應令身體增加促發炎細胞因子到達毛囊而影響生長週期
🔥腸道功能失調導致營養吸收不良，影響頭髮合成嘅代謝過程

#脫髮 #班禿 #頭髮營養諮詢 #腸道微生態

Address

Wan Chai

Telephone

+85260933042

Website

http://www.enlitehealth.com/

Alerts

Be the first to know and let us send you an email when 營養師Annie Ma 生物共振身心有營 posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to 營養師Annie Ma 生物共振身心有營: