19/01/2026
對於🌟星星兒🌟或觸覺敏感嘅小朋友👧🏻👦🏻
我哋可能真係要預備一下🙂
除咗網頁入面講嘅方法，可以每日多啲同小朋友做肢體按摩(記住要用整隻手掌👐🏻，俾啲力，慢而穩嘅按壓)，不時多啲緊抱下小朋友，繼續慢慢做下感覺調適預備下再觀察下情況～
👩🏻🦱👨🏻🦱👵🏻👨🏻🦳照顧者們(爸爸媽媽之外仲有爺爺嫲嫲公公婆婆⋯）加油啊❤️💪🏻
#真心想知如果架車已經開咗但照顧者小朋友仲未坐低或者小朋友仲未戴到安全帶咁會點🥹
#如果手腳唔夠力又唔夠靈活嘅老友記們戴唔到安全帶咁又點🥹🥹🥹
【如何幫助ASD小朋友適應安全帶新規🚌？】
由1月25日起，大家搭車時記得要扣好 #安全帶 啦💺～但係有部分患有 #自閉症譜系障礙 嘅小朋友已經習慣咗唔扣安全帶搭車，突然要改變呢個習慣，可能會令佢哋產生不安嘅情緒🌩️。作為家長，我哋可以點樣幫小朋友呢？
1️⃣ #用圖片預告
出發前，可以俾小朋友睇一張「搭巴士扣好安全帶」嘅相片，再話佢知：「今日我哋坐車要扣安全帶，好似圖中咁樣」。提前預告清楚，等小朋友有心理準備，就可以建立安全感，降低焦慮情緒🌈。
2️⃣ #透過社交故事教導
家長可以為小朋友編寫一個簡單嘅社交故事，講解「搭巴士需要扣好安全帶」。如果唔知點寫，用AI幫手創作都得～記得要加入插圖，因為小朋友通常對圖像嘅理解比文字更好，有圖佢哋會更易掌握故事內容✅。
3️⃣ #分散注意力
扣好安全帶之後，小朋友有時會想自己解開。我哋可以準備一啲佢鍾意嘅小玩具🧸，例如感知球等，或者同佢一齊望下窗外嘅風景🌳、傾下計，等佢放鬆心情，唔會一直專注喺安全帶上面。
對於習慣固定模式嘅小朋友來講，轉變可能需要多啲時間⏳，家長可以用多啲耐心同創意，將適應過程變成有趣嘅親子互動時間🥰～
