01/07/2023
Jodia nou tap sot sèvi popilasyon an Tomasik, lèn rankontre bò 4è nan aprè midi, yon foul moun ak yon adolesant 16 zan ki pat ka akouche malgre l te gen tranche depi nan yèswa. Yo tap gade kijan yo ka jwenn yon woulib machin pou lage yo Ench, nan yon lopital. Se konsa nou te kanpe, poun bay woulib la. Men avan nou derape, nou evalye adolesant la. Epi nou wèl ka akouche, nou fè matròn nan ba nou yon pè gan, nou akouche li nan machin nan. Se te ak anpil kè kontan nou te tande premye kri BB sa. Delivrans la te fèt nòmalman, nou remèt bb ak fanmi an e nou te deside mennen yo lopital pou al fè rès swen an. Men yo pat deside ale lopital la, paske yo te di mwayen yo pat pèmèt yo. Nou te konseye yo fè chimen lopital epi nou te kontinye chemen an.
Menm si dèfwa gen dekourajman, men nou konprann jiska prezan, rete pou sèvi peyi a se yon priorité. PA GEN PI BON MWAYEN POUW KOMANSE YON WIKENN lèw wè ou ka itil sa ki pi vilnerab yo nan pwòp peyi w.
