الدكتورة سهير شحاده صايغ - ד"ר סוהיר שחאדה סאיג

24/07/2025

لعب الاطفال بالنسبة الهن مثل اطفالكو بالنسبة الكو.
غالية على قلبهن وبهتمو فيها بكل مشاعرهن . وبعاملوها كالبشر.
بالنسبة للطفل، طبيبة الاطفال هي كمان طبيبة اللعبة.
ازا الطفل او الطفلة جابو اللعبة للفحص معناها في ثقة وعلاقة حميمة وامان بين الطفل والطبيبة ❤️

احنا مبيرح انضغطنا شوي بالعيادة........
مناسّا جابت اللعبة للفحص عشان مش عمتوكل منيح 🤕 وايلين جابت لعبتها عشان ايدها انكسرت 🫣
بس نشكر الله كل شي منيح ، رجّعنا ايد لعبة ايلين ولعبة مناسّا رجعت توكل منيح 🥰
نهاركو سعيد وآمن لاطفالكو والعابهن ....
وانا دايما حاضرة للعلاج ولتصليح الالعاب الخربانة ( المريضة ) 😎

12/07/2025

من اول المشاعر اللي بتخلق مع الامومة والابوية هو الشعور بالذنب .
دايما الاهل عندهن شعور بالتقصير تجاة اطفالهن .
هذا الشعور اذا وجد بدرجة معقولة، ممكن يكون محفز للتضحية والاحتواء للاطفال .
ولكن اذا كان الشعور بالذنب مسيطر على الام والاب ، فبتحول الى شعور سلبي بأثر سلباً على تربية الطفل ، ويؤدي لكسر الحدود الايجابية اللي لازم تكون بين الام والاب وبين اطفالهن . ويؤثر على سلطة الابوين على اطفالهن.

كتاب " הורות ללא רגשות אשם" كتاب رائع لكل ام واب يقرأوة
قراءة ممتعة 📚
ودايما تذكرو انكم اروع ام واب بالعالم 🥰

10/07/2025

مراحل علاج لسعة قنديل البحر :

* ابعاد القنديل عن الجلد بعصا او قطعة بلاستيك
* غسل منطقة اللسعه بمياه البحر اولا ً، بعدها
* غسل منطقة اللسعه بمياة حنفية
* 🚫 ممنوع غسل المنطقة بمياه حلوة .
* 🚫 ممنوع حك منطقة اللسعة لمنع تسرب السم .
* 🚫 ممنوع وضع خل !!! او اي دهون حامضي .
(سبب الممنوعات الثلاثة اعلاه هو لانها تسبب انتشار المادة السامة على الجلد )
* في حالات عوارض حساسية خطيرة مثل :
ضيق في النفس ، انتفاخ في منطقة الوجه او الحلق او في منطقة اللسعه، ارتخاء في الجسم، سعال فجائي وبحة صوت ،او وجع لا يحتمل
عندها يجب الاتصال الى اقرب مركز طوارئ والتوجه للمستشفى.
◀️ وطبعا دائماً الوقاية اهم من العلاج لذلك دائما يجب الامتناع عن السباحة في شواطئ اعلن عنها انها ملوثة بالقناديل .

12/06/2025

في فكرة خاطئة انو ممنوع اعطاء المياة للطفل الرضيع لانها سامة او مضرة وخطيرة .
الموضوع مش هيك
الشغلة هي.... انو الطفل اللي اكله يرتكز فقط على رضاعه او قناني حليب ، بوخد كمية سوائل كافية من الحليب والرضاعه وما في حاجة نعطية سوائل خارجية . مش ممنوع وانما ما في حاجة .
لما يبدأ الطفل تذوق واكل مأكولات بيتية لازم يبلش يشرب مياة بشكل منتظم عشان يرتوي .
اي رضيع بحتاج يشرب مي بعد جرعة دوا او بعد استفراغ او لتذويب دوا ، مسموح .
طبعا لازم غلي مياة حنفية وتبريدها لدرجة حرارة ملائمه للشرب للرضيع.

19/05/2025

مبرووك ماما حبيبتي 🙏
يعطيكي الف عافية 💪💪
افتخر واعتز يا قلبي ❤️❤️

16/05/2025

10/05/2025

بجيل 7-8 اشهر ببلش مرحلة تطور ذهني فيها الطفل بعرف يدور على الاغراض المخباي. المخفية.
بهاد الجيل بتتطور بذهنو قدرة وفهم ، انو في اشي كان موجود واسة خبيناه ولازم يدور عليه .
بالفيديو انا كنت ورا التلفون فبلش البيبي عدنان يدور عليّ .
بجيل اصغر ، ازا الطفل بيشوف لعبه او شخص وبعدين بتخبيه، بتركه وما بدور عليه.
جربوها مع اطفالكو 😊

08/05/2025

قسم من فحوصات الدم يحتاج صوم قبل الفحص . لدى الاطفال والبالغين .
عادة لما بنحكي على صوم بيكون مسموح شرب الماء .
كتير مرات لدى الاطفال الرضع صعب الصوم عن الرضاعه او قنينة الحليب . بس يجب المحاولة قدر الامكان .
ولكن هناك فحوصات الها تعليمات خاصة قبل الفحص ، لهيك لازم الاستفسار قبل اي فحص دم عن التحضير قبله.

06/05/2025

هاي البنو تة اجت عالعيادة مع حم ووجع حلق
كانت توكل تسالي بكباي
طلبت منها تشرب مي عشان اقدر اشوف حلقها
وبس فحصت فتحت فمها شفت الاسنان ......
شو هاد الاصفر ؟؟؟🤔🤔
كورنفليكس 🤓
من اكثر التسالي اللي بتلتصق بالاسنان هي الكورنفليكس
دايما لازم الطفل يفرك اسنانة بعد اكل الكورنفليكس.
تعطوهنش كورنفليكس بالطريق للروضه او لمشوار
راح يبقى كل النهار ملزق بالاسنان 😎

24/04/2025

في صديقة عزيزة علي بتشتغل بالديكور مرة قالتلي
"نيالكو انتو دكاترة الاطفال بنفع تحطو دباديب والعاب وزينة اطفال بالعيادة وبمحل شغلكو،.... احنا لا 🤕
انا كمان حكيتلها انو نيالهن هني بنفع بالمكتب او بغرفة الانتظار يحطو اسبرسو وملبس واحنا لا ......
بس الصراحه
عنجد عنجد ..... احنا احلى 😍😍🤓🤓

26/03/2025

ظاهرة مص الاصبع بتبلش عند الجنين تقريبا من الاسبوع 13-15 للحمل ( يعتي بعد الشهر الثالث للحمل).

هاي الظاهرة هي علامة مبكرة لنضوج الجهاز العصبي الحركي لدى الجنين : Motor Coordination

3 حقائق مهمة عن هاي الظاهرة:

◀️ بعض الابحاث العلمية اثبتت ان هناك علاقة بين مص الاصبع عند الجنين وتعلقة بالمصاصة ومص الاصبع بعد الولادة
( يعني الجنين اللي مص بالاصبع خلال الحمل معرض اكثر ان يمص اصبعة او يتعلق بالمصاصة كطفل بعد الولادة )

◀️ هناك علاقة بين اختيار الجنين لاي ابهام يمص وبين كونة طفل يميني او يساري بعد الولادة.
( يعني الجنين اللي كان يمص ابهام اليمين غالبا بيكون بعد الولادة طفل مع جهة جسم يمين مسيطرة . وهكذا بالنسبة لجهة الشمال)

◀️ في الحالات اللي فيها تستمر عادة مص الاصبع عند الطفل حتى جيل متأخر ، 3 سنوات ، عندها تبدأ عوارض ضرر في الاسنان والحنك .

العلاج هو نفسي لدى بسيخولوج او معالج نفسي للاطفال.
واستشارة طبيب اسنان واحيانا مختص فم وحنك .

11/03/2025

◀️ اولاً
عشان نقدر نميز عوارض المرض من عوارض التطعيم.

◀️ ثانياً والاهم :
الحم العالي وادوية تنزيل الحم بتشوش انتاح المضادات من جهاز المناعه
بتفسير مبسّط: لما نعطي التطعيم ، جهاز المناعه لازم يبلش ينتج مضادات عشان تبقى بالجسم ويكون الطفل حاضر لمواجهة العدوى خلال طفولتة .
لما الطفل حامي >> الجسم بيكون "مشغول" بالمرض والالتهاب >>> جهاز المناعه لا ينتج هاي المضادات بشكل سليم >> والطفل لا يستفيد من التطعيم .

◀️ ثالثاً
التطعيم يؤثر على نتيجة بعض الفحوصات اللي بنحتاج مرات نعملها لطفل مع حم عالي .

اهم اشي تعرفو انو ما في خطر انه طفل حامي اخد تطعيم وقت الحم وانما في تلت سيئات مذكورة اعلاه