الدكتورة سهير شحاده صايغ - ד"ר סוהיר שחאדה סאיג

29/09/2025

مسّاكة المصاصة ممكن تكون احياناً سبب اختناق الطفل.
بعرف انو الوانها حلوة كتير وغريبة ونغشة
وبالذات ازا اول ولد او بنت بتكونو معجوقين تشترو مساكات نغشة .
بس انتبهوا ❗️❗️
كتير مهم تختارو مسّاكه آمنة للطفل.
ملان اشكال حلوة وغريبة بس خطيرة جداً.
الطفل بكل لحظة ممكن يبلع الطابات الصغيرة وينخنق فيها .
اطفالكم هني مسؤوليتكم
اختاروا دايما اشكال آمتة
ممنوع خرز
ممنوع طابات صغيرة
ممنوع اشرطة طويلة خانقة
انتبهوا 🙏🙏

26/09/2025

امسية طبية خاصة مع نساء "حصن مريم " كفرياسيف ، تخللت طرح حالات طبية هامة شائعة ومتنوعة في مجال طب الاطفال والبالغين.
شكر كبير على الدعوة ، كرم الاستضافة وحسن الاصغاء 🙏

24/09/2025

تطعيم ضد فيروس الانفلوانزا
تطعيم مهم جدا جدا
يعطى للاطفال من جيل 6 اشهر وما فوق
وايضا لكبار السن والحوامل
يعطى للحماية من تعقيدات وعوارض الانفلوانزا الخطيرة
مهم ان يعطى الان قبل الدخول لاشهر الانفلوانزا الصعبة
بنوخد التطعيم اسة، جسمنا بحضر مضادات كافية ، وبيكون حاضر يحارب الفيروس اللي راح يوصلنا ويداهم اجسامنا باشهر للشتاء.
كل الاطفال من جيل ستة اشهر وما وفوق لازم يوخدوه باسرع وقت ممكن....
ما تستنو لفترة الشتا الصعبة .... اسة وقت التطعيم
يعطى في صناديق المرضى

18/09/2025

فيروس RSV هو فيروس يسبب التهاب رئوي صعب وخطير لدى الرضع وخاصة الخدج.
التطعيم ضد rsv كان يعطى للخدج فقط.
ولكن ابتداءا من شهر ايلول 2015 بدأنا نعطي التطعيم بالمستشفى لكل مولود جديد ، بغض النظر باي اسبوع من الحمل هو ولد .
الاطفال اللي خلقو سنة 2025 بين شهر شباط لشهر ايلول وما اخدو التطعيم بالمستشفى مباشرة بعد الولادة، راح يوخدو هذا التطعيم في الصحية .
يعطى بجرعة واحدة فقط .
مكون من مضادات ( נוגדן) ومش فيروس مضعف حي.
تطعيم مهم جدا ويحمي الرضيع من خطورة الفيروس.
لاي استفسار الرجاء التوجه للطبيب/ة المعالج/ة

04/09/2025

01/09/2025

بالفترة الحالية هناك ازدياد كبير في حالات مرضى الكورونا
كمان اطفال وكمان بالغين

العوارض هي:
حم عالي
اوجاع عضلات وعظام
اوجاع حلق وسعال
احيانا اسهال

الفيروس معدي جداً جداً

ما في علاج خاص او تعليمات خاصة
ولكن مهم جداً جداً الوقاية لمنع العدوى

كل مريض مع حم عالي او اي عارض آخر لازم يلبس كمامة وما يكون برفقة اشخاص لمنع العدوى
(هاي التعليمات والوقاية طبعا مطلوبة في كل حالات الامراض ومش بس وقت الكورونا)
بتمنى السلامة للجميع 🙏

لاي استشارة يجب مراجعة الطبيب/ة المعالج/ة

26/08/2025

الف الف مبروك ماما . نفتخر ونعتز . الله يحميكي وبالنجاح والتألق الدائم. 🙏🙏

24/08/2025

تقريبا كل يوم في بالعيادة صبية بتستشيرني بالنسبة لتساقط الشعر الزائد اللي كتير عمبيزيد بالفترة الاخيرة .

(القصد تساقط شعر عام وليس تساقط وصلع دائري في منطقة خاصة بالرأس)

في كتير اسباب لتساقط الشعر العام :
منها نقص حديد مفرط جدا ، كل نقص في الفيتامينات المهمة لنمو الشعرة ، حساسية لمواد تستعمل للشعر، وغيرها من الاسباب المرضية النادرة اللي فيها بيكون عوارض جسدية مرضية اخرى بالاضافة لتساقط الشعر .
ما راح نتوسع فيها لانها نادرة . وغير شائعه.

ولكن اهم الاسباب الشائعه هي اسباب ما بنقدر نفحصها او نشخصها بفحوصات دم او اشعة ودايما ما بتخطر على بال الغالبية ...واهمها:

* ضغوطات نفسية ( مثل الحروبات وغيرها)
هورمونات الضغط النفسي بتأثر على دورة حياة ونمو الشعر.

* تغذية غير صحيحة وامتناع زائد عن انواع والوان الطعام المتنوعة. لازم نوكل جميع انواع الفواكه والخضرة والوان الطعام لتزويد الجسم بجميع الفيتامينات .
(زي ما بتعرفو دارج كتير اليوم فنون دايت غريبة عجيبة غاليا ما تضر الجسم )

* ساعات نوم وراحة غير كافية .

*طقس متقلب ومتغير

* هورمونات تتغير بفترات معينة من السنة او باجيال معينة.او بعد الولادة .

للتلخيص:
ظاهرة تساقط الشعر هي ظاهرة شائعه جدا بالفترة الحالية ، وغالبا لا تتطلب فحوصات ولا علاجات وانما تحتاج نهج نوم وشرب وطعام وراحة نفسية صحية .
وتنتهي بعد فترة زمنية محددة 😊

في جميع الحالات يجب استشارة الطبيب /ة المعالج/ة

22/08/2025

تعليمات ومعلومات مهمة بالنسبة للمكيفات وامراض الرئتين

24/07/2025

لعب الاطفال بالنسبة الهن مثل اطفالكو بالنسبة الكو.
غالية على قلبهن وبهتمو فيها بكل مشاعرهن . وبعاملوها كالبشر.
بالنسبة للطفل، طبيبة الاطفال هي كمان طبيبة اللعبة.
ازا الطفل او الطفلة جابو اللعبة للفحص معناها في ثقة وعلاقة حميمة وامان بين الطفل والطبيبة ❤️

احنا مبيرح انضغطنا شوي بالعيادة........
مناسّا جابت اللعبة للفحص عشان مش عمتوكل منيح 🤕 وايلين جابت لعبتها عشان ايدها انكسرت 🫣
بس نشكر الله كل شي منيح ، رجّعنا ايد لعبة ايلين ولعبة مناسّا رجعت توكل منيح 🥰
نهاركو سعيد وآمن لاطفالكو والعابهن ....
وانا دايما حاضرة للعلاج ولتصليح الالعاب الخربانة ( المريضة ) 😎

12/07/2025

من اول المشاعر اللي بتخلق مع الامومة والابوية هو الشعور بالذنب .
دايما الاهل عندهن شعور بالتقصير تجاة اطفالهن .
هذا الشعور اذا وجد بدرجة معقولة، ممكن يكون محفز للتضحية والاحتواء للاطفال .
ولكن اذا كان الشعور بالذنب مسيطر على الام والاب ، فبتحول الى شعور سلبي بأثر سلباً على تربية الطفل ، ويؤدي لكسر الحدود الايجابية اللي لازم تكون بين الام والاب وبين اطفالهن . ويؤثر على سلطة الابوين على اطفالهن.

كتاب " הורות ללא רגשות אשם" كتاب رائع لكل ام واب يقرأوة
قراءة ممتعة 📚
ودايما تذكرو انكم اروع ام واب بالعالم 🥰

12/06/2025

في فكرة خاطئة انو ممنوع اعطاء المياة للطفل الرضيع لانها سامة او مضرة وخطيرة .
الموضوع مش هيك
الشغلة هي.... انو الطفل اللي اكله يرتكز فقط على رضاعه او قناني حليب ، بوخد كمية سوائل كافية من الحليب والرضاعه وما في حاجة نعطية سوائل خارجية . مش ممنوع وانما ما في حاجة .
لما يبدأ الطفل تذوق واكل مأكولات بيتية لازم يبلش يشرب مياة بشكل منتظم عشان يرتوي .
اي رضيع بحتاج يشرب مي بعد جرعة دوا او بعد استفراغ او لتذويب دوا ، مسموح .
طبعا لازم غلي مياة حنفية وتبريدها لدرجة حرارة ملائمه للشرب للرضيع.