09/12/2022
الاوميغا 3 ممكن يضرنا؟؟ عن جد؟
الاويمغا 3 اللي اغلبنا منسميه "زيت السمك"
هو من أروع المركبات اللي جسمنا بحاجتها..
ومن افضل المكملات اللي انا بنصح باستهلاكها.
ولكن للأسف هذا المكمل الرائع.. على قد ما هو رائع.. على قد ما هو حساس.. واذا ما عرفنا كيف نختار مصادره بشكل حكيم.. فعملياً احنا ممكن نكون عم نحصل على اوميغا 3.. ولكن متأكسد وفاقد لكل فوائده، ومضر النا..
وينتا بكون متأكسد ومضر النا؟
بعدة حالات:
اولاً: بالأكل:
اذا استهلكنا سمك ذات جودة منخفضة (مثل المصنع والمعلب، أو المجمد من فترة طويلة).. فمنكون أخدنا اوميغا 3 اللي تأكسد وفقد قيمته الغذائية وتحول لزيت مضر.
ثانياً:
اذا استهلكنا أنواع من الأسماك الغير صالحة للأكل لاحتوائها على كميات كبيرة من المعادن الثقيلة مثل الزئبق اللي مصدرها من تلوث البحر.. منكون دخلنا هاي المعادن الثقيلة على جسمنا.. هاي المعادن الثقيلة صعب جداً جداً الجسم يتخلص منها.. وبتسبب اضرار ومشاكل صحية كتير كبيرة.
ثالثاً:
اذا استهلكنا المكسرات محمصة، منكون خسرنا قيمة الزيوت، وحولناها لمضرة..
الاويغا 3 موجود بالبذور مثل بذور الكتان وبالمكسرات مثل الجوز.. ولكن باللحظة اللي منحمص المكسرات والبذور.. احنا منسبب التأكسد والضرر للاوميغا والزيوت التانية..
رابعاً:
أما بالمكملات: فمهم جداً جداً تعرفوا شو بتختاروا..
الصيدليات ملانة منتوجات مختلفة، شرك مختلفة، مصادر مختلفة، منها ذات الجودة العالية، ومنها ذات الجودة المنخفضة..
فانتبهوا.. مش دايماً يغريكوا السعر المنخفض للمكمل..
المشكلة بمكمل الأوميغا 3، إنه في بعض المنتوجات بتحتوي على معادن ثقيلة مثل الزئبق اللي مصدره من البحر الملوث.
وقسم اخر من المكملات، الاوميغا 3 فيها بكون صار متأكسد بسبب عملية انتاجه بطريقة غير سليمة..
لهيك انتبهوا لجودة مكملات الأوميغا اللي بتشتروها وخصوصاً عن طريق الانترنت ومن خارج البلاد!!
مفضل تشتروا اوميغا 3 اللي مخزن بدرجات حرارة باردة يعني يكون بالصيدلية بالبراد.. ومن مصدر نظيف مفحوص ومصادق عليه.
#دارالدواء #اسكاركس #اوميجا #سمك #تلوث #تغذية #سكري
