28/02/2017
الي سنين بلبس نظارة ومن يومها وأنا ساكت بس خلص طفح الكيل..
1- لا تشيل النظارة عن عيوني عشان تجربها وبعدين تقول ييي كيف بتشوف فيها..
( تذكر شغلة وحدة هون انه هاي نظارتي ولما رحت فحصت فحصولي اياها على عيوني أنا عشان أشوف كويّس ، ما أخذت معي عيون كل الشعب وفحصت عليهن.. فأكيد انا راح أشوف فيها وانت لا)
2- عدد أصابعك اللي بتحطهن بخلقتي بشوفهن كويس، فشيلهن من خلقتي لأكسرلك اياهن.
3- كلمة أبو أربع عيون بتزعلنيش أبدًا، فخذ راحتك بس أهم اشي تحطش اصابعك بخلقتي.
4 - أنا مش زرقاء اليمامة باي ذا وي، فلا تأشرلي على اشي بعيد عن نظري كيلو وتقولي شو هاد، ولما أقولك مش شايف تقوليش ولشو اذا النظارة هاي.. !
( مش لابس تيلسكوب يا غبي)
5 - شيل أصابعك من خلقتي لأكسرلك اياهن.
6- لأ بالحلم بشوف منيح وبحتاجش نظارة.
7 - نفسيتي السيئة ما الها علاقة بكوني لابس نظارة، أنا هيك من لما كنت اشوف كويس.
8- أصابعك شيلهن.
9- ولما اخبط فيك واحنا ماشيين على رصيف ضيق، قبل ما تسلخني هذيك النظرة ( انه كل هالنظارة ومش شايف) سألتك بالله تشوف الرصيف كيف.. هاي نظارة مش سينسور!
10- نظارتي ما الها علاقة بكوني الي راي وفلسفة، مش مكتوب على عدساتها كل كتب الفلسفة.. الاراء والفلسفة موجودات في عقلي.. ولأ ما لبستها قد ما بقرأ.
11- ولما اشيلها لألمعهاوتصير تضحك عشكلي .. بزعلش أبدًا مهما تشقلبت ضحك
12 - لأ مش حلمي اعمل ليزك .. بحبها للنظارة بس انت شيل أصابعك
انعكاس الشمس على العدسة هاد اللي ما بخليني أشوف ف وأنا بقطع بالشارع تحملني يا اخي.. وبالشتا بشوفش من المطر والضباب.
تحملونا يا جماعة.. وشيلوا اصابعكم من خلقتنا.
صباااح الخير🌸
