https://www.facebook.com/494542854355955/

Dietitian Hadeel Saadeh, Jerusalem (2025)

08/09/2023

يوم عن يوم،
كل ما أوقف عالمراي و أتطلع عحالي بقول: أنا ممنونة لتمارين المقاومة و ممنونة لكل وزن بحمله و لكل جهد بحطه بالتمرن و لكل التعب و العرق اللي بصير خلال التمرين.
كل يوم عم يثبتلي جسمي إنه تعبي ما عم بروح عالفاضي 💪
النتيجة اللي عم بوصلها هي نتيجة تعب ٣ سنين و ٧ شهور من الالتزام و الإرادة بإني بدي الأفضل لنفسي ...
يمكن تكون النتيجة مش مثالية و عم بتكون بشكل بطيء و مرات كنت أمرق بفترات ما أقدر أتمرن فيها و لكن بعاود و برجع و بضلني مستمرة ...

بدي أذكرك بإنه بس تبطلي تتوقعي نتائج سريعة، راح تبدي تشوفي نتائج لمدى الحياة... النتيجة اللي بدك ياها بشهر أو شهرين، بتاخد سنة و سنتين و أكتر ...

أعطي جسمك و حالك وقت لتبدي تكتسبي عادات صحية .. ابني عضلات، راح تساعدك ترفعي مستوى الحرق عندك حتى لو تقدمتي بالعمر و حتى لو وقفتي تمرينك لفترة بسبب ظرف معين أو وضع صحي ...

حبي حالك و جسمك و ما تؤذيه بدايت قاسي و صعب ❤️

بتمنى يكون عجبكم البوست 😍

#فيتنس

#بروتين #عضلات

21/07/2023

في فرق كتير كبير بين خسارة الوزن و خسارة الدهون ...

و عشان هيك بركز دايما على مشتركاتي بإنه ما يقلقوا بالوزن و حتى لو كان الوزن ثابت على الميزان بالرغم إنهم بلاحظوا تغيير جدا واضح على شكلهم و شكل الأواعي عليهم و مقاساتهم.

ركزي بعملية خسارة الدهون
خففي قلقك من الميزان
ركزي تحصلي على نتائج تصمد معك للمدى البعيد
و أسسي لنمط حياة صحي بدل خسارات الوزن السريعة
و اوثقي برحلتك حتى لو كانت بطيئة ❤️

إذا عجبكم البوست، اتركولي لايك 👍

إذا حابة تبلشي مشوارك الصحي و يكون مختلف تماما عن اللي متعودين عليه من قوانين و قيود، و حابة تكوني بصحة أفضل و أقوى و تكسبي عضل و تخسري دهون، اكبسي على الرابط بالبيو حتى تتعرفي على تفاصيل الاشتراك ❤️

#فيتنس

#بروتين #عضلات

20/07/2023

ليش عم بضل جوعانة حتى بعد ما آكل ؟؟

كتير مرات هاد الموضوع بكون مقلق لما تشعري بعدم الرضا بعد تناول الطعام ...و بتصيري بدك تاكلي سناكات خفيفة بعد الأكل عشان تعدلي شعور الجوع و تحصلي على شبع.

لما تكوني ماكلة، و لساتك بتشعري بجوع، اسألي حالك هاي الأسئلة عشان تساعدك تفهمي حالك بشكل أفضل.

١) هل أكلت طعام كافي اليوم ؟ هل قمت بإلغاء وجبة رئيسية أو سناك ؟
٢) هل أشعر بالتوتر أو أي مشاعر قوية مسيطرة علي ؟
٣) هل جوعي استجابة لقوانين أو قيود بالطعام فرضتها على حالي ؟
٤) هل كانت الوجبة مرضية عقليا وجسديا؟
٥) هل أنا حاليًا أعاني من عجز في الطاقة (أو أتعافى منه )؟

إذا كنتي بتعاني من هذا، مفيد جدا تتوجهي لأخصائية تغذية و ممكن لأخصائي نفسي يكونوا خبيرين بهاد المجال حتى يقدروا يساعدوكي.

و انتي هل بتعاني من هاي المشكلة ؟ و كيف بتتعاملي مع هاد الجوع ؟؟ شاركيني ❤️

#فيتنس

18/07/2023

" عاملة دايت و بدير بالي بالأكل و بتمرن و ما عم أشوف تغيير على الميزان " ....

عمرك حكيتي هيك جملة لحالك ؟
عم بتغيري بعادات أكلك للأفضل و بتتمرني و بالآخر بتوقفي عالميزان و بتلاقي حالك نفس الوزن أو ممكن زايدة ؟

حبيت أشارككم بصورة إلي قبل ٣ سنين... لمن بديت أتمرن و كان وزني تقريبا ٦٤ كغم. و هلئ من بعد ٣ سنين من التمرين، صار وزني ٧٢ كغم....
قبل ٣ سنين، كنت أهتم بالوزن، أخاف أزيد عالميزان، كنت أخاف من الأكل و أحرم حالي من كتير شغلات بحبها، كنت أنام دايما جوعانة حتى ما أزيد بالوزن. و رغم هيك، ما كان جسمي صحي، دايما كنت أعاني من أوجاع بالظهر و أكون دايما كسلانة و تعبانة و ما عندي طاقة.
هلئ ... من بعد ٣ سنين من التمرين و خاصة تمارين المقاومة و رفع الأوزان ، جسمي أقوى، طاقتي دايما عالية، أوجاع ضهري بطلت موجودة، مزاجي أحسن و صحتي أفضل 💪
و بحب حالي بالمراي أكتر ❤️

و بقول يا ريت كنت زمان أعرف إنه الرقم على الميزان هو مجرد رقم و ما بحدد قيمتي ولا بحدد تقدمي ....

و بدي أذكر كل صبية بتعاني من هاي الحالة بإنه تخطي " الرقم على الميزان" خطوة صعبة و بتطلب كتير وقت لنستنتج هاد الحكي لأنه أغلبنا تعودنا إنه الميزان هو مقياس تقدمنا.
و بكل مرة بتوقعي بهاد التفكير، و بتلاقي حالك محبطة من الرقم على الميزان، تذكري إنه جسمك قيمته أكبر من رقم على الميزان و اربطي تقدمك بمعايير تانية من حياتك عم بتخليكي تكوني نسخة أكتر صحية من حالك مثل: طاقتك خلال اليوم، مزاجك، جودة نومك، أدائك الرياضي، فحوصاتك، ثقتك بحالك، تغيير مقاسات ....

إذا عجبكم البوست، ما تنسي تشاركيني بلايك 👍

إذا حابة تبلشي مشوارك الصحي و يكون مختلف تماما عن اللي متعودين عليه من قوانين و قيود، و حابة تكوني بصحة أفضل و أقوى و تكسبي عضل، اكبسي على الرابط بالبيو حتى تتعرفي على تفاصيل الاشتراك ❤️

#فيتنس

#بروتين #عضلات

21/05/2023

كتير منا لمن يلاحظ إنه الأواعي عم تصغر عليه، و صار الجسم يحتاج نمرة قياس أكبر، بنزعل و بنتضايق و بنلوم بحالنا كيف نصحنا و بنصير تلقائيا بدنا نقسى على حالنا عشان نرجع للي كنا عليه.
أنا من جديد صرت ألاحظ إنه كتير أواعي بطلت تيجي علي. و خاصة البنطلونات عم تكون ضيقة و بحتاج نمرة أكبر و بطلت أعرف شو قياسي بالزبط ‼️
مش راح أكذب عليكم و أقول إني ما اتضايقت أولها. و صرت أفكر إنه لازم أخسر وزن و دهن و لازم أغير كتير شغلات بأكلي و بتمريني حتى أرجع ألبس أواعيي اللي بطلت تيجي علي.
بس بنفس الوقت فكرت إنه أنا كمان تغيرت بأمور كتيرة للأفضل من ناحية الأكل و علاقتي فيه إذا بقارن حالي مع زمان.
زمان كنت أهتم كتير بالوزن، كتير كنت أحرم حالي من شغلات معينة و كنت ملتزمة بعادات فيها حرمان و قساوة و ما كنت أتمرن نهائيا.
أنا حاليا كتير مرتاحة مع حالي، بحب شكلي و بحب علاقتي مع الأكل و ما بحرم حالي من اشي و بحب التمارين اللي بعملها و العضلات اللي عم بتعب عشان أبنيها.

فقررت، بدل ما أغير من حالي " الأفضل من زمان "، راح أغير الأواعي اللي بطلت تيجي و أجيب اشياء بتناسبني أكتر.

و تذكروا دايما:
الأرقام كلها مش اهم من التغييرات الحقيقية بسلوكياتنا وافكارنا اللي هي اساسا معيار اهم لصحتنا (الجسدية والنفسية والعقلية..) ‼️

اذا حابين تبلشوا مشوار صحي مختلف تماما عن اللي متعودين عليه من قوانين، اكبسوا على الرابط بالبيو حتى تتعرفوا على تفاصيل الاشتراك.

25/03/2023

شاركوني أي قاعدة ملتزمين فيها برمضان و إذا مش ملتزمين بولا وحدة فيهم 🙈

ما تنسوا تشاركوا البوست مع أي حد راح يستفيد من هالبوست 👍

🌙 #جيم #سحور 🌙

24/03/2023

جواب لسؤال: شو آكل على وجبة السحور إذا في كتير شغلات لازم أتجنبها ؟

ضروري وجبةالسحور تكون وجبة غنيةبالبروتين و الألياف و النشويات المعقدة و الدهون الصحية حتى تعطيك شبع و طاقة لمدة أطول.

أمثلة على المأكولات من كل مجموعة:

✅️ البروتين : البيض المسلوق، منتجات الألبان والأجبان قليلة الملح،
البقوليات مثل: الفول، والحمص و المكسرات، مثل: حفنة من اللوز.
و ممكن تونا معلبات المخزنة بماء بدل الزيت.
✅️ الدهون الصحية: زيت الزيتون، الأفوكادو،المكسرات، مثل: اللوز، والجوز، بذور الشيا، زبدة الفستق الغير مملحة.
✅️ الحبوب الكاملة: خبز من القمح الكامل أو الشوفان، حبوب الشوفان، كينوا.
✅الفاكهة و الخضار
ركزوا على تناول الفواكه والخضروات الغنية بالماء والتي تقلل من خطر إصابتك بالجفاف و أيضا تقلل من الإمساك لاحتوائها على الألياف.
الحمضيات، الشمام، البطيخ، الخيار، البندورة، الخس....
✅️ الماء: كوبين منها مش غلن مي 🙈 و حاولوا تتجنبوا القهوة والشاي

ما تنسوا اللايك و مشاركة البوست مع أشخاص راح تستفيد منه 👍

أخصائية_تغذية_علاجية
🌙 #جيم #سحور 🌙

Dietitian Hadeel Saadeh

08/09/2023

21/07/2023

20/07/2023

18/07/2023

21/05/2023

25/03/2023

24/03/2023

Address

Telephone

Website

Alerts

Shortcuts

Share

Category