https://www.facebook.com/234855440198874/

أميرة يحيى-مرعي أخصائيه علاج سلوكي معرفي ومرشدة أهالي

Home
Israel
Kafr Qara`
أميرة يحيى-مرعي أخصائيه علاج سلوكي معرفي ومرشدة أهالي

🌿 معالجة عاطفية
🧠 معالجة سلوكية معرفية CBT
👨‍👩‍👧‍👦 مرشدة أهالي
🎓 محاضرة أكاديمية
🧑‍🏫 مرشدة طواقم تربوية وعلاجية

مرشدة ومحاضرة لأطباء في مسار " التخصص لطب العائله"
مرشدة طواقم علاجيه في برنامج " مسارات والديه - נתיבים להורות " وغيرها .
محاضرة ومرشدة لطواقم تربوية .

15/10/2025

“كل ما اقله تعال نحل وظايفك
بصير يتحجج “تعبان”، “نعسان”، “جوعان”…
وانا صرت ام كثير عصبيه
وكثير متضايقه من حالي وخايفه ااثر على نفسية ابني بس شو اعمل مش بإيدي”.

هيك بلشنا جلستنا انا وام
رائعة بعيادتي هذا الاسبوع.

مهم نتذكر انه كلنا كأهل ممكن نعصب على اولادنا وانه الاشي طبيعي. ومهم نعرف انه في طرق تساعدنا نكون اهدى واروق ونرجع لحالنا الشعور بالسيطره بطرق اخرى غير العصبيه.

الغضب مش ضعف، هو إشارة إنو في شي بدو انتباه جوّاتنا.

بهيك موقف:
🌹 جربي خدي نفس عميق، وابعدي عن ابنك شوي إذا بتقدري حتى تطولي وقت ردة الفعل وما تنفعلي او تصرخي عليه.

🌹 احكي مع حالك بلطف: “هو مش عنيد ومش ضدي، يمكن مستصعب وأنا كمان زيه”.

🌹 ارجعي بعدين لعنده واحكي بهدوء: “خلينا نشوف سوا شو الصعب، وأنا معك”.

🌹 ذكّري حالك إنو ابنك بتعلم من ردّ فعلك. لما بتتعاملي معه بهدوء، بتعلّميه كيف يهدى لما يتوتر وبتعلميه كيف يلاقي الحلول.

كل مرة منختار نهدى بدل ما نصرخ، منعلّم أولادنا مهارة حباتيه جديده ومهمة- كيف يهدوا ويتعاملوا مع التوتر😊

تذكروا اهل متوازنين عاطفيا يعني اولاد هاديين ومتوازنين.

حبيتو البوست شاركوه مع اصحابكو الاهل فضلا وليس امرا واعلموني ب 👍 او ❤️

للانضمام لمجموعة الواتس اب
“تحديات والديه” اضغطوا على الرابط:
https://chat.whatsapp.com/JsxYqT9Fidq4lCjcC1DxyY

تحياتي،
أميرة يحيى مرعي
معالجه عاطفيه سلوكية معرفية cbt
ومرشدة اهل
050-6617309

12/10/2025

بالفتره الاخيره عالجت بعيادتي طالبة بتجنن بالمرحلة الثانويه، ذكية وخلوقة، بس مؤخرا بلّش الخوف يسيطر على حياتها…

صارت تتوتر لما المعلمة تطلب منها تجاوب قدّام الصف، وصار قلبها يدق بسرعة لما حدا غريب يحكي معها.

صارت تتجنب كثير امور حتى النشاطات اللي كانت تحبها مثل الدورات او الطلعات مع الصديقات، صارت ببساطه تبعد عنها.

أهلها حاولوا بكل الطرق يشجعوها، مرة بالكلام اللطيف ومرة بالضغط، بس دايمًا كانت دموعها تسبقها وتقولهم:

“بخاف… بحس الكل بيطلّع عليّ، بخاف اغلط او ابين هبله قدّامهم”.

اهلها قلقوا كثير عليها وتعبوا
وهي كانت حاسه حالها محبوسة داخل “فكرة” إن الناس عم يراقبوها.

من خلال لقاءاتنا تعلمت الصبيه خطوة بخطوة بالعلاج السلوكي المعرفي (CBT):

🌹كيف تلاحظ الأفكار اللي بتخوفها وكيف تتعامل معها.

🌹كيف تتنفس ببطء وتواجه الموقف بدل ما تهرب منه.

🌹كيف تبدأ بخطوات صغيرة مثل سلام بسيط، مشاركة قصيرة، نظرة باتجاه شخص بدل ما تنزل نظرها.

ما صار التغيير بيوم، لكن بعد أسابيع صارت ترفع إيدها بالصف، تحكي بثقة، وتضحك مع البنات بالاستراحة.
رجعت تشارك… ورجعت لحياتها ورجعت “هي” زي زمان.

🩷الرهاب الاجتماعي مش ضعف، هو قلق قابل للعلاج… بخطوات صغيرة، بفهم، وباحتواء من الأهل وكمان مع معالج مختص وبعرف شغله.

حبيتو البوست شاركوه مع اصحابكو الاهل فضلا وليس امرا🤗

تحياتي،
أميرة يحيى مرعي
معالجه عاطفيه سلوكية معرفية cbt
ومرشدة اهل
050-6617309

08/10/2025

كيف أقوّي ثقة ابني بنفسه؟

الثقة ما بتنزرع بكلمة، بتنزرع بتعاملنا اليومي معه وبتنبنى خطوه بخطوة.

واحنا كأهل عنا دور كبير بهالشي.
كيف؟

🌹 لما بنسمعه بدون ما أقلّل من مشاعره، بحسّ إن صوته مسموع ومهم.

🌹 لما بذكّره بقدراته بدل ما أركّز على أغلاطه، ببدأ يشوف حاله بعيوني المليانة حب.

🌹 لما بخليه يجرّب ويغلط، بتكبر عنده الشجاعة والمسؤوليّة.

ابنك بحاجة يحس إنك مؤمن فيه… قبل ما تطلب منه يؤمن بحاله❤️

حبيتو البوست شاركوه مع اصحابكو الاهل فضلا وليس امرا واعلموني ب 👍 او ❤️

للانضمام لمجموعة الواتس اب
“تحديات والديه” اضغطوا على الرابط:
https://chat.whatsapp.com/JsxYqT9Fidq4lCjcC1DxyY

تحياتي،
أميرة يحيى مرعي
معالجه عاطفيه سلوكية معرفية cbt
ومرشدة اهل
050-6617309

02/10/2025

سلامي للجميع🤗
بما انا ببداية السنه بتوصلني كثير توجهات من أهل بحسوا بالتعب وبحكولي انه أولادهم “بعاندوا” بحل الوظايف…

اعزائي العناد من ابنكو مرات بيكون رسالة: “أنا تعبان” أو “الموضوع صعب علي”.

💪شو نعمل؟

🩷 خلينا نحدد وقت ثابت وواضح للوظايف، عشان الولد يعرف برنامجه وتقل الصراعات معه.

🩷 نحكي معهم بوقت مناسب عن مشاعرهم وصعوباتهم ان وجدت ونحاول نساعدهم.

🩷 نجزّئ الوظيفة لخطوات صغيرة ونشجعهم على كل خطوة.

🩷 نمدح الجهد مش النتيجة: “عجبني إنك جربت”، “انت بطل لانك بتحاول” حتى لو ما خلص الوظيفه كلها.

لما الولد يحس بأمان ودعم من اهله العناد بيخف، والتعاون منه بيزيد.

حبيتو البوست شاركوه مع اصحابكو الاهل فضلا وليس امرا واعلموني ب 👍 او ❤️

للانضمام لمجموعة الواتس اب
“تحديات والديه” اضغطوا على الرابط:
https://chat.whatsapp.com/JsxYqT9Fidq4lCjcC1DxyY

تحياتي،
أميرة يحيى مرعي
معالجه عاطفيه سلوكية معرفية cbt
ومرشدة اهل
050-6617309
#عنادالاطفال

27/09/2025

كيف منقدر كأهل نساعد أولادنا يحموا حالهم من التنمّر؟
التنمّر يعني لما ولد أو مجموعة أولاد يضايقوا ولد ثاني بشكل متكرر ممكن بالكلام،
بالسخرية أو حتى بالأفعال عشان يحسسوه انه ضعيف أو وحيد. #والدية #تنمر
🌹 احكوا معهم باستمرار واسمعوهم، هيك بيعرفوا إنّو في ظهر يحميهم.
🌹 علموهم يحبوا حالهم ويقدروا ذاتهم شو ما كانو من خلال جمل التعزيز والتشجيع.
🌹 علّموهم يردّوا بثقة وهدوء بدون صراخ ولا خوف هذا بيقلّل من قوّة المتنمّر.
🌹 العبوا معهم لعبة ادوار وعلموهم جمل يدافعوا عن حالهم فيها "مثل محدا كامل" ، "انا مستحلي عيوني/ شعراتي"…
إذا الموضوع استمرّ، تواصلوا مع المدرسة أو المربي بسرعة قبل ما يكبر الموضوع.
ألولد اللي حاسس إنّو أهله جنبه بيصير أقوى وأشجع 💪
حبيتوا البوست اذا سمحتوا شاركوه مع اهل اخرين ليستفيدوا واعلموني ب👍 او ❤️
للانضمام لمجموعة الواتس اب "تحديات والديه" اضغطوا على الرابط:
https://chat.whatsapp.com/JsxYqT9Fidq4lCjcC1DxyY
تقديري,
أميرة يحيى مرعي
معالجة عاطفيه، سلوكية معرفيه cbt ومرشدة اهالي
050-6617309

25/09/2025

من فترة توجهتلي على عيادتي ام حنونه وبتجنن عندها ولد وحيد بين بنات عمره 9 سنين، بتحبه كثير وبتخاف عليه، وكل مرة بيطلب منها اشي ركاض بتعمله اياه..
حتى لما بعمل سلوك مش مناسب، ما بتقدر تحطله حدود. بتشفق عليه وبتعطيه كل الي بنفسه.
مع الوقت صار الولد يعرف كيف يداريها ويوخذ كلشي بده اياه حتى لو سلوكه مش مقبول.
والاهم انه صار يتصرف هيك بالمدرسة والمعلمات بلشو يشكوا منه عشان هيك توجهتلي.

اعزائي الاهل:
🩷 الحدود بحب وحزم مهمة جدا لاولادنا، بتحمينا وبتحميهم.

🩷 الاستمرارية بالحدود مهمة والالتزام بالحدود نفسها كل مرة
بعطيهم شعور بالامان (ثبات بالحدود يعني أمان للولد).

🩷 اعملوا مزيج بين التعاطف والحزم: عبّروا للطفل عن حبكو الع وعن تفهمكو لوجعه أولاً (“أنا بحبك”) وبعدين احكوله القانون “انا بحبك وحاسه فيك ولكن ما بسمح بهذا التصرف”.

حبيتو البوست اعلموني ب ❤️ او 👍 وشاركوه اذا سمحتو مع اهل ممكن يستفيدوا منه.

للانضمام لمجموعة الواتس اب “تحديات والديه” اضغطوا على الرابط:
https://chat.whatsapp.com/JsxYqT9Fidq4lCjcC1DxyY

تحياتي،
أميرة يحيى مرعي
معالجة عاطفيه سلوكية معرفيه cbt ومرشدة اهالي
050-6617309

18/09/2025

الاهالي الكرام🩷
آخر الأسبوع هو فرصه ذهبيه مش بس للولاد يرتاحوا فيه، وانما هو كمان لإلنا كأهل نرتاح ونجمع قوانا ونرجع نعمل توازن💪

جربوا اليوم تمسحوا كل الضغوط المدرسية عنكم وعن أولادكم…

كرسوا لانفسكم وقت تعبو فيه طاقه: محادثه مع صديقه، اشربي كاسة نس برواق، تنفسي….

ومع الاولاد بنفع نعمل جلسة حكي ومشاركة بدون واجبات.

هيك بتشحنوا طاقة جديدة وبتبنوا علاقة أدفى مع أولادكم وإنتو كمان بتدخلوا الأسبوع الجديد بطاقة أكبر🩷

حبيتو البوست اعلموني ب ❤️ او 👍

للانضمام لمجموعة الواتس اب “تحديات والديه” اضغطوا على الرابط:
https://chat.whatsapp.com/JsxYqT9Fidq4lCjcC1DxyY

تحياتي،
أميرة يحيى مرعي
معالجة عاطفيه سلوكية معرفيه cbt ومرشدة اهالي
050-6617309

14/09/2025

📚 ماما بديش أحلّ الوظايف… (الجزء الثاني)

بعد أسبوعين من بداية السنة الدراسية، كثير أهل بحكولي إنو ولادهم مش حابين يقعدوا يحلّوا الوظايف. طبيعي بالبداية… بس كمان في طرق إضافيه بتسهّل عليهم وعليكم

🎯 حوّلي جزء من الوظايف للعبة صغيرة: مثلا اعملي معه سباق وقت (قدّيش يقدر يخلص خلال ٥ دقايق)، أو قديش نقاط بجمع على كل مهمة. جو اللعب والمرح بقلّل التوتر وبزيد الحماس والدافعيه عند الطفل لاتمام المهمة

🎯 حددوا معه هدف صغير وبسيط
بدل ما تقولوله “خلّص كل الوظايف”، ركّزوا على هدف بسيط “بالاول نكتب أول ٣ أسطر مع بعض” وبعدها بتكمّلوا الاسطر الي وراهن. هيك بيحس بالإنجاز وما بيتعب من البداية.

🎯 اتفقوا معه على مكافأة أسبوعية
بسيطة تقديرا منكم لجهده: في حال كان الطفل ملتزم خلال الاسبوع بالوظايف، بتقدروا تكافأوه آخر الأسبوع بنشاط صغير يحبه (رحلة قصيرة، فيلم مع بعض…). المكافأة على المدى القصير بتشجّعه يلتزم اكثر

هيك رح تلاحظوا إنو رفض الوظايف عم يخف شوي شوي وبصير الموضوع أريح إلكم والهم😊

استفدتو من البوست، اعلموني ب 👍 او ❤️

للانضمام لمجموعة الواتس اب “تحديات والدية” اضغطوا على الرابط:
https://chat.whatsapp.com/JsxYqT9Fidq4lCjcC1DxyY

اميرة يحيى مرعي
معالجة عاطفية سلوكية معرفية cbt
ومرشدة اهالي
050-6617309

12/09/2025

ماما بديش احل الوظايف.

السنه الدراسية الجديدة الها اسبوعين وكثير اهل بتوجهولي وبحكولي إنو ولادهم مش طايقين يقعدوا يحلّوا الوظايف وكل يوم بتصير قصة وصراخ عالموضوع.

طبيعي ابنكو/ بنتكو يحسو هيك بالبداية، بس في خطوات بتسهّل عليهم وعليكم.

الحل بثلاث خطوات بسيطة💪

🎯 اعملوا برنامج يومي وإختاروا وقت ثابت لحل الوظايف. مفضل يكون بمكان هادي. هيك بصير الموضوع عادة عند الطفل مش مفاجأة اله.

🎯 قسّموا الوظايف لمراحل صغيرة عشان ما يحس الطفل إنو الوظايف هم، خلوه يوخذ استراحة زغيرة بين كل وظيفه ووظيفه.

🎯 تشجيع وكلمة حلوة بدل الصراخ والغضب. كل ما يخلص جزء أو كل الوظيفة، أحكوله كلمة حلوة أو مدحوه أو اعطوه شغلة بسيطة يحبّها. التشجيع بيفرق معه وبجيب نتيجة اكثر من الصراخ.

هيك، شوي شوي، رح ينحل رفضهم لحل الوظيفه المدرسية ورح بيتقبّلوها بدون حرب واعصاب كل يوم😉

استفدتو من البوست، اعلموني ب 👍 او ❤️

للانضمام لمجموعة الواتس اب "تحديات والدية" اضغطوا على الرابط:
https://chat.whatsapp.com/JsxYqT9Fidq4lCjcC1DxyY

اميرة يحيى مرعي
معالجة عاطفية سلوكية معرفية cbt
ومرشدة اهالي
050-6617309

20/06/2025

كيف نحافظ على حصانة اولادنا النفسيه خلال الحرب؟

خلال الحرب، بكفيش أن نوفر لأولادنا الطعام أو المأوى فقط، فهم بحاجة إلى شيء أعمق: الشعور بالأمان، حتى لو كانت الظروف صعبة من حولهم.

🔹 كونوا صوت العقل والهدوء.
لما بخافوا ما تنذهلوا واحكوا معهم بلغة بسيطة مطمئنة واعطوهم مهام تساعدهم يحسوا انهم نافعين وتبعدهم عن مشاعر العجز وعدم القدرة.

🔹 استمعولهم باهتمام.
خلوا أبناءكم يحكوا عن مشاعرهم. ما تسكتوهم ولا تقللوا من خوفهم. قولولهم "انت مش لحالك، انا معك".

🔹 اعطوهم الامل. ذكّروهم بأن هذا الواقع مؤقت، وأنكم مريتوا بأمور صعبة من قبل وطلعتو منها وانه "مع بعض رح نتخطى المحنة الحالية". شاركوا معهم قصص الأمل مش بس قصص الحروب.

🔹 ما تحسسوهم بالذنب لأنهم خايفين أو حزينين. قولو لهم: “شجاعتك ما بتعني أنه ما تخاف، وانما انك تخاف وتتغلب على خوفك وتصمد رغم الخوف.”

🔹 حتى في أوقات الحرب، ثبات بعض التفاصيل الصغيرة مثل أوقات النوم، الأكل، وحتى القصة قبل النوم، تعطي اولادنا الشعور بالامان.

أولادنا مش بحاجة نكون أبطال خارقين كأهل وانما بحتاجوا أنه نكون موجودين معهم وحاضرين، محبّين لهم وصادقين معهم🙏

حبيتوا المنشور واستفدتوا منه اعلموني ب 👍

ويا ريت تشاركوه مع اهل عندكم لحتى كمان يستفيدوا.

السلام والامان للجميع💕

الانضمام لمجموعة تحديات والدية في ظل الازمة الحالية من خلال الرابط :
https://chat.whatsapp.com/JsxYqT9Fidq4lCjcC1DxyY

تحياتي،
أميرة يحيى مرعي
معالجة عاطفية، سلوكية معرفية cbt ومرشدة اهالي
050-6617309

19/06/2025

ابنك/ بنتك بخاف من الحرب؟
من صفارات الانذار؟

✅مهم نعطيهم شرعيه للخوف ونشاركهم مشاعرنا
ونحكيلهم انه "الخوف اشي طبيعي. "خوفك وردة فعلك طبيعيه لحدث مش طبيعي".

❌ ما تستعملو جملة انتي زلمه والزلام ببكوش أو تخافش او تبكيش.. كلنا منبكي ومنخاف كبار وزغار- الخوف شعور طبيعي وانساني.

✅ مهم نعلم اولادنا انه الخوف بحمينا ولولاه ما كنا
بقينا على قيد الحياه. ونرشدهم
كيف يفوتو على الحيز الامن بالبيت حتى يحمو انفسهم.

❌ مهم ما ننذهل من خوف اولادنا او نقلهم ما تخافو لانه وقتها ممكن نساعد انه ردات فعلهم تكون حادة ونزيد خوفهم بدل ما نساعدهم.

✅ تذكروا انه اولادنا بحسوا فينا وبفهمو مشاعرنا حتى من دون ما نحكي، مهم نحكيلهم "انا حدك اذا حسيت انه في اي اشي بخوفك" ، "أنا معك" ، "أحنا عيله واحنا أقوياء مع بعض"- هاي الجمل بتحسس الطفل بالامان وبالطمأنينه أكثر.

❌ ما تحاولوا تخبو مشاعركو بالعكس شاركوها مع اطفالكو بالوقت الصح وحسب عمر طفلكو.

وان شاء الله السلام والامان للجميع.

بالايام القريبه رح ارجع ابعث هون رسائل ونصائح للتعامل مع حالات الطوارىء. يا ريت تشاركوا الرسالة وتدعوا كمان اهالي ينضمولنا ويستفيدوا🙏

الانضمام لمجموعة تحديات والدية في ظل الازمة الحالية من خلال الرابط :
https://chat.whatsapp.com/JsxYqT9Fidq4lCjcC1DxyY

تحياتي،
أميرة يحيى مرعي
معالجة عاطفية، سلوكية معرفية cbt ومرشدة اهالي
050-6617309

06/06/2025

أضحى مبارك وكل عام وانتم بألف خير💐

Address

אלווסיה
Kafr Qara`
3007500

Opening Hours

12:00 - 18:00

Telephone

+972506617309

Website

facebook.com

Alerts

Be the first to know and let us send you an email when أميرة يحيى-مرعي أخصائيه علاج سلوكي معرفي ومرشدة أهالي posts news and promotions. Your email address will not be used for any other purpose, and you can unsubscribe at any time.