فوائد زيت الزيتون 🌳 عديدة؛ يقوي القلب والشرايين، يمنع الامساك، يحسن مستوى الدهون في الدم، مفيد لصحة الجلد، يحتوي على مضادات الاكسدة، يعزز جهاز المناعة، يقلل من احتمال الاصابة بالالتهابات وامراض السرطان .
ولكن، باعتدال 👌🏻حتى ٣-٤ ملاعق يوميًا.
رغيف الخبز 🥯 يساوي ٥ قطع خبز كل وحدة ٧٠ سعرة يعني ٣٥٠ سعرة بالتقريب 🍞🥖
صحن الزيت طلع ٨ ملاعق كبار (كل ملعقة ٩٠ سعرة حرارية) = ٨٠ غرام تقريبا يساووا ٧٢٠ سعرة
يعني هالوجبة "الخفيفة" كما يعتقدها البعض طلعت بالمرة مش خفيفة وفيها اكثر من ١٠٠٠ سعرة، الي ممكن توكلو فيهن وجبة غدا محترمة وتحلاية خفيفة 🙂
باتنجان مشوي بالفرن
بتقشروه وبتقسموه مربعات
بتضيفو طحينة
حامض
ملح
زيت زيتون جديد 😋
دبس رمان او سيلان
رمّان حب
مكسرات محمصة
جربوها وادعولي 😇
18/09/2024
وجبة لذيذة سهلة خفيفة وسريعة:
علبة لبن ٢٪ هذا النوع جدا لذيذ وبدون اضافة سكر او محليات
رشة بذور الشيا
رشة شوفان
رشة ميپل طبيعي (شراب القيقب)
٥ حبات عنب مقطعات عنب
26/08/2024
البامية من الاكلات الشعبية اللذيذة
طريقتي اللذيذة:
بتقمعو البامية
بتغسلوها وبتنشروها بالشمس لحد ما تنشف عالاخر
بتقسمو بصل شرائح وبتحمصو القرون مع البصل بالفرن مع زيت زيتون وكمون وكسبرة ناشفة وملح لحد ما تقريبا يستووو
وبهذا الوقت بتطحنو بندورة مستوية او بتقسموها مكعبات (كثرو بندورة انا حطيت ٦ حبات كبار على كيلو البامية)، بتحطو عليها ملح وبتضيفوها عالبامية وبتتركوهم يغلو مع بعض وبتالاخر بتحطو عالوجه دبس رمّان وذوقوا الطعمة 😋😋😋
فوائدها:
بتساعد على تقليل خطر الاصابة بالسرطانات، تقليل الكولسترول الضار بالدم، تحسن الجهاز الهضمي، تساعد على توازن السكر بالدم، تقلل من هشاشة العظام، غنية بحامض الفوليك ممتازة للحامل والمرضعة.
غنية بالفيتامينات والمعادن مثل:
البروتينات.
الصوديوم.
فيتامين ج.
الثيامين.
الكالسيوم.
حمض الفوليك.
الألياف.
الدهون.
فيتامين ك.
البوتاسيوم.
المغنيسيوم.
Be the first to know and let us send you an email when RD أخصائية التغذية دعاء غانم - Dietitian Duaa posts news and promotions. Your email address will not be used for any other purpose, and you can unsubscribe at any time.
