04/11/2020
مرحبا انا اخصائية نطق ؛ يا ريت تقرأوه للاخر لانه مهم جداً ؛
يا جماعة بدي احكي عن قنوات اغاني الاطفال كراميش وطيور الجنه ونون ومشتقاتهم ؛ في خطر كبير على اطفالكم انتو مش حاسين فيه او رح يبين معكم بس يكبرو شوي ؛ انا بشتغل في عيادة نطق ولغه وبيجينا حالات متنوعه سواء توحد او تأخر نطق ولغه او ما في تفاعل اجتماعي
وبشوف بعيني المصايب اللي بتعملها هالقنوات
يا جمااااااعه الاطفال قبل السنه ونص مش مسموحلهم نهائيا يحضرو ولا ثانيه تلفزيون او يمسكو اي نوع من الشاشات موبايل اي باد .اي اشي من هدول ممنوووووووع لانه
هاد الاشي مهم جداً لتطور دماغهم ولتكوين علاقة صحية بينهم وبين والديهم..
السبب:
الالوان والاصوات هي بتسبب تحفيز زايد لحواسهم بطريقة دماغهم لسا ما بستوعبها، يعني زي ما تكون قاعد بمكان فيه ضجيج كتير واضاءة مزعجة... بالتالي ممكن تسببلهم قلق ومشاكل بالنوم. الأسوأ من هيك انه تركيز انتباه الاهل او الطفل عالشاشات بقلل من التواصل البصري بينهم وهاد اله أثر كتير سيء على تطور الدماغ واكتساب المهارات الادراكية، ومن الممكن انه تكرار مشاهدة الشاشات تسبب مشاكل سلوكية عند الاطفال.
- الأطفال بين 2-6 سنوات مسموحلهم ساعة باليوم، بشرط تكون برامج مصممة بعناية للأطفال بدون ما يتخلل هي الساعة دعايات، لأنه الدعايات كمان بتعمل تحفيز زايد لحواسهم
بالنهاية، ابنك من اول يوم بحياته بيستفيد من كل دقيقة بتحكي او بتلعب فيها معه، ال iPad و التلفزيون ما حيعلمه لا انجليزي ولا عربي اذا انت نفسك ما كنت بتحكي معه طول الوقت، ما في شي بعلم الاطفال قد التواصل والتفاعل مع البشر، حق ابنك عليك انك توسعله إدراكه وتنميله لغته بدل ما تحبسه ورا الشاشات وبالآخر تستغرب ليش تأخر بالحكي وليش ما بتفاعل مع الناس.
