Nibal midwife

Nibal midwife Contact information, map and directions, contact form, opening hours, services, ratings, photos, videos and announcements from Nibal midwife, Medical and health, Shefar`am.

29/11/2025

شوفو اختي النغشة شو بتبعتلي🤣المهم بنتي الصغيرة كانت حدي، صار تضحك عالماما المانكي كيف بتحمّم ابنها 🐒
الحمدلله انه بعدها بتعرفش تقرأ 😅

اعترفي انت وياها مين فيكو هيك🙈

#قابلة

27/11/2025

بدورات تحضير الولادة للأزواج اللي بقدّمها…
منعطي الزوج دور فعلي ومهم، مش بس “تعال إحضر ووقف عجنب”.

مندربه كيف:
– يدعّم مرته ويهدي أعصابها،
– يساعدها تتنفس صح،
– يعرف يتصرف وقت الطلق بدل ما يتوتر،
_ يقص حبل السرة
_يعمل skin to skin
– ويكون سند حقيقي بكل المراحل.

بس…
في مهمّة واحدة دايمًا بحكي لهم إنها “غير قابلة للتفاوض”:
الهديّة بعد الولادة 🎁😂

آه، آه… صدقوني،
مرات هالهدية بتصلّح ٩ شهور تعب وحموضة ومغص وقلق!
وبتعمل جو ألطف بين الزوجين مع بداية المرحلة الجديدة.

فاللي بدها تجهيز للولادة مع زوجها… أهلا وسهلا بدوراتي،
منجهزكم سوا: نفسياً، عملياً… وبالهدايا كمان 😅💛

شاركينا تذكر زوجك يجيبلك الهدية بالولادة وللا بس معجوق بالبيبي؟🙈

#حمل #قابلة

26/11/2025

جربتي تستعملي مزلقات؟؟ المزلقات للي بعرفوش..
هي جيل بيساعد على تقليل الجفاف وتسهيل العلاقة…
بس مش كل مزلق مناسب لو عم تحاولي تحملي.

بعض الأنواع العادية ممكن تبطيء حركة الحيوانات المنوية أو تغيّر الـpH،
وهذا بقلل فرصة وصولها للرحم — بدون ما يمنع الحمل تمامًا.

لو هدفِك يصير حمل، اختاري مزلقات آمنة للخصوبة مثل:
Pre-Seed، Conceive Plus، FertilSafe Plus 💛

اختيار نوع صحيح… بيفرق.

#الحمل


#مزلقات
#خصوبة

21/11/2025

“نعم… هذا الطفل خلق فوق اللولب.”
أحيانًا، رغم فعاليّة اللولب العالية (أكتر من 99٪)، بصير حمل — والمولود بطلع حامل معه الدليل!
هاد الطفل خُلق طبيعي، والدليل بإيده 👶✨

🌿 ليش بصير حمل فوق اللولب؟
– تحرّك اللولب من مكانه
– انتهاء فعاليته
– أو أحيانًا… بالصدفة البحتة

⭐ هل دايمًا خطر؟
مش بالضرورة — بس الحمل فوق اللولب لازم ينفحص بسرعة لأنه ممكن يكون:
• داخل الرحم (وبنزيل اللولب إذا آمن)
• أو خارج الرحم، وهذا أخطر

💛 الرسالة:
وسائل منع الحمل قوية… بس ولا وسيلة مضمونة 100٪.
والأمومة دايمًا بتلاقي طريقها.

بدك أعرفِك كيف تختاري لولب مناسب لجسمِك؟ اكتبيلي “مهتمّة”.

#لولب #قابلة #قابلات #الحمل #الولادة #امهات

احكيلي بأي شهر انت اسا؟! خلينا نكمّل هالرحلة سوا♥️ #الحمل #حامل #قابلة
19/11/2025

احكيلي بأي شهر انت اسا؟! خلينا نكمّل هالرحلة سوا♥️

#الحمل



#حامل





#قابلة

17/11/2025

🩸 شو هو دم الحبل السُّري أصلاً؟
هو الدم اللي بضل بالحبل السُّري والمشيمة بعد الولادة. هاد الدم غنيّ بخلايا جذعية “בוגרות” من نوع Hematopoietic stem cells – الخلايا اللي بتقدر تعيد تكوين نخاع العظم وخلايا الدم من جديد.

بشو ممكن يساعد؟ (اليوم، مش أحلام مستقبلية بس)
اليوم في العالَم دم الحبل السُّري بستعملوه خصوصًا في: 
• بعض أنواع سرطانات الدم (زي اللوكيميا)
• أمراض في نخاع العظم وفشل نِقْي العظم
• أمراض مناعيّة معيّنة وأمراض وراثيّة في الدم

عدد الحالات اللي اتعمل فيها زرع من دم الحبل السُّري بالعالم اليوم آلاف، وأكثر من 70–80 مرض بنستعمل فيه هالخلايا. 

🚨 مهم: في أبحاث على استعماله بأمراض تانية (زي بعض حالات التوحّد أو الشلل الدماغي)، بس لليوم هاد مجال أبحاث مش علاج ثابت ومعتمد.

شو الوضع عنا بالبلاد؟
عنا خيارين أساسيين: 

1️⃣ بنك عام (تَبرّع):
• التبرّع مجاني.
• الدم بدخل لـبنك وطني وبيقدروا يستعملوه أي مريض مناسب بالعالم.
• إنتِ ما بتملكي “حق حصري” على وحدة الدم، يعني مش محجوزة لإبنك.

2️⃣ بنك خاص / عائلي:
• زي Taburit (بالتعاون مع مشفى شيبا)، و TaLachaim في هداسا. 
• الدم بتخزّن لعيلتك إنتِ بس.
• الخدمة بتكلّف عدة آلاف الشواقل (وزارة الصحة بتحكي “آلاف الشواقل” لعقود تخزين ٢٠–٤٠ سنة)، وبعض الصناديق الصحية بترجع لِـحوالي ٧٥٪ من التكاليف أو لحد ~٨٠٠٠ ش״ج حسب البرنامج.

طب أعطيناها ببساطة: استثمار ولا لا؟

✅ إيجابيات:
• الخلايا جاهزة “عالرف” لو – لا سمح الله – احتجتوها، بدون بحث عن متبرّع. 
• احتمال تكون مناسبة كمان لأخوة المولود وأفراد من العيلة. 
• الإجراء نفسه آمن وما فيه وجع للأم أو للبيبي، بس بدو تنسيق مسبق. 

⚠️ أسئلة لازم تنسأَل قبل ما تدفعي:
• احتمال إنو الطفل يستعمل دمه المخزَّن لنفسه منخفض جدًا؛ جمعيات عالمية (زي الـAAP بأمريكا) بتحكي إن التخزين الخاص “كتأمين بيولوجي للجميع” مش دايمًا حكيم، إلا إذا في مرض معروف بالعيلة اللي ممكن نحتاج فيه زرع خلايا جذعية. 
• مش كل مرض بيتعالج بدم الحبل السُّري. أحيانًا حتى بالعائلات اللي عندها مرض وراثي، بنحتاج متبرّع تاني. 

نقطة مهمّة: تأخير قص الحبل السُّري vs تجميع الدم
حتى نجمّع كمية كافية من الدم، غالبًا لازم نقصّ الحبل أبكر شوي من “التأخير الأقصى” اللي بنحبه كقابلات. فهاي نقطة لازم تنحكى مع الطاقم ومع البنك قبل الولادة:
• شو أولويّتك؟
• قديش الوقت اللي بيقدرو يأخّرو فيه القص ومع هيك يجمّعوا كمية مقبولة؟

#איסוףדםטבורי

17/11/2025

🤣🤣🤣🤣🤣

#بيبي

في كتير أكلات عادي نأكلها بالحياة اليومية… بس بالحمل ممكن تكون خطر!عشان هيك جمعتلك أهم 4 أطعمة لازم تنتبهي منهن، خصوصًا ...
16/11/2025

في كتير أكلات عادي نأكلها بالحياة اليومية… بس بالحمل ممكن تكون خطر!
عشان هيك جمعتلك أهم 4 أطعمة لازم تنتبهي منهن، خصوصًا رقم 3 😳👇

الأهم؟
الحمل مش حرمان… هو بس اختيارات أذكى لتحافظي على صحتِك وصحة بيبيك ❤️

احفظي البوست وشاركيه مع صبية حامل 🌸

#الحمل #الحامل
#حوامل2025 #امومة #قابلة

#نِبال_باتيش

16/11/2025

كنتي تفكري انه أهم رقم هو “التفتّح 10 سم" صح؟!!!
بس الحقيقة؟
مش بس التفتّح!
الوقت الصح للشد بيكون لما:

✔️ رأس الجنين يكون نازل على الأقل للمستوى +1 أو +2

يعني رأس البيبي صار منخفض بالحوض، وضاغط على أرضية الحوض، وجسمك صار مستعد فعليًا للشد.

✔️ ومع وجود “الإحساس بالشدّ” أو reflex pushing

يعني الأم نفسها بتحس إنها لازم تشد، مش لأنه حدا قلها تشد.

🔸 ليش مهم نستنى للنزول المناسب؟
• الشد بكيير كتير بتعب الأم بلا فايدة
• بزيد فرصة تورّم عنق الرحم
• ممكن يطوّل الولادة
• ومع الوبيدورال أحيانًا منحس أحسن لما نستنى رأس البيبي يوصل +2

🔹 الخلاصة:

الرقم السحري مش التفتّح…
الرقم السحري هو “نزول الرأس”.
ولما يكون البيبي بالمستوى المناسب + إحساس الشد → وقتها الشد بيكون فعّال وأسهل وأضمن..

كنتي تعرفي هالمعلومة؟ شاركينا♥️😍

#الولادة




#قابلة
#قابلات



#الحمل

Address

Shefar`am

Website

Alerts

Be the first to know and let us send you an email when Nibal midwife posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category