Kottakkal Aryavaidyasala , Enathu

05/01/2024

എണ്ണ തേച്ച് കുളി മലയാളിയുടെ സംസ്ക്കാരത്തിന്റെ ഒരു ഭാഗമാണ്. ആരോഗ്യം സംരക്ഷിക്കാൻ മലയാളി വളരെയധികം പ്രാധാന്യത്തോടെ പുലർത്തിയിരുന്ന ജീവിതചര്യയായിരുന്നു എണ്ണ തേച്ച് തടവിയുള്ള കുളി. കാലം മാറിയതിനനുസരിച്ച് ഈ ശീലത്തിനും മാറ്റം വന്നിരിക്കുന്നു. എണ്ണ തേച്ച് തടവി കുളിക്കുന്നതിന്റെ ആരോഗ്യ വശങ്ങളെക്കുറിച്ച് ഓർമ്മപെടുത്തുകയാണ് ആര്യവൈദ്യശാല അഡീഷണൽ ചീഫ് ഫിസിഷ്യൻ ഡോ. കെ. മുരളീധരൻ.

Dr. K. Muraleedharan, Addl. Chief physician, Arya Vaidya Sala Kottakkal narrates the importance of Kerala traditional oil application and bath..

24/11/2023

തലയിൽ തേക്കുന്ന എണ്ണയെ കുറിച്ച് പറയുമ്പോൾ,
മുടിയുടെ ആരോഗ്യത്തെ പറ്റിയും കൂടി,
പരാമർശിക്കാതെ വയ്യ..

കാരണം..
മുടി വളരുക എന്ന ഒറ്റ ലക്ഷ്യത്തെ മുൻനിർത്തിയാണല്ലോ എണ്ണകളുടെ സകല ദുരുപയോഗവും ഉണ്ടാകുന്നത്..!

ശരീരം മുഴുവൻ വേദനയും നീർക്കെട്ടും ആയി കഷ്ടപ്പെടുന്ന ഒരു അമ്മ കഴിഞ്ഞ ആഴ്ച പറഞ്ഞത്,
"വേദന കൂടിയാലും കുഴപ്പമില്ല..
തലയിലെ മുടി ഇനിയും കൊഴിഞ് കാണാൻ വയ്യ..
അതോണ്ട് എണ്ണ തേക്കൽ
നിർത്താൻ മാത്രം പറയരുത്"
എന്നാണ്..!

മുടി കൊഴിച്ചിൽ എന്ന സങ്കീർണമായ പ്രശ്നത്തെ
ശരിയായി മനസ്സിലാക്കാതിരിക്കുകയും,
ഏതു മുടികൊഴിച്ചിലിനും
മുടി വളരാനുള്ള ഒരു എണ്ണ മതി എന്ന പൊതുബോധത്തിലേക്ക് ചുരുങ്ങുകയും ചെയ്യുന്നതിന് ഫലമായിട്ടാണ്,
നമ്മുടെ നാട്ടിലെ hair oil വിപണി സജീവമാകുന്നത്..!

മുടിക്കുള്ള "നല്ല ഒരു എണ്ണയ്ക്ക്" വേണ്ടിയുള്ള യൂട്യൂബ് അന്വേഷണങ്ങൾ ഉണ്ടാകുന്നത്..!

പരിചയമുള്ള പാവം ആയുർവേദ ഡോക്ടർമാരെ,
ബസ്റ്റോപ്പിൽ വരെ തടഞ്ഞുനിർത്തി,
മുടി വളരാനുള്ള എണ്ണ ചോദിച്ചു വാങ്ങേണ്ടി വരുന്നത്..!

കറ്റാർവാഴയും കഞ്ഞുണ്ണിയും മൈലാഞ്ചിയും ചെമ്പരത്തിയും ഉൾപ്പെടെ ധാരാളം ആയുർവേദ ഔഷധങ്ങൾ മുടി വളരാൻ സഹായിക്കും എന്ന കാര്യത്തിൽ സംശയം ഒന്നുമില്ല..

പക്ഷേ മുടികൊഴിച്ചിലിന്റെ കാര്യകാരണങ്ങൾ അറിയാതെ,
എല്ലാവർക്കും ഈ എണ്ണ തേച്ചാൽ
മുടി വളരും എന്ന സമീകരണത്തിലേക്ക് എത്തുമ്പോഴാണ് കാര്യങ്ങൾ ഗുരുതരമാകുന്നത്..

എന്തുകൊണ്ടാണ് ശരിക്കും മുടി കൊഴിയുന്നത് എന്ന ഒരു തിരിച്ചറിവുണ്ടായാൽ,
എണ്ണക്ക് പുറകെയുള്ള ഓട്ടം ഒരു പരിധിയെങ്കിലും ഒഴിവാക്കാം എന്ന് തോന്നുന്നു..

നമ്മുടെ നാട്ടിൽ,
സ്ത്രീകളുടെ മുടികൊഴിച്ചിലിന്റെ പ്രധാന കാരണം ഹോർമോൺ വ്യതിയാനങ്ങളാണ്..

എടുത്ത് പറഞ്ഞാൽ തൈറോയ്ഡ് ഹോർമോൺ കൂടുന്നതും കുറയുന്നതുമായ, വ്യതിയാനങ്ങൾ..
ഹാഷിമോട്ടോസ് തൈറോയ്ഡൈറ്റിസ്..
എന്നിവ മിക്കവാറും ആളുകൾക്ക് മുടികൊഴിച്ചിൽ ഉണ്ടാക്കാറുണ്ട്..

ഹോർമോൺ നില ബാലൻസ് ചെയ്യുന്നതോടെ ഇത്തരം മുടി കൊഴിച്ചിലുകളും ഇല്ലാതാക്കാനാവും..

മറ്റൊരു പ്രധാനപ്പെട്ട കാരണം പോഷകാഹാര പ്രശ്നമാണ്..
മുടി വളർച്ചയ്ക്ക് അത്യാവശ്യമായ പ്രോട്ടീനുകൾ,കാൽസ്യം ഇരുമ്പ്, സിങ്ക്, ബയോട്ടിൻ,
വൈറ്റമിനുകളുടെ കുറവ് എന്നിവയൊക്കെ മുടികൊഴിച്ചിൽ കൂട്ടും..

വൈറ്റമിൻ ഡി കുറയുമ്പോഴും മുടികൊഴിച്ചിൽ കാണാം..

സമയത്ത് ഭക്ഷണം കഴിക്കാതിരിക്കുകയും ഭക്ഷണത്തിൽ പോഷക ആഹാരങ്ങൾ ഉൾപ്പെടുത്താതിരിക്കുയും ചെയ്യുന്നത് തന്നെയാണ് ഇതിൻറെ കാരണം..

പിത്ത പ്രധാന പ്രകൃതിയുള്ള ചൂടുള്ള ശാരീരിക പ്രകൃതിക്കാർക്ക്,
എരിവും പുളിയും ധാരാളമായി കഴിക്കുന്നത് കൊണ്ട് മുടികൊഴിച്ചിൽ അധികമാവുന്നത് കണ്ടിട്ടുണ്ട്..

അതുകൊണ്ടുതന്നെ ഇത്തരത്തിലുള്ള അപത്ഥ്യങ്ങൾ ഒഴിവാക്കി,
പോഷകാഹാരങ്ങൾ കഴിക്കുകയും,
മുടി വളർച്ചയ്ക്ക് സഹായിക്കുന്ന
ഡോക്ടറുടെ നിർദ്ദേശപ്രകാരമുള്ള
ആയുർവേദ ഔഷധങ്ങളും കൂടി
കഴിക്കുന്നതോടെ,
മുടി വളർച്ച മെച്ചപ്പെട്ടു വരും..

നീർക്കെട്ടോ മറ്റോ ഇല്ലാത്തപക്ഷം
മുടി വളരാനുള്ള എണ്ണകളും ഒരേ സമയം ഉപയോഗിക്കാം..

മുടിയുടെ ആരോഗ്യത്തിന് പൊതുവെ കാൽസ്യം അത്യാവശ്യമാണ്..

അതിനായി ആയുർവേദം നിർദ്ദേശിക്കുന്നത്
എള്ളിന്റെ ഉപയോഗമാണ്..

എല്ലാദിവസവും വറുത്തുവെച്ച ഒരു ടീസ്പൂൺ കറുത്ത എള്ള്
ചവച്ച് കഴിക്കുകയും,
അര ഗ്ലാസ് വെള്ളം മേലെ കുടിക്കുകയും ചെയ്യുന്ന രീതി വളരെ ഫലപ്രദമാണ്..

തില രസായനം എന്നൊരു പേരുകൂടി ഇതിന് ഉണ്ട്..

Phyto eosrogen പ്രകൃതിദത്തമായി എളളിൽ അടങ്ങിയിട്ടുള്ളതിനാൽ മുടി വളർച്ചയെ ത്വരിതപ്പെടുത്തും..

രക്തക്കുറവുള്ളവർക്ക് ഒരു പൊട്ട് ശർക്കര കൂടി മേമ്പൊടിയായി കഴിക്കാം.

രക്തക്കുറവുള്ളവർ,
ചീര മുരിങ്ങ ബീറ്റ്റൂട്ട് തുടങ്ങിയ പച്ചക്കറികൾക്ക് ഒപ്പം,
ദിവസേന ഒന്നോ രണ്ടോ നെല്ലിക്കയും ഈത്തപ്പഴവും കഴിക്കുന്നത് നല്ലതാണ്..

മുടി വളർച്ചയ്ക്ക് പ്രോട്ടീനുകൾ അത്യാവശ്യമാണ് എന്നതുകൊണ്ട് ആഴ്ചയിൽ മിക്ക ദിവസവും ചെറുപയർ കടല, സോയാബീൻ മത്സ്യമാംസാദികൾ എന്നിവ ഉൾപ്പെടുത്താൻ ശ്രമിക്കണം..

മാനസിക സമ്മർദ്ദം ഉള്ളവർക്കും മുടികൊഴിച്ചിൽ സാധാരണയായി കാണാറുണ്ട്..
അതിന് കൃത്യമായ കൗൺസിലിംഗും യോഗയും ആയുർവേദ ഔഷധങ്ങളും കൂടി ചേരുമ്പോൾ
വളരെ മികച്ച ഫലം കാണാറുണ്ട്..

മറ്റൊരു പ്രധാന കാരണം തലയോട്ടിയിൽ ഉണ്ടാകുന്ന താരൻ തുടങ്ങിയ പ്രശ്നങ്ങളാണ്..

അതിന് സ്വന്തം നിലയ്ക്ക് ഏതെങ്കിലും എണ്ണ വാങ്ങി തേക്കാതെ,
ഡോക്ടറെ തന്നെ കണ്ട് ഉചിതമായ എണ്ണകൾ തെരഞ്ഞെടുത്ത് ഉപയോഗിക്കാം..

വാഷ് ചെയ്യാനുള്ള ആയുർവേദ ഷാമ്പുകളും ഇപ്പോൾ ധാരാളം ഉണ്ട്..
ആവശ്യമെങ്കിൽ താരന് അകത്തേക്കും മരുന്നു കഴിക്കേണ്ടതായി വരും..

ത്വക്കിൻ്റെ അനാരോഗ്യം തന്നെയാണ് അവിടെ പ്രധാന വില്ലൻ എന്നതുകൊണ്ട്
വൈദ്യ നിർദ്ദേശം അനിവാര്യമാണ്..

സ്ത്രീകൾക്ക് മാത്രമല്ല ചെറിയ പ്രായത്തിലുള്ള ആൺകുട്ടികൾക്ക് പോലും മുടികൊഴിച്ചിൽ ഇപ്പോൾ സാധാരണമാണ്..

കുളിക്കുന്ന വെള്ളത്തിലെ മാറ്റം,
തെറ്റായ ഭക്ഷണശീലങ്ങൾ മാനസിക സമ്മർദ്ദം,
ഉറക്കക്കുറവ് എന്നിവയൊക്കെ സാധാരണ കാരണങ്ങളാണ്..

ചിലരിൽ ഒരു പടി കൂടി കടന്നു പാരമ്പര്യ ഘടകം ശക്തമായിട്ട് കാണാം..

നെറ്റ് അതിവേഗം കയറി വരികയും കഷണ്ടിയിലേക്ക് പരിണമിക്കുകയും ചെയ്യുന്ന അവസ്ഥ വളരെയധികം ശ്രദ്ധിക്കേണ്ട ഒന്നാണ്..

തുടക്കത്തിലെ ഔഷധങ്ങൾ കഴിച്ച് പരമാവധി ശ്രമിച്ചില്ലെങ്കിൽ
പലപ്പോഴും അത് കഷണ്ടിയിൽ തന്നെ എത്തി കാണാറുണ്ട്..

മുടി അവിടെയും ഇവിടെയുമായി വട്ടത്തിൽ കൊഴിഞ്ഞുപോകുന്ന
ആയുർവേദത്തിൽ
ഇന്ദ്രലുപ്‌തം എന്ന് വിളിക്കുന്ന അലോപ്പേഷ്യ രോഗം,
ഏറ്റവും മികച്ച രീതിയിൽ
പുറമെക്കും
അകത്തേക്ക് ഉള്ള ഔഷധങ്ങൾ കൊണ്ടും ആയുർവേദ രീതിയിൽ മാറ്റിയെടുക്കാനാവും..

പറഞ്ഞുവന്നത് ഇത്രയേ ഉള്ളൂ..

മുടികൊഴിച്ചതിന്റെ കാര്യകാരണങ്ങളെ ഗൗരവമായി പരിഗണിക്കാതെ ഏതെങ്കിലും എണ്ണ ആരെങ്കിലും പറഞ്ഞ് ഉപയോഗിച്ചാൽ,
അതിന്റെ ഫലം മിക്കവാറും ഒരു ലോട്ടറി എടുക്കുന്ന പോലെയാകും.
ശരിയായാൽ ശരിയായി എന്നെ പറയാൻ പറ്റൂ..,!

പൊതുവേ ആളുകൾക്ക്
പ്രത്യേകിച്ച് സ്ത്രീജനങ്ങൾക്ക് എണ്ണയോടുള്ള ഇഷ്ടം
ഒട്ടൊക്കെ വൈകാരികം കൂടിയാണ്..

അതിൽ തെറ്റൊന്നും തന്നെ ഇല്ല..

പക്ഷേ,
എണ്ണ തിരഞ്ഞെടുക്കുന്നത് മുതൽ എന്തൊക്കെ ഔഷധം കഴിക്കണമെന്ന് തീരുമാനിക്കുന്നത് വരെ കൃത്യമായും ഒരു ഡോക്ടറുടെ നിർദ്ദേശത്തോടെ ആയിരിക്കണം എന്ന് മാത്രം..

ആരെങ്കിലും ഒരു എണ്ണ എനിക്ക് പറഞ്ഞു തരുമോ എന്ന ചോദ്യം നിർത്തി,
മുടികൊഴിച്ചിൽ ഒരു ശാരീരിക ആരോഗ്യപ്രശ്നമായി തന്നെ കണ്ട്
ഡോക്ടറെ കൺസൾട്ട് ചെയ്യണം..

ഡോക്ടർക്ക് കൊടുക്കുന്ന ആ കാശ് പോട്ടെന്നു വയ്ക്കണം..

അതിലധികമുള്ള ലാഭം തീർച്ചയായും മുടിക്കും സ്വന്തം ആരോഗ്യത്തിനും ഉണ്ടാകുമെന്ന് എന്തായാലും ഉറപ്പാണ്..

മുടി വേറിട്ട ഒരു വസ്തുവല്ല..
അത് നമ്മുടെ ശരീരത്തിന്റെ തന്നെ ഭാഗമാണ്..

ശരീരം നല്ലതായിരിക്കുമ്പോൾ മുടിയും നന്നായി വളരും..

അതിന് മുടിയും തടിയും ഒന്നായി സമഗ്രമായി കാണുന്ന ഒരു കാഴ്ചപ്പാട് ഇനിയെങ്കിലും
ഉണ്ടാകണം എന്ന് മാത്രം..

ഏതെങ്കിലും എണ്ണയിൽ മാത്രം തളക്കേണ്ടതില്ല മുടിയുടെ ആരോഗ്യത്തെ..

Dr Shabu Pattambi( കടപ്പാട്)

23/11/2023

മുഖത്തിൻറെ കാന്തിക്കും കരുതലിനും അമൂല്യ ഔഷധകൂട്ടുകൾ ഉപയോഗിച്ച് തയ്യാറാക്കിയ കോട്ടക്കൽ കുങ്കുമാദി തൈലം ഉപയോഗിക്കൂ..

22/11/2023

തലയിൽ എണ്ണ തേക്കുന്നത് ആഴ്ചയിൽ ഒരിക്കൽ മതി എന്നൊക്കെ പേഷ്യൻസിനോട് പറയുമ്പോൾ,
"എല്ലാ ദിവസവും എണ്ണ തേച്ചു കുളിക്കുന്നത് ആയുർവേദം പറയുന്നതല്ലേ..
പിന്നെ എന്താണ് തലയിൽ എന്നും എണ്ണ തേച്ചു കുളിച്ചാൽ.."
എന്നൊക്കെ പലരും
തിരിച്ചു ചോദിക്കാറുണ്ട്..

സത്യമാണ് ..
എല്ലാദിവസവും അഭ്യങ്കം അഥവാ എണ്ണ തേച്ചു കുളിക്കാൻ തന്നെയാണ് ആയുർവേദവും പറയുന്നത്..

പോരാത്തതിന്,
തലയിലും ചെവിയിലും പാദങ്ങളിലും വിശേഷിച്ച് എണ്ണ തേച്ചു കുളിക്കണം എന്നുകൂടി പറയുന്നുണ്ട്..

സമയവും സാഹചര്യവും ഉള്ളവരെല്ലാവരും,
കഴിയുമെങ്കിൽ എല്ലാ ദിവസവും എണ്ണ തേച്ചു കുളിക്കണം എന്ന് തന്നെയാണ് എൻ്റെയും അഭിപ്രായം..

അതിനു കഴിഞ്ഞില്ലെങ്കിൽ,
ആഴ്ചയിൽ ഒന്നോ രണ്ടോ തവണയെങ്കിലും ദേഹത്ത് എണ്ണ തേച്ചു കുളിക്കുന്നത്
രക്തയോട്ടം കൂട്ടാനും,
വാതരോഗങ്ങളെ ഒരു പരിധി വരെയെങ്കിലും പ്രതിരോധിക്കാനും ഒക്കെ ഗുണം ചെയ്യും..
ത്വക്കിന് മാർദ്ധവമുണ്ടാക്കും..

പ്രത്യേകിച്ച് അസുഖം ഒന്നും ഇല്ലാത്തവർക്ക് എല്ലാ ദിവസവും എണ്ണ തേച്ചു കുളിക്കാൻ ആയുർവേദം പറയുന്നത് എള്ളെണ്ണയാണ്..

വിവിധ ഔഷധങ്ങൾ ഇട്ട് കാച്ചിയ
തൈലങ്ങളും ഇതിനായി ഉപയോഗിക്കാം..

അതിനുമുമ്പ് തൈലത്തെ കുറിച്ച് ചെറുതായി മനസ്സിലാക്കുന്നത് നല്ലതായിരിക്കും..

തൈലം എന്ന വാക്കുകൊണ്ട് ഉദ്ദേശിക്കുന്നത് തിലത്തിൽ നിന്ന് അഥവാ എള്ളിൽ നിന്ന് ഉണ്ടാക്കിയെടുത്ത എണ്ണ എന്നാണ്..

എള്ളെണ്ണയിൽ കാച്ചിയെടുത്ത എണ്ണകളെല്ലാം പൊതുവേ തൈലങ്ങളാണ്..

ധന്വന്തരം തൈലം,
നാരായണ തൈലം എന്ന പേരൊക്കെ കേൾക്കുമ്പോൾ,
വിവിധ ഔഷധങ്ങൾ ഇട്ട് സംസ്കരിച്ചെടുത്ത എള്ളെണ്ണ എന്ന് മനസ്സിലാക്കണം..

മറ്റൊരു സർവ്വസാധാരണമായ പേര് കുഴമ്പാണ്...

തൈലങ്ങളിൽ നിന്ന് കുഴമ്പിനുള്ള വ്യത്യാസം രണ്ട് ബേസ് ഓയിൽ അതിൽ ഉണ്ടായിരിക്കും എന്നുള്ളതാണ്..

ഉദാഹരണത്തിന് എള്ളെണ്ണ ആവണക്കെണ്ണ എന്നിവയിൽ ഔഷധങ്ങൾ ഇട്ട് സംസ്കരിച്ചെടുക്കുന്ന യോഗങ്ങൾ..

ധന്വന്തരം കുഴമ്പ് ഒക്കെ അറിയാത്തവർ ഉണ്ടാകില്ല..

കാര്യം ഇങ്ങനെയൊക്കെ ആണെങ്കിലും,
വാതരോഗങ്ങൾ,
പ്രമേഹ മൂലം ഉണ്ടാകുന്ന ന്യൂറോപ്പതി അസുഖങ്ങൾ
എന്നിവയൊക്കെ ബാധിക്കുമ്പോൾ,
സ്വന്തം നിലയിൽ ഏതെങ്കിലും ഔഷധയുക്ത എണ്ണ തെരഞ്ഞെടുത്ത്,
ദേഹത്ത് പുരട്ടുന്നത് ഒട്ടും ഗുണം ചെയ്യില്ല..

ഡയബറ്റിക് ന്യൂറോപ്പതി വന്ന്
കൈകാലുകൾ എരിച്ചിലോടുകൂടി ഇരിക്കുമ്പോൾ
കടയിൽ പോയി കർപ്പൂരാദി തൈലം
വാങ്ങി പുരട്ടിയാൽ എരിച്ചിൽ കൂടാനെ ഉപകരിക്കു..!

അവിടെ പൊതുവേ പിത്തശമന പ്രധാനമായ ശീത സ്വാഭാവികളായ തൈലങ്ങൾക്കാണ് പ്രാധാന്യമുള്ളത്..

ഈ രീതിയിലുള്ള ന്യൂറോളജിക്കൽ അസുഖങ്ങൾ വരുമ്പോൾ,
സ്വന്തം രീതിയിൽ അല്ലെങ്കിൽ ആരെങ്കിലും പറഞ്ഞ് തൈലങ്ങൾ സെലക്ട് ചെയ്ത് പുരട്ടരുത് എന്നാണ് പറഞ്ഞതിന്റെ ചുരുക്കം..

പൊതുവേ അസുഖങ്ങളൊന്നും ഇല്ലാത്തവർക്ക് രോഗം വരാതിരിക്കുന്നതിന്റെ ഭാഗമായി,
മരുന്നുകൾ ഒന്നുമില്ലാത്ത സാധാരണ എള്ളെണ്ണയോ,
വൈദ്യുതി നിർദേശപ്രകാരം ഔഷധയുക്തങ്ങളോ ഉപയോഗിക്കാം..

സത്യത്തിൽ,
തലയിൽ എണ്ണ തേക്കുന്നതിനെ പറ്റിയാണ്
ആദ്യം പറഞ്ഞു തുടങ്ങുന്നത്..

ദേഹത്ത് തേക്കുന്നത് പോലെ,
എന്നും തലയിലും എണ്ണ തേക്കുന്നതിനെ പറ്റി തന്നെയാണ് ആയുർവേദവും പറയുന്നതെങ്കിലും,
സ്ഥിരമായി കഫക്കെട്ടും തലനീറക്കും വരുന്നവർക്ക്
തലയിൽ എണ്ണ തേക്കുന്നത് ഒഴിവാക്കാനോ പരിമിതപ്പെടുത്താനോ കൂടി
നിർദ്ദേശമുണ്ട്..

പൊതുവേ ആരും ശ്രദ്ധിക്കാത്ത ഒരു നിർദ്ദേശമാണ് അത്..

ജലദോഷമോ കഫക്കെട്ടോ അലർജിയോ മറ്റോ ഇല്ലാത്തവർക്ക് എല്ലാ ദിവസവും തലയിൽ
എണ്ണ തേച്ചു കുളിക്കുന്നതുകൊണ്ട്
കുഴപ്പമില്ല..

കഫക്കെട്ടോ സൈനസൈറ്റിസോ
മറ്റ് ആരോഗ്യ പ്രശ്നങ്ങളോ ഇല്ലാത്തപക്ഷം,
അവർക്ക് മുടി വളരാനുള്ള എണ്ണയും ഉപയോഗിക്കാം..

പക്ഷേ നിർഭാഗ്യവശാൽ,
വിട്ടുമാറാത്ത ജലദോഷവും കഫക്കെട്ടും തലനീറക്കവും ഒക്കെ ഉള്ളവർ പോലും,
തണുപ്പ് സ്വഭാവമുള്ള,
പെട്ടെന്ന് നേർക്കെട്ട് ഉണ്ടാക്കുന്ന,
പലതരം കാച്ചിയ വെളിച്ചെണ്ണകൾ ഉപയോഗിക്കുന്നു എന്നുള്ളതാണ് പ്രശ്നം..

സമൃദ്ധമായ മുടിയാണ് പലരുടെയും ഉന്നം..

ഫലത്തിൽ സന്ധിവാത രോഗങ്ങളും,
കഴുത്ത് വേദനകളും വാതരോഗങ്ങളും ഒക്കെയായി അതെല്ലാം തടി കേടാക്കുന്നു എന്നുള്ളതാണ് അവസ്ഥ..!!

മുടിയും ഇല്ല തടിയുമില്ല എന്ന അവസ്ഥയിലാണ് പലപ്പോഴും ഇതെല്ലാം
ചെന്നെത്തുന്നത്...

വെളിച്ചെണ്ണയിൽ കാച്ചിയെടുത്ത ഔഷധയുക്ത എണ്ണകളെ പൊതുവേ കേരങ്ങൾ എന്നാണ് പറയുക..

നീലിഭൃംഗാദി കേരവും കഞ്ഞുന്ന്യാദി കേരവും
കുന്തള കാന്തിയും ഒക്കെ മോശമായിട്ടല്ല,
മറിച്ച് നിരന്തരമായി നീർക്കെട്ടും കഫക്കെട്ടും വരുന്നവർക്ക് ഇതൊന്നും യോജിക്കില്ല
എന്നുമാത്രം മനസ്സിലാക്കിയാൽ മതി..

അപ്പോൾ അവർക്ക് ഏത് എണ്ണ തേക്കാം എന്ന ഒരു ചോദ്യം കൂടി വരുന്നുണ്ട്..

അവർക്കായി നീർപ്പിടുത്തമില്ലാത്ത ധാരാളം എണ്ണകൾ പറയുന്നുണ്ട്..

വൈദ്യ നിർദ്ദേശപ്രകാരം മാത്രം ആഴ്ചയിൽ ഒന്നോ രണ്ടോ തവണ അവർക്ക്
എണ്ണ തേക്കാം..

കഫക്കെട്ടും തലനീറക്കവും ഉള്ളവർ സ്ഥിരമായി എണ്ണ തേക്കാൻ ആയുർവേദം പറയുന്നില്ല എന്ന് ചുരുക്കം..

അടുക്കളയിലെ,
വിവിധങ്ങളായ എണ്ണ പരീക്ഷണശാലകളിലേക്കും യൂട്യൂബിലെയും പരസ്യത്തിലെയും പച്ച നിറമുള്ള എണ്ണകൾക്കും പുറകെ പോകുന്നതിനു മുമ്പ്,
ഇത്രയെങ്കിലും കാര്യങ്ങൾ മനസ്സിൽ വയ്ക്കണം..

മറ്റൊരു കാര്യം ചർമ്മ ആരോഗ്യത്തിനു വേണ്ടിയുള്ള എണ്ണ തേക്കലാണ്...

തൊലിക്ക് മൃദുത്വം ഉണ്ടാവാനും ചർമ്മ ഭംഗി കൂട്ടാനും ഒക്കെ
ഏലാദി വെളിച്ചെണ്ണകൾ പോലെയുള്ള മരുന്നുകൾ പലരും ഉപയോഗിക്കാറുണ്ട്..

അതിനും ഒരു പടി കൂടി കടന്നു,
പഴുപ്പും ചൊറിച്ചിലും ഒക്കെയുള്ള വിവിധങ്ങളായ ത്വക്ക് രോഗങ്ങൾ വരുമ്പോൾ
മറ്റാരെങ്കിലും പറയുന്നത് കേട്ട് നാല്പമരാദി കേരം പോലെയുള്ള എണ്ണകൾ
പുരട്ടുന്നവർ ഉണ്ട്..

പൊതുവേ പഴുപ്പും അണുബാധയും ഉണ്ടാകുന്ന അവസരങ്ങളിൽ എണ്ണകൾ ഒന്നും പുരട്ടാൻ ആയുർവേദത്തിൽ നിർദ്ദേശിക്കാറില്ല..

അത് രോഗവർധന ഉണ്ടാക്കും എന്നത് ഏറെക്കുറെ ഉറപ്പാണ്..

പറഞ്ഞുവരുന്നത്,
ഈ രീതിയിൽ ത്വക്കിലുണ്ടാകുന്ന അസുഖങ്ങൾക്ക് എപ്പോൾ എണ്ണ തേക്കണം തേക്കരുത് എന്ന് ഡോക്ടറോട് ചോദിച്ചു മാത്രമേ തീരുമാനമെടുക്കാവൂ എന്നതാണ് ..

ഇതൊന്നും കൂടാതെ ഉള്ളിലേക്ക് കഴിക്കാനായി ആയുർവേദം
നിർദ്ദേശിക്കുന്ന ക്ഷീരബല പോലെയുള്ള തൈലങ്ങളും ഉണ്ട്..

ആയുർവേദത്തിൽ എണ്ണ എന്ന് പറഞ്ഞാൽ അത്ര നിസ്സാരമല്ല എന്ന് ചുരുക്കം..

അറിഞ്ഞു ഉപയോഗിക്കുന്നവർക്ക് എണ്ണ ആരോഗ്യത്തെ നൽകുമെന്ന് കാര്യത്തിൽ യാതൊരു തർക്കവുമില്ല...

തോന്നും പടി ആണെങ്കിൽ അനാരോഗ്യവും...

❣️❣️❣️

Dr.shabu

17/08/2023

ലോകമെമ്പാടുമുള്ള പരമ്പരാഗത വൈദ്യ സമ്പ്രദായങ്ങളുടെ ശാസത്രീയ അടിത്തറ തുറന്നു കാണിച്ചു കൊണ്ട് ലോകാരോഗ്യ സംഘടനയുടെ നേതൃത്വത്തിൽ പരമ്പരാഗത വൈദ്യ മഹാസമ്മേളനം ചേരുകയാണ്.

2018ലെ അസ്താനാ പ്രഖ്യാപനത്തിൽ കൃത്യമായി പറഞ്ഞുവെച്ചിട്ടുള്ള "ഇതര വൈദ്യ സമ്പ്രദായങ്ങളുടെ പ്രാഥമിക ആരോഗ്യ സംരക്ഷണത്തിലെ പ്രസക്തിയും" ചർച്ച ചെയ്യപ്പെടുന്നു.

ഒരു വ്യക്തിക്ക് ഏത് വൈദ്യസമ്പ്രദായം വേണമെങ്കിലും തിരഞ്ഞെടുക്കാനുള്ള അവകാശം മൗലികാവകാശമായിരിക്കെ ഗ്വാ ഗ്വാ വിളികളുമായി ചിലർ ചിലയിടങ്ങളിൽ വിഷപ്പുക ചീറ്റിക്കൊണ്ടിരിക്കുന്നു.

Traditional Medicine കാലഘട്ടത്തിൻ്റെ ആവശ്യമാണ്, മനുഷ്യരാശിയുടെ ആരോഗ്യപരമായ വാഴ്ചക്ക് വേണ്ടിയുള്ളതാണ്...

അതിങ്ങനെ മനുഷ്യവംശം ഉപയോഗിച്ചു കൊണ്ടേയിരിക്കും....

10/08/2023

28/06/2023

പനിക്കാലമല്ലേ വായിക്കാം

ചടങ്കം വച്ചാൽ വൈദ്യൻ വേണ്ട എന്ന് പണ്ട് നാട്ടിൻ പുറത്തൊരു ചൊല്ലുണ്ടായിരുന്നു. ഈ ചടങ്കം ഷഡംഗം എന്ന ഔഷധമാണ്. പനിയുള്ള രോഗിക്ക് ദാഹം വരുമ്പോൾ കുടിക്കുവാൻ നിർദ്ദേശിക്കുന്ന പാനീയം.

രോഗ പ്രതിരോധത്തിന് ആയുർവ്വേദം നിർദേശിക്കുന്ന പാനീയ ചികിത്സ കൂടിയാണ് ഷഡംഗം.
പനിക്ക് അഗ്ര്യ ഔഷധങ്ങളായ മുത്തങ്ങയും, പർപ്പടകപ്പുല്ലും ചേരുന്ന ഇതിന്റെ കൂടെ ചന്ദനം ചുക്ക് ഇരുവേലി രാമച്ചം മുതലായ നാല് ഔഷങ്ങളും ഉണ്ട്.
ചന്ദനം നല്ലതാണെങ്കിലും ലഭിക്കാനുള്ള ബുദ്ധിമുട്ടോ, അപ്രാപ്യ വിലയോ കാരണം പകരമായി ചിറ്റമൃത്, നറുനീണ്ടി, പൂവാങ്കുറുന്തൽ എന്നിവയിൽ ഏതെങ്കിലും ഒന്ന് ചേർക്കാവുന്നതാണ്. ചിറ്റമൃത് ചിലർക്ക് അരുചിയുണ്ടാക്കുമെന്നതിനാൽ മറ്റു രണ്ടിലൊന്ന് പരിഗണിക്കാം. നെല്ലിക്കയുംപകരം ഉപയോഗിക്കാം.
പാരിസ്‌ഥിതിക ശുദ്ധിക്കായി ശുചീകരണത്തോടൊപ്പം അപരാജിത ധൂമത്താൽ ദിവസവും പുകയ്ക്കുന്നതും ഉത്തമമാണ്.

പുകക്കാൻ വീട്ടിൽ സുലഭമായ വെളുത്തുള്ളി / കടുക്/വേപ്പില / മഞ്ഞൾ / തുമ്പ ഇവയും നല്ലതാണ്.

. എല്ലാ സർക്കാർ ആയുർവേദാശുപത്രികളിലും ഡിസ്പെൻസറികളിലും പനിക്കുള്ള പ്രതിരോധ മരുന്നുകൾ ലഭ്യമാണ്.
എന്റെ വീട്ടിൽ ആർക്കുംപനിയില്ല എന്ന് പറയുവാൻ ഓരോ മലയാളിക്കും കഴിയണം.

എല്ലാ തരം പനികളിലും ആദ്യത്തെ മടിയും മേലുവേദനയും ദേഹത്തിന് കനവും ഉള്ള അവസ്ഥ കണ്ടു തുടങ്ങുമ്പോൾ മുതൽ തന്നെ വിശ്രമം വേണം.പനിച്ചു തുടങ്ങിയാൽ ദേഹത്തിന്റെ ചൂടുകൊണ്ട് വൈകാതെ വെള്ളംദാഹം തുടങ്ങും. പനി അവിടംകൊണ്ട് തീർക്കാനുള്ള നല്ല അവസരമാണത്. ചൂടുശരീരമുള്ളവർക്കും പകർച്ചപ്പനി ബാധിക്കുമ്പോഴും ആദ്യം തന്നെ ദാഹമുണ്ടാകും. ആ ദാഹം ശരീരത്തിന് ഒരു തരത്തിൽ പറഞ്ഞാൽ നല്ലതാണ്. കുടിക്കുന്ന വെള്ളം കൊണ്ട് തന്നെ പചനം നടക്കണം, ക്ഷീണം മാറണം, പനിയും മാറണം എന്നിങ്ങനെ പലകാര്യങ്ങളും ഒരുമിച്ച് വേണം താനും. ഈ അവസ്ഥയിൽ ദാഹം മാറ്റിയില്ലെങ്കിൽ നിർജലീകരണം സംഭവിക്കുകയും ചെയ്യും. അവിടെയാണ് ചടങ്കം അമൃതായി അനുഭവപ്പെടുന്നത്
ഔഷധി ഈ മരുന്ന് ഷഡംഗം കഷായ ചൂർണം എന്ന പേരിൽ ലഭ്യമാക്കുന്നുണ്ട്. കുപ്പികഷായ രൂപത്തിൽ വിപണിയിൽ കിട്ടുന്ന ഒഴിവാക്കുകയാണ് നല്ലത്.

50 ഗ്രാം മരുന്ന് ഏകദേശം 800 ML വെള്ളത്തിൽ തിളപ്പിച്ച് 400 ML ആക്കി 50 ML വീതം ഓരോ മൂന്ന് മണിക്കൂറിലും കഴിക്കുക.ഇത് ശാസ്ത്രീയ രീതി.
രുചി ഇഷ്ടപ്പെടാത്തവർ കുറച്ച് മരുന്ന് കുടുതൽ വെള്ളത്തിൽ തിളപ്പിച്ച് കൂടുതൽ അളവിൽ കഴിക്കുക'' ഉദാഹരണം 25 gm in 3 Ltr തിളപ്പിച്ച് 1 ഗ്ലാസ്സ വീതം 3 മണിക്കൂർ ഇടവിട്ട് കഴിക്കുക.
പനി കൂടുകയാണെങ്കിൽ തീർച്ചയായും ഡോക്ടറെ കാണേണ്ടതും പനി ഭേദമനുസരിച്ച് ഔഷധങ്ങൾ കഴിക്കേണ്ടതുമാണ്. മെഡിക്കൽ സ്റ്റോറുകളിൽ നിന്ന് വൈദ്യ നിർദ്ദേശ പ്രകാരമല്ലാതെ മരുന്ന് വാങ്ങിക്കഴിക്കുന്ന ശീലം ഒഴിവാക്കേണ്ടതാണ്.
ഔഷധസേവയോടൊപ്പം
തന്നെ പാലിക്കേണ്ടതാണ് ആഹാരശീലങ്ങൾ .ദഹന വ്യവസ്ഥ ശരിയായ വിധം പ്രവർത്തിക്കേണ്ടത് അവശ്യം വേണ്ടതാണ്.
ആയുർവേദ ശാസ്ത്രത്തിൽ വിവിധ തരം കഞ്ഞികൾ പറഞ്ഞിരിക്കുന്നത് ശ്രദ്ധിക്കുക.
പനി വരുമ്പോൾ എന്തു കഴിക്കും ?

ജ്വരം പോലെയുള്ള അസുഖങ്ങളിൽ നമുക്ക് ആദ്യം വിശപ്പ്‌ കുറയുന്നു. കാരണം ദഹനവ്യവസ്ഥ താറുമാറാക്കി ആഹാര പചന പ്രവർത്തനത്തെ ബാധിക്കുന്ന തരത്തിലേക്കാണ് ഇന്നത്തെ രോഗങ്ങളുടെ ആക്രമണം.
ആ അവസ്ഥയിൽ നാം ആദ്യം ചെയ്യേണ്ടത് ദഹനശക്തിയെ
നേരാവണ്ണം പ്രവർത്തിപ്പിച്ചെടുക്കുക എന്നതാണ് . അതിനായി ആയുർവ്വേദം വിവിധ തരം കഞ്ഞി ഉപദേശിച്ചിരിക്കുന്നു. ആധുനിക diet വെച്ചു നോക്കുമ്പോൾ ആയുർവ്വേദ diet കുറച്ചു കൂടി പ്രാധാന്യം ഉള്ളതാണ്.ആധുനിക ഡയറ്റിൽ കാർബോഹൈഡ്രേറ്സ് , ഫാറ്റ്, പ്രോട്ടീൻ എന്നിവയ്ക്ക് മാത്രം പ്രാധാന്യം നല്കുന്നു. അതേസമയം ആയുർവ്വേദത്തിൽ ആഹാരത്തിന്റെ സ്വഭാവവും രോഗിയുടെ പ്രകൃതിയും ദഹനാവസ്ഥയും നിരീക്ഷിച്ച ശേഷമേ ഡയറ്റ് ഉപദേശിക്കാറുള്ളു.വളരെ എളുപ്പം പാചകം ചെയ്യാനും , അതിലേക്കു ആവശ്യമുള്ള ചേരുവകൾ വീട്ടിൽ തന്നെ ലഭ്യമായതുംകൊണ്ട് നമുക്ക് എളുപ്പത്തിൽ തയാറാക്കി എടുക്കാൻ
സാധിക്കും .

1.മലർക്കഞ്ഞി പനിയുള്ള പ്പോൾ ഉത്തമമായ ആഹാരമാണ്. ചുക്കിട്ട് തിളപ്പിച്ച വെള്ളത്തിൽ മലർ ചേർത്തു കഞ്ഞിയാക്കുക. ചുക്കിന് പകരം മല്ലിയോ ഇവ രണ്ടും ചേർത്തോ ഉപയോഗിക്കാം.

2.മലർ,ഉണക്ക മുന്തിരിങ്ങ, നറുനീണ്ടി, തിപ്പലി, തേൻ, ചുക്ക് എന്നിവ ചേർത്തു ഉണ്ടാക്കുന്ന കഞ്ഞി ദാഹം കുറയ്ക്കാൻ ഫലപ്രദമാണ്.അതുപോലെ തന്നെ വൈദ്യനിർദേശപ്രകാരം പഞ്ചമൂലങ്ങൾ ചേർത്തും പഞ്ചകോലചൂർണം ചേർത്തും കഞ്ഞി ഉണ്ടാക്കി രോഗാവസ്ഥ അനുസരണം കഴിക്കാം . കേരളത്തിന്റെ കാലാവസ്ഥയും കേരളീയരുടെ ആരോഗ്യസ്ഥിതിയും ജീവിതരീതിയും കണക്കാക്കിയാൽ കഞ്ഞി എല്ലാർക്കും വളരെ ഹിതമായ ആഹാരമാണ്.
ബ്രഡ് ,ബൺ പോലുള്ള പനി ആഹാരങ്ങൾ ഉപേക്ഷിക്കുക. കഞ്ഞിക്ക് പപ്പടവും നന്നല്ല.

ഇനി നമ്മൾ മറന്നുകളഞ്ഞ എല്ലാക്കാലത്തേയും പനിയുടെ First aid നെ പരിചയപ്പെടാം

മല്ലി-കാപ്പി...............
1. മല്ലി - 100 ഗ്രാം.
2. ഉലുവ - 20 ഗ്രാം.
3. നല്ല ജീരകം - 20 ഗ്രാം.
4. ചുക്ക് - 10 ഗ്രാം.
5. ഏലയ്ക്ക - 10 ഗ്രാം.
6.കുരുമുളക് - 10 ഗ്രാം
7.തുളസിയില - 10 ഗ്രാം

മല്ലിയും ഉലുവയും ജീരകവും വറുത്തെടുക്കുക. ചുക്ക് കല്ലിൽ വച്ച് നന്നായി ചതച്ച് മിക്സിയിൽ പൊടിക്കുക .
ഇനി എല്ലാം കൂടി മിക്സിയിൽ ഇട്ട് പൊടിച്ചെടുക്കുക.
കാപ്പി ഉണ്ടാക്കുന്ന വിധം

കരുപ്പെട്ടി ആവശ്യത്തിന് വെള്ളമൊഴിച്ച് തിളപ്പിക്കുക. നന്നായി അലിഞ്ഞു കഴിയുമ്പോൾ കുറച്ചു മല്ലി-കാപ്പിപ്പൊടി ചേർക്കാം.അതിനു ശേഷം കാപ്പി അരിച്ച് ഉപയോഗിക്കാം.

കരുപ്പെട്ടി കിട്ടാൻ പ്രയാസമാണങ്കിൽ ശർക്കരയുപയോഗിച്ചും ഇത് തയ്യാറാക്കാം.

മറ്റൊരു കാപ്പി :
ശുദ്ധീകരിച്ച പനം കരുപ്പെട്ടി - ചുക്ക്, ഏലയ്ക്ക, കുരുമുളക്, ജീരകം ഒക്കെ ചേർത്തുണ്ടാക്കുന്ന കരുപ്പെട്ടിയാണ്. കാപ്പിയാക്കണമെങ്കിൽ വെള്ളം ചേർത്തു തിളപ്പിച്ചാൽ മതി. ഒന്നും കൂടെ ചേർക്കേണ്ട.
ചുക്കും ,കുരുമുളകും തുളസിയിലയും, കരുപ്പെട്ടിയും ചേർത്ത് ചുക്കുകാപ്പി ഉണ്ടാക്കാം ..
തുമ്മൽ ,ചെറിയ മേലുവേദന, കാല് കഴപ്പ് ഇവയൊക്കെ തുടങ്ങുമ്പോൾ തന്നെ ചുക്കുകാപ്പിയും ഷഡംഗവും, മലർ കഞ്ഞിയും കഴിച്ച് ആവശ്യത്തിന് വിശ്രമവും സ്വീകരിച്ചാൽ ശരീരത്തെ അപകടകരമല്ലാത്ത അവസ്ഥയിൽ കൊണ്ടെത്തിക്കാതിരിക്കുവാൻ മാത്രമല്ല ഉണ്ടായിരുന്ന ആരോഗ്യത്തെ മെച്ചപ്പെടുത്തുകയും ചെയ്യാം. ഇനിയൊരു പനിക്കാലം അപകടകരമാകാതിരിക്കുവാൻ നമുക്കൊരുമിച്ച് പ്രയത്നിക്കാം .

കടപ്പാട് Info Drs Ayurveda FBPage

22/07/2022

കോട്ടക്കൽ ച്യവനപ്രാശം - രോഗപ്രതിരോധശേഷി കാത്തുസൂക്ഷിക്കാൻ ശരിയായ ആയുർവേദം.

15/04/2022

ഏവർക്കും ഹൃദയം നിറഞ്ഞ വിഷു ആശംസകൾ.