Dr Samuel Lalhruaizela - Dr Samua

07/08/2025

Ṭhut dan a thlak hlek avangin ka rawn post sak leh e Dr Atea Neurosurgeon a ni e

04/08/2025

Kan remchang leh ta Zin ka haw tawh e ZMC lamah chuan Wed Sat bawk

31/07/2025

2017 velah khan Mizoram kan rawn chhuah leh hma atangin Social Media hi kan thiltih thin leh Inzai chungchang hrang hrang ka post nasa ṭhin hle a Mipui hriatthiam turin ka ziak a Video tawi tete ka dah thin bawk a

Mizo Doctor ah chuan a ti hmasa ber ka ni hialin ka hria Khang hunah khan Mizoramah pawh FB leh Whatsapp hmang kan tam ṭan chho a A ṭha hle a Vawiin thlengin kan ti ta zela

A tirah erawh chuan min sawisel tu an tam a Kan doctor thiante pawhin min chhaih fiamnan an hmang fo Mahse NMC ah pawh a thatzia kan zir chho ta a Basic Course In Medical Education Course ah pawh an sawi lang ta A ṭha lam zawng zela Social Media hman thiam erawh a ṭul khawp mai

27/07/2025

Speaker kan sawm te an remchan loh zel avangin tun k*m Kohhran Worship Chairman nihna angin Thu leh Hla kutpui Sunday Zanah thu ka sawi thei hi ka lawm em em a

Pathian hi fak chhan tur tam tak a awm laiin a Min Hmangaihna Thuk tak leh Sang tak avang hian kan Fak mawlh mawlh tur a lo ni

21/07/2025

Pharmacy leh Damdawi Wholesale lama thawk tur Computer thiam mamawh a ni e A duh chuan min rawn be thei e

Whatsapp chauhin ni phawt se
7630081394

06/07/2025

Ni 15 atangin ṭhu dawn e Booking theih

04/06/2025

IG lam lo follow ve vek ru aw 👍

3,302 Followers, 214 Following, 261 Posts - See Instagram photos and videos from Dr Samuel Lalhruaizela ()

30/05/2025

TATA MEMORIAL HOSPITAL AH LIVER CANCER SURGERY LEH A KAIHHNAWIH (HPB) TRAINING KAN NEI

Hepato (Liver/Thin) Pancreato (Pancreas) Biliary (Mît leh a kaihhnawih) tihna ani a A hmingah Hepato-pancreatobiliary (HPB) Surgery hi India ramah Super/Sub-Speciality ang taka lian a la ni lova Chutih rualin Thin, Pancreas leh Mît bawr vel hi gastrointestinal surgery ah chuan a har lai ber kan ti thei awm e

Helai bawr vel hi Mizoramah chuan a luhchilh hmasa leh awmchhun kan lo ni ta ve hrih reng mai Hun engemaw atang khan Mît Cancer te pawh kan zai ṭan ve a Pancreas Cancer te phei chu kan zai nasa ta hle a Liver (Thin) cancer lamah chuan nik*m lawk khan Mizoramah Thin Cancer zai hmasak ber ZMC Falkawn ah kan zai anih kha

Tichuan, Thin Cancer lamah Mizoram kan la hnufum hle tih a lang thei awm e NorthEast ah pawh hian Thin Cancer zai thei hi an tam lo hle a Medical College ah phei chuan an zai thei mang lo a ni

Theihtawpin conference ah te kalin mi te tih dan leh kalpui dan kan zir a Tun ṭumah pawh hian India rama Liver Cancer Surgery chawr chhuahna, a Headquarter, ti mai ila, Tata Memorial Hospital Mumbai ah ngei an tih dan te en turin kan kal ve thei a ni a Prof Mahesh Goel, India rama Liver Surgery ah chuan a ber kaiin min ho a Training pawh tluang takin kan zo leh ta

An ni chuan khawl tha tak tak an nei a CUSA khawl an tih hian Thin Cancer zai a ti samkhai em em mai a Nuaih 40 man vel (lek) a ni a Mizoramah neih ve a chakawm hle mai Tin, kan sawi fo ṭhin Robotic Surgery an hman dan te pawh kan zuk en leh a Ka birthday a min present duh awm se ka ti hle thin 😁 Mizoramah pawh kan la nei ve vat turah ngai ila 🙏🏻 Tun ah hian Liver Surgery hi kan Water Jet (Tui phuhna hmang inzai) hmangin kan zai ve zel a Mahse CUSA hi a tha zawk an ti tlat mai Tata ah chuan

Tichuan, Thin leh a bawr vel cancer hi Mizoram ah hian a lo tlem lo hle mai a Helamah hian thiamna pawh kan la nei sang lo hle a Tata ah chuan Cancer Thin lama kai tawh te pawh a theih chuan an lo paih zel a lo ni a

Pathianin rem a tih chuan theihtawpin beihpui kan thlak ve turah te pawh ngai ila TATA Memorial Hospital hi Mbbs kan zirlai atanga kan Idol ve em em te kha an ni tawp mai a 2023 khan Conference kan zu hmang tawh a An inzaina room ah luh a rem lova Tun ṭumah chuan an kharkhip chhunglam ril ber thlengin kan luh chhuak ve ta a Thlalak pawh an phal aniang ka la nual mai a Min phalsak lo lem lo Tata nge nge chu an kalphung pawh ropui ngei mai

He training hi mahni thahnemngaihnain mahni sum senga Ethicon company te nen tangkawpa kal ka ni e

26/05/2025

Mizo ten kan hlauh ber - Chaw Helh !

Mizo mipa, valai deuh, zu lo ti ve zeuh tawh thin, zuk leh hmuam nghei hleithei lo (k*m khat vel chu nghei ve tawh pawh telin) hian chaw an helh zeuh zeuh tawh chuan ngaih a tha lova, kan hlauh ber mai Cancer a hnai tih an hria a, endoscopy ah biopsy lak a lo ngaih phei chuan khawvel hi a thim nghal em em mai thin. ‘Ka pu, i biopsy a tha lo’ tih hi doctor tan thil sawi nuamlo leh harsa ber a ni bawk a, a thu khuh mawi nan ‘zemabawk lamah kal a va ngai ve’ te kan han ti a, mizo pa, chhungkuaa mi pawimawh em em, fa te lehkha zir mek, eizawnna lamah ti ve ṭawk ṭawk tan chuan khawvel hi tawp law law se tih a awl reng thin a ni. Mipa ah hian chaw helh an tam zawk avangin mipa dinhmun kan han sawi mai ani a, hmeichhia ah pawh a tlem em em hran chuang lo.

A thinrimthlak na em em chu Chaw helh meuh tawh hi chuan cancer hi a lo awm fe tawh a, zungzam pawh thuk takin a lo kaih tawh thin a ni. A tirah chaw tak leh thil sakhat (solid) an helh phawt a, a lo zual zel a, tui an helh meuh tawh chuan a tlai tawh hle tihna a ni thin. Na engmah a siam si lova, harsatna dang sawi tur a awm ngai bawk si lova, endoscopy vawi khat tih naah khawvela kan hlauh ber cancer chu an lo ni ta ve mai si a.

Chaw kawng cancer hlauhawmna em em chu- a cancer khan a taksa a va eichhe em em a ni nghal lova. A lo len deuh khan chaw eina kawng ber a hnawh kha chuan nun chuan chauh leh tawp lam a hnaih lo thei lo thin a. Tin, chaw kawng leh hrawk (pharynx, trachea) a inhnaih em em mai a. A cancer hian thawkna dawt a ei chhe hma em em a, chu chuan chaw kawng leh chuap inkar ham da a tichhia a, thil ei apiang kha chuap ah a lut ta thin a ni (tracheo-eaophageal fistula).

America ah chuan k*m 40-45 an nihin Endoscopy tih ngei ngei tur tiin sawrkar leh private hnathawk te an nawr lui thin a, chhungte zingah chaw kawng emaw pumpui cancer an awm tawh phei chuan an ngai serious hle thin. Chu chu Cancer Screening an ti a. ZMC&H ah keini pawhin Chaw kawng leh Pumpui Cancer Screening hna hi ICMR Scheme pakhat hnuaiah kan kalpui ṭan mek a, mi 670 chuang kan screen tawh ah Cancer 34 kan hmuchhuak tawh nghe nghe a ni.

Ka sawi ve fo thin chu - Cancer hrim hrim hi a hlauhawm a ni lova, cancer hmuhchhuah tlai hi a pawi vawng vawng thin a ni zawk. Cancer do na kawngah hian theihtawp kan chhuah theuh a tul em em a ni.

Dr Samuel Lalhruaizela
General, Gastrointestinal
Liver & Pancreatobiliary Surgeon
Associate Professor
ZMC & H

26/05/2025

Rilrua awm fo thin A dik kher emaw ??

Mizo mipui nawlpui hian Hospital building tha ve hrim hrim leh pan na awlsam leh remchang ve hrim hrim te, tawngkam tha ve hrim hrim te hi kan ngaisang tlangpui a Hospital ah khan tunge doctor thu a enge an damlo enkawl dan kalhmang tih kan ngaihtuah thui lo fo Vawi khat a lo vin deuh a Kan han haw nghal em em mai thin bawk a

A doctor a thiam em, training leh experience a nei tha em, thiam bik thil a nei em, a treatment te leh amah doctor pakhat mai ni lo, a team an tha em tih lam hi kan thluk thui lutuk lo thin a Kan buai fo niin a lang ta a ni Chutiang chu a tam zawk kal dan hi a ni fo mai

Vai ramah kan awm lai khan kan hotute zinga doctor tha leh Professor thiam ho kha chu an rawn pan vang vang a An remchan loh pawhin an nghak fan fan thin kha a nia One time mai ni lo Check Up/ Follow up thlenga enkawl ngai an tam avangin an fimkhur hle thin

Healthcare lamah hian kan harh chho ve zel a Insuarance te pawh kan ngai pawimawh chho zel a A lawmawm lam en chuan lawmawm tak chu a ni thung

Note : AI Image hmang ve chhin

20/04/2025

Fatty Liver A hlauhawm em ?

Fatty Liver (thin thau bawh) leh Hepatomegaly (thin lian) tih hi ultrasound tlanglawn ah hian kan hmu hnem chho mawlh mawlh khawp mai Fatty Liver hian Grade a ni bawk a Grade 1-4 te hi Ultrasound ah chuan an pek dan tlangpui a ni Fatty Liver hi engemaw chen chu kan nei deuh nual mai awm e Grade 1-2 vel bawr hi chu tlema sa tha deuh leh ei tui deuh tan chuan neih mai a awl khawp mai Zu in vang hian a awm duh a Thin tha lo hrim hrim hi zu in miah chuan a awm duh tih pawh kan hre fo awm e

Tunlaia topic lar em em erawh chu Zu kaihhnawih ni si lova Thin Tha lo neite hi an ni K*m upa lam leh valai deuh te pawh Thin Ro han nei mai te Thin tha lo (liver failure) han nei mai ta te kan hre nawk awm e Chu chu he Fatty Liver kal zel avanga awm hi a lo ni ta a NASH (Non Alcoholic Steatohepatitis) emaw NAFLD (Non Alcoholic Fatty Liver Disease) te hi tunlai ah chuan a pawimawhna kan hre ta deuh deuh a Mihring kan ei leh in a tui tak avang te Cholesterol leh thau chhia dang te kan taksa ah check lova hun rei tak a lo san tak avang te pawhin a ni thei ang

NASH emaw NAFLD hi Fatty Liver hun rei tak nei tawh te hian an kai awlsam bik em em a Chu chuan Zu leh thil dang kaihhnawih ni si lovin Thin Ro (Cirrhosis) te a lo siam a Thin hi a ro tawh chuan a enkawl tak tak theih tawh loh a Normal turin a let leh thei tawh lova Thenkhat ah chuan Thin Cancer te pawh a insiam hial a Thenkhat ah Liver Failure te a lo awm thin a ni

Fatty Liver te pawh tun hma deuh anga ngaihthah loh hi a tha ta hle mai a Hetiang kan nei a nih chuan damdawi hmanga in enkawl vat te pawh a tha em em a Grade a san hmaa in enkawl mai kha a tha ber chu a ni

Dr Samuel Lalhruaizela
Associate Professor, ZMC
General, Liver & Pancreatobiliary Surgeon

19/04/2025