Dr Samuel Lalhruaizela - Dr Samua

28/11/2025

Pathian khawngaihna zarah Member of Royal College of Surgeons MRCS (Glasg) UK (Scotland) Degree chu ka lo nei ve ta

He degree hi Exam leh Non-Exam Category a awm a Non Exam (Honorary) hi hnathawh that leh midang (Fellow) ten an recommend te hnenah chauh pek a ni thin a Mizo zingah hetianga Honorary MRCS pek hmasak ber ka lo ni ve a Royal College of Surgeons, Glasgow Member hmasa ber ka ni bawk

Ka lawm ve khawp mai UK ah pawh practice thei turin ka lo fit ve ta tihna a ni ber a Training te pawh a awlsam sawt dawn a ni

16/10/2025

12/10/2025

Aizawl Chhim Prebytery vawi 47-na Tlangnuam West-a hman chuan Tlangnuam Vengthar Kohhran Upa ni turin vawiin 12 October 2025 hian min Nemnghet/Ordain a ni

24/09/2025

Cancer Survivor Story |

Hepatocellular Carcinoma (HCC) - Left Liver Cancer Thin Veilam Cancer a ni a

Investigation kan tih hnuah kan zai ta a Thin Vei Lam (Left Liver) kan paih hlawk a ngai a Thin hi zai a harsa in a risk a sang em em a Hetiang cancer hi Mizorama zai a la ni ngai lova June 2024 ah ZMC&H ah kan khawl thar Water Jet hmangin kan zai ta a

Tunah hian inzai ni atangin k*m 1 leh thla 3 a lo ni a CT scan leh thil dang test a A cancer FREE tawh a ni Hemi hnua Liver cancer kan zai te pawh Pathian zarah an tha ve

Chutih rualin, kan bungrua leh hmanrua te hi duhthu a la sam lo hle mai a Hei aia bungraw tha hi nei ila chu hma kan sawn lehzual ngeiin a rinawm

22/09/2025

NPA chungchang

Tichuan a hminga clinic te kan lo neih ve avangin NPA lak zel hi a rem lohna hriain NPA lak tawh loh kan tum ve ta a Hei hi Moral Obligation anga ngaiin kan ti ve ta rawih a ni NPA kan lak loh chuan kan hlawh erawh a kiam ve dawn a Chhungkaw eizawnna a nih ve miau avangin kan chhungkua leh fa te pawhin an tawrh ve phah lo thei lovang NPA la chunga clinic neih erawh a tha ka ti lova In sawi thiamna tur a awm lo

Chutih rualin NPA (Non Practising Allowance) hian Private Practice avanga Allowance kan dawn chauh hi a lo k**k hauh lo a lo ni a

1. MBBS leh PG kan zir hunchhung a rei a Miin BA k*m 3 an zir zawhah an tlin chuan Civil/Central Service an luh theih laiin MBBS leh Internship zawh nan meuh chuan k*m 6 vel zet a ngaih vang te a compensate nana NPA (extra allowance) hi siam a lo nih chu

2. Doctor te chu Duty Hours tak tak a awm lova Dar 9am ah damlo te kan en a Dar 4/5 pm ah rawn theih tawh miah loh Ward atang pawh rawn theih tawh loh tawp an ni lova A ṭul chuan ward fan ve te a ngai a Zan ah pawh emergency tlan reng a ngai a Inzai mi tan phei chuan darkar hian min vawng vak lem lo bawk Saturday ah OPD kan nei ziah a Sunday ah damlo kan en ngaihven a ngai bawk a (Office dang anga buai lai chauh ni lo, K*m Tluan dan a ni) Tichuan Inkhawm lai, Inneihnaa kal lai, fa te lehkha zirtir lai pawh kan tlanchhuak dawr dawr mai thin Chutianga duty dah pawimawh hmasa (nitin leh k*m tluan) kan nih avanga compensate nan he NPA hi siam a lo ni reng mai a lo nia

3. Doctor te hi Hospital ah chauh thawk kan ni a, ZMC doctor te phei chu a bik takin saw hospital ah chauh sawn thawk tur kan nih avangin Promotion chance a tlem em em a Administrative post (director, med supdt etc) te hi a tlem em em a Chutianga Promotion chance a tlem vang te chuan Allowance hi an lo siam a lo ni reng mai

NPA ka lak loh chuan :
Tichuan, heng thil te han thlir hian Zan lai leh sunday (duty hours ni lo ah) Petrol man tur tlem te pawh extra kan dawng dawn ta lova Kan zir chhung a rei ang hu a compensate na te Central sawrkar in duhsak taka a lo duan 3rd pay commision ah an lo tarlan a 6th Pay commission ah te an lo adpot zel tak chu kan la dawn ta lo a ni (Picture Insert ah hian a pawla thai a ni) Private practice (clinic) chu a hming chuan kan nei ve ngei a Dar 4 hnu lamah hian chauh hnawp tawh hnuah peih leh peih lovin, a chang chuan lu na bur chung tein kan run ve thin a ni

Dam lo kan en lahin Vawksa kg 1 man kan hlawh tawk a ni mai a Chu pawh check up anih chuan kan han free a An retheih leh kan free bawk a Ka pu ZMC a hla em mai hetah kan rawn pan che mahse ZMC ah zai kan duh a an han tia Private clinic lama tirh a hnekin Private clinic atangin ZMC ah zawk kan han tir phei ve leh a A then mittui tla chungin ka pu kan pawisa kan hmang zo vek tawha mahse kan dam thei si lova an han tia Pawisa kan han pek belh leh ta bawk a

A hna hian ken tel a ngah riau In ti lal taka motor front seat ah kan counterpart te an thut vung tawh laiin keini chu damloin min hmuak a an lungawi lovang tih hlau reng rengin Rain Coat nen Scooty in kan tlan phe lawp lawp bawk a A nuam angreng thin 😁😁

Mahse, NPA hi private practice avang chauha la kan lo ni lo tih han hriatchian chuan rilru erawh a phir a Mahse, thil dik loa kan ngaih, a dik zawk nia kan hriat a awm si chuan kan zawm mai a tha si a

Mahni chhungkua leh fate zinga doctor nei kan lo nih ngai chuan kan hrethiam lehzual awm e A seat hmuh a harsat zia te A zir a harsat zia te A zir hnua a hna a hahthlak zia te nen hriatpuitu chuan kan sawi hi a hrethiam zawk mahna

20/09/2025

Cancer Survivor Story | Chaw Kawng Cancer Chuap in char nasa avangin a zai a har em em a A verha zai kan tum kha kan zai hawn a ngai a Chuti chungin damlo fel leh patling tak a ni a Pathian zarah Zai Tawh Chemo pawh la fel tawhin vawiin ah a dula pipe vuah pawh kan phawi fel leh ta | Fighting Cancer 1 Surgery at a time 🙏

ZMC&H
Gastrointestinal & Hepato Pancreatobiliary Unit

16/09/2025

School Naupang Hosteller Syndrome

School Naupang Hosteller Syndrome hi phuah chawp deuh angin lang mah se nu leh pa leh naupang te tana ṭangkai anih beiseiin natna leh buaina hrang hrang Hostel naupang—a kan hmuh tam deuh te a hlawma sawina mai a ni a Hostel neitu leh School neitute va chirhthehna emaw va sawichhiatna lam a ni lo a Anmahni ngei pawhin hma an lo sawn nana ziak ka ni dawn a ni

School Naupang Hostela awm te hi mahni tawka naupang fel an ni zel a Lehkha zir tura in serh hrang an nih avangin theih tawp an beihnaah hian an taksa ten a lo tawrh phah thin a A pawi hle a ni

1. Pum Na Benvawn : Hostel ah chuan ei leh in hunbi thlapa siam anih avangin ril tam fal leh ei leh in mamawh zing fal deuh an awm hian a buaithlak deuh thin a ni awm e Mihring taksa a inang lo ang hian mamawh dan a inang lova Stress level leh Mental health pawh a inang lova Chu chuan Ril lam leh Pum Lam a tibuai lo thei lova Thenkhat thawveng chi an awm a Thenkhat ngaihtuah ngut ngut chi an awm a Stress a san hian pumpui acid kha a sang zual bik thin Tin, mut dan a in chen lova Thenkhat tui taka an mut theih laiin thenkhat chu Hostel ah an mu tha hleithei lova Chu chuan a hrin chhuah chu pum tha lo leh ril chak lo kha a ni

Chumi veng tur chuan a hunbi hotuten an siam bakah pumpai nuam tur chi ei tur emaw in tur kawl mai hi a ni a Hostel neitute pawhin kan hriatthiam a ngai a Chutih rualin an ei leh in (snacks) kha pum leh ril tana tha ani em tih erawh nu leh pa ten kan check uluk a ngai hle a ni

2. Pile Ṭha Lo : Hostel thenkhat ah Dal leh Alu hi an ei ber anih avang te Fibre diet tha mahni in anga a ei theih loh avang te hian ril lam a lo buai tan a Ek a insiam hlawm tha hleithei lova, ek hunbi a buai telh telh a Tin, mahni in anga a awm theih loh vang tak hian naupang tein Pile Na leh Pile Tha lo te hostel naupang ah hian kan hmu hnem em em mai a ni Ek a khal a Ek a hlawm tha lova Kawthalo ang deuh tein an inthiar a, a chang phei chuan an sang na deuh lo thei lova, pile a lo dawk thei hial thin

Chutiang pumpelh nan chuan Fibre Diet a pawimawh a Mizo chawhmeh ah chuan Thlai leh Hnah chi hrang kan ei thin hi fibre diet chu a ni mai Heng hmeh tam zawk turin leh kan hmeh pawha kang hmui vek lova Salad ang zawng tea naupang te ei tam tir hi a pawimawh khawp mai Ek khal kan tih fo hi a khal em em vang ni lovin Ek a hlawm tha lova ek a harsa mai a lo ni zawk thin

Tin, hostel naupang rual fa kan neih chuan PROBIOTIC hi ei tir ngei mai ila Thil tam takah a veng bawk thin a Chhang (biscuit) ah chuan Nutrichoice kan tih ang te hi Fibre tam a ni a A tha khawp mai Hostel pakhatah chuan zan ril tam hunah wai wai an sem thin a A tha lo ka tiin tih loh tawp tur ah ka ngai a ni

Chhunzawm atan…

15/09/2025

Hmanni chu zawhna ka dawng a Gastro lam ka nih leh nih loh min zawt a Mahni thiamna leh nihna te hmun leh hmuna han sawi chiam chi ah ka ngai lem lova Amaherawhchu, helama kan thiamna te leh ka nihna tlem te awm ve hi chu tarlan a ṭha in ka hre ta a ni

Kei chu General Surgeon ka ni a Super ka ni lova Surgeon ka ni tawp a Mahse, training leh thiam lam bik erawh ka nei nual a Chu thu chu ka lo tlangaupui fo tawh thin a Mizoramin Surgeon thiam kan neih hi a ṭul ka tih ve ṭhin avangin Super lam pawh ka hawi lutuk ta lo a ni

Gastrointestinal lam hrim hrim hi cancer lam emaw cancer lo lamah pawh kan khawih hnem ber a ni a Ka thesis co-guide leh specialist ka zir chhunga ka zui tam ber kha Surgical Gastro Super anih avangin thil tam tak kha ka thiam ve phah a General Surgeon in an hmuh leh thiam loh tam tak ka thiam phah ta a ni Tichuan, ka zir zawh veleh khan Diploma Minimal Access Surgery (upper gastrointestinal) ah ka zir leh a Americam College of Gastroenterology ah member te ka ni a Gastro lam hi ka damlo en leh zai 70-80% a lo ni chho a Gastro pawh telin Liver, Pancreas leh Biliary lamah hma la chhoin 2024 ah chuan Pathian kaihhruainain Mizoram-a Thin (Liver) Cancer hlawhtling taka zai hmasa ber ka lo ni ta Liver Cancer kan zai theih meuh chuan Gastro lam chi hrim hrim cancer hi chu kan lo zai thei deuh vek tawh zawk a Cancer ber kan zai theih hi chuan cancer lo pawh kan lo hre ril hle tawh thin Tata Memorial Hospital Mumbai ah te pawh kan zuk train leh bawk kha Tichuan 2025 ah chuan 80% case ka khawih hi Cancer lam a lo ni ta

Chaw kawng cancer lamah A verh (thoracoscopy) hmanga zai tam ber kan lo ni a Pumpui Cancer, Rilpui leh Ril te Cancer te, Pile Cancer, Pancreas Cancer, Thin Cancer, Mît Cancer te pawh kan zai zel a Pathian zarah hlawhtlinna hmel pawh kan hmu a ni Research lamah te kal zelin tunah hian ICMR hnuaiah project hrang hrang kan kalpui a, ZMC&H funding te leh Mizoram University (MZU) te nen te pawh research kan ti ho ta zel a ni Medical Gastro lam nen hian min hriatpawlh fo thin a Medical Gastro chuan an zai ve lo thung a ni

Heng kan han tarlan te hi in chhuana lam a ni lova Mipuiin kan hriat a tha in ka hria a Ka han sawi mai a ni e In lo dawngsawng thiam ang chu

13/09/2025

Tunlai chu IG lamah ka post deuh ber IG lamah lo Follow ve rawh aw

4,816 Followers, 256 Following, 290 Posts - See Instagram photos and videos from Dr Samuel Lalhruaizela ()

03/09/2025

Cancer Survivor Story

Kan patient hi June-a zai kha a ni a Dam takin chemo pawh lak ngai hrih lovin a rawn in check up a ni

Pancreas cancer hi cancer ah pawh a khirhkhan leh buaipuiawm tak nunna tam tak suattu a ni a A tlangpuiin mît liam angin a rawn lang chhuak thin a Pancreas (leh a bawr vel- periampullary) Cancer tam tak hi zai theih a nih laiin Stent vuahah te treatment tam tak duh tawk mai an awm thin a Zai theih a nih ngat chuan stenting hi chu mît liam tih hniamna chauh a ni a, zai ngei hi a tha zel a Pathian zarah tam tak kan lo zai a Nun pangngai tak an nei leh thin a ni Zai theih loh stenting bak tih theih loh erawh a awm theih awm e

07/08/2025

Ṭhut dan a thlak hlek avangin ka rawn post sak leh e Dr Atea Neurosurgeon a ni e

04/08/2025

Kan remchang leh ta Zin ka haw tawh e ZMC lamah chuan Wed Sat bawk