Dr Samuel Lalhruaizela - Dr Samua

07/01/2026

K*mthar manah han ti ve leh zuai ila

28/12/2025

25/12/2025

Kan Nghah Krismas chu kan lo hmang zo leh dawn ta
K*mina ka thu dawn chu “Keima Krismas” tih hi a ni a A sap tawnga ka dawn ani mah a “My Christmas” tih a ni
A mimal viau maithei a mahse mimalah ṭan a pawimawh Nau lo piang hi Keima tan a ni a Lal Isua hi Keima tan liau liaua khawvela lo kal a ni a A chhandamna pawh Keima tan a ni tih hi pawmin hre thar ṭheuh ila Kan hlawk awm mange
🙏🏻

19/12/2025

Tun k*m chhungin kan Unit bikin Cancer Surgery Major zual bik heng - Esophagus, Pancreas, Gall Bladder, Retroperitoneal, Liver Cancer, Total Gastrectomy *case 40* chuang ZMC&H lamah kan lo zai reng mai

Heng bakah hian cancer case dang dang Ril pui, ril tê, pumpui, thyroid, hnute leh a dangte kan zai bawk a Heng zai pawh hi awlsam lo tak an ni Unit dangin tam tak an zai bawk

Heng zai thei tur hian damdawi leh hmanrua tam tak leh chi tam tak kan mamawh ṭhin a Duh khawp lohna tam tak karah kan bei ve hram zel a Private lamah te zai lovin Healthcare leh Golden Card hmangin kan ti hram ṭhin

Kan hotu te pawhin heng kan mamawh chi hrang tam tak hi an hre chho ve zel a, a lawmawm khawp mai Chutih rualin medical mi mai ni lo, a zaitu team tan lo chuan hriatthiam harsa tam tak erawh a awm fo a Pathian zarah kan kal zel anga Hma kan sawn ve zel turah ngai ang

Vawiin kha Elective Surgery kan zai tawp ni a lo ni ta reng mai a Emergency leh ṭul zual bik erawh kan zai reng tho anga Cancer zai leh research lamah a bikin hma kan sawn zel turah beisei bawk ila 🙏🏻🙏🏻

09/12/2025

Certificate and Verification issued from the Royal College of Glasgow
Hard copy pawh kan dawng vat turah ngai ang

MRCPS (Glasg) hi Degree hlu tak a ni keini tan chuan Kan thiamna leh tih theih hrang hrang kan in pho lan a ngaih bakah Senior College Fellow pathumin min recommend a ngai a (mizo la awm lo ta chu a harsa khawp mai) International Recognised Degree ani a Kan thiam belh tihna aiin kan thiamsa leh kan theihna te, kan research leh publication te hi a lo UK standard ve tho a ni tihna a ni mai ang chu

Convocation turin Glasgow Scotland ah sawm nghal kan ni bawk a Nak*m k*m chawhnu lam ani dawn a Pathian zarah dam chuan kan kal ve mahna Pathian hnenah lawmthu awm rawh se

28/11/2025

Pathian khawngaihna zarah Member of Royal College of Surgeons MRCS (Glasg) UK (Scotland) Degree chu ka lo nei ve ta

He degree hi Exam leh Non-Exam Category a awm a Non Exam (Honorary) hi hnathawh that leh midang (Fellow) ten an recommend te hnenah chauh pek a ni thin a Mizo zingah hetianga Honorary MRCS pek hmasak ber ka lo ni ve a Royal College of Surgeons, Glasgow Member hmasa ber ka ni bawk

Ka lawm ve khawp mai UK ah pawh practice thei turin ka lo fit ve ta tihna a ni ber a Training te pawh a awlsam sawt dawn a ni

12/10/2025

Aizawl Chhim Prebytery vawi 47-na Tlangnuam West-a hman chuan Tlangnuam Vengthar Kohhran Upa ni turin vawiin 12 October 2025 hian min Nemnghet/Ordain a ni

24/09/2025

Cancer Survivor Story |

Hepatocellular Carcinoma (HCC) - Left Liver Cancer Thin Veilam Cancer a ni a

Investigation kan tih hnuah kan zai ta a Thin Vei Lam (Left Liver) kan paih hlawk a ngai a Thin hi zai a harsa in a risk a sang em em a Hetiang cancer hi Mizorama zai a la ni ngai lova June 2024 ah ZMC&H ah kan khawl thar Water Jet hmangin kan zai ta a

Tunah hian inzai ni atangin k*m 1 leh thla 3 a lo ni a CT scan leh thil dang test a A cancer FREE tawh a ni Hemi hnua Liver cancer kan zai te pawh Pathian zarah an tha ve

Chutih rualin, kan bungrua leh hmanrua te hi duhthu a la sam lo hle mai a Hei aia bungraw tha hi nei ila chu hma kan sawn lehzual ngeiin a rinawm

22/09/2025

NPA chungchang

Tichuan a hminga clinic te kan lo neih ve avangin NPA lak zel hi a rem lohna hriain NPA lak tawh loh kan tum ve ta a Hei hi Moral Obligation anga ngaiin kan ti ve ta rawih a ni NPA kan lak loh chuan kan hlawh erawh a kiam ve dawn a Chhungkaw eizawnna a nih ve miau avangin kan chhungkua leh fa te pawhin an tawrh ve phah lo thei lovang NPA la chunga clinic neih erawh a tha ka ti lova In sawi thiamna tur a awm lo

Chutih rualin NPA (Non Practising Allowance) hian Private Practice avanga Allowance kan dawn chauh hi a lo k**k hauh lo a lo ni a

1. MBBS leh PG kan zir hunchhung a rei a Miin BA k*m 3 an zir zawhah an tlin chuan Civil/Central Service an luh theih laiin MBBS leh Internship zawh nan meuh chuan k*m 6 vel zet a ngaih vang te a compensate nana NPA (extra allowance) hi siam a lo nih chu

2. Doctor te chu Duty Hours tak tak a awm lova Dar 9am ah damlo te kan en a Dar 4/5 pm ah rawn theih tawh miah loh Ward atang pawh rawn theih tawh loh tawp an ni lova A ṭul chuan ward fan ve te a ngai a Zan ah pawh emergency tlan reng a ngai a Inzai mi tan phei chuan darkar hian min vawng vak lem lo bawk Saturday ah OPD kan nei ziah a Sunday ah damlo kan en ngaihven a ngai bawk a (Office dang anga buai lai chauh ni lo, K*m Tluan dan a ni) Tichuan Inkhawm lai, Inneihnaa kal lai, fa te lehkha zirtir lai pawh kan tlanchhuak dawr dawr mai thin Chutianga duty dah pawimawh hmasa (nitin leh k*m tluan) kan nih avanga compensate nan he NPA hi siam a lo ni reng mai a lo nia

3. Doctor te hi Hospital ah chauh thawk kan ni a, ZMC doctor te phei chu a bik takin saw hospital ah chauh sawn thawk tur kan nih avangin Promotion chance a tlem em em a Administrative post (director, med supdt etc) te hi a tlem em em a Chutianga Promotion chance a tlem vang te chuan Allowance hi an lo siam a lo ni reng mai

NPA ka lak loh chuan :
Tichuan, heng thil te han thlir hian Zan lai leh sunday (duty hours ni lo ah) Petrol man tur tlem te pawh extra kan dawng dawn ta lova Kan zir chhung a rei ang hu a compensate na te Central sawrkar in duhsak taka a lo duan 3rd pay commision ah an lo tarlan a 6th Pay commission ah te an lo adpot zel tak chu kan la dawn ta lo a ni (Picture Insert ah hian a pawla thai a ni) Private practice (clinic) chu a hming chuan kan nei ve ngei a Dar 4 hnu lamah hian chauh hnawp tawh hnuah peih leh peih lovin, a chang chuan lu na bur chung tein kan run ve thin a ni

Dam lo kan en lahin Vawksa kg 1 man kan hlawh tawk a ni mai a Chu pawh check up anih chuan kan han free a An retheih leh kan free bawk a Ka pu ZMC a hla em mai hetah kan rawn pan che mahse ZMC ah zai kan duh a an han tia Private clinic lama tirh a hnekin Private clinic atangin ZMC ah zawk kan han tir phei ve leh a A then mittui tla chungin ka pu kan pawisa kan hmang zo vek tawha mahse kan dam thei si lova an han tia Pawisa kan han pek belh leh ta bawk a

A hna hian ken tel a ngah riau In ti lal taka motor front seat ah kan counterpart te an thut vung tawh laiin keini chu damloin min hmuak a an lungawi lovang tih hlau reng rengin Rain Coat nen Scooty in kan tlan phe lawp lawp bawk a A nuam angreng thin 😁😁

Mahse, NPA hi private practice avang chauha la kan lo ni lo tih han hriatchian chuan rilru erawh a phir a Mahse, thil dik loa kan ngaih, a dik zawk nia kan hriat a awm si chuan kan zawm mai a tha si a

Mahni chhungkua leh fate zinga doctor nei kan lo nih ngai chuan kan hrethiam lehzual awm e A seat hmuh a harsat zia te A zir a harsat zia te A zir hnua a hna a hahthlak zia te nen hriatpuitu chuan kan sawi hi a hrethiam zawk mahna

20/09/2025

Cancer Survivor Story | Chaw Kawng Cancer Chuap in char nasa avangin a zai a har em em a A verha zai kan tum kha kan zai hawn a ngai a Chuti chungin damlo fel leh patling tak a ni a Pathian zarah Zai Tawh Chemo pawh la fel tawhin vawiin ah a dula pipe vuah pawh kan phawi fel leh ta | Fighting Cancer 1 Surgery at a time 🙏

ZMC&H
Gastrointestinal & Hepato Pancreatobiliary Unit