Ayur Amritham Ayurveda Chikitsalayam

08/08/2025

മുലയൂട്ടൽ വാരാചരണത്തിന്റെ ഭാഗമായി ഡോ.അനീഷ കണ്ണമ്പുള്ളി അംഗൻവാടിയിൽ ബോധവത്കരണം നടത്തുന്നു.
Thankyou doctor

08/08/2025

മഴക്കാല രോഗം എന്നു പറഞ്ഞാൽ പനിയും മറ്റും ഓർക്കുമ്പോൾ ഈ കർക്കടകമൊക്കെ ആവുമ്പോൾ ഏത് ആഹാരകല്പനയാണ് കൂടുതലും കഴിക്കുക?അല്ലെങ്കിൽ കഴിച്ചു വന്നിരുന്നത്.
കഞ്ഞിയാണ് ലെ. കഞ്ഞികൾ പലവിധം ആയി ഉണ്ടാക്കാം വെള്ളത്തിന്റെ അളവിൽ വ്യത്യാസം വരുത്തിക്കൊണ്ട്. മണ്ഡം,പേയ, വിലേപി, യവാഗു എന്നൊക്കെ പലവിധം ഉണ്ട്. ഇവയുടെയൊക്കെ ഗുണങ്ങൾ വ്യത്യാസവുമാണ്. കഞ്ഞികളുടെ പ്രാധാന്യം നമുക്ക് മനസിലാക്കാം.
കണ്ണമ്പുള്ളി അംഗൻവാടിയിൽ വച്ചു ഒരു ഇന്ററാക്ടിവ് സെഷൻ. Thankyou ശ്യാമള ടീച്ചർ and Thankyou all for hearing and asking more for like this type of session✨

24/07/2025

കുമ്പളത്തില തോരൻ

കർക്കടകം മാസം പിറന്നാൽ പിന്നെ നമ്മുടെ കേരളത്തിൽ കേൾക്കാറുള്ളതിൽ ഒന്നാണ് പത്തിലകളെ കുറിച്ച് അല്ലെ?
വളരെ പണ്ട് ഇത് പഞ്ഞമാസം ആയതുകൊണ്ടും,കൃഷിക്ക് ഇറങ്ങാൻ സാധിക്കാത്തതുകൊണ്ടും ഭക്ഷണത്തിനായി മുമ്പ് ശേഖരിച്ചു വച്ചവയെ ആശ്രയിക്കും.
മഴക്കാലം ആയതുകൊണ്ട് തന്നെ ഇലകൾ ധാരാളം ഉണ്ടാവും അതിൽ ഭക്ഷ്യയോഗ്യവും പോഷകസമൃദ്ധവുമായ ഇലകളെ (പത്തില) ഉപയോഗിച്ചു പോന്നിരുന്നു.

ഇന്ന് നമ്മൾക്ക് എല്ലാ ഭക്ഷണവും എല്ലാ കാലവും വിപണിയിൽ കിട്ടും, പക്ഷെ ഈ ഇലകളോ??
അപ്പൊ ഇപ്പൊ പഞ്ഞം ഇതിനാവും ലെ.

അന്ന് ഇല്ലാത്ത കാലത്തു പണ്ടുള്ളവർ ചെയ്തു നമ്മൾക്ക് അത് തുടരണമോ എന്ന് ചോദിച്ചാൽ,
നമ്മുടെ പ്രകൃതിയിൽ പലതും സീസണൽ ആണ് അല്ലെ?. അതാത് കാലത്തു ലഭ്യമാകുന്നവ അതാത് കാലത്തെ തന്നെയാണ് ഉപയോഗിക്കണ്ടത്. ഇന്നൊക്കെ ഏതു കാലത്തും മാങ്ങകൾ കിട്ടും, അവയൊക്കെ രുചിയും ഉണ്ടാവും പക്ഷെ ഗുണങ്ങൾ സീസണിൽ ഉണ്ടാവുന്നയെ അപേക്ഷിച്ചു കുറവായിരിക്കും.

ഇത് കുമ്പളത്തില തോരൻ ആണ്. ഇലയ്ക്കും ആരോഗ്യ ഗുണങ്ങൾ ഉണ്ട്.
വിറ്റാമിൻ സി,ആന്റിഓക്സിഡന്റസ് ഒക്കെ അടങ്ങിയിട്ടുണ്ട്. ഫൈബർ ഉണ്ട് എന്ന് പറയേണ്ടതില്ലലോ ലെ .എന്നാൽ കലോറി അത്ര അധികവുമല്ല. ശരീരത്തിലെ ഇൻഫ്ലമേഷനെ കുറയ്ക്കുകയും ചെയ്യും.
കുമ്പളങ്ങയാവുമ്പോൾ അപ്പോൾ കഴിക്കാം ഇത് ഇല കഴിക്കാൻ പറ്റിയ കാലമാണ്. തളിരിലയിലെ രോമങ്ങൾ നന്നായി തിരുമ്മിയാൽ പോവുകയും ചെയ്യും, രുചിപ്രദവുമാണ്. ഈ കർക്കടകത്തിൽ ആഴ്ചയിൽ ഒരിക്കൽ ഇങ്ങനെ കഴിക്കാം ഇല്ലേൽ പത്തിലകളുടെ കൂട്ടത്തിൽ ഇവയെയും ചേർത്ത് കഴിക്കാം.

22/07/2025

പൂവാംകുരുന്നില മുയൽചെവിയൻ വിഷ്ണു ദുർവ
കയ്യൊനിയുഴിഞ്ഞ തിരുതാളി നിലപ്പന ച
മുക്കുറ്റിയും ചെറുവൂളാ ദശപുഷ്പനാമ......✨✨

ഔഷധഗുണമുള്ള ചെടികളെ മനസിലാക്കുക അവയെ പരിചയപ്പെടുത്തുക അതും നമ്മുടെ കേരളത്തിൽ കണ്ടുവരുന്ന വഴിയോരങ്ങളിലും വീട്ടുവളപ്പിലുമുള്ള ചെടികളെ അത് ഐഡെന്റിഫൈ ചെയ്യാനും അവയെ സംരക്ഷിക്കാനും ഒരു മനസ്സ് ഉണ്ടാക്കുക. കർക്കടക മാസം ആയ്തുകൊണ്ടുതന്നെ മഴക്കാലത്തു വളരുന്ന ഈ പത്ത് സസ്യങ്ങളെ പരിചയപ്പെടുത്തൽ ആയിരുന്നു.

ദശപുഷ്പങ്ങൾ.....

കുട്ടികൾക്ക് പറഞ്ഞുകൊടുക്കുമ്പോൾ അവർക്ക് ചെടികളെക്കുറിച്ചുള്ള കൗതുകം ഉണ്ടെന്നുള്ളത് തന്നെ വളരെ സന്തോഷമായി. ഓരോ ചെടികളെ കാണുമ്പോഴും അവർ സ്പർശനേന്ദ്രിയമാണ് ഉപയോഗിക്കുന്നത്. കണ്ടശേഷം തൊട്ടുനോക്കി മനസിലാക്കുന്നു.
ദശപുഷ്പങ്ങൾ എവിടെ വളരുമെന്നും അവയെ ഉപയോഗിക്കാവുന്ന ഒന്ന് രണ്ട് രോഗവസ്ഥയും പറഞ്ഞുകൊടുത്തുകൊണ്ട്.
The plants bring positivity to me so as these children too.
ഇങ്ങനെ ഒരു ആശയവുമായി കുതിരപ്പാറ യു.പി സ്കൂളിലെ എച്ച്. എം രാജേശ്വരി ടീച്ചറെ സമീപിച്ചപ്പോൾ വളരെ സന്തോഷത്തോടെ സ്വീകരിച്ച ടീച്ചർക്ക് നന്ദി🙏
അതുപോലെ ഇതിന് എന്റെ കൂടെ നിന്നു സഹായങ്ങൾ ചെയ്തുതന്ന ഡോ.അനീഷയ്ക്കും 🙏

17/07/2025

Conserved and cultivated
പതിയെ ബോർഡ് എഴുതി ക്ലിനിക്കിന്‌ മുൻപിൽ വച്ചപ്പോൾ തന്നെ ഇവിടെ വരുന്നവർ അവയെ തൊടിയിലുണ്ട് ഇന്നത് വരുമ്പോൾ ഉപയോഗിക്കും എന്നൊക്കെ വന്ന് പറഞ്ഞു തരുയുണ്ടായി.
കേരളീയ ആയുർവേദ ചികിത്സയിൽ ഇവയെയൊക്കെ പലയിടങ്ങളിലായി പല രോഗാവസ്ഥയിലും പറയുന്നുണ്ട്.

08/07/2025

05/07/2025

നവജാതശിശു പരിചരണം ആയുർവേദത്തിൽ എന്തൊക്കെ പറയുന്നുണ്ട് എന്ന് കൂടി അറിയാൻ ആഗ്രഹം ഉണ്ട് എന്ന് പറഞ്ഞു. അങ്ങനെ 4.7.2025 കണ്ണമ്പുള്ളി അംഗൻവാടിയിൽ CBE മീറ്റിംഗിൽ *നവജാതശിശു പരിചരണം* എന്ന വിഷയത്തിൽ ബോധവത്കരണം നടത്താൻ അവസരം കിട്ടി.✨
ഗർഭകാലം,പ്രസവശേഷമുള്ള കാലം കുട്ടിയ്ക്കുണ്ടാവുന്ന പ്രശ്നങ്ങൾ നിങ്ങൾക്ക് ഏറ്റവും ഉത്കണ്ഠ നിറഞ്ഞതാവും ലെ അതുകൊണ്ട് മഞ്ഞപ്പിത്തം കഴിഞ്ഞാൽ നിങ്ങൾ നവജാത ശിശുക്കളിൽ ആദ്യം കാണുന്ന നിങ്ങൾക്ക് സംശയം ഉള്ള പ്രശ്നങ്ങൾ എന്തൊക്കെ എന്ന ചോദ്യത്തിന് ആദ്യം തന്നെ തൊലിപ്പുറത്തെ പ്രശ്നങ്ങൾ എന്നു കേട്ടപ്പോൾ അവയിൽ പേടിക്കാനില്ലാത്ത പ്രശ്നങ്ങൾ പറഞ്ഞു കൊണ്ട് ആ ഒരു ഇന്ററാക്ടിവ് സെഷൻ തുടങ്ങി.ഒരു കുഞ്ഞിന്റെ ആരോഗ്യവും മാതാപിതാക്കളുടെ ശാരീരിക മാനിസിക ആരോഗ്യവും ബന്ധമുണ്ട്. ജനിച്ച 28 ദിവസത്തിനുള്ളിൽ കുട്ടിക്ക് മലം പോവുന്നില്ല, പ്രശ്നമാണോ? കുഞ്ഞിന്റെ മലം പച്ചയായി പോവുന്നു പ്രശ്നമാണോ കുഞ്ഞിന്റെ ഭാരം കുറയുന്നു പ്രശ്നമാണോ? കുഞ്ഞു പാൽ ആവശ്യത്തിനു കുടിക്കുന്നുണ്ടോ ? കുഞ്ഞിന്റെ കരച്ചലുകളിലെ ആശങ്ക, ഇതൊക്കെ എങ്ങനെ മനസിലാക്കാം. എപ്പോൾ ഡോക്ടറുടെയടുത്തു പോണം. ഏതൊക്കെ പേടിക്കേണ്ടതില്ല?. കുഞ്ഞിനെ 'അമ്മ ചേർത്തുകിടത്തേണ്ടത്തിന്റെ ആവശ്യം, മുലപ്പാൽ കൊടുക്കുന്നതിന്റെ ആവശ്യകത. അങ്ങനെ നിരവധി കാര്യങ്ങൾ അവർക്ക് പറഞ്ഞു കൊടുക്കുന്നതനിടയിൽ ഇടയ്ക്ക് ആയുർവേദം പറയുമ്പോഴും എന്താ ശരിയല്ലേ അമ്മേ എന്നു പറയാൻ അവിടെ പ്രായമുള്ള ഒരമ്മ കേൾക്കാൻ ഉണ്ടായിരുന്നു. ഞങ്ങൾ പണ്ടത്തെ ആൾക്കാർ ഇങ്ങനെ ആണ് ചെയ്തിരുന്നത് എന്ന അവരുടെ അനുഭവവും കേൾക്കാൻ രസമുള്ളതായിരുന്നു.
തെച്ചിയിലയിട്ടുള്ള വെള്ളംകൊണ്ടുള്ള കുളിപ്പിക്കലും,അന്യം നിന്നു പോയ,നവജാതശിശുക്കളെ ആരോഗ്യത്തോട് കൂടി ഇരിക്കാൻ സഹായിക്കുന്ന കുറച്ചു കാര്യങ്ങളും പറഞ്ഞു കൊടുത്തു കൊണ്ട്. മറ്റു സംശയങ്ങളും ദൂരികരിച്ചുകൊണ്ടു ഒരു ബോധവത്കരണ സെഷൻ.

കണ്ണമ്പുള്ളി അംഗൻവാടിയിലെ ശ്യാമള ടീച്ചർക്ക് നന്ദി എന്നെ ഇതിനായി വിളിച്ചതിനു🙏
കൂടെ കേട്ടിരുന്ന എല്ലാവർക്കും🙏

29/05/2025

To stop medicine and to start exercises, it took a while for the patient to get convinced.

20/05/2025

No fear let's be aware

11/04/2025

02/04/2025

നമ്മുടെയൊക്കെ ശരീരവും അവയിൽ നിലകൊള്ളുന്ന അവയവങ്ങളും എത്ര രസകരമായാണ് പ്രവർത്തിക്കുന്നത്. മത്സരങ്ങളോ,ഒറ്റപ്പെടുത്തലുകളോ ഇല്ലാതെ. എല്ലാം പരസ്പരം സഹകരിച്ചും മറ്റുള്ളവയുടെ പ്രവർത്തനത്താലും,മറ്റുള്ളവയെ ശരിയായി കർമ്മം ചെയ്യാൻ അനുവദിച്ചുമൊക്കെ.

അവയുടെ പ്രവർത്തനങ്ങൾക്ക് വ്യതിയാനം വരുമ്പോൾ ഓരോ ലക്ഷണങ്ങൾ ശരീരത്തിൽ കണ്ടുതുടങ്ങുന്നു,രോഗലക്ഷണങ്ങൾ. ഇതൊക്കെ നമുക്ക് അറിയാം എന്നാൽ ലക്ഷണങ്ങൾ കണ്ടുതുടങ്ങുമ്പോൾ ലക്ഷണങ്ങളെ മാത്രമായി നോക്കി കാണുന്നു. അവയ്ക്ക് പിന്നിലെ കാരണം അവിടെ എന്നെയൊന്നു ശ്രദ്ധിക്കൂ എന്നു പറഞ്ഞാൽ പോലും ഒരു മൈൻഡ് ഇല്ലാതെ, ഒരു ഡോക്ടറുടെ അഭിപ്രായമെങ്കിലും കേൾക്കൂ, എന്നെ മനസ്സിലാക്കൂ എന്നു ശരീരം പല തരത്തിൽ കാണിച്ചിട്ടും അത് ഗൗനിക്കാതെ…..

ഇക്കഴിഞ്ഞ ദിവസം ഓ പി യിലെ കുറച്ചു നിമിഷങ്ങൾ
ഡോക്ടറേ…. രക്തത്തിലെ കൊഴുപ്പ് കൂടുതൽ ആണ് അത് ഒന്ന് കുറയ്ക്കണം. 
ഞാൻ ഗ്യാസ് ട്രബിൾ വരുമ്പോൾ ഈ ഒരു ഗുളിക കഴിക്കുന്നുണ്ട്, പൈൽസ്ന്റെ പ്രശ്നം ഉണ്ടായിരുന്നു ഇപ്പൊ ബുദ്ധിമുട്ട് ഇല്ല ,എങ്കിലും ഞാൻ ഒരു പേടിയിൽ ഈ ഒരു ഗുളിക ഡെയിലി കഴിക്കുന്നുണ്ട്.

ഈ കാണിക്കുന്ന രോഗ ലക്ഷണങ്ങൾക്കു ബന്ധമുണ്ട് എന്നു ഒന്ന് മനസിലാക്കാൻ തയ്യാറാവണം.

കുറച്ചധികം മാസങ്ങളായി അവർ നടത്തിയ അവരുടെ ലിപിഡ് പ്രൊഫൈൽ ടെസ്റ്റ് നോക്കിയപ്പോൾ ക്രമാതീമായി ഉയർന്ന (70-80mm/hr) ESR എന്റെ ശ്രദ്ധയിൽ പെട്ടു.
സന്ധികൾക്കോ മറ്റോ വേദന അങ്ങനെ എന്തേലും ഉണ്ടോ?’
ഉണ്ട് കൈവിരുലുകൾ വേദനിക്കും, പണ്ട് ചിക്കൻഗുനിയ വന്നപ്പോ കണങ്കാൽ നീര് വന്നതാണ് അത് ഇപ്പോഴും ഉണ്ട്. വേദന വരുമ്പോളൊക്കെ ഞാൻ ബാം പുരട്ടും അത് മാറും.’

ഓ അപ്പൊ ഈ ബാം ആണ് പ്രശ്നക്കാരൻ അല്ലെ?😁 (ശേ ന്റെ നർമ്മം അവിടെ വിലപ്പോയില്ല.)
'അല്ല അത് പുരട്ടുമ്പോ വേദന കുറയുന്നുണ്ട്.
ഇപ്പൊ കൊളസ്ട്രോൾ ഒന്ന് കുറയ്ക്കണം.'

ലാക്ഷണിക ചികിത്സയുടെ പിന്നാലെ പോവുമ്പോൾ ലക്ഷണങ്ങൾ ഒരു പക്ഷെ കുറയും പക്ഷെ രോഗം അവിടെ അവശേഷിക്കുന്നു എന്നതാണ് വാസ്തവം.
മാസങ്ങളായി ലാബ് റിപോർട്ടിൽ കാണുന്ന ഉയർന്ന  ESR ഒരുപക്ഷേ ഒളിഞ്ഞുകിടക്കുന്ന, ഒരു ട്രിഗറിങ് ഫാക്ടറെ കാത്തുക്കിടക്കുന്ന ഓട്ടോ ഇമ്മ്യുൺ അസുഖത്തെയോ, രക്ത വാതതിന്റെയോ മറ്റുപല രോഗ സാധ്യതയെ കുറിക്കുന്ന ഒരു റെഡ് ഫ്ലാഗ് ആണ് ഇത് എന്ന് അവർ തിരിച്ചറിയുന്നില്ല.
വേദനകൾ ഡോക്ടറുടെ അടുത്ത ചെന്ന് പറയാതെ സ്വയം ചികിത്സയിൽ അങ്ങു പോവുന്നു.
ഈ ഉയർന്ന ESR കൂടെ നിങ്ങൾ ഒന്ന് കാര്യമാക്കണം അവർ അത് കാര്യമാക്കും എന്നു തോന്നുന്നില്ല. പക്ഷെ ഞാൻ വിടില്ല.

Read More on comments below.....

16/03/2025

ആയുർ അമൃതം turns 3🤩🤩✨

ഈ കുറച്ചു നാളത്തെ യാത്രയിലെ അനുഭവങ്ങൾ ഒന്ന് ഇരുന്ന് ആലോചിക്കട്ടെ കൂടെ സ്വല്പം മധുരവും ആവാം🤩
എളുപ്പമല്ല, ആയിരുന്നുമില്ല എങ്കിലും
'രാഗാദി രോഗാൻ' ചൊല്ലി അപൂർവ വൈദ്യനെ എന്നും നമിച്ചു കൊണ്ടു തുടങ്ങുന്ന ദിനങ്ങൾ.
വിശ്വാസമർപ്പിച്ചു വരുന്നവരെ ഗുണപ്പെടുത്താൻ സാധിച്ചിട്ടുണ്ട്. സാധിക്കാതെ പോയവരുമുണ്ട്.

'അവസാനം ഞാൻ ന്റെ ഡോക്ടറെ കണ്ടുമുട്ടി' എന്നു പറഞ്ഞു വളരെ സന്തോഷത്തോടെ ആരോഗ്യം നേടി ജീവിക്കുന്നവർ,
അവർ മനസിലാക്കി തന്നത് എല്ലാരേയും ഗുണപ്പെടുത്താൻ എല്ലാരെക്കൊണ്ടും സാധിക്കില്ല എന്നത് തന്നെയാണ്. അത് വലിയൊരു തിരിച്ചറിവുമായിരുന്നു. നമ്മളാൽ രോഗ വിമുക്തരാവണമെന്നു വിധിക്കപ്പെട്ടവർ എന്തായാലും നമ്മളെ തേടി എത്തിച്ചേരും എന്നതു തന്നെ.

സമ്പാദ്യം ഇത് കൂടിയുണ്ടേ......
വൈകീട്ടായാൽ ചായ കുടിക്കാൻ പോവുമ്പോൾ ഒന്ന് കയറി ചായ കുടിക്കാൻ വരുന്നുണ്ടോ ഡോക്ടറെ എന്നു വിളിക്കാനും,
കുറച്ചു നേരം വർത്താനം പറയാം എന്നും പറഞ്ഞു വരുന്നവരും
വെറുതെ എങ്കിലും വിശേഷം പറയാൻ വരുന്നവരും, വീട്ടിൽ കയറി ചെല്ലാൻ പറ്റുന്നവരുമായി...... വീട്ടിൽ സ്‌പെഷ്യൽ വച്ചാൽ കഴിക്കാൻ വിളിക്കുന്നവരും,... അസുഖങ്ങളായി വന്ന് സുഖത്തോടെ സൗഹൃദങ്ങളായി മാറിയവർ. ഈ പള്ളിമേട്ടിലെ കുറെ മനുഷ്യർ. ഇതുപോലെ എന്തേലും ഒരു അനുഭവം ദിവസവും ഉണ്ടാവും.

Grateful 🙏