14/01/2026
https://m.facebook.com/story.php?story_fbid=888422304152990&id=100089556846532
മന:ശ്രീ മിഷൻ:
എന്റെ ജീവിതത്തെ മാറ്റിവരച്ച വിപ്ലവം ✨
************************************************
ഡോ രേവതി രവികുമാർ BHMS,
MD (Psychiatry), MSc (Psy), PGDCP (Psy).
കോയമ്പത്തൂർ, തമിഴ്നാട്.
************************************************
ജീവിതത്തിൽ ചില നിമിഷങ്ങളുണ്ട്, നാം പോലുമറിയാതെ നമ്മെ അടിമുടി മാറ്റിമറിക്കുന്ന നിമിഷങ്ങൾ. എനിക്ക് 'മന:ശ്രീ മിഷൻ' (Mana:sree Mission) അത്തരമൊരു അനുഭവമായിരുന്നു.
ആദ്യം മന:ശ്രീ മിഷനെ കുറിച്ച് കേൾക്കുമ്പോൾ കേരളത്തിലെ ഒട്ടനവധി കൗൺസിലിംഗ് സെന്ററുകളിൽ ഒന്നു മാത്രമായിട്ടാണ് എനിക്കും തോന്നിയത്.
എന്നാൽ ഇന്ന്, എന്റെ പ്രൊഫഷണൽ വളർച്ചയ്ക്കും വ്യക്തിപരമായ മാറ്റങ്ങൾക്കും എൻ്റെ കുടുംബജീവിതത്തിലും പരിവർത്തനത്തിൻ്റെ നിലാവെളിച്ചം നിറച്ച വലിയൊരു വികാരമാണ് എനിക്ക് മന:ശ്രീ.
തികച്ചും ശാസ്ത്രീയമായ അടിത്തറയിൽ നിന്നുകൊണ്ട് ജീവിതത്തെ എങ്ങനെ മനോഹരമായി രൂപകൽപ്പന ചെയ്യാം എന്ന് ഞാൻ മന:ശ്രീയിൽ നിന്നാണ് പഠിച്ചത്.
മാറ്റങ്ങൾ തുടങ്ങിയത് ഇവിടെ നിന്നാണ്:
മന:ശ്രീയുടെ സ്ഥാപകൻ ഡോ. റഹീം ആപ്പാഞ്ചിറ സാറിനോടുള്ള കടപ്പാട് വാക്കുകൾക്ക് അതീതമാണ്. അദ്ദേഹത്തിന്റെ അറിവും കഠിനാധ്വാനവും ദീർഘവീക്ഷണവുമാണ് എന്നെപ്പോലെയുള്ള ഒട്ടനവധി പേർക്ക് വെളിച്ചമാകുന്നത്.
സാധാരണ ഒരു മന:ശാസ്ത്ര പഠിതാവിന്
ഇത്രയധികം ഉൾക്കാഴ്ചയും അറിവും ഉണ്ടായിരിക്കുക എന്നത് അത്ര എളുപ്പമുള്ള കാര്യമല്ല. ഈ അറിവിൻ്റെ ഔന്നത്യത്തിൽ എത്താൻ അദ്ദേഹം എത്രത്തോളം കഠിനാധ്വാനവും സമയവും ധനവും ചിലവഴിച്ചിട്ടുണ്ടിവും എന്ന് ഇത് നമ്മളെ ബോധ്യപ്പെടുത്തുന്നു.
ഗെസ്റ്റാൾട്ട് തെറാപ്പിയെ കുറിച്ചുള്ള ഡോ റഹിം സാറിൻ്റെ ആദ്യ ക്ലാസ് ഇപ്പോഴും ഞാൻ ഓർക്കുന്നു. ആ ക്ളാസ്സിലെ സാറിൻ്റെ അവതരണ രീതിയും ആത്മാർത്ഥതയും പഠിതാക്കൾക്ക് എത്രമാത്രം പ്രയോജനം ലഭിക്കണമെന്ന നിശ്ചയദാർഢ്യവും എന്നെ ശരിക്കും അത്ഭുതപ്പെടുത്തി. അതിനാലാണ് മന:ശാസ്ത്രവും മനോരോഗ ചികിത്സാ ശാസ്ത്രവും വർഷങ്ങളായി കൈകാര്യം ചെയ്യുന്ന ഞാൻ സാറിൻ്റെ സ്നേഹലോകം
എന്ന പ്രായോഗിക പരിശീലനത്തിൽ പങ്കെടുക്കാൻ തീരുമാനിച്ചത്.
'സ്നേഹലോകം' എന്ന അതിമനോഹരമായ
ഓൺലൈൻ പ്രായോഗിക പരിശീലനമാണ് ക്ഷമയെക്കുറിച്ചും, സ്നേഹത്തെക്കുറിച്ചും, സ്വബഹുമാനത്തെ കുറിച്ചും കൃതജ്ഞതയെ കുറിച്ചും നന്ദിയെ കുറിച്ചും സ്വയം സ്നേഹിക്കേണ്ടതിന്റെ പ്രാധാന്യത്തെക്കുറിച്ചും നിരവധി ജീവിത പാഠങ്ങൾ എന്നെ ആഴത്തിൽ മനസ്സിലാക്കിയത്.
2026-ലേക്ക് വ്യക്തമായ ഒരു 'വിഷൻ ബോർഡ്' തയ്യാറാക്കാൻ ആ ക്ലാസുകൾ എന്നെ സഹായിച്ചു.
ഞാൻ എൻ പി ടി ബേസിക് കോഴ്സിൽ പങ്കെടുത്തതോടെ ഇതിനെക്കുറിച്ചുള്ള എന്റെ കാഴ്ചപ്പാടുകൾ പൂർണമായും മാറി എൻറെ പ്രൊഫഷണൽ പ്രാക്ടീസ് സഹായിക്കുന്ന കൂടുതൽ സൈക്കോതെറാപ്പികൾ പഠിക്കാം എന്ന പ്രതീക്ഷയിലാണ് ഞാൻ എൻ പി ടി യിൽ ചേർന്നത് എന്നാൽ, എന്നാൽ ഞാൻ അവിടെ നിന്നും പഠിച്ചത് ആദ്യം ഞാൻ വ്യക്തിപരമായി മാറണമെന്നും അതിനുശേഷം മാത്രമേ എന്റെ പ്രൊഫഷന് പ്രാധാന്യമുള്ളൂ എന്നും എൻ പി ടി എന്നെ പഠിപ്പിച്ചു. അത് വലിയൊരു തിരിച്ചറിവായിരുന്നു.
എൻറെ പാരന്റിങ് രീതികൾ അഥവാ എൻറെ കുഞ്ഞിനെ വളർത്തുന്ന രീതി, എന്റെ വിവാഹജീവിതം, എൻറെ കുടുംബജീവിതത്തെ കുറിച്ചുള്ള സങ്കല്പങ്ങൾ, എൻറെ സാമൂഹ്യ ചിന്തകൾ എന്നിവക്കെല്ലാം ഒരു പുനർനിർമാണം ആവശ്യമാണെന്ന് എൻ പി ടി എന്നെ പഠിപ്പിച്ചു അത് അക്ഷരാർത്ഥത്തിൽ എൻറെ ചിന്തകളെ മാറ്റിമറിച്ചു.
അതിനാലാണ് എൻപിടിയുടെ ഏഴു ദിവസത്തെ അഡ്വാൻസ്ഡ് പ്രോഗ്രാമിൽ ഞാൻ പങ്കെടുത്തത് ആ പരിപാടിയിൽ പങ്കെടുക്കുവാൻ പോകുമ്പോൾ തന്നെ എനിക്ക് എന്നെക്കുറിച്ച് വളരെ വ്യക്തമായ കാഴ്ചപ്പാട് ഉണ്ടായിരുന്നു. എനിക്ക് എന്നെ തന്നെ ഒന്ന് നവീകരിച്ച് എടുക്കണം എന്നതായിരുന്നു ആ ചിന്ത അത് പൂർണമായും നടപ്പാക്കി എടുക്കാൻ എൻറെ ജീവിതത്തിൽ വളരെ പോസിറ്റീവായി ഞാൻ വിചാരിച്ച രീതിയിൽ അപ്പുറം എൻറെ ജീവിതത്തെ സന്തോഷപരിതമാക്കുവാൻ എനിക്ക് കഴിഞ്ഞു.
എൻ പി ടി എൻറെ ദാമ്പത്യ ജീവിതത്തിലും കുടുംബജീവിതത്തിലും അടിമുടി മാറ്റം കൊണ്ടുവന്നു എൻ പി ടിക്ക് വന്ന ഞാനായിരുന്നില്ല തിരിച്ചുപോകുന്നത് .
അത്രകണ്ട് മാറ്റം എന്നിൽ സൃഷ്ടിക്കപ്പെട്ടിരുന്നു.
എൻ പി ടി യിലെ ന്യൂറോബിക് വ്യായാമങ്ങൾ എൻറെ ശരീരത്തിലും മനസ്സിനും കൂടുതൽ കരുത്ത് സമ്മാനിച്ചു അതിനാലാണ് ഈ പ്രോഗ്രാമിനെ "മികച്ച ആരോഗ്യജീവിതത്തിനുള്ള ഒരു വഴി"
എന്ന് ഞാൻ വിശേഷിപ്പിക്കുന്നത്.
പഠിച്ച കാര്യങ്ങളെ ജീവിതത്തിലേക്ക് പകർത്താൻ ന്യൂറോബിക് വ്യായാമങ്ങൾ വലിയ പിന്തുണ നൽകി. അത് പറഞ്ഞു മനസ്സിലാക്കുക എളുപ്പമുള്ള കാര്യമല്ല. അതെല്ലാം അനുഭവിച്ചറിയുക തന്നെ വേണം.
ഇതൊരു വെറും കോഴ്സല്ല, മറിച്ച്
"A Way of Better Living" - മികച്ചൊരു ജീവിതത്തിലേക്കുള്ള വഴിത്താരയാണ്. മാറ്റങ്ങൾ ഉൾക്കൊള്ളാൻ തയ്യാറാണെങ്കിൽ, ഓരോ മനുഷ്യന്റെയും ഉള്ളിൽ വലിയൊരു വിപ്ലവം സൃഷ്ടിക്കാൻ മന:ശ്രീക്കും ഡോ റഹിം ആപ്പാഞ്ചിറയ്ക്കും നിശ്ചയമായും സാധിക്കും എന്നത് എൻ്റെ അനുഭവമാണ്.
സ്വയം അവബോധം, വ്യക്തി പരമായ ഉത്തരവാദിത്തം, വൈകാരികമായ ശാന്തി, പാരൻറിംഗ് ബോധോദയം, ആത്മീയമായ ഉൾക്കാഴ്ചകൾ, കുടുംബ ബന്ധങ്ങൾ, ധാർമ്മികത, മൂല്യബോധങ്ങൾ, അദ്ധ്യാപനം, പ്രൊഫഷണൽ വളർച്ച മുതൽ മനുഷ്യൻറെ ആത്മീയമായ വളർച്ച വരെ ജീവിതത്തിന്റെ സകല മേഖലകളിലും വെളിച്ചം വീശാൻ ഈ പ്രസ്ഥാനത്തിന് കഴിയുന്നുണ്ട്. ഡോ. റഹീം സാറിന്റെ മാർഗനിർദ്ദേശത്തിലും, ഡയറക്ടർ ഡോ. രഹ്നാഗ്രസ്സിന്റെ നേതൃത്വത്തിലും ഈ സംഘടന ഇനിയും ഒരുപാട് വളരട്ടെ. ഈ നന്മ ലോകം മുഴുവൻ പടരട്ടെ. ഈ പ്രസ്ഥാനം മാനവരാശിക്ക് നിശ്ചയമായും ഗുണം ചെയ്യും.
ഹൃദയം നിറഞ്ഞ നന്ദി! ❤️
- ഡോ. രേവതി രവികുമാർ BHMS,
MD (Psychiatry), MSc (Psychology),
PGDCP (Psy)
# # #
താഴെ ചിത്രം: മന:ശ്രീ സ്നേഹലോകം ഓപ്പൺ സ്കൂൾ ഉദ്ഘാടനം തൃശ്ശൂർ ഈസ്റ്റ് ഫോർട്ടിൽ കാത്തലിക് പാസ്റ്ററൽ സെൻ്ററിൽ വച്ച് ഡോ രേവതി രവികുമാർ ഉദ്ഘാടനം ചെയ്യുന്നു.
